|
|
[Зач. 198.] Па́велъ, апо́столъ ни от человѣ́къ, ни человѣ́комъ, но Иису́съ Христо́мъ и Бо́гомъ Отце́мъ воскреси́вшимъ его́ изъ ме́ртвыхъ, и и́же со мно́ю вся́ бра́тiя, це́рквамъ Галати́йскимъ: [Зач. 199.] благода́ть ва́мъ и ми́ръ от Бо́га Отца́ и Го́спода на́шего Иису́са Христа́, да́вшаго себе́ по грѣсѣ́хъ на́шихъ, я́ко да изба́витъ на́съ от настоя́щаго вѣ́ка лука́ваго, по во́ли Бо́га и Отца́ на́шего, ему́же сла́ва во вѣ́ки вѣко́въ. Ами́нь. Чужду́ся, я́ко та́ко ско́ро прелага́етеся от зва́вшаго вы́ благода́тiю Христо́вою, во и́но благовѣствова́нiе: е́же нѣ́сть и́но, то́чiю нѣ́цыи су́ть смуща́ющiи вы́ и хотя́щiи преврати́ти благовѣствова́нiе Христо́во. Но и а́ще мы́, или́ а́нгелъ съ небесе́ благовѣсти́тъ ва́мъ па́че, е́же благовѣсти́хомъ ва́мъ, ана́ѳема да бу́детъ. Я́коже предреко́хомъ, и ны́нѣ па́ки глаго́лю: а́ще кто́ ва́мъ благовѣсти́тъ па́че, е́же прiя́сте, ана́ѳема да бу́детъ. Ны́нѣ бо человѣ́ки препира́ю, или́ Бо́га, или́ ищу́ человѣ́комъ угожда́ти? А́ще бо бы́хъ еще́ человѣ́комъ угожда́лъ, Христо́въ ра́бъ не бы́хъ у́бо бы́лъ. [Зач. 200.] Сказу́ю же ва́мъ, бра́тiе, благовѣствова́нiе благовѣще́нное от мене́, я́ко нѣ́сть по человѣ́ку: ни бо а́зъ от человѣ́ка прiя́хъ е́, ниже́ научи́хся, но явле́нiемъ Иису́съ Христо́вымъ. Слы́шасте бо мое́ житiе́ иногда́ въ жидо́вствѣ, я́ко по премно́гу гони́хъ це́рковь Бо́жiю и разруша́хъ ю́, и преспѣва́хъ въ жидо́вствѣ па́че мно́гихъ све́рстникъ мои́хъ въ ро́дѣ мое́мъ, и́злиха ревни́тель сы́й оте́ческихъ мои́хъ преда́нiй. Егда́ же благоволи́ Бо́гъ, избра́вый мя́ от чре́ва ма́тере моея́ и призва́вый благода́тiю свое́ю, яви́ти Сы́на своего́ во мнѣ́, да благовѣству́ю его́ во язы́цѣхъ, а́бiе не приложи́хся пло́ти и кро́ви, ни взыдо́хъ во Иерусали́мъ къ пе́рвѣйшымъ мене́ апо́столомъ, но идо́хъ во Араві́ю и па́ки возврати́хся въ Дама́скъ. Пото́мъ же по трiе́хъ лѣ́тѣхъ взыдо́хъ во Иерусали́мъ согля́дати Петра́, и пребы́хъ у него́ дні́й пятьна́десять. Ино́го же от апо́столъ не ви́дѣхъ, то́кмо Иа́кова бра́та Госпо́дня. А я́же пишу́ ва́мъ, се́ предъ Бо́гомъ, я́ко не лгу́. Пото́мъ же прiидо́хъ въ страны́ си́рскiя и килики́йскiя. Бѣ́хъ же не зна́емь лице́мъ це́рквамъ иуде́йскимъ, я́же о Христѣ́, то́чiю же слы́шаще бя́ху, я́ко гоня́й на́съ иногда́, ны́нѣ благовѣству́етъ вѣ́ру, ю́же иногда́ разруша́ше: и сла́вляху о мнѣ́ Бо́га.
[Зач. 198.] Па́велъ, апо́столъ ни от человѣ́къ, ни человѣ́комъ, но Иису́съ Христо́мъ и Бо́гомъ Отце́мъ воскреси́вшимъ его́ изъ ме́ртвыхъ, и и́же со мно́ю вся́ бра́тiя, це́рквамъ Галати́йскимъ: [Зач. 199.] благода́ть ва́мъ и ми́ръ от Бо́га Отца́ и Го́спода на́шего Иису́са Христа́, да́вшаго себе́ по грѣсѣ́хъ на́шихъ, я́ко да изба́витъ на́съ от настоя́щаго вѣ́ка лука́ваго, по во́ли Бо́га и Отца́ на́шего, ему́же сла́ва во вѣ́ки вѣко́въ. Ами́нь. Чужду́ся, я́ко та́ко ско́ро прелага́етеся от зва́вшаго вы́ благода́тiю Христо́вою, во и́но благовѣствова́нiе: е́же нѣ́сть и́но, то́чiю нѣ́цыи су́ть смуща́ющiи вы́ и хотя́щiи преврати́ти благовѣствова́нiе Христо́во. Но и а́ще мы́, или́ а́нгелъ съ небесе́ благовѣсти́тъ ва́мъ па́че, е́же благовѣсти́хомъ ва́мъ, ана́ѳема да бу́детъ. Я́коже предреко́хомъ, и ны́нѣ па́ки глаго́лю: а́ще кто́ ва́мъ благовѣсти́тъ па́че, е́же прiя́сте, ана́ѳема да бу́детъ. Ны́нѣ бо человѣ́ки препира́ю, или́ Бо́га, или́ ищу́ человѣ́комъ угожда́ти? А́ще бо бы́хъ еще́ человѣ́комъ угожда́лъ, Христо́въ ра́бъ не бы́хъ у́бо бы́лъ. [Зач. 200.] Сказу́ю же ва́мъ, бра́тiе, благовѣствова́нiе благовѣще́нное от мене́, я́ко нѣ́сть по человѣ́ку: ни бо а́зъ от человѣ́ка прiя́хъ е́, ниже́ научи́хся, но явле́нiемъ Иису́съ Христо́вымъ. Слы́шасте бо мое́ житiе́ иногда́ въ жидо́вствѣ, я́ко по премно́гу гони́хъ це́рковь Бо́жiю и разруша́хъ ю́, и преспѣва́хъ въ жидо́вствѣ па́че мно́гихъ све́рстникъ мои́хъ въ ро́дѣ мое́мъ, и́злиха ревни́тель сы́й оте́ческихъ мои́хъ преда́нiй. Егда́ же благоволи́ Бо́гъ, избра́вый мя́ от чре́ва ма́тере моея́ и призва́вый благода́тiю свое́ю, яви́ти Сы́на своего́ во мнѣ́, да благовѣству́ю его́ во язы́цѣхъ, а́бiе не приложи́хся пло́ти и кро́ви, ни взыдо́хъ во Иерусали́мъ къ пе́рвѣйшымъ мене́ апо́столомъ, но идо́хъ во Араві́ю и па́ки возврати́хся въ Дама́скъ. Пото́мъ же по трiе́хъ лѣ́тѣхъ взыдо́хъ во Иерусали́мъ согля́дати Петра́, и пребы́хъ у него́ дні́й пятьна́десять. Ино́го же от апо́столъ не ви́дѣхъ, то́кмо Иа́кова бра́та Госпо́дня. А я́же пишу́ ва́мъ, се́ предъ Бо́гомъ, я́ко не лгу́. Пото́мъ же прiидо́хъ въ страны́ си́рскiя и килики́йскiя. Бѣ́хъ же не зна́емь лице́мъ це́рквамъ иуде́йскимъ, я́же о Христѣ́, то́чiю же слы́шаще бя́ху, я́ко гоня́й на́съ иногда́, ны́нѣ благовѣству́етъ вѣ́ру, ю́же иногда́ разруша́ше: и сла́вляху о мнѣ́ Бо́га.
|
[Зач. 198.] Павел Апостол, избранный не человеками и не через человека, но Иисусом Христом и Богом Отцем, воскресившим Его из мертвых, и все находящиеся со мною братия – церквам Галатийским: [Зач. 199.] благодать вам и мир от Бога Отца и Господа нашего Иисуса Христа, Который отдал Себя Самого за грехи наши, чтобы избавить нас от настоящего лукавого века, по воле Бога и Отца нашего; Ему слава во веки веков. Аминь. Удивляюсь, что вы от призвавшего вас благодатью Христовою так скоро переходите к иному благовествованию, которое впрочем не иное, а только есть люди, смущающие вас и желающие превратить благовествование Христово. Но если бы даже мы или Ангел с неба стал благовествовать вам не то, что́ мы благовествовали вам, да будет анафема. Как прежде мы сказали, так и теперь еще говорю: кто благовествует вам не то, что́ вы приняли, да будет анафема. У людей ли я ныне ищу благоволения, или у Бога? людям ли угождать стараюсь? Если бы я и поныне угождал людям, то не был бы рабом Христовым. [Зач. 200.] Возвещаю вам, братия, что Евангелие, которое я благовествовал, не есть человеческое, ибо и я принял его и научился не от человека, но через откровение Иисуса Христа. Вы слышали о моем прежнем образе жизни в Иудействе, что я жестоко гнал Церковь Божию, и опустошал ее, и преуспевал в Иудействе более многих сверстников в роде моем, будучи неумеренным ревнителем отеческих моих преданий. Когда же Бог, избравший меня от утробы матери моей и призвавший благодатью Своею, благоволил открыть во мне Сына Своего, чтобы я благовествовал Его язычникам, – я не стал тогда же советоваться с плотью и кровью, и не пошел в Иерусалим к предшествовавшим мне Апостолам, а пошел в Аравию, и опять возвратился в Дамаск. Потом, спустя три года, ходил я в Иерусалим видеться с Петром и пробыл у него дней пятнадцать. Другого же из Апостолов я не видел никого, кроме Иакова, брата Господня. А в том, что́ пишу вам, пред Богом, не лгу. После сего отошел я в страны Сирии и Киликии. Церквам Христовым в Иудее лично я не был известен, а только слышали они, что гнавший их некогда ныне благовествует веру, которую прежде истреблял, – и прославляли за меня Бога.
|
