Евангелие от Марка, 1

 
  • Зачáло евáнгелiа Иисýса Христá, Сы́на Бóжiя,
  • я́коже éсть пи́сано во прорóцѣхъ: сé, áзъ посылáю áнгела мо­егó предъ лицéмъ тво­и́мъ, и́же уготóвитъ пýть твóй предъ тобóю.
  • Глáсъ вопiю́щаго въ пусты́ни: уготóвайте пýть Госпóдень, прáвы твори́те стези́ егó.
  • Бы́сть Иоáн­нъ крестя́й въ пусты́ни и проповѣ́дая крещéнiе покая́нiя во от­пущéнiе грѣхóвъ.
  • И исхождá­ше къ немý вся́ Иудéйская странá и Иерусали́мляне: и крещáхуся вси́ во Иордáнѣ рѣцѣ́ от­ негó, исповѣ́да­ю­ще грѣхи́ своя́.
  • Бѣ́ же Иоáн­нъ оболчéнъ власы́ велблýжди, и пóясъ усмéнъ о чреслѣ́хъ егó, и яды́й акри́ды и мéдъ ди́вiй.
  • И проповѣ́даше, глагóля: грядéтъ крѣ́плiй менé вслѣ́дъ менé, емýже нѣ́смь достóинъ преклóнься разрѣши́ти ремéнь сапóгъ егó:
  • áзъ ýбо крести́хъ вы́ водóю: тóй же крести́тъ вы́ Дýхомъ святы́мъ.
  • [Зач. 2.] И бы́сть во óнѣхъ днéхъ, прiи́де Иисýсъ от­ назарéта Галилéйскаго и крести́ся от­ Иоáн­на во Иордáнѣ.
  • И áбiе восходя́ от­ воды́, ви́дѣ разводя́щася небесá и Дýха я́ко гóлубя, сходя́ща нáнь.
  • И глáсъ бы́сть съ небесé: ты́ еси́ Сы́нъ мóй воз­лю́блен­ный, о нéмже благоволи́хъ.
  • И áбiе Дýхъ изведé егó въ пусты́ню.
  • И бѣ́ тý въ пусты́ни днíй четы́редесять, искушáемь сатанóю, и бѣ́ со звѣрьми́: и áнгели служáху емý.
  • По предáнiи же Иоáн­новѣ, прiи́де Иисýсъ въ Галилéю, проповѣ́дая евáнгелiе цáр­ст­вiя Бóжiя
  • и глагóля, я́ко испóлнися врéмя и при­­бли́жися цáр­ст­вiе Бóжiе: покáйтеся и вѣ́руйте во евáнгелiе.
  • [Зач. 3.] Ходя́ же при­­ мóри Галилéйстѣмъ, ви́дѣ Си́мона и Андрéа брáта [тогó] Си́мона, вметáюща мрéжи въ мóре: бѣ́ста бо ры́баря.
  • И речé и́ма Иисýсъ: прiиди́та вслѣ́дъ менé, и сотворю́ вáсъ бы́ти ловцá человѣ́комъ.
  • И áбiе остáвльша мрéжи своя́, по нéмъ идóста.
  • И прешéдъ мáло от­тýду, узрѣ́ Иáкова зеведéова и Иоáн­на брáта егó, и тá въ корабли́ стрóяща мрéжа:
  • и áбiе воз­звá я́. И остáвльша отцá сво­егó зеведéа въ корабли́ съ наéмники, по нéмъ идóста.
  • И внидóша въ капернаýмъ: и áбiе въ суббóты в­шéдъ въ сóнмище, учá­ше.
  • И дивля́хуся о учéнiи егó: бѣ́ бо учя́ и́хъ я́ко влáсть имы́й, и не я́ко кни́жницы.
  • [Зач. 4.] И бѣ́ въ сóнмищи и́хъ человѣ́къ въ дýсѣ нечи́сте, и воз­звá,
  • глагóля: остáви, чтó нáмъ и тебѣ́, Иисýсе назаряни́не? при­­шéлъ еси́ погуби́ти нáсъ: вѣ́мъ тя́, ктó еси́, святы́й Бóжiй.
  • И запрети́ емý Иисýсъ, глагóля: умолчи́ и изы́ди изъ негó.
  • И стрясé егó дýхъ нечи́стый, и возопи́ глáсомъ вели́кимъ, и изы́де изъ негó.
  • И ужасóшася вси́, я́коже стязáтися и́мъ къ себѣ́, глагóлющымъ: чтó éсть сié? [и] чтó учéнiе нóвое сié, я́ко по о́бласти и духовóмъ нечи́стымъ вели́тъ, и послýшаютъ егó?
  • Изы́де же слýхъ егó áбiе во всю́ странý Галилéйску.
  • [Зач. 5.] И áбiе изъ сóнмища изшéдше, прiидóша въ дóмъ Си́моновъ и Андрéовъ, со Иáковомъ и Иоáн­номъ.
  • Тéща же Си́монова лежá­ше огнéмъ жегóма: и áбiе глагóлаша емý о нéй.
  • И при­­стýпль воз­дви́же ю́, éмь за рýку ея́: и остáви ю́ óгнь áбiе, и служá­ше и́мъ.
  • Пóздѣ же бы́в­шу, егдá захождá­ше сóлнце, при­­ношáху къ немý вся́ недýжныя и бѣсны́я.
  • И бѣ́ вéсь грáдъ собрáл­ся къ двéремъ.
  • И исцѣли́ мнóги злѣ́ стрáждущыя разли́чными недýги: и бѣ́сы мнóги изгнá, и не оставля́ше глагóлати бѣ́сы, я́ко вѣ́дяху егó Христá сýща.
  • [Зач. 6.] И ýтро, нóщи сýщей зѣлó, востáвъ изы́де, и и́де въ пýсто мѣ́сто, и тý моли́тву дѣ́яше.
  • И гнáша егó Си́монъ и и́же съ ни́мъ:
  • и обрѣ́тше егó, глагóлаша емý, я́ко вси́ тебé и́щутъ.
  • И глагóла и́мъ: и́демъ въ бли́жнiя вéси и грáды, да и тáмо проповѣ́мъ: на сié бо изыдóхъ.
  • И бѣ́ проповѣ́дая на сóнмищихъ и́хъ, во всéй Галилéи, и бѣ́сы изгоня́.
  • И прiи́де къ немý прокажéнъ, моля́ егó и на колѣ́ну при­­падáя предъ ни́мъ, и глагóля емý, я́ко, áще хóщеши, мóжеши мя́ очи́стити.
  • Иисýсъ же милосéрдовавъ, простéръ рýку, коснýся егó, и глагóла емý: хощý, очи́стися.
  • И рéкшу емý, áбiе от­и́де от­ негó прокажéнiе, и чи́стъ бы́сть.
  • И запрéщь емý, áбiе изгнá егó:
  • и глагóла емý: блюди́, никомýже ничесóже рцы́: но шéдъ покажи́ся иерéеви и при­­неси́ за очищéнiе твоé, я́же повелѣ́ Моисéй, во свидѣ́тел­ст­во и́мъ.
  • О́нъ же изшéдъ начáтъ проповѣ́дати мнóго и проноси́ти слóво, я́коже ктомý не мощи́ емý я́вѣ во грáдъ вни́ти: но внѣ́ въ пусты́хъ мѣ́стѣхъ бѣ́. И при­­хождáху къ немý от­всю́ду.
  • Начало Евангелия Иисуса Христа, Сына Божия,
  • как написано у пророков: вот, Я посылаю Ангела Моего пред лицем Твоим, который приготовит путь Твой пред Тобою.
  • Глас вопиющего в пустыне: приготовьте путь Господу, прямыми сделайте стези Ему.
  • Явился Иоанн, крестя в пустыне и проповедуя крещение покаяния для прощения грехов.
  • И выходили к нему вся страна Иудейская и Иерусалимляне, и крестились от него все в реке Иордане, исповедуя грехи свои.
  • Иоанн же носил одежду из верблюжьего волоса и пояс кожаный на чреслах своих, и ел акриды и дикий мед.
  • И проповедовал, говоря: идет за мною Сильнейший меня, у Которого я недостоин, наклонившись, развязать ремень обуви Его;
  • я крестил вас водою, а Он будет крестить вас Духом Святым.
  • И было в те дни, пришел Иисус из Назарета Галилейского и крестился от Иоанна в Иордане.
  • И когда выходил из воды, тотчас увидел Иоанн разверзающиеся небеса и Духа, как голубя, сходящего на Него.
  • И глас был с небес: Ты Сын Мой возлюбленный, в Котором Мое благоволение.
  • Немедленно после того Дух ведет Его в пустыню.
  • И был Он там в пустыне сорок дней, искушаемый сатаною, и был со зверями; и Ангелы служили Ему.
  • После же того, как предан был Иоанн, пришел Иисус в Галилею, проповедуя Евангелие Царствия Божия
  • и говоря, что исполнилось время и приблизилось Царствие Божие: покайтесь и веруйте в Евангелие.
  • Проходя же близ моря Галилейского, увидел Симона и Андрея, брата его, закидывающих сети в море, ибо они были рыболовы.
  • И сказал им Иисус: идите за Мною, и Я сделаю, что вы будете ловцами человеков.
  • И они тотчас, оставив свои сети, последовали за Ним.
  • И, пройдя оттуда немного, Он увидел Иакова Зеведеева и Иоанна, брата его, также в лодке починивающих сети;
  • и тотчас призвал их. И они, оставив отца своего Зеведея в лодке с работниками, последовали за Ним.
  • И приходят в Капернаум; и вскоре в субботу вошел Он в синагогу и учил.
  • И дивились Его учению, ибо Он учил их, как власть имеющий, а не как книжники.
  • В синагоге их был человек, одержимый духом нечистым, и вскричал:
  • оставь! что Тебе до нас, Иисус Назарянин? Ты пришел погубить нас! знаю Тебя, кто Ты, Святый Божий.
  • Но Иисус запретил ему, говоря: замолчи и выйди из него.
  • Тогда дух нечистый, сотрясши его и вскричав громким голосом, вышел из него.
  • И все ужаснулись, так что друг друга спрашивали: что это? что это за новое учение, что Он и духам нечистым повелевает со властью, и они повинуются Ему?
  • И скоро разошлась о Нем молва по всей окрестности в Галилее.
  • Выйдя вскоре из синагоги, пришли в дом Симона и Андрея, с Иаковом и Иоанном.
  • Теща же Симонова лежала в горячке; и тотчас говорят Ему о ней.
  • Подойдя, Он поднял ее, взяв ее за руку; и горячка тотчас оставила ее, и она стала служить им.
  • При наступлении же вечера, когда заходило солнце, приносили к Нему всех больных и бесноватых.
  • И весь город собрался к дверям.
  • И Он исцелил многих, страдавших различными болезнями; изгнал многих бесов, и не позволял бесам говорить, что они знают, что Он Христос.
  • А утром, встав весьма рано, вышел и удалился в пустынное место, и там молился.
  • Симон и бывшие с ним пошли за Ним
  • и, найдя Его, говорят Ему: все ищут Тебя.
  • Он говорит им: пойдем в ближние селения и города, чтобы Мне и там проповедовать, ибо Я для того пришел.
  • И Он проповедовал в синагогах их по всей Галилее и изгонял бесов.
  • Приходит к Нему прокаженный и, умоляя Его и падая пред Ним на колени, говорит Ему: если хочешь, можешь меня очистить.
  • Иисус, умилосердившись над ним, простер руку, коснулся его и сказал ему: хочу, очистись.
  • После сего слова проказа тотчас сошла с него, и он стал чист.
  • И, посмотрев на него строго, тотчас отослал его
  • и сказал ему: смотри, никому ничего не говори, но пойди, покажись священнику и принеси за очищение твое, что повелел Моисей, во свидетельство им.
  • А он, выйдя, начал провозглашать и рассказывать о происшедшем, так что Иисус не мог уже явно войти в город, но находился вне, в местах пустынных. И приходили к Нему отовсюду.
Rambler's Top100 Рейтинг@Mail.ru Мобильная версия сайта