Азбука веры » Библия » І҆́ѡвъ » гл.20

І҆́ѡвъ, Глава 20

Толкования главы

20:1

см.: Иов.11:1;

20:2

20:3

20:4

20:5

см.: Евр.11:25;

20:6

20:7

см.: 1Фес.5:3; Пс.36:36;

20:8

см.: Пс.72:19; Ис.29:7;

20:9

см.: Пс.36:10; Пс.102:16;

20:10

см.: Иов.21:19; Иов.27:14;

20:11

20:12

см.: Пс.54:22;

20:13

20:14

20:15

20:16

20:17

20:18

см.: Иер.12:13;

20:19

см.: Ис.5:8;

20:20

см.: Притч.10:2; Притч.11:4; Сир.5:10; Иез.7:19;

20:21

20:22

20:23

см.: Чис.11:33;

20:24

см.: Ис.24:18; Иер.48:44;

20:25

см.: Пс.7:13; Иез.21:10;

20:26

см.: Втор.32:22; Иер.15:14; Иер.17:4;

20:27

20:28

20:29

см.: Иов.18:21; Иов.27:13;

Церковнославянский (рус)

Языки

Отвѣща́въ же Софа́ръ Мине́йскiй, рече́:

не та́ко мнѣ́хъ сiя́ тебѣ́ рещи́ проти́ву, и не разумѣ́ете па́че не́жели и а́зъ.

Наказа́нiе срамле́нiя моего́ услы́шу, и ду́хъ от ра́зума отвѣщава́етъ ми́.

Еда́ си́хъ не уразумѣ́лъ еси́ от вѣ́ка, отне́лѣже положе́нъ человѣ́къ бы́сть на земли́?

весе́лiе бо нечести́выхъ паде́нiе стра́шно, обра́дованiе же беззако́нныхъ па́губа.

А́ще взы́дутъ на не́бо да́ры его́, же́ртва же его́ облако́въ ко́снется:

егда́ бо мни́тся уже́ утвержде́нъ бы́ти, тогда́ въ коне́цъ поги́бнетъ. ви́дѣвшiи же его́ реку́тъ: гдѣ́ есть?

Я́коже со́нъ отлетѣ́вый не обря́щется, отлетѣ́ же а́ки мечта́нiе нощно́е.

О́ко призрѣ́, и не приложи́тъ, и ктому́ не позна́етъ его́ мѣ́сто его́.

Сыно́въ его́ да погубя́тъ ме́ншiи, и ру́цѣ его́ возжгу́тъ болѣ́зни.

Ко́сти его́ напо́лнишася грѣхо́въ ю́ности его́ и съ ни́мъ на пе́рсти усну́тъ.

А́ще услади́тся во устѣ́хъ его́ зло́ба, скры́етъ ю́ подъ язы́комъ свои́мъ:

не пощади́тъ ея́, и не оста́витъ ея́, и собере́тъ ю́ посредѣ́ горта́ни своего́,

и не возмо́жетъ помощи́ себѣ́: же́лчь а́спидовъ во чре́вѣ его́.

Бога́тство непра́ведно собира́емо изблюе́тся, изъ хра́мины его́ извлече́тъ его́ а́нгелъ.

Я́рость же змiе́ву да ссе́тъ, да убiе́тъ же его́ язы́къ змiи́нъ.

Да не у́зритъ отдое́нiя ското́въ, ниже́ прибы́тка ме́да и ма́сла кра́вiя.

Вотще́ и всу́е труди́ся, бога́тство, от него́же не вку́ситъ, я́коже кло́ки не сожва́емы и не поглоща́емы.

Мно́гихъ бо немощны́хъ до́мы сокруши́, жили́ще же разгра́би и не поста́ви.

Нѣ́сть спасе́нiя имѣ́нiю его́, въ вожделѣ́нiи свое́мъ не спасе́тся.

Нѣ́сть оста́нка бра́шну его́, сего́ ра́ди не процвѣту́тъ ему́ блага́я.

Егда́ же мни́тъ уже́ испо́лнь бы́ти, оскорби́тся, вся́ка же бѣда́ на́нь прiи́детъ.

А́ще ка́ко ли́бо испо́лнитъ чре́во свое́, напу́ститъ на́нь я́рость гнѣ́ва, одожди́тъ на него́ болѣ́зни:

и не спасе́тся от руки́ желѣ́за, да устрѣли́тъ его́ лу́къ мѣ́дянъ,

и да про́йдетъ сквозѣ́ тѣ́ло его́ стрѣла́: звѣ́зды же въ жили́щихъ его́: да прiи́дутъ на́нь стра́си,

и вся́ка тма́ на не́мъ да пребу́детъ: да поя́стъ его́ о́гнь нераздеже́ный, да озло́битъ же пришле́цъ до́мъ его́:

и да откры́етъ не́бо беззако́нiя его́, и земля́ да воста́нетъ на́нь:

да извлече́тъ до́мъ его́ па́губа до конца́, де́нь гнѣ́ва да прiи́детъ на́нь.

Сiя́ ча́сть человѣ́ка нечести́ваго от Го́спода и стяжа́нiе имѣ́нiй его́ от надзира́теля.

Глава: