Скрыть

Вару́ха, Глава 5

5:2
5:3
5:4
5:6
5:8
5:9
Совлецы́, Иерусали́ме, ри́зы плаче́вныя и озлобле́нiя тво­его́ и облецы́ся въ лѣ́поту сла́вы, я́же тебѣ́ бы́сть от­ Бо́га во вѣ́къ.
Облецы́ся во оде́жду пра́вды, я́же от­ Бо́га, воз­ложи́ вѣне́цъ на главу́ твою́ сла́вы вѣ́чнаго.
Бо́гъ бо яви́тъ все́й поднебе́снѣй твою́ свѣ́тлость.
Нарѣче́т­ся бо от­ Бо́га и́мя твое́ во вѣ́ки: ми́ръ пра́вды и сла́ва богоче́стiя.
Воста́ни, Иерусали́ме, и ста́ни на высо́цѣ, и погля́дай на восто́ки, и ви́ждь со́браная ча́да твоя́ от­ восто́къ со́лнца до за́пада сло́вомъ свята́го, ра́ду­ю­щаяся Бо́жiею па́мятiю.
Изыдо́ша бо от­ тебе́ пѣ́ши ведо́ми от­ враго́въ, введе́тъ же я́ Бо́гъ къ тебѣ́ несо́мыхъ со сла́вою, я́ко сы́ны ца́р­ст­ва.
Совѣща́ бо Бо́гъ смири́тися вся́цѣй горѣ́ высо́цѣй и холмо́мъ вѣ́чнымъ, и юдо́лiямъ напо́лнитися въ ра́вень земну́ю, да и́детъ Изра́иль утверже́нъ сла́вою Бо́жiею.
Осѣни́ша же и дубра́вы и вся́ко дре́во благово́н­ствомъ Изра́илю, повелѣ́нiемъ Бо́жiимъ.
Предъи́детъ бо Бо́гъ Изра́илеви со весе́лiемъ, свѣ́томъ сла́вы сво­ея́, съ поми́лованiемъ и пра́вдою, я́же от­ него́.
Толкования стиха Скопировать ссылку Скопировать текст Добавить в избранное
Библ. энциклопедия Библейский словарь Словарь библ. образов Практическая симфония
Цитата из Библии каждое утро
TG: t.me/azbible
Viber: vb.me/azbible