Скрыть

Е́здры 3-я, Глава 15

Толкования
15:1
15:2
15:3
15:4
15:5
15:6
15:7
15:8
15:9
15:10
15:11
15:12
15:13
15:14
15:15
15:16
15:17
15:18
15:19
15:20
15:21
15:22
15:23
15:24
15:25
15:26
15:27
15:28
15:29
15:30
15:31
15:32
15:33
15:34
15:35
15:36
15:37
15:38
15:39
15:40
15:41
15:42
15:43
15:44
15:45
15:46
15:47
15:48
15:49
15:50
15:51
15:52
15:53
15:54
15:55
15:56
15:57
15:58
15:59
15:60
15:61
15:62
15:63
Церковнославянский (рус)
Се́, глаго́ли во у́шы лю́демъ мо­и́мъ словеса́ проро́че­ст­ва, я́же да́мъ во уста́ твоя́, глаго́летъ Госпо́дь:
и сотвори́, да на Хартiи́ напи́шут­ся, я́ко вѣ́рна и и́стин­на су́ть:
не бо́йся от­ помышле́нiй на тя́, ниже́ да смутя́тъ тя́ невѣ́рности глаго́лющихъ,
поне́же вся́къ невѣ́рный въ невѣ́рiи сво­е́мъ у́мретъ.
Се́, а́зъ наведу́ [рече́ Госпо́дь] на кру́гъ земны́й зла́я, ме́чь и гла́дъ, и сме́рть и погубле́нiе,
поне́же оскверни́ беззако́нiе всю́ зе́млю, и напо́лнена су́ть дѣла́ и́хъ вре́дная.
Сего́ ра́ди рече́ Госпо́дь:
уже́ не умолчу́ о нече́стiихъ и́хъ, я́же беззако́н­но содѣ́ловаютъ, ни потерплю́ и́мъ, я́же злѣ́ творя́тъ: се́, кро́вь непови́н­ная и пра́ведная вопiе́тъ ко мнѣ́, и ду́ши пра́ведныхъ вопiю́тъ безпреста́н­но:
от­мща́я от­мщу́ и́мъ, рече́ Госпо́дь, и воспрiиму́ вся́ку кро́вь непови́н­ную от­ тѣ́хъ ко мнѣ́.
Се́, лю́дiе мо­и́ я́ко стада́ къ заколе́нiю веду́т­ся, уже́ не потерплю́ того́, е́же обита́ти и́мъ въ земли́ Еги́петстѣй,
но изведу́ я́ руко́ю си́льною и мы́шцею высо́кою, и поражу́ [Еги́петъ] ка́знiю я́коже пре́жде, и растлю́ всю́ зе́млю его́:
воспла́чет­ся Еги́петъ, и основа́нiя его́ ка́знiю избие́на бу́дутъ и наказа́нiемъ, я́же наведе́тъ ему́ Бо́гъ:
воспла́чутъ дѣ́лателе дѣ́ла­ю­щiи зе́млю, я́ко оскудѣ́ютъ сѣ́мена и́хъ от­ ржи́ и гра́да и от­ звѣзды́ стра́шныя.
Го́ре вѣ́ку, и и́же обита́ютъ въ не́мъ:
поне́же при­­бли́жися ме́чь и сокруше́нiе и́хъ, и воста́нетъ язы́къ на язы́къ къ бра́ни, и ме́чь въ рука́хъ и́хъ.
Бу́детъ бо непостоя́нiе человѣ́комъ, и ині́и ины́хъ одолѣва́ющiи воз­нерадя́тъ о цари́ сво­е́мъ, и нача́лницы путі́й о дѣ́лѣхъ сво­и́хъ въ могу́т­ст­вѣ сво­е́мъ.
Восхо́щетъ бо человѣ́къ во гра́дъ ити́ и не воз­мо́жетъ:
горды́ни бо и́хъ ра́ди гра́ди смяту́т­ся, до́мы сокруша́т­ся, человѣ́цы убоя́т­ся.
Не умилосе́рдит­ся человѣ́къ ко и́скрен­нему сво­ему́, на разоре́нiе домо́въ и́хъ во ору́жiе, на расхище́нiе имѣ́нiй и́хъ, гла́да ра́ди хлѣ́бнаго и оскорбле́нiя мно́га.
Се́, а́зъ созыва́ю, рече́ Госпо́дь, вся́ цари́ зе́мскiя, е́же мене́ боя́тися, и́же су́ть от­ восто́ка и ю́га, от­ сѣ́вера и Лива́на, ко обраще́нiю къ себѣ́, и воз­да́ти, я́же воз­да́ша тѣ́мъ:
я́коже творя́тъ да́же до дне́сь избра́н­нымъ мо­и́мъ, та́ко сотворю́ и воз­да́мъ въ нѣ́дра и́хъ. Сiя́ глаго́летъ Госпо́дь Бо́гъ:
не пощади́тъ десни́ца моя́ грѣ́шниковъ, и не преста́нетъ ме́чь на пролива́ющихъ кро́вь непови́н­ную на земли́:
изы́де о́гнь от­ гнѣ́ва его́, и пожре́ основа́нiя земли́, и грѣ́шники я́ко хвра́стiе зажже́но.
Го́ре си́мъ, и́же согрѣша́ютъ и не содержа́тъ за́повѣдiй мо­и́хъ, рече́ Госпо́дь,
не прошу́ и́мъ: от­иди́те, сы́нове, от­ вла́сти, не оскверня́йте святы́ни мо­ея́.
Я́ко вѣ́сть Госпо́дь всѣ́хъ, и́же согрѣша́ютъ ему́, сего́ ра́ди предаде́ и́хъ въ сме́рть и въ заколе́нiе.
Уже́ бо прiидо́ша на кру́гъ земны́й зла́я, и пребу́дете въ ни́хъ, не изба́витъ бо ва́съ Бо́гъ, поне́же согрѣши́сте предъ ни́мъ.
Се́, видѣ́нiе гро́зное, и лице́ его́ от­ восто́ка:
и изы́дутъ рожде́нiя змие́въ Ара́вскихъ на колесни́цахъ мно́гихъ: я́коже дыха́нiе [вѣ́тровъ] число́ и́хъ понесе́т­ся по земли́, я́ко уже́ убоя́т­ся и вострепе́щутъ вси́, и́же и́хъ услы́шатъ:
кармо́няне неи́стов­ст­ву­ю­щiи во гнѣ́вѣ изы́дутъ я́ко ве́при от­ дубра́вы и прiи́дутъ въ си́лѣ вели́цѣй, и ста́нутъ на бра́нь съ ни́ми и опустоша́тъ ча́сть земли́ Ассирі́йскiя:
и по си́хъ превоз­мо́гутъ змі́еве по́мнящiи рожде́нiе свое́ и обратя́т­ся согласу́юще въ си́лѣ вели́цѣй на постиза́нiе и́хъ:
сі́и смутя́т­ся, и умолча́тъ въ си́лѣ и́хъ, и обратя́тъ но́зѣ сво­и́ на бѣжа́нiе:
и от­ о́бласти Ассирі́йскiя обстоя́тель обста́нетъ и́хъ и сконча́етъ еди́наго от­ ни́хъ, и бу́детъ боя́знь и стра́хъ въ полцѣ́ и́хъ, и рве́нiе на цари́ и́хъ.
Се́, о́блацы от­ восто́ка и сѣ́вера да́же до полу́дне, и лице́ и́хъ гро́зно зѣло́, испо́лнено гнѣ́ва и бу́ри:
и сразя́т­ся между́ собо́ю и сразя́тъ звѣзду́ мно́гу на земли́ и звѣзду́ и́хъ: и бу́детъ кро́вь от­ меча́ да́же до утро́бы,
и гно́й человѣ́ческiй да́же до сѣдла́ велблю́ждя, и бу́детъ боя́знь и стра́хъ мно́гъ на земли́,
и устраша́т­ся, и́же у́зрятъ гнѣ́въ се́й, и тре́петъ прiи́метъ и́хъ:
и по се́мъ воз­дви́гнут­ся бу́ри мно́ги от­ полу́дне и сѣ́вера, и ча́сть и́на от­ за́пада,
и премо́гутъ вѣ́три от­ восто́ка, и отворя́тъ его́, и о́блакъ, его́же воз­дви́же во гнѣ́вѣ, и звѣзда́ на сотворе́нiе стра́ха от­ восто́чна вѣ́тра и за́падна повреди́т­ся:
и воз­дви́гнут­ся о́блацы ве́лiи и зѣ́лнiи, по́лни гнѣ́ва, и звѣзда́, да устраша́тъ всю́ зе́млю и обита́ющихъ на не́й, и воз­лiю́тъ на вся́ко мѣ́сто высо́ко и воз­несе́ное звѣзду́ стра́шную,
о́гнь и гра́дъ, и мечы́ лета́ющыя и во́ды мно́ги, я́ко да напо́лнят­ся вся́ поля́ и вси́ исто́чницы исполне́нiемъ во́дъ мно́гихъ:
и сокруша́тъ гра́ды и стѣ́ны, и го́ры и хо́лмы, [и удо́лiя] и древа́ дубра́вная, и сѣ́на лу́жная и жи́та и́хъ,
и про́йдутъ непоколе́блеми до Вавило́на и сокруша́тъ его́:
соберу́т­ся къ нему́, и обы́дутъ его́, и излiю́тъ звѣзду́ и всю́ я́рость на́нь: и взы́детъ пра́хъ и ды́мъ да́же до небесе́, и вси́, и́же о́крестъ, воз­рыда́ютъ о не́мъ,
и и́же подъ ни́мъ оста́нутъ, послу́жатъ тѣ́мъ, и́же устраши́ша и́хъ.
И ты́, Асі́е, согла́сна во упова́нiе Вавило́на, и сла́ва лица́ его́:
го́ре тебѣ́ бѣ́днѣй! поне́же уподо́билася еси́ ему́ и украси́ла еси́ дще́ри твоя́ въ любо­дѣя́нiи, ко угожде́нiю и прославле́нiю въ любо­́вныхъ тво­и́хъ, и́же съ тобо́ю похотѣ́ша всегда́ блуди́ти:
ненави́дѣн­ному подража́ла еси́ во всѣ́хъ дѣ́лѣхъ его́ и въ начина́нiихъ его́.
Сего́ ра́ди, рече́ Госпо́дь, послю́ на тя́ зла́я, вдов­ст­во́, убо́же­с­т­во и гла́дъ, и ме́чь и губи́тел­ст­во на разоре́нiе домо́въ тво­и́хъ от­ наси́лiя и сме́рти,
и сла́ва си́лы тво­ея́ я́коже цвѣ́тъ и́зсхнетъ, егда́ воста́нетъ зно́й, и́же по́сланъ е́сть на тя́:
изнемо́жеши я́коже убо́жайшая я́звена и нака́зана от­ же́нъ, я́ко не воз­мо́гутъ тебе́ прiя́ти си́льнiи и любо́вницы.
Еда́ а́зъ та́ко воз­ревну́ю тебѣ́, рече́ Госпо́дь,
а́ще бы не закла́ла еси́ избра́н­ныхъ мо­и́хъ во вся́ко вре́мя, воз­выша́ющи на пораже́нiе ру́цѣ и глаго́лющи на сме́рть и́хъ, егда́ упива́лася еси́?
украси́ лѣ́поту лица́ тво­его́:
мзда́ блуже́нiя тво­его́ въ нѣ́дрѣхъ тво­и́хъ, сего́ ра́ди воз­дая́нiе прiи́меши.
Я́коже сотвори́ши избра́н­нымъ мо­и́мъ, рече́ Госпо́дь, та́ко сотвори́тъ тебѣ́ Бо́гъ и преда́стъ тя́ во зла́я:
и ча́да твоя́ гла́домъ поги́бнутъ, ты́ же мече́мъ паде́ши, и гра́ди тво­и́ сокруша́т­ся, и вси́ тво­и́ въ по́ли ору́жiемъ паду́тъ:
и и́же су́ть въ гора́хъ, гла́домъ поги́бнутъ и я́сти бу́дутъ мяса́ своя́ от­ гла́да хлѣ́ба и кро́вь пи́ти от­ жа́жды воды́:
неблагополу́чна чрезъ моря́ прiи́деши и па́ки прiи́меши зла́я,
и въ прехожде́нiи поразя́тъ гра́дъ избiе́н­ный, и искореня́тъ нѣ́кую ча́сть земли́ тво­ея́, и ча́сть сла́вы тво­ея́ истребя́тъ, па́ки воз­враща́ющеся къ Вавило́ну превраще́н­ному:
и разоре́на бу́деши и́мъ я́ко хвра́стiе, и ті́и бу́дутъ тебѣ́ а́ки о́гнь,
и пожру́тъ тя́ и гра́ды твоя́, зе́млю твою́ и го́ры твоя́, и вся́ дубра́вы твоя́ и древеса́ плодоно́сная огне́мъ пожгу́тъ,
сы́ны твоя́ въ плѣне́нiе поведу́тъ, и да́ни твоя́ въ коры́сть во́змутъ, и сла́ву лица́ тво­его́ истребя́тъ.
Синодальный
Говори вслух народа Моего слова пророчества, которые вложу Я в уста твои, говорит Господь;
и сделай, чтобы они написаны были на хартии, потому что они верны и истинны.
Не бойся, что будут замышлять против тебя, и да не смущает тебя неверие тех, которые будут говорить против тебя,
ибо всякий неверующий в неверии своем умрет.
Вот, Я наведу, говорит Господь, на круг земной бедствия: меч и голод, и смерть и пагубу
за то, что нечестие людей осквернило всю землю, и пагубные дела их переполнились.
Посему говорит Господь:
Я уже не буду молчать о беззакониях, которые совершают они нечестиво, и не буду терпеть в них того, что они делают преступно: вот, кровь неповинная и праведная вопиет ко Мне, и души праведных вопиют непрестанно.
Отмщу им, говорит Господь, и возьму от них к Себе всякую кровь неповинную.
Вот, народ Мой ведется как стадо на заклание; не потерплю более, чтобы он жил в Египте,
но выведу его рукою сильною и мышцею высокою, и поражу Египет казнью, как прежде, и погублю всю землю его.
Восплачет Египет и основания его, пораженные казнью и мщением, которое наведет на него Бог.
Восплачут земледельцы, возделывающие землю, потому что оскудеют у них семена от ржавчины и от града и от страшной звезды.
Горе веку и тем, которые живут в нем,
ибо приблизился меч и истребление их, и восстанет народ на народ для войны, и мечи в руках их.
Люди сделаются непостоянными и, одни других одолевая, вознерадят о царе своем, и начальники – о ходе дел своих в пределах своей власти.
Пожелает человек идти в город, и не возможет,
ибо, по причине их гордости, города возмутятся, домы будут разорены, на людей нападет страх.
Не сжалится человек над ближним своим, предавая домы их на разорение оружием, расхищая имущество их по причине голода и многих бед.
Вот, Я созываю, говорит Бог, всех царей земли, от востока и юга, от севера и Ливана, чтобы благоговели предо Мною и обратились к себе самим, и чтобы воздать им, что они делали тем.
Как поступают они даже доселе с избранными Моими, так поступлю с ними и воздам в недро их, говорит Господь Бог.
Не пощадит десница Моя грешников, и меч не перестанет поражать проливающих на землю неповинную кровь.
Исшел огонь из гнева Его и истребил основания земли и грешников, как зажженную солому.
Горе грешникам и не соблюдающим заповедей Моих! говорит Господь.
Не пощажу их. Удалитесь, сыновья отступников, не оскверняйте святыни Моей.
Господь знает всех, которые грешат против Него; потому предал их на смерть и на убиение.
На круг земной пришли уже бедствия, и вы пребудете в них. Бог не избавит вас, потому что вы согрешили против Него.
Вот, видение грозное, и лице его от востока.
Выступят порождения драконов Аравийских на многих колесницах и с быстротою ветра понесутся по земле, так что наведут страх и трепет на всех, которые услышат о них.
Выйдут, как вепри из леса, Кармоняне, неистовствующие в ярости, и придут в великой силе, вступят в борьбу с ними и опустошат часть земли Ассирийской.
Потом драконы, помнящие происхождение свое, одержат верх и, обладая великою силою, обратятся преследовать тех.
Те смутятся, умолкнут перед силою их и обратят ноги свои в бегство.
Но находящийся в засаде со стороны Ассириян окружит их и умертвит одного из них; в войске их произойдет страх и трепет и ропот на царей их.
Вот, облака от востока и от севера до юга, и вид их весьма грозен, исполнен свирепости и бури.
Они столкнутся между собою, и свергнут много звезд на землю и звезду их; и будет кровь от меча до чрева,
и помет человеческий – до седла верблюда; страх и трепет великий будет на земле.
Ужаснутся все, которые увидят эту свирепость, и вострепещут.
После того много раз будут подниматься бури от юга и севера и частью от запада,
и ветры сильные поднимутся от востока и откроют его и облако, которое Я подвигнул во гневе; а звезда, назначенная для устрашения при восточном и западном ветре, повредится.
И поднимутся облака, великие и сильные, полные свирепости, и звезда, чтобы устрашить всю землю и жителей ее; и прольют на всякое место, высокое и возвышенное, страшную звезду,
огонь и град, мечи летающие и многие воды, чтобы наполнить все поля и все источники множеством вод.
И затопят город, и стены, и горы, и холмы, и дерева в лесах, и траву в лугах, и хлебные растения их;
и пройдут безостановочно до Вавилона и сокрушат его;
соберутся к нему и окружат его; прольют звезду и ярость на него. И поднимется пыль и дым до самого неба, и все кругом будут оплакивать его,
а те, которые останутся подвластными ему, будут служить тем, которые навели страх.
И ты, Асия, соучастница в надежде Вавилона и в славе его:
горе тебе, бедная, за то, что уподоблялась ему и украшала дочерей твоих в блудодеянии, чтобы они нравились и славились у любовников твоих, которые желали всегда блудодействовать с тобою.
Ты подражала ненавистному во всех делах и предприятиях его.
За то, говорит Бог, пошлю на тебя бедствия: вдовство, нищету, и голод, и меч, и язву, чтобы опустошить домы твои насилием и смертью.
И слава могущества твоего засохнет, как цвет, когда настанет зной, посланный на тебя.
Ты изнеможешь, как нищая, избитая и израненная женщинами, чтобы люди знатные и любовники не могли принимать тебя.
Стал ли бы Я так ненавидеть тебя, говорит Господь,
если бы ты не убивала избранных Моих во всякое время, поднимая руки на поражение их и глумясь над смертью их, когда ты была в опьянении?
Украшай твое лице.
Мзда блудодеяния твоего в недре твоем; за то и получишь ты воздаяние.
Как поступала ты с избранными Моими, говорит Господь, так с тобою поступит Бог, и подвергнет тебя бедствиям.
Дети твои погибнут от голода, ты падешь от меча, города твои будут разрушены, и все твои падут в поле от меча.
А которые на горах, те погибнут от голода, и будут есть плоть свою по недостатку хлеба и пить кровь по недостатку воды.
В несчастии пойдешь по морям, – и там встретишь беды.
Во время переходов твоих они бросятся на опустошенный город, и истребят часть земли твоей, и часть славы твоей уничтожат.
Разоренная, ты послужишь для них соломою, а они для тебя будут огнем;
и истребят тебя, и города твои, землю твою, горы твои, все леса твои и дерева плодоносные сожгут огнем.
Сыновей твоих уведут в плен, имущество твое захватят в добычу, и славу твою истребят.
Таджикский
В данном переводе выбранная книга отсутствует
Сѐ, глаго́ли во ᲂу҆́шы лю́демъ мои̑мъ словеса̀ прⷪ҇ро́чества, ꙗ҆̀же да́мъ во ᲂу҆ста̀ твоѧ̑, гл҃етъ гдⷭ҇ь:
и҆ сотворѝ, да на хартїѝ напи́шꙋтсѧ, ꙗ҆́кѡ вѣ̑рна и҆ и҆́стинна сꙋ́ть:
не бо́йсѧ ѿ помышле́нїй на тѧ̀, нижѐ да смꙋтѧ́тъ тѧ̀ невѣ́рнѡсти глаго́лющихъ,
поне́же всѧ́къ невѣ́рный въ невѣ́рїи свое́мъ ᲂу҆́мретъ.
Сѐ, а҆́зъ наведꙋ̀ (речѐ гдⷭ҇ь) на крꙋ́гъ земны́й ѕла̑ѧ, ме́чь и҆ гла́дъ, и҆ сме́рть и҆ погꙋбле́нїе,
поне́же ѡ҆сквернѝ беззако́нїе всю̀ зе́млю, и҆ напо́лнєна сꙋ́ть дѣла̀ и҆́хъ врє́днаѧ.
Сегѡ̀ ра́ди речѐ гдⷭ҇ь:
ᲂу҆жѐ не ᲂу҆молчꙋ̀ ѡ҆ нече́стїихъ и҆́хъ, ꙗ҆̀же беззако́ннѡ содѣ́ловаютъ, ни потерплю̀ и҆̀мъ, ꙗ҆̀же ѕлѣ̀ творѧ́тъ: сѐ, кро́вь непови́ннаѧ и҆ пра́веднаѧ вопїе́тъ ко мнѣ̀, и҆ дꙋ́ши првⷣныхъ вопїю́тъ безпреста́ннѡ:
ѿмща́ѧ ѿмщꙋ̀ и҆̀мъ, речѐ гдⷭ҇ь, и҆ воспрїимꙋ̀ всѧ́кꙋ кро́вь непови́ннꙋю ѿ тѣ́хъ ко мнѣ̀.
Сѐ, лю́дїе моѝ ꙗ҆́кѡ стада̀ къ заколе́нїю ведꙋ́тсѧ, ᲂу҆жѐ не потерплю̀ тогѡ̀, є҆́же ѡ҆бита́ти и҆̀мъ въ землѝ є҆гѵ́петстѣй,
но и҆зведꙋ̀ ѧ҆̀ рꙋко́ю си́льною и҆ мы́шцею высо́кою, и҆ поражꙋ̀ (є҆гѵ́петъ) ка́знїю ꙗ҆́коже пре́жде, и҆ растлю̀ всю̀ зе́млю є҆гѡ̀:
воспла́четсѧ є҆гѵ́петъ, и҆ ѡ҆снова̑нїѧ є҆гѡ̀ ка́знїю и҆збїє́на бꙋ́дꙋтъ и҆ наказа́нїемъ, ꙗ҆̀же наведе́тъ є҆мꙋ̀ бг҃ъ:
воспла́чꙋтъ дѣ́лателє дѣ́лающїи зе́млю, ꙗ҆́кѡ ѡ҆скꙋдѣ́ютъ сѣ́мена и҆́хъ ѿ ржѝ и҆ гра́да и҆ ѿ ѕвѣзды̀ стра́шныѧ.
Го́ре вѣ́кꙋ, и҆ и҆̀же ѡ҆бита́ютъ въ не́мъ:
поне́же прибли́жисѧ ме́чь и҆ сокрꙋше́нїе и҆́хъ, и҆ воста́нетъ ꙗ҆зы́къ на ꙗ҆зы́къ къ бра́ни, и҆ ме́чь въ рꙋка́хъ и҆́хъ.
Бꙋ́детъ бо непостоѧ́нїе человѣ́кѡмъ, и҆ и҆ні́и и҆ны́хъ ѡ҆долѣва́ющїи вознерадѧ́тъ ѡ҆ царѝ свое́мъ, и҆ нача̑льницы пꙋті́й ѡ҆ дѣ́лѣхъ свои́хъ въ могꙋ́тствѣ свое́мъ.
Восхо́щетъ бо человѣ́къ во гра́дъ и҆тѝ и҆ не возмо́жетъ:
горды́ни бо и҆́хъ ра́ди гра́ди смѧтꙋ́тсѧ, до́мы сокрꙋша́тсѧ, человѣ́цы ᲂу҆боѧ́тсѧ.
Не ᲂу҆милосе́рдитсѧ человѣ́къ ко и҆́скреннемꙋ своемꙋ̀, на разоре́нїе домѡ́въ и҆́хъ во ѻ҆рꙋ́жїе, на расхище́нїе и҆мѣ́нїй и҆́хъ, гла́да ра́ди хлѣ́бнагѡ и҆ ѡ҆скорбле́нїѧ мно́га.
Сѐ, а҆́зъ созыва́ю, речѐ гдⷭ҇ь, всѧ̑ цари̑ зє́мскїѧ, є҆́же менє̀ боѧ́тисѧ, и҆̀же сꙋ́ть ѿ восто́ка и҆ ю҆́га, ѿ сѣ́вера и҆ лїва́на, ко ѡ҆браще́нїю къ себѣ̀, и҆ возда́ти, ꙗ҆̀же возда́ша тѣ̑мъ:
ꙗ҆́коже творѧ́тъ да́же до дне́сь и҆збра̑ннымъ мои̑мъ, та́кѡ сотворю̀ и҆ возда́мъ въ нѣ̑дра и҆́хъ. Сїѧ̑ гл҃етъ гдⷭ҇ь бг҃ъ:
не пощади́тъ десни́ца моѧ̀ грѣ́шникѡвъ, и҆ не преста́нетъ ме́чь на пролива́ющихъ кро́вь непови́ннꙋю на землѝ:
и҆зы́де ѻ҆́гнь ѿ гнѣ́ва є҆гѡ̀, и҆ пожрѐ ѡ҆снова̑нїѧ землѝ, и҆ грѣ́шники ꙗ҆́кѡ хвра́стїе зажже́но.
Го́ре си̑мъ, и҆̀же согрѣша́ютъ и҆ не содержа́тъ за́повѣдїй мои́хъ, речѐ гдⷭ҇ь,
не прошꙋ̀ и҆̀мъ: ѿиди́те, сы́нове, ѿ вла́сти, не ѡ҆сквернѧ́йте ст҃ы́ни моеѧ̀.
Ꙗ҆́кѡ вѣ́сть гдⷭ҇ь всѣ́хъ, и҆̀же согрѣша́ютъ є҆мꙋ̀, сегѡ̀ ра́ди предадѐ и҆̀хъ въ сме́рть и҆ въ заколе́нїе.
Оу҆же́ бо прїидо́ша на крꙋ́гъ земны́й ѕла̑ѧ, и҆ пребꙋ́дете въ ни́хъ, не и҆зба́витъ бо ва́съ бг҃ъ, поне́же согрѣши́сте пред̾ ни́мъ.
Сѐ, видѣ́нїе гро́зное, и҆ лицѐ є҆гѡ̀ ѿ восто́ка:
и҆ и҆зы́дꙋтъ рождє́нїѧ ѕмїє́въ а҆ра́вскихъ на колесни́цахъ мно́гихъ: ꙗ҆́коже дыха́нїе (вѣ́трѡвъ) число̀ и҆́хъ понесе́тсѧ по землѝ, ꙗ҆́кѡ ᲂу҆жѐ ᲂу҆боѧ́тсѧ и҆ вострепе́щꙋтъ всѝ, и҆̀же и҆́хъ ᲂу҆слы́шатъ:
кармѡ́нѧне неи́стовствꙋющїи во гнѣ́вѣ и҆зы́дꙋтъ ꙗ҆́кѡ вє́при ѿ дꙋбра́вы и҆ прїи́дꙋтъ въ си́лѣ вели́цѣй, и҆ ста́нꙋтъ на бра́нь съ ни́ми и҆ ѡ҆пꙋстоша́тъ ча́сть землѝ а҆ссѷрі́йскїѧ:
и҆ по си́хъ превозмо́гꙋтъ ѕмі́еве по́мнѧщїи рожде́нїе своѐ и҆ ѡ҆братѧ́тсѧ согласꙋ́юще въ си́лѣ вели́цѣй на постиза́нїе и҆́хъ:
сі́и смꙋтѧ́тсѧ, и҆ ᲂу҆молча́тъ въ си́лѣ и҆́хъ, и҆ ѡ҆братѧ́тъ но́зѣ своѝ на бѣжа́нїе:
и҆ ѿ ѡ҆́бласти а҆ссѷрі́йскїѧ ѡ҆бстоѧ́тель ѡ҆бста́нетъ и҆̀хъ и҆ сконча́етъ є҆ди́наго ѿ ни́хъ, и҆ бꙋ́детъ боѧ́знь и҆ стра́хъ въ полцѣ̀ и҆́хъ, и҆ рве́нїе на цари̑ и҆́хъ.
Сѐ, ѡ҆́блацы ѿ восто́ка и҆ сѣ́вера да́же до полꙋ́дне, и҆ лицѐ и҆́хъ гро́зно ѕѣлѡ̀, и҆спо́лнено гнѣ́ва и҆ бꙋ́ри:
и҆ сразѧ́тсѧ междꙋ̀ собо́ю и҆ сразѧ́тъ ѕвѣздꙋ̀ мно́гꙋ на землѝ и҆ ѕвѣздꙋ̀ и҆́хъ: и҆ бꙋ́детъ кро́вь ѿ меча̀ да́же до ᲂу҆тро́бы,
и҆ гно́й человѣ́ческїй да́же до сѣдла̀ вельблю́ждѧ, и҆ бꙋ́детъ боѧ́знь и҆ стра́хъ мно́гъ на землѝ,
и҆ ᲂу҆страша́тсѧ, и҆̀же ᲂу҆́зрѧтъ гнѣ́въ се́й, и҆ тре́петъ прїи́метъ и҆̀хъ:
и҆ по се́мъ воздви́гнꙋтсѧ бꙋ̑ри мнѡ́ги ѿ полꙋ́дне и҆ сѣ́вера, и҆ ча́сть и҆́на ѿ за́пада,
и҆ премо́гꙋтъ вѣ́три ѿ восто́ка, и҆ ѡ҆творѧ́тъ є҆го̀, и҆ ѡ҆́блакъ, є҆го́же воздви́же во гнѣ́вѣ, и҆ ѕвѣзда̀ на сотворе́нїе стра́ха ѿ восто́чна вѣ́тра и҆ за́падна повреди́тсѧ:
и҆ воздви́гнꙋтсѧ ѡ҆́блацы ве́лїи и҆ ѕѣ́льнїи, по́лни гнѣ́ва, и҆ ѕвѣзда̀, да ᲂу҆страша́тъ всю̀ зе́млю и҆ ѡ҆бита́ющихъ на не́й, и҆ возлїю́тъ на всѧ́ко мѣ́сто высо́ко и҆ вознесе́ное ѕвѣздꙋ̀ стра́шнꙋю,
ѻ҆́гнь и҆ гра́дъ, и҆ мечы̀ лета́ющыѧ и҆ во́ды мнѡ́ги, ꙗ҆́кѡ да напо́лнѧтсѧ всѧ̑ полѧ̀ и҆ всѝ и҆сто́чницы и҆сполне́нїемъ во́дъ мно́гихъ:
и҆ сокрꙋша́тъ гра́ды и҆ стѣ́ны, и҆ го́ры и҆ хо́лмы, (и҆ ᲂу҆дѡ́лїѧ) и҆ древа̀ дꙋбра̑внаѧ, и҆ сѣ̑на лꙋ̑жнаѧ и҆ жи̑та и҆́хъ,
и҆ про́йдꙋтъ непоколе́блеми до вавѷлѡ́на и҆ сокрꙋша́тъ є҆го̀:
соберꙋ́тсѧ къ немꙋ̀, и҆ ѡ҆бы́дꙋтъ є҆го̀, и҆ и҆злїю́тъ ѕвѣздꙋ̀ и҆ всю̀ ꙗ҆́рость на́нь: и҆ взы́детъ пра́хъ и҆ ды́мъ да́же до небесѐ, и҆ всѝ, и҆̀же ѡ҆́крестъ, возрыда́ютъ ѡ҆ не́мъ,
и҆ и҆̀же под̾ ни́мъ ѡ҆ста́нꙋтъ, послꙋ́жатъ тѣ̑мъ, и҆̀же ᲂу҆страши́ша и҆̀хъ.
И҆ ты̀, а҆сі́е, согла́сна во ᲂу҆пова́нїе вавѷлѡ́на, и҆ сла́ва лица̀ є҆гѡ̀:
го́ре тебѣ̀ бѣ́днѣй! поне́же ᲂу҆подо́биласѧ є҆сѝ є҆мꙋ̀ и҆ ᲂу҆краси́ла є҆сѝ дщє́ри твоѧ̑ въ любодѣѧ́нїи, ко ᲂу҆гожде́нїю и҆ прославле́нїю въ любо́вныхъ твои́хъ, и҆̀же съ тобо́ю похотѣ́ша всегда̀ блꙋди́ти:
ненави́дѣнномꙋ подража́ла є҆сѝ во всѣ́хъ дѣ́лѣхъ є҆гѡ̀ и҆ въ начина́нїихъ є҆гѡ̀.
Сегѡ̀ ра́ди, речѐ гдⷭ҇ь, послю̀ на тѧ̀ ѕла̑ѧ, вдовство̀, ᲂу҆бо́жество и҆ гла́дъ, и҆ ме́чь и҆ гꙋби́тельство на разоре́нїе домѡ́въ твои́хъ ѿ наси́лїѧ и҆ сме́рти,
и҆ сла́ва си́лы твоеѧ̀ ꙗ҆́коже цвѣ́тъ и҆́зсхнетъ, є҆гда̀ воста́нетъ зно́й, и҆́же по́сланъ є҆́сть на тѧ̀:
и҆знемо́жеши ꙗ҆́коже ᲂу҆бо́жайшаѧ ꙗ҆́звена и҆ нака́зана ѿ же́нъ, ꙗ҆́кѡ не возмо́гꙋтъ тебѐ прїѧ́ти си́льнїи и҆ любѡ́вницы.
Є҆да̀ а҆́зъ та́кѡ возревнꙋ́ю тебѣ̀, речѐ гдⷭ҇ь,
а҆́ще бы не закла́ла є҆сѝ и҆збра́нныхъ мои́хъ во всѧ́ко вре́мѧ, возвыша́ющи на пораже́нїе рꙋ́цѣ и҆ глаго́лющи на сме́рть и҆́хъ, є҆гда̀ ᲂу҆пива́ласѧ є҆сѝ;
ᲂу҆красѝ лѣ́потꙋ лица̀ твоегѡ̀:
мзда̀ блꙋже́нїѧ твоегѡ̀ въ нѣ́дрѣхъ твои́хъ, сегѡ̀ ра́ди воздаѧ́нїе прїи́меши.
Ꙗ҆́коже сотвори́ши и҆збра̑ннымъ мои̑мъ, речѐ гдⷭ҇ь, та́кѡ сотвори́тъ тебѣ̀ бг҃ъ и҆ преда́стъ тѧ̀ во ѕла̑ѧ:
и҆ ча̑да твоѧ̑ гла́домъ поги́бнꙋтъ, ты́ же мече́мъ паде́ши, и҆ гра́ди твоѝ сокрꙋша́тсѧ, и҆ всѝ твоѝ въ по́ли ѻ҆рꙋ́жїемъ падꙋ́тъ:
и҆ и҆̀же сꙋ́ть въ гора́хъ, гла́домъ поги́бнꙋтъ и҆ ꙗ҆́сти бꙋ́дꙋтъ мѧса̀ своѧ̑ ѿ гла́да хлѣ́ба и҆ кро́вь пи́ти ѿ жа́жды воды̀:
неблагополꙋ́чна чрез̾ морѧ̀ прїи́деши и҆ па́ки прїи́меши ѕла̑ѧ,
и҆ въ прехожде́нїи поразѧ́тъ гра́дъ и҆збїе́нный, и҆ и҆скоренѧ́тъ нѣ́кꙋю ча́сть землѝ твоеѧ̀, и҆ ча́сть сла́вы твоеѧ̀ и҆стребѧ́тъ, па́ки возвраща́ющесѧ къ вавѷлѡ́нꙋ превраще́нномꙋ:
и҆ разоре́на бꙋ́деши и҆̀мъ ꙗ҆́кѡ хвра́стїе, и҆ ті́и бꙋ́дꙋтъ тебѣ̀ а҆́ки ѻ҆́гнь,
и҆ пожрꙋ́тъ тѧ̀ и҆ гра́ды твоѧ̑, зе́млю твою̀ и҆ го́ры твоѧ̑, и҆ всѧ̑ дꙋбра̑вы твоѧ̑ и҆ древеса̀ плодонѡ́снаѧ ѻ҆гне́мъ пожгꙋ́тъ,
сы́ны твоѧ̑ въ плѣне́нїе поведꙋ́тъ, и҆ да̑ни твоѧ̑ въ коры́сть во́змꙋтъ, и҆ сла́вꙋ лица̀ твоегѡ̀ и҆стребѧ́тъ.
Толкования стиха Скопировать ссылку Скопировать текст Добавить в избранное
Библ. энциклопедия Библейский словарь Словарь библ. образов Практическая симфония
Цитата из Библии каждое утро
TG: t.me/azbible
Viber: vb.me/azbible