Ве́тхий Заве́т:
Быт.
Исх.
Лев.
Чис.
Втор.
Нав.
Суд.
Руф.
1Цар.
2Цар.
3Цар.
4Цар.
1Пар.
2Пар.
1Езд.
Неем.
2Езд.
Тов.
Иудиф.
Есф.
Иов.
Пс.
Прит.
Еккл.
Песн.
Прем.
Сир.
Ис.
Иер.
Плч.
ПослИер.
Вар.
Иез.
Дан.
Ос.
Иоил.
Ам.
Авд.
Ион.
Мих.
Наум.
Авв.
Соф.
Аг.
Зах.
Мал.
1Мак.
2Мак.
3Мак.
3Езд.
Но́вый Заве́т: Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.
Но́вый Заве́т: Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.
Скрыть
9:2
9:3
9:4
9:5
9:6
9:7
9:8
9:9
9:10
9:11
9:12
9:13
9:14
9:15
9:16
9:17
9:18
9:19
9:20
9:21
9:22
9:23
9:24
9:25
9:26
9:27
9:28
9:29
9:30
9:31
9:32
9:33
9:34
9:35
9:36
9:37
9:39
9:40
9:41
9:42
9:43
9:44
9:45
9:46
9:47
9:48
9:49
9:50
9:51
9:52
9:53
9:54
9:55
Церковнославянский (рус)
И воста́въ Е́здра от притво́ра хра́ма, и́де въ сосудохрани́лницу Иоана́на сы́на Елiаси́вова,
и водвори́вся та́мо не вкуша́ше хлѣ́ба, ниже́ воды́ пiя́ше, рыда́я о беззако́нiихъ вели́кихъ наро́да.
И бы́сть проповѣ́данiе во все́й Иуде́и и Иерусали́мѣ всѣ́мъ, и́же бя́ху от плѣне́нiя, е́же собра́тися во Иерусали́мъ:
и ели́цы не прiи́дутъ въ два́ или́ три́ дни́, по суду́ предсѣдя́щихъ старѣ́йшинъ во́змется имѣ́нiе и́хъ, и то́й чу́ждь бу́детъ от мно́жества бы́вшаго въ плѣне́нiи.
И собра́шася вси́, и́же бя́ху от колѣ́на Иу́дина и Венiами́нова, въ три́ дни́ во Иерусали́мъ, се́й ме́сяцъ девя́тый, въ двадеся́тый де́нь ме́сяца,
и сѣдо́ша все́ мно́жество на простра́нствiи церко́внѣмъ, дрожа́ще ра́ди зимы́ настоя́щiя.
И воста́въ Е́здра рече́ и́мъ: вы́ беззако́нно сотвори́ли есте́, и поя́сте себѣ́ жены́ иноплеме́нничи, да приложите́ грѣхи́ ко Изра́илю:
и ны́нѣ дади́те исповѣ́данiе и сла́ву Го́споду Бо́гу оте́цъ на́шихъ
и сотвори́те во́лю его́, и отлучи́теся от язы́къ земны́хъ и от же́нъ иноплеме́нныхъ.
И возопи́ все́ мно́жество и реко́ша гла́сомъ вели́кимъ: та́ко, я́коже ре́клъ еси́, сотвори́мъ:
но мно́жество вели́ко е́сть, и вре́мя зи́мно, и не мо́жемъ стоя́ти безъ покро́ва, а дѣ́ло нѣ́сть на́мъ еди́наго дне́, ни дву́, мно́го бо въ си́хъ согрѣши́хомъ:
да предста́нутъ же и предводи́телiе наро́да, и вси́, и́же съ на́ми обита́ютъ, ели́цы имѣ́ютъ же́нъ иноплеме́нныхъ, да прiи́дутъ обрѣ́тше вре́мя,
и от вся́каго мѣ́ста старѣ́йшины и судiи́, до́ндеже разрѣши́тся гнѣ́въ Госпо́день от на́съ, дѣ́ла сего́.
Ионаѳа́съ сы́нъ азаи́левъ и езекі́а Ѳокану́евъ сы́нъ прiя́ста по сему́, и месулла́мъ и Леви́съ и Савваті́й вку́пѣ содѣ́йствоваша и́ма:
и сотвори́ша по всему́ сему́ бы́вшiи от плѣне́нiя.
И избра́ себѣ́ Е́здра свяще́нникъ му́жы нача́лники оте́чествъ и́хъ всѣ́хъ по и́мени, и сѣдо́ша вку́пѣ въ новоме́сячiи деся́таго ме́сяца испыта́ти дѣ́ло то́.
И приведе́но бы́сть ко оконча́нiю о муже́хъ, и́же имя́ху жены́ иноплеме́нничи, да́же до новоме́сячiя пе́рваго ме́сяца.
И обрѣто́шася от иере́евъ собра́вшiися иму́ще же́нъ иноплеме́нничихъ:
от сыно́въ Иису́са сы́на Иоседе́кова и бра́тiи его́ маѳи́ла и Елеаза́ръ, и Иори́въ и Иоада́нъ,
и возложи́ша ру́ки, да изго́нятъ жены́ своя́, и во умилостивле́нiе овны́ за невѣ́дѣнiе свое́:
и от сыно́въ Емми́ровыхъ Анані́а и завде́й, и Иани́нъ и Самі́а, и Иереи́лъ и Азарі́а,
и от сыно́въ Фесу́ровыхъ Елiона́съ, Масі́а, Исма́илъ и Наѳанаи́лъ, и Окиди́лъ и Сало́а:
и от Леви́тъ Иозава́дъ и Семе́й, и Ко́лiй [се́й е́сть калита́] и Фаѳе́й, и Иу́да и Ио́на:
от священнопѣвце́въ Елiаксу́ръ, Вакху́ръ:
от две́рникъ Саллу́мъ и Толва́нъ:
от Изра́иля, от сыно́въ Форо́совыхъ Иерма́, Иедді́а и Мелхі́а, и Маи́лъ и Елеаза́ръ, и Асиві́а и Ваане́а,
от сыно́въ Ила́евыхъ Матѳані́а, Заха́рiа и Иереи́лъ, и Иеримо́ѳъ и Аиді́а,
и от сыно́въ Замо́ѳовыхъ Елiада́, Елиси́мъ, Оѳоні́а, Иаримо́ѳъ, Сава́тъ и Сарде́й,
и от сыно́въ Вива́евыхъ Иоа́ннъ и Анані́а, и Иозава́дъ и Емаѳі́й,
от сыно́въ Мані́евыхъ Ола́мъ, маму́хъ, Иедде́й, Иасу́въ и Иасаи́лъ и Иеримо́ѳъ,
и от сыно́въ Адді́евыхъ Нааѳі́й и Моосі́а, Лаку́нъ и Наи́дъ, и Матѳані́а и Сесѳи́лъ, и Валну́й и Манассі́а,
и от сыно́въ Ана́нихъ Елiона́ и Иасе́й, и Мелхі́а и Савве́й и Си́монъ хосаме́й,
и от сыно́въ Асо́мовыхъ Алтане́й и Матѳі́й, и Ване́а и Елифала́тъ, и Манассі́а и Семе́й,
и от сыно́въ Ваані́иныхъ Иеремі́а, Момді́й, Исмаи́ръ, Иуи́лъ, Мавда́й и Педiа́ и Ано́съ, Равасiо́нъ и Иенаси́въ и Мамнитанаи́мъ, Елiасі́й, вану́й, Елiалі́й, Самі́й, Селемі́а, Наѳані́а, и от сыно́въ Озора́евыхъ Сесі́й, Езри́лъ, Азаи́лъ, Сама́тъ, Замврі́й, Ио́сифъ,
и от сыно́въ е́ѳмы Мазиті́а, завадаі́а, идаі́й, иуи́лъ, ване́а:
вси́ сі́и поя́ша себѣ́ жены́ иноплеме́нничи и отпусти́ша и́хъ со ча́ды.
И всели́шася свяще́нницы и леви́ти, и и́же [бя́ху] от Изра́иля во Иерусали́мѣ и во странѣ́, въ новоме́сячiи седма́го ме́сяца, и сы́нове Изра́илевы во оби́телехъ свои́хъ.
И собра́ся все́ мно́жество единоду́шно на простра́нство, е́же ко восто́ку вра́тъ свяще́нныхъ,
и реко́ша е́здрѣ архiере́ю и чтецу́, да принесе́тъ зако́нъ Моисе́овъ, пре́данный от Го́спода Бо́га Изра́илева.
И принесе́ Е́здра архiере́й зако́нъ всему́ мно́жеству, от му́жа да́же до жены́, и всѣ́мъ свяще́нникомъ слы́шати зако́нъ въ новоме́сячiи седма́го ме́сяца,
и чтя́ше на простра́нствѣ, е́же предъ свяще́нными враты́ церко́вными, от у́тра да́же до полу́дне предъ мужми́ же и жена́ми: и да́ша все́ мно́жество чу́вства въ зако́нъ.
И ста́ Е́здра свяще́нникъ и чте́цъ зако́на на древя́нѣмъ Амво́нѣ, и́же содѣ́ланъ бы́сть:
и ста́ша при не́мъ Маттаѳі́а, Саму́й, Анані́а, Азарі́а, Урі́а, Езекі́а, Валаса́мъ одесну́ю,
ошу́юю же Фалде́й и Мисаи́лъ, Мелхі́а, Аоѳасу́въ, Наварі́а, Заха́рiа.
И взе́мъ Е́здра кни́гу зако́на предъ всѣ́мъ мно́жествомъ, предсѣдя́ше бо во сла́вѣ предъ всѣ́ми,
и егда́ толкова́ше зако́нъ, вси́ пря́мо стоя́ху. И благослови́ Е́здра Го́спода Бо́га вы́шняго, Бо́га Савао́ѳа Вседержи́теля.
И возгласи́ ве́сь наро́дъ: ами́нь. И воздви́гше горѣ́ ру́ки и припа́дше на зе́млю, поклони́шася Го́споду.
Иису́съ и Ану́й, и сараві́а и Иади́нъ и Иаку́въ, Саваті́а, Авте́й, Меане́й и Калита́, Азарі́а и Иоза́вдъ, и Анані́а и Вiата́, леви́ти, уча́ху зако́ну Госпо́дню и ко мно́жеству чтя́ху зако́нъ Госпо́день, внуша́юще ку́пно чте́нiе.
И рече́ атѳара́тъ е́здрѣ архiере́ю и чтецу́, и леви́томъ, и́же уча́ху мно́жество, глаго́ля:
де́нь се́й свя́тъ е́сть Го́споду, и вси́ пла́каху, егда́ слы́шаху зако́нъ. [И рече́ Е́здра:]
ше́дше у́бо яди́те ту́чная и пі́йте сла́дкая и посли́те неиму́щымъ:
свя́тъ бо де́нь Госпо́день, и не скорби́те, Госпо́дь бо просла́витъ ва́съ.
И леви́ти повелѣ́ша всему́ со́нму, глаго́люще: де́нь се́й свя́тъ Го́сподеви, не скорби́те.
И идо́ша вси́ я́сти и пи́ти и весели́тися и да́ти неиму́щымъ, да ра́дуются [зѣло́] мно́го:
еще́ бо содержа́ша словеса́, и́мже научи́шася, и собра́шася.
