Азбука веры » Библия » Книга пророка Иеремии » гл.47

Книга пророка Иеремии, Глава47

Толкования главы

47:1

см.: Иез.25:15;

47:2

см.: Откр.17:15;

47:3

см.: Откр.9:9;

47:4

см.: Ам.1:10; Быт.10:14; Втор.2:23;

47:5

47:6

47:7

Церковнославянский (рус)

Языки

Сло́во Госпо́дне, е́же бы́сть ко иеремі́и проро́ку на иноплеме́нники, пре́жде не́жели порази́ фарао́нъ Га́зу.

Та́ко глаго́летъ Госпо́дь: се́, во́ды восхо́дятъ от сѣ́вера и бу́дутъ я́ко пото́къ наводня́яй, и пото́пятъ зе́млю и исполне́нiе ея́, гра́дъ и живу́щыя въ не́мъ: и возопiю́тъ лю́дiе и воспла́чутся вси́ живу́щiи на земли́,

от шу́ма устремле́нiя его́, от ору́жiя но́гъ его́ и от гремѣ́нiя колесни́цъ его́ и от зву́ка коле́съ его́: не обрати́шася отцы́ ко сыно́мъ свои́мъ, опусти́вше ру́цѣ свои́,

въ де́нь находя́щь, е́же погуби́ти вся́ иноплеме́нники: и разорю́ ти́ръ и Сидо́нъ со всѣ́ми про́чими помо́щники и́хъ, я́ко истреби́тъ Госпо́дь Филисти́ны, оста́нки острово́въ каппадокі́йскихъ.

Прiи́де плѣ́шь на Га́зу, отве́рженъ бы́сть Аскало́нъ и оста́нцы енаки́мли.

Доко́лѣ сѣщи́ бу́деши, о, мечу́ Бо́жiй! доко́лѣ не упоко́ишися? вни́ди въ ножны́ твоя́, почі́й и вознеси́ся.

Ка́ко упоко́ится? поне́же Госпо́дь заповѣ́да ему́ на Аскало́на и на су́щыя при мо́ри, на про́чыя воста́ти.

Глава: