Маккаве́йская 3-я, Глава 4

πάν­τῃ δέ ὅπου προ­σέπιπτεν τοῦτο τὸ προ­́σταγμα δημοτελὴς συνίστατο τοῖς ἔθνεσιν εὐωχία μετὰ ἀλαλαγμῶν καὶ χαρᾶς ὡς ἂν τῆς προ­κατεσκιρωμένης αὐτοῖς πάλαι κατα­̀ δια­́νοιαν μετὰ παρρησίας νῦν ἐκφαινομένης ἀπεχθείας

τοῖς δὲ Ιουδαίοις ἄληκτον πένθος ἦν καὶ πανόδυρτος μετὰ δακρύων βοὴ στεναγμοῖς πεπυρωμένης πάν­τοθεν αὐτῶν τῆς καρδίας ὀλοφυρομένων τὴν ἀπρο­σδόκητον ἐξαίφνης αὐτοῖς ἐπι­κριθεῖσαν ὀλεθρίαν

τίς νομὸς ἢ πόλις ἢ τίς τὸ σύνολον οἰκητὸς τόπος ἢ τίνες ἀγυιαὶ κοπετοῦ καὶ γόων ἐπ᾿ αὐτοῖς οὐκ ἐνεπιπλῶν­το

οὕτως γὰρ μετὰ πικρίας ἀνοίκτου ψυχῆς ὑπὸ τῶν κατα­̀ πόλιν στρατηγῶν ὁμοθυμαδὸν ἐξαπεστέλλον­το ὥστε ἐπι­̀ ταῖς ἐξάλλοις τιμωρίαις καί τινας τῶν ἐχθρῶν λαμβάνον­τας προ­̀ τῶν ὀφθαλμῶν τὸν κοινὸν ἔλεον καὶ λογιζο­μέ­νους τὴν ἄδηλον τοῦ βίου κατα­στροφὴν δακρύειν αὐτῶν τὴν δυσάθλιον ἐξαποστολήν

ἤγετο γὰρ γεραιῶν πλῆ­θος πολιᾷ πεπυκασμένων τὴν ἐκ τοῦ γήρως νωθρότητα ποδῶν ἐπι­́κυφον ἀνατροπῆς ὁρμῇ βιαίας ἁπάσης αἰδοῦς ἄνευ προ­̀ς ὀξεῖαν κατα­χρωμένων πορείαν

αἱ δὲ ἄρτι προ­̀ς βίου κοινωνίαν γαμικὸν ὑπεληλυθυῖαι παστὸν νεάνιδες ἀν­τὶ τέρψεως μεταλαβοῦσαι γόους καὶ κόνει τὴν μυροβρεχῆ πεφυρμέναι κόμην ἀκαλύπτως δὲ ἀγόμεναι θρῆνον ἀνθ᾿ ὑμεναίων ὁμοθυμαδὸν ἐξῆρχον ὡς ἐσπαρα­γμέναι σκυλμοῖς ἀλλοεθνέσιν ⁷δέσμιαι δὲ δημοσίᾳ μέχρι τῆς εἰς τὸ πλοῖον ἐμβολῆς εἵλκον­το μετὰ βίας

⁸οἵ τε τούτων συν­ζυγεῖς βρόχοις ἀν­τὶ στεφέων τοὺς αὐχένας περιπεπλεγ­μέ­νοι μετὰ ἀκμαίας νεανικῆς ἡλικίας ἀν­τὶ εὐωχίας καὶ νεωτερικῆς ῥᾳθυμίας τὰς ἐπι­λοίπους τῶν γάμων ἡμέρας ἐν θρήνοις διῆγον παρα­̀ πόδας ἤδη τὸν ᾅδην ὁρῶν­τες κείμενον

⁹κατήχθησαν δὲ θηρίων τρόπον ἀγόμενοι σιδηροδέσμοις ἀνάγκαις οἱ μὲν τοῖς ζυγοῖς τῶν πλοίων προ­σηλω­μέ­νοι τοὺς τραχήλους οἱ δὲ τοὺς πόδας ἀρρήκτοις κατησφαλισ­μέ­νοι πέδαις ¹⁰ἔτι καὶ τῷ καθύπερθε πυκνῷ σανιδώματι δια­κειμένῳ ὅπως πάν­τοθεν ἐσκοτισ­μέ­νοι τοὺς ὀφθαλμοὺς ἀγωγὴν ἐπι­βούλων ἐν παν­τὶ τῷ κατα­́πλῳ λαμβάνωσιν

¹¹τούτων δὲ ἐπι­̀ τὴν λεγομένην Σχεδίαν ἀχθέν­των καὶ τοῦ παρα­́πλου περανθέν­τος καθὼς ἦν δεδογματισμένον τῷ βασιλεῖ προ­σέταξεν αὐτοὺς ἐν τῷ προ­̀ τῆς πόλεως ἱπποδρόμῳ παρεμβαλεῖν ἀπλάτῳ καθεστῶτι περιμέτρῳ καὶ προ­̀ς παρα­δειγματισμὸν ἄγαν εὐκαιροτάτῳ καθεστῶτι πᾶσι τοῖς κατα­πορευο­μέ­νοις εἰς τὴν πόλιν καὶ τοῖς ἐκ τούτων εἰς τὴν χώραν στελλο­μέ­νοις προ­̀ς ἐκδημίαν προ­̀ς τὸ μηδὲ ταῖς δυνάμεσιν αὐτοῦ κοινωνεῖν μηδὲ τὸ σύνολον κατα­ξιῶσαι περιβόλων

¹²ὡς δὲ τοῦτο ἐγενήθη ἀκούσας τοὺς ἐκ τῆς πόλεως ὁμοεθνεῖς κρυβῇ ἐκπορευο­μέ­νους πυκνότερον ἀπο­δύρεσθαι τὴν ἀκλεῆ τῶν ἀδελφῶν ταλαιπωρίαν ¹³διοργισθεὶς προ­σέταξεν καὶ τούτοις ὁμοῦ τὸν αὐτὸν τρόπον ἐπι­μελῶς ὡς ἐκείνοις ποιῆσαι μὴ λειπο­μέ­νοις κατα­̀ μηδένα τρόπον τῆς ἐκείνων τιμωρίας

¹⁴ἀπο­γραφῆναι δὲ πᾶν τὸ φῦλον ἐξ ὀνόμα­τος οὐκ εἰς τὴν ἔμπρο­σθεν βραχεῖ προ­δεδηλωμένην τῶν ἔργων κατα­́πονον λατρείαν στρεβλωθέν­τας δὲ ταῖς παρηγγελμέναις αἰκίαις τὸ τέλος ἀφανίσαι μιᾶς ὑπὸ καιρὸν ἡμέρας

¹⁵ἐγίνετο μὲν οὖν ἡ τούτων ἀπο­γραφὴ μετὰ πικρᾶς σπουδῆς καὶ φιλοτίμου προ­σεδρείας ἀπο­̀ ἀνατολῶν ἡλίου μέχρι δυσμῶν ἀνήνυτον λαμβάνουσα τὸ τέλος ἐπι­̀ ἡμέρας τεσ­σαράκον­τα

¹⁶μεγά­λως δὲ καὶ διηνεκῶς ὁ βασιλεὺς χαρᾷ πεπλη­ρωμένος συμπόσια ἐπι­̀ πάν­των τῶν εἰδώλων συνιστά­με­νος πεπλανημένῃ πόρρω τῆς ἀληθείας φρενὶ καὶ βεβήλῳ στόματι τὰ μὲν κωφὰ καὶ μὴ δυνάμενα αὐτοῖς λαλεῖν ἢ ἀρήγειν ἐπαινῶν εἰς δὲ τὸν μέγιστον θεὸν τὰ μὴ καθήκον­τα λαλῶν

¹⁷μετὰ δὲ τὸ προ­ειρημένον τοῦ χρόνου δια­́στημα προ­σηνέγκαν­το οἱ γραμματεῖς τῷ βασιλεῖ μηκέτι ἰσχύειν τὴν τῶν Ιουδαίων ἀπο­γραφὴν ποιεῖσθαι δια­̀ τὴν ἀμέτρητον αὐτῶν πλη­θὺν ¹⁸καίπερ ὄν­των ἔτι κατα­̀ τὴν χώραν τῶν πλειόνων τῶν μὲν κατα­̀ τὰς οἰκίας ἔτι συν­εστηκότων τῶν δὲ καὶ κατα­̀ τόπον ὡς ἀδυνάτου καθεστῶτος πᾶσιν τοῖς ἐπ᾿ Αἴγυπτον στρατηγοῖς

¹⁹ἀπειλήσαν­τος δὲ αὐτοῖς σκληρότερον ὡς δεδωροκοπη­μέ­νοις εἰς μηχανὴν τῆς ἐκφυγῆς συν­έβη σαφῶς αὐτὸν περὶ τούτου πιστωθῆναι ²⁰λεγόν­των μετὰ ἀπο­δείξεως καὶ τὴν χαρτηρίαν ἤδη καὶ τοὺς γραφικοὺς καλάμους ἐν οἷς ἐχρῶν­το ἐκλελοιπέναι

²¹τοῦτο δὲ ἦν ἐνέργεια τῆς τοῦ βοηθοῦν­τος τοῖς Ιουδαίοις ἐξ οὐρανοῦ προ­νοίας ἀνικήτου