Книга Бытия, 1:2, 6:3

 
  • Въ начáлѣ сотвори́ Бóгъ нéбо и зéмлю.
  • Земля́ же бѣ́ неви́дима и неустрó­ена, и тмá верхý бéздны, и Дýхъ Бóжiй ношá­шеся верхý воды́.
  • И речé Бóгъ: да бýдетъ свѣ́тъ. И бы́сть свѣ́тъ.
  • И ви́дѣ Бóгъ свѣ́тъ, я́ко добрó, и разлучи́ Бóгъ междý свѣ́томъ и междý тмóю.
  • И наречé Бóгъ свѣ́тъ дéнь, а тмý наречé нóщь. И бы́сть вéчеръ, и бы́сть ýтро, дéнь еди́нъ.
  • И речé Бóгъ: да бýдетъ твéрдь посредѣ́ воды́, и да бýдетъ разлучáющи посредѣ́ воды́ и воды́. И бы́сть тáко.
  • И сотвори́ Бóгъ твéрдь, и разлучи́ Бóгъ междý водóю, я́же бѣ́ подъ твéрдiю, и междý водóю, я́же бѣ́ надъ твéрдiю.
  • И наречé Бóгъ твéрдь нéбо. И ви́дѣ Бóгъ, я́ко добрó. И бы́сть вéчеръ, и бы́сть ýтро, дéнь вторы́й.
  • И речé Бóгъ: да соберéт­ся водá, я́же подъ небесéмъ, въ собрáнiе еди́но, и да яви́т­ся сýша. И бы́сть тáко. И собрáся водá, я́же подъ небесéмъ, въ собрáнiя своя́, и яви́ся сýша.
  • И наречé Бóгъ сýшу зéмлю, и собрáнiя вóдъ наречé моря́. И ви́дѣ Бóгъ, я́ко добрó.
  • И речé Бóгъ: да прорасти́тъ земля́ бы́лiе травнóе, сѣ́ющее сѣ́мя по рóду и по подóбiю, и дрéво плодови́тое творя́щее плóдъ, емýже сѣ́мя егó въ нéмъ, по рóду на земли́. И бы́сть тáко.
  • И изнесé земля́ бы́лiе травнóе, сѣ́ющее сѣ́мя по рóду и по подóбiю, и дрéво плодови́тое творя́щее плóдъ, емýже сѣ́мя егó въ нéмъ, по рóду на земли́. И ви́дѣ Бóгъ, я́ко добрó.
  • И бы́сть вéчеръ, и бы́сть ýтро, дéнь трéтiй.
  • И речé Бóгъ: да бýдутъ свѣти́ла на твéрди небéснѣй, освѣщáти зéмлю и разлучáти междý днéмъ и междý нóщiю: и да бýдутъ въ знáменiя и во временá, и во дни́ и въ лѣ́та,
  • и да бýдутъ въ просвѣщéнiе на твéрди небéснѣй, я́ко свѣти́ти по земли́. И бы́сть тáко.
  • И сотвори́ Бóгъ двá свѣти́ла вели́кая: свѣти́ло вели́кое въ начáла днé, и свѣти́ло мéншее въ начáла нóщи, и звѣ́зды:
  • и положи́ я́ Бóгъ на твéрди небéснѣй, я́ко свѣти́ти на зéмлю,
  • и владѣ́ти днéмъ и нóщiю, и разлучáти междý свѣ́томъ и междý тмóю. И ви́дѣ Бóгъ, я́ко добрó.
  • И бы́сть вéчеръ, и бы́сть ýтро, дéнь четвéртый.
  • И речé Бóгъ: да изведýтъ вóды гáды дýшъ живы́хъ, и пти́цы летáющыя по земли́, по твéрди небéснѣй. И бы́сть тáко.
  • И сотвори́ Бóгъ ки́ты вели́кiя, и вся́ку дýшу живóтныхъ гадóвъ, я́же изведóша вóды по родóмъ и́хъ, и вся́ку пти́цу пернáту по рóду. И ви́дѣ Бóгъ, я́ко добрá.
  • И благослови́ я́ Бóгъ, глагóля: расти́теся и мнóжитеся, и напóлните вóды, я́же въ моря́хъ, и пти́цы да умнóжат­ся на земли́.
  • И бы́сть вéчеръ, и бы́сть ýтро, дéнь пя́тый.
  • И речé Бóгъ: да изведéтъ земля́ дýшу жи́ву по рóду, четверонóгая и гáды, и звѣ́ри земли́ по рóду. И бы́сть тáко.
  • И сотвори́ Бóгъ звѣ́ри земли́ по рóду, и скоты́ по рóду и́хъ, и вся́ гáды земли́ по рóду и́хъ. И ви́дѣ Бóгъ, я́ко добрá.
  • И речé Бóгъ: сотвори́мъ человѣ́ка по о́бразу Нá­шему и по подóбiю, и да обладáетъ ры́бами морски́ми, и пти́цами небéсными, [и звѣрьми́] и скотáми, и всéю землéю, и всѣ́ми гáды пресмыкáющимися по земли́.
  • И сотвори́ Бóгъ человѣ́ка, по о́бразу Бóжiю сотвори́ егó: мýжа и женý сотвори́ и́хъ.
  • И благослови́ и́хъ Бóгъ, глагóля: расти́теся и мнóжитеся, и напóлните зéмлю, и госпóд­ст­вуйте éю, и обладáйте ры́бами морски́ми, [и звѣрьми́] и пти́цами небéсными, и всѣ́ми скотáми, и всéю землéю, и всѣ́ми гáдами пресмыкáющимися по земли́.
  • И речé Бóгъ: сé, дáхъ вáмъ вся́кую травý сѣ́мен­ную сѣ́ющую сѣ́мя, éже éсть верхý земли́ всея́: и вся́кое дрéво, éже и́мать въ себѣ́ плóдъ сѣ́мене сѣ́мен­наго, вáмъ бýдетъ въ снѣ́дь:
  • и всѣ́мъ звѣрéмъ земны́мъ, и всѣ́мъ пти́цамъ небéснымъ, и вся́кому гáду пресмыкáющемуся по земли́, и́же и́мать въ себѣ́ дýшу животá, и вся́ку травý зелéну въ снѣ́дь. И бы́сть тáко.
  • И ви́дѣ Бóгъ вся́, ели́ка сотвори́: и сé добрá зѣлó. И бы́сть вéчеръ, и бы́сть ýтро, дéнь шесты́й.
  • И бы́сть егдá начáша человѣ́цы мнóзи бывáти на земли́, и дщéри роди́шася и́мъ:
  • ви́дѣв­ше же сы́нове Бóжiи дщéри человѣ́чи, я́ко добры́ сýть, поя́ша себѣ́ жены́ от­ всѣ́хъ, я́же избрáша.
  • И речé Госпóдь Бóгъ: не и́мать Дýхъ Мóй пребывáти въ человѣ́цѣхъ си́хъ во вѣ́къ, занé сýть плóть: бýдутъ же днíе и́хъ лѣ́тъ стó двáдесять.
  • Исполи́ни же бя́ху на земли́ во дни́ о́ны: и потóмъ, егдá вхождáху сы́нове Бóжiи къ дщéремъ человѣ́ческимъ, и раждáху себѣ́: тíи бя́ху исполи́ни, и́же от­ вѣ́ка, человѣ́цы имени́тiи.
  • Ви́дѣвъ же Госпóдь Бóгъ, я́ко умнóжишася злóбы человѣ́ковъ на земли́: и вся́къ помышля́етъ въ сéрдцы сво­éмъ при­­лѣ́жно на злáя во вся́ дни́:
  • и помы́сли Бóгъ, я́ко сотвори́ человѣ́ка на земли́, и размы́сли.
  • И речé Бóгъ: потреблю́ человѣ́ка, егóже сотвори́хъ, от­ лицá земли́, от­ человѣ́ка дáже до скотá, и от­ гáдъ дáже до пти́цъ небéсныхъ: занé размы́слихъ, я́ко сотвори́хъ я́.
  • Нóе же обрѣ́те благодáть предъ Гóсподемъ Бóгомъ.
  • Сiя́ же бытiя́ Нóева: Нóе человѣ́къ прáведенъ, совершéнъ сы́й въ рóдѣ сво­éмъ, Бóгу угоди́ Нóе.
  • Роди́ же Нóе три́ сы́ны, Си́ма, Хáма, Иáфеѳа.
  • Растлѣ́ся же земля́ предъ Бóгомъ, и напóлнися земля́ непрáвды.
  • И ви́дѣ Госпóдь Бóгъ зéмлю, и бѣ́ растлѣ́н­на: я́ко растли́ вся́ка плóть пýть свóй на земли́.
  • И речé Госпóдь Бóгъ Нóю: врéмя вся́каго человѣ́ка прiи́де предъ Мя́, я́ко испóлнися земля́ непрáвды от­ ни́хъ: и сé, А́зъ погублю́ и́хъ и зéмлю.
  • Сотвори́ ýбо себѣ́ ковчéгъ от­ дрéвъ [негнiю́щихъ] четверо­угóлныхъ: гнѣ́зда сотвори́ши въ ковчéзѣ, и посмоли́ши егó внутрьýду и внѣýду смолóю.
  • И тáко сотвори́ши ковчéгъ: трéхъ сóтъ лактéй долготá ковчéга, и пяти́десяти лактéй широтá, и три́десяти лактéй высотá егó.
  • Собирáя свóдомъ сотвори́ши ковчéгъ, и въ лáкоть сверши́ши егó свы́ше: двéрь же ковчéга сотвори́ши от­ страны́: обитáлища двокрóвна и трекрóвна сотвори́ши въ нéмъ.
  • А́зъ же, сé, наведý потóпъ, вóду на зéмлю, погуби́ти вся́ку плóть, въ нéйже éсть дýхъ жи́зни подъ небесéмъ: и ели́ка сýть на земли́, скончáют­ся.
  • И постáвлю завѣ́тъ Мóй съ тобóю: вни́деши же въ ковчéгъ ты́ и сы́нове тво­и́, и женá твоя́ и жены́ сынóвъ тво­и́хъ съ тобóю.
  • И от­ всѣ́хъ скотóвъ и от­ всѣ́хъ гáдъ, и от­ всѣ́хъ звѣрéй, и от­ вся́кiя плóти, двá двá от­ всѣ́хъ введéши въ ковчéгъ, да питáеши съ собóю: мýжескiй пóлъ и жéнскiй бýдутъ.
  • От всѣ́хъ пти́цъ пернáтыхъ по рóду, и от­ всѣ́хъ скотóвъ по рóду, и от­ всѣ́хъ гадóвъ пóлза­ю­щихъ по земли́ по рóду и́хъ, двá двá от­ всѣ́хъ вни́дутъ къ тебѣ́, питáтися съ тобóю, мýжескiй пóлъ и жéнскiй.
  • Ты́ же воз­ми́ себѣ́ от­ всѣ́хъ брá­шенъ, я́же и́мате я́сти, и соберéши къ себѣ́, и бýдутъ тебѣ́ и о́нымъ брáшно.
  • И сотвори́ Нóе вся́ ели́ка заповѣ́да емý Госпóдь Бóгъ, тáко сотвори́.
  • В начале сотворил Бог небо и землю.
  • Земля же была безвидна и пуста, и тьма над бездною, и Дух Божий носился над водою.
  • И сказал Бог: да будет свет. И стал свет.
  • И увидел Бог свет, что он хорош, и отделил Бог свет от тьмы.
  • И назвал Бог свет днем, а тьму ночью. И был вечер, и было утро: день один.
  • И сказал Бог: да будет твердь посреди воды, и да отделяет она воду от воды. [И стало так.]
  • И создал Бог твердь, и отделил воду, которая под твердью, от воды, которая над твердью. И стало так.
  • И назвал Бог твердь небом. [И увидел Бог, что это хорошо.] И был вечер, и было утро: день второй.
  • И сказал Бог: да соберется вода, которая под небом, в одно место, и да явится суша. И стало так. [И собралась вода под небом в свои места, и явилась суша.]
  • И назвал Бог сушу землею, а собрание вод назвал морями. И увидел Бог, что это хорошо.
  • И сказал Бог: да произрастит земля зелень, траву, сеющую семя [по роду и по подобию ее, и] дерево плодовитое, приносящее по роду своему плод, в котором семя его на земле. И стало так.
  • И произвела земля зелень, траву, сеющую семя по роду [и по подобию] ее, и дерево [плодовитое], приносящее плод, в котором семя его по роду его [на земле]. И увидел Бог, что это хорошо.
  • И был вечер, и было утро: день третий.
  • И сказал Бог: да будут светила на тверди небесной [для освещения земли и] для отделения дня от ночи, и для знамений, и времен, и дней, и годов;
  • и да будут они светильниками на тверди небесной, чтобы светить на землю. И стало так.
  • И создал Бог два светила великие: светило большее, для управления днем, и светило меньшее, для управления ночью, и звезды;
  • и поставил их Бог на тверди небесной, чтобы светить на землю,
  • и управлять днем и ночью, и отделять свет от тьмы. И увидел Бог, что это хорошо.
  • И был вечер, и было утро: день четвёртый.
  • И сказал Бог: да произведет вода пресмыкающихся, душу живую; и птицы да полетят над землею, по тверди небесной. [И стало так.]
  • И сотворил Бог рыб больших и всякую душу животных пресмыкающихся, которых произвела вода, по роду их, и всякую птицу пернатую по роду ее. И увидел Бог, что это хорошо.
  • И благословил их Бог, говоря: плодитесь и размножайтесь, и наполняйте воды в морях, и птицы да размножаются на земле.
  • И был вечер, и было утро: день пятый.
  • И сказал Бог: да произведет земля душу живую по роду ее, скотов, и гадов, и зверей земных по роду их. И стало так.
  • И создал Бог зверей земных по роду их, и скот по роду его, и всех гадов земных по роду их. И увидел Бог, что это хорошо.
  • И сказал Бог: сотворим человека по образу Нашему [и] по подобию Нашему, и да владычествуют они над рыбами морскими, и над птицами небесными, [и над зверями,] и над скотом, и над всею землею, и над всеми гадами, пресмыкающимися по земле.
  • И сотворил Бог человека по образу Своему, по образу Божию сотворил его; мужчину и женщину сотворил их.
  • И благословил их Бог, и сказал им Бог: плодитесь и размножайтесь, и наполняйте землю, и обладайте ею, и владычествуйте над рыбами морскими [и над зверями,] и над птицами небесными, [и над всяким скотом, и над всею землею,] и над всяким животным, пресмыкающимся по земле.
  • И сказал Бог: вот, Я дал вам всякую траву, сеющую семя, какая есть на всей земле, и всякое дерево, у которого плод древесный, сеющий семя; – вам сие будет в пищу;
  • а всем зверям земным, и всем птицам небесным, и всякому [гаду,] пресмыкающемуся по земле, в котором душа живая, дал Я всю зелень травную в пищу. И стало так.
  • И увидел Бог все, что Он создал, и вот, хорошо весьма. И был вечер, и было утро: день шестой.
  • Когда люди начали умножаться на земле и родились у них дочери,
  • тогда сыны Божии увидели дочерей человеческих, что они красивы, и брали их себе в жены, какую кто избрал.
  • И сказал Господь [Бог]: не вечно Духу Моему быть пренебрегаемым человеками [сими], потому что они плоть; пусть будут дни их сто двадцать лет.
  • В то время были на земле исполины, особенно же с того времени, как сыны Божии стали входить к дочерям человеческим, и они стали рождать им: это сильные, издревле славные люди.
  • И увидел Господь [Бог], что велико развращение человеков на земле, и что все мысли и помышления сердца их были зло во всякое время;
  • и раскаялся Господь, что создал человека на земле, и восскорбел в сердце Своем.
  • И сказал Господь: истреблю с лица земли человеков, которых Я сотворил, от человека до скотов, и гадов и птиц небесных истреблю, ибо Я раскаялся, что создал их.
  • Ной же обрел благодать пред очами Господа [Бога].
  • Вот житие Ноя: Ной был человек праведный и непорочный в роде своем; Ной ходил пред Богом.
  • Ной родил трех сынов: Сима, Хама и Иафета.
  • Но земля растлилась пред лицем Божиим, и наполнилась земля злодеяниями.
  • И воззрел [Господь] Бог на землю, и вот, она растленна, ибо всякая плоть извратила путь свой на земле.
  • И сказал [Господь] Бог Ною: конец всякой плоти пришел пред лице Мое, ибо земля наполнилась от них злодеяниями; и вот, Я истреблю их с земли.
  • Сделай себе ковчег из дерева гофер; отделения сделай в ковчеге и осмоли его смолою внутри и снаружи.
  • И сделай его так: длина ковчега триста локтей; ширина его пятьдесят локтей, а высота его тридцать локтей.
  • И сделай отверстие в ковчеге, и в локоть сведи его вверху, и дверь в ковчег сделай с боку его; устрой в нем нижнее, второе и третье [жилье].
  • И вот, Я наведу на землю потоп водный, чтоб истребить всякую плоть, в которой есть дух жизни, под небесами; все, что есть на земле, лишится жизни.
  • Но с тобою Я поставлю завет Мой, и войдешь в ковчег ты, и сыновья твои, и жена твоя, и жены сынов твоих с тобою.
  • Введи также в ковчег [из всякого скота, и из всех гадов, и] из всех животных, и от всякой плоти по паре, чтоб они остались с тобою в живых; мужеского пола и женского пусть они будут.
  • Из [всех] птиц по роду их, и из [всех] скотов по роду их, и из всех пресмыкающихся по земле по роду их, из всех по паре войдут к тебе, чтобы остались в живых [с тобою, мужеского пола и женского].
  • Ты же возьми себе всякой пищи, какою питаются, и собери к себе; и будет она для тебя и для них пищею.
  • И сделал Ной всё: как повелел ему [Господь] Бог, так он и сделал.
Rambler's Top100 Рейтинг@Mail.ru Мобильная версия сайта