Исход, 35

 
  • И собрá Моисéй вéсь сóнмъ сынóвъ Изрáилевыхъ и речé къ ни́мъ: сiя́ словесá, я́же глагóла Госпóдь твори́ти я́:
  • шéсть днíй сотвори́ши дѣлá, въ дéнь же седмы́й почíеши, свя́тá суббóта, покóй Гóсподу: вся́къ творя́й дѣ́ло въ ню́, да ýмретъ:
  • да не воз­гнѣтитé огня́ во всѣ́хъ домѣ́хъ вáшихъ въ дéнь суббóтный: áзъ Госпóдь.
  • И речé Моисéй ко всемý сóнму сынóвъ Изрáилевыхъ, глагóля: сié слóво, éже завѣщá Госпóдь глагóля:
  • воз­ми́те от­ себé сами́хъ учáстiе Гóсподу: вся́къ по вóли сéрдца сво­егó да при­­несéтъ начáтки Гóсподу, злáто, сребрó, мѣ́дь,
  • синетý, багряни́цу, червлени́цу сугýбу спря́дену, и виссóнъ скáный и вóлну кóзiю,
  • и кóжы о́вни очервлéны, и кóжы си́ни, и древесá негнiю́ща,
  • и елéй во свѣщéнiе, и ѳимiáмъ въ елéй помáзанiя, и въ сложéнiе ѳимiáма:
  • и кáмени сарди́йски, и кáмени въ вая́нiе на ри́зу вéрхнюю и на поди́ръ {Славéн.: дóлгая ри́за.}:
  • и вся́къ премýдрый сéрдцемъ въ вáсъ шéдъ да дѣ́лаетъ вся́, ели́ка заповѣ́да Госпóдь:
  • ски́нiю и завѣ́сы, и покрóвы и развóры, и колки́ и вереи́, и столпы́ и стоя́ла:
  • и кивóтъ свидѣ́нiя и носи́ла егó, и очисти́лище егó и завѣ́су, a[и опóны дворá, и столпы́ егó, и кáмени смарáгдовы, и ѳимiáмъ и елéй помáзанiя,]
  • и трапéзу и носи́ла ея́, и вся́ сосýды ея́, и хлѣ́бы предложéнiя, [и олтáрь и вся́ сосýды егó,]
  • и свѣти́лникъ свѣ́та и вся́ сосýды егó, и свѣти́ла егó и елéй свѣти́лный,
  • и олтáрь кади́лный и носи́ла егó, и елéй помáзанiя, и ѳимiáмъ сложéнiя, и завѣ́су двéрiй ски́нiи,
  • и олтáрь всесожжéнiя, и огни́ще егó мѣ́дяно и носи́ла егó, и вся́ сосýды егó, и умывáлницу, и стоя́ло ея́,
  • и опóны дворá, и столпы́ егó и стоя́ла егó, и завѣ́су двéрiй дворá,
  • и колки́ ски́нiи, и колки́ дворá, и ýжы и́хъ:
  • и ри́зы святы́я Аарóна жерцá, и ри́зы, въ ни́хже служи́ти и́мутъ во святѣ́мъ, и ри́зы сынóмъ Аарóновымъ свящéн­ства [и елéй помáзанiя, и ѳимiáмъ сложéнiя].
  • И изы́де вéсь сóнмъ сынóвъ Изрáилевыхъ от­ Моисéа.
  • И при­­несóша кíйждо, я́же воз­люби́ сéрдце и́хъ, и я́коже воз­мнѣ́ся души́ и́хъ, при­­несóша учáстiе Гóсподу на вся́ дѣлá ски́нiи свидѣ́нiя, и на вся́ сосýды ея́, и на вся́ ри́зы святи́лища:
  • и при­­несóша мýжiе от­ жéнъ сво­и́хъ, кíйждо, я́коже помы́сли умóмъ, при­­несóша печáти и усеря́зи, и пéрстни и плени́цы, и мони́ста и вся́къ сосýдъ злáтъ: и вси́ ели́цы при­­несóша учáстiе злáта Гóсподу,
  • и вся́къ у негóже обрѣ́теся синетá и багряни́ца, и червлени́ца и виссóнъ, и кóжы си́ни и кóжы о́вни очервлéны, [и кóжы кóзiя] при­­несóша:
  • вся́къ от­дѣля́яй учáстiе, сребрó и мѣ́дь, при­­несóша учáстiя Гóсподу: и у ни́хже обрѣтóшася древесá негнiю́щая, на вся́ содѣ́лованiя сосýдовъ при­­несóша:
  • и вся́ка женá мýдрая умóмъ рукáма пря́сти, при­­несé пря́деная, синетý и багряни́цу и червлени́цу и виссóнъ:
  • и вся́ жены́, и́мже воз­люби́ся во умѣ́ и́хъ, хи́тростiю спрядóша вóлну кóзiю:
  • и кня́зи при­­несóша кáмени смарáгдовы и кáмени на совершéнiе ри́зѣ вéрхней {Грéч.: епоми́съ, евр.: Ефýдъ.}, и на слóво {Грéч.: логíонъ.},
  • и на сложéнiе, и на елéй помáзанiя, и на сложéнiе ѳимiáма:
  • и вся́къ мýжъ, или́ женá, и́мже нанося́ше ýмъ и́хъ, в­шéдшымъ твори́ти вся́ дѣлá, ели́ка заповѣ́да Госпóдь твори́ти я́ Моисéомъ, при­­несóша сы́нове Изрáилевы учáстiе Гóсподу.
  • И речé Моисéй сынóмъ Изрáилевымъ: сé, наречé Бóгъ и́менемъ веселеи́ла сы́на урíина, сы́на о́рова, от­ плéмене Иýдина,
  • и напóлни егó Дýха Бóжiя, премýдрости и рáзума, и умѣ́нiй всѣ́хъ,
  • архитектóн­ствовати во всѣ́хъ дѣлесѣ́хъ древодѣ́ланiя {архитектóн­ства.}, твори́ти злáто и сребрó и мѣ́дь,
  • и вая́ти кáмени, и дѣ́лати дрéво, и твори́ти по всемý дѣ́лу премýдрости:
  • и пре­успѣвáти дадé во умѣ́ емý и Елiáву Ахисамáхову, от­ плéмене дáнова:
  • и напóлни и́хъ премýдрости, умá, éже разумѣ́ти твори́ти вся́ дѣлá святы́ни, ткáнiя и пестрéнiя ткáти червлени́цею и багряни́цею и виссóномъ, твори́ти вся́кое дѣ́ло худóже­ст­ва разли́чна.
  • И собрал Моисей все общество сынов Израилевых и сказал им: вот что заповедал Господь делать:
  • шесть дней делайте дела, а день седьмой должен быть у вас святым, суббота покоя Господу: всякий, кто будет делать в нее дело, предан будет смерти;
  • не зажигайте огня во всех жилищах ваших в день субботы. [Я Господь.]
  • И сказал Моисей всему обществу сынов Израилевых: вот что заповедал Господь:
  • сделайте от себя приношения Господу: каждый по усердию пусть принесет приношение Господу, золото, серебро, медь,
  • шерсть голубого, пурпурового и червленого цвета, и виссон [крученый], и козью шерсть,
  • кожи бараньи красные, и кожи синие, и дерево ситтим,
  • и елей для светильника, и ароматы для елея помазания и для благовонных курений,
  • камень оникс и камни вставные для ефода и наперсника.
  • И всякий из вас мудрый сердцем пусть придет и сделает все, что повелел Господь:
  • скинию и покров ее и верхнюю покрышку ее, крючки и брусья ее, шесты ее, столбы ее и подножия ее,
  • ковчег и шесты его, крышку и завесу для преграды, a[и завесы двора и столбы его, и камни смарагдовые и фимиам и елей помазания,]
  • стол и шесты его и все принадлежности его, и хлебы предложения,
  • и светильник для освещения со [всеми] принадлежностями его, и лампады его и елей для освещения,
  • и жертвенник для курений и шесты его, и елей помазания, и благовонные курения, и завесу ко входу скинии,
  • жертвенник всесожжения и решетку медную для него, и шесты его и все принадлежности его, умывальник и подножие его,
  • завесы двора, столбы его и подножия их, и завесу у входа во двор,
  • колья скинии, и колья двора и веревки их,
  • одежды служебные для служения во святилище, и священные одежды Аарону священнику и одежды сынам его для священнодействия.
  • И пошло все общество сынов Израилевых от Моисея.
  • И приходили все, которых влекло к тому сердце, и все, которых располагал дух, и приносили приношения Господу для устроения скинии собрания и для всех потребностей ее и для [всех] священных одежд;
  • и приходили мужья с женами, и все по расположению сердца приносили кольца, серьги, перстни и привески, всякие золотые вещи, каждый, кто только хотел приносить золото Господу;
  • и каждый, у кого была шерсть голубого, пурпурового и червленого цвета, виссон и козья шерсть, кожи бараньи красные и кожи синие, приносил их;
  • и каждый, кто жертвовал серебро или медь, приносил сие в дар Господу; и каждый, у кого было дерево ситтим, приносил сие на всякую потребность для скинии;
  • и все женщины, мудрые сердцем, пряли своими руками и приносили пряжу голубого, пурпурового и червленого цвета и виссон;
  • и все женщины, которых влекло сердце, умевшие прясть, пряли козью шерсть;
  • князья же приносили камень оникс и камни вставные для ефода и наперсника,
  • также и благовония, и елей для светильника и для составления елея помазания и для благовонных курений;
  • и все мужья и жены из сынов Израилевых, которых влекло сердце принести на всякое дело, какое Господь чрез Моисея повелел сделать, приносили добровольный дар Господу.
  • И сказал Моисей сынам Израилевым: смотрите, Господь назначил именно Веселеила, сына Урии, сына Ора, из колена Иудина,
  • и исполнил его Духом Божиим, мудростью, разумением, ве́дением и всяким искусством,
  • составлять искусные ткани, работать из золота, серебра и меди,
  • и резать камни для вставливания, и резать дерево, и делать всякую художественную работу;
  • и способность учить других вложил в сердце его, его и Аголиава, сына Ахисамахова, из колена Данова;
  • он исполнил сердце их мудростью, чтобы делать всякую работу [для святилища] резчика и искусного ткача, и вышивателя по голубой, пурпуровой, червленой и виссонной ткани, и ткачей, делающих всякую работу и составляющих искусные ткани.
Рейтинг@Mail.ru Мобильная версия сайта