Азбука веры » Би́блия » І҆еремі́и » гл.37

І҆еремі́и, Глава 37

Толкования главы

37:1

см.:4Цар.24:17; 2Пар.36:10;

37:2

см.:2Пар.36:12;

37:3

см.:Ис.37:4;

37:4

37:5

см.:Иер.34:21;

37:6

37:7

см.:Ис.30:2; Плач.4:17;

37:8

37:9

37:10

37:11

37:12

37:13

37:14

37:15

см.:Иер.20:2;

37:16

37:17

37:18

37:19

37:20

37:21

Церковнославянский (рус)

Языки

И ца́рствова седекі́а сы́нъ Иосі́инъ вмѣ́сто Иехоні́и сы́на Иоаки́мова, его́же поста́ви Навуходоно́соръ ца́рь Вавило́нскiй ца́рствовати во Иуде́и.

И не послу́ша то́й и о́троцы его́ и лю́дiе земли́ слове́съ Госпо́днихъ, я́же глаго́ла руко́ю иеремі́иною.

И посла́ ца́рь седекі́а Иоаха́ла сы́на селемі́ина и софо́нiю сы́на Массе́а жерца́ ко иеремі́и проро́ку, глаго́ля: моли́ся за ны́ ко Го́споду Бо́гу на́шему.

Иеремі́а же свобо́денъ прихожда́ше и прохожда́ше средѣ́ гра́да, не введо́ша бо его́ во хра́мину темни́чную.

И си́ла фарао́ня изы́де изъ Еги́пта, слы́шавше халде́е обле́гшiи Иерусали́мъ слу́хъ и́хъ, отступи́ша от Иерусали́ма.

И бы́сть сло́во Госпо́дне ко иеремі́и глаго́ля:

та́ко рече́ Госпо́дь Бо́гъ Изра́илевъ: та́ко рече́ши царю́ Иу́дину, посла́вшему къ тебѣ́ вопроси́ти мя́: се́, си́ла фарао́ня, изше́дшая ва́мъ на по́мощь, возврати́тся па́ки до земли́ Еги́петскiя,

и возвратя́тся халде́е и повою́ютъ гра́дъ се́й, и во́змутъ его́ и пожгу́тъ его́ огне́мъ.

Я́ко та́ко рече́ Госпо́дь: не прельща́йте ду́шъ свои́хъ, глаго́люще: отходя́ще оти́дутъ от на́съ халде́е: я́ко не оти́дутъ.

И а́ще побiе́те всю́ си́лу халде́евъ вою́ющихъ на вы́, и оста́нутъ нѣ́цыи я́звени, кі́йждо на мѣ́стѣ свое́мъ, сі́и воста́нутъ и пожгу́тъ гра́дъ се́й огне́мъ.

И бы́сть егда́ взы́де си́ла Халде́йска от Иерусали́ма, от лица́ си́лы фарао́ни,

изы́де Иеремі́а изъ Иерусали́ма ити́ въ зе́млю Венiами́ню, е́же купи́ти отту́ду посредѣ́ люді́й.

Внегда́ же бы́ти ему́ во вратѣ́хъ Венiами́нихъ, и [бы́сть] та́мо человѣ́къ, у него́же обита́ саруі́а сы́нъ селемі́инъ, сы́на Ана́нiина, и взя́ иеремі́ю, глаго́ля: ко халде́емъ ты́ бѣжи́ши.

И рече́ Иеремі́а: лжа́, не ко халде́емъ а́зъ бѣгу́. И не послу́ша его́. И взя́ саруі́а иеремі́ю и приведе́ его́ ко князе́мъ.

И разгнѣ́вашася кня́зи на иеремі́ю и би́ша его́, и посла́ша его́ въ до́мъ Ионаѳа́на книго́чiя, я́ко то́й сотвори́ша хра́миною темни́чною.

И прiи́де Иеремі́а въ до́мъ рва́ и въ хере́тъ{узи́лище}, и сѣ́де ту́ дни́ мно́ги.

И посла́ седекі́а ца́рь и призва́ его́, и вопроша́ше его́ ца́рь о́тай, а́ще е́сть сло́во от Го́спода? И рече́ ему́ Иеремі́а: е́сть. И рече́: въ ру́цѣ царя́ Вавило́нска пре́данъ бу́деши.

И рече́ Иеремі́а царю́: чи́мъ преоби́дѣхъ тя́ и о́троки твоя́ и лю́ди сiя́, я́ко ты́ вдае́ши мя́ въ до́мъ темни́чный?

и гдѣ́ су́ть проро́цы ва́ши прорица́вшiи ва́мъ, глаго́люще, я́ко не прiи́детъ ца́рь Вавило́нскiй на ва́съ и на зе́млю сiю́?

ны́нѣ же послу́шай, молю́тися, го́споди мо́й, царю́, да паде́тъ моле́нiе мое́ предъ лице́мъ твои́мъ: и не посыла́й мя́ па́ки въ до́мъ Ионаѳа́на книго́чiя, да не умру́ та́мо.

И повелѣ́ ца́рь, и вверго́ша его́ во хра́мину темни́чную, и дая́ху ему́ хлѣ́бъ еди́нъ на де́нь извнѣ́, идѣ́же пеку́тъ, до́ндеже сконча́шася хлѣ́бы изъ гра́да. И сѣдя́ше Иеремі́а во дворѣ́ темни́чнѣмъ.

Глава: