Быт. Исх. Лев. Чис. Втор. Нав. Суд. Руф. 1Цар. 2Цар. 3Цар. 4Цар. 1Пар. 2Пар. 1Ездр. Неем. 2Ездр. Тов. Иудиф. Эсф. 1Мак. 2Мак. 3Мак. 3Ездр. Иов. Пс. Притч. Еккл. Песн. Прем. Сир. Ис. Иер. Плч. Посл.Иер. Вар. Иез. Дан. Ос. Иоил. Ам. Авд. Ион. Мих. Наум. Авв. Соф. Агг. Зах. Мал. Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Сол. 2Сол. 1Тим. 2Тим. Тит. Флм. Евр. Откр.

Плач Иеремии

 
  • א Ка́ко омрачи́ во гнѣ́вѣ сво­е́мъ Госпо́дь дще́рь Сiо́ню: све́рже съ небесе́ на зе́млю сла́ву Изра́илеву, и не помяну́ подно́жiя ногу́ свое́ю въ де́нь гнѣ́ва и я́рости сво­ея́.
  • ב Погрузи́ Госпо́дь и не пощадѣ́: вся́ кра́сная Иа́ковля разори́ я́ростiю сво­е́ю, тверды́ни дще́ре Иу́дины изве́рже на зе́млю, оскверни́ царя́ ея́ и кня́зи ея́,
  • ג сокруши́ во гнѣ́вѣ я́рости сво­ея́ ве́сь ро́гъ Изра́илевъ, обрати́ вспя́ть десни́цу его́ от­ лица́ врага́, разжже́ во Иа́ковѣ я́ко о́гнь пла́мы, и потреби́ вся́ о́крестъ,
  • ד напряже́ лу́къ сво́й я́ко ра́тникъ проти́вный, утверди́ десни́цу свою́ я́ко супоста́тъ и изби́ вся́ кра́сная о́чiю мое́ю во селе́нiихъ дще́ре Сiо́ни, излiя́ я́ко о́гнь я́рость свою́.
  • ה Бы́сть Госпо́дь а́ки вра́гъ, погрузи́ Изра́иля, погрузи́ вся́ до́мы его́, разсы́па вся́ стѣ́ны его́ и умно́жи дще́ри Иу́динѣ смире́на и смире́ну,
  • ו и разве́рзе а́ки виногра́дъ селе́нiе свое́, разсы́па пра́здники его́: забы́ Госпо́дь, я́же сотвори́ въ Сiо́нѣ пра́здники и суббо́ты, и озло́би преще́нiемъ гнѣ́ва сво­его́ царя́ и кня́зя и жерца́.
  • ז Отри́ну Госпо́дь же́ртвен­никъ сво́й, от­трясе́ святы́ню свою́, сокруши́ руко́ю вра́жiею стѣ́ну забра́ловъ его́: гла́съ да́ша въ дому́ Госпо́дни я́ко въ де́нь пра́здника.
  • ח Обрати́ся Госпо́дь разсы́пати стѣ́ну дще́ре Сiо́ни: протяже́ мѣ́ру, не от­врати́ руки́ сво­ея́ от­ попра́нiя: и сѣ́това предгра́дiе, и огра́да вку́пѣ изнемо́же.
  • ט Врасто́ша въ зе́млю врата́ ея́, погуби́ и сокруши́ вереи́ ея́, царя́ ея́ и кня́зи ея́ во язы́цѣхъ, нѣ́сть зако́на, и проро́цы ея́ не ви́дѣша видѣ́нiя от­ Го́спода.
  • י Сѣдо́ша на земли́, умолко́ша старѣ́йшины дще́ре Сiо́ни, посы́паша пе́рсть на главы́ своя́, препоя́сашася во вре́тища, низведо́ша въ зе́млю старѣ́йшинъ дѣ́въ Иерусали́мскихъ.
  • כ Оскудѣ́ша о́чи мо­и́ въ слеза́хъ, смути́ся се́рдце мое́, излiя́ся на зе́млю сла́ва моя́ о сокруше́нiи дще́ре люді́й мо­и́хъ, внегда́ оскудѣ́ младе́нецъ и ссу́щiй на сто́гнахъ гра́дскихъ.
  • ל Ма́теремъ сво­и́мъ реко́ша: гдѣ́ пшени́ца и вино́? внегда́ разсла́бленымъ бы́ти и́мъ, я́ко я́звенымъ на сто́гнахъ гра́дскихъ, егда́ излива́хуся ду́ши и́хъ въ ло́но ма́терей и́хъ.
  • מ Что́ ти засвидѣ́тел­ст­вую? или́ что́ уподо́блю тебѣ́, дщи́ Иерусали́мля? кто́ тя спасе́тъ и кто́ тя утѣ́шитъ, дѣви́це, дщи́ Сiо́ня? я́ко воз­вели́чися ча́ша сокруше́нiя тво­его́, кто́ тя изцѣли́тъ?
  • נ Проро́цы тво­и́ ви́дѣша тебѣ́ су́етная и безу́мiе и не от­кры́ша о непра́вдѣ тво­е́й, е́же воз­врати́ти плѣне́нiе твое́, и ви́дѣша тебѣ́ словеса́ су́етная и изринове́нiя.
  • ס Восплеска́ша рука́ма о тебѣ́ вси́ мину́ющiи путе́мъ, позвизда́ша и покива́ша главо́ю сво­е́ю о дще́ри Иерусали́мли, реку́ще: се́й ли гра́дъ, вѣне́цъ сла́вы, весе́лiе всея́ земли́?
  • פ Отверзо́ша на тя́ уста́ своя́ вси́ врази́ тво­и́, позвизда́ша и поскрежета́ша зубы́ сво­и́ми и рѣ́ша: поглоти́мъ ю́: оба́че се́й де́нь, его́же ча́яхомъ, обрѣто́хомъ его́, ви́дѣхомъ.
  • ע Сотвори́ Госпо́дь, я́же помы́сли, сконча́ словеса́ своя́, я́же заповѣ́да от­ дні́й пе́рвыхъ: разори́ и не пощадѣ́, и воз­весели́ о тебѣ́ врага́, воз­несе́ ро́гъ стужа́ющаго ти́.
  • צ Возопи́ се́рдце и́хъ ко Го́споду, стѣ́ны дще́ре Сiо́ни да излiю́тъ я́коже водоте́ча сле́зы де́нь и но́щь: не да́ждь поко́я себѣ́, и да не умо́лкнетъ зѣ́ница о́чiю твое́ю.
  • ק Воста́ни, по­учи́ся въ нощи́ въ нача́лѣ стражбы́ тво­ея́, пролі́й я́ко во́ду се́рдце твое́ предъ лице́мъ Госпо́днимъ, воз­дви́гни къ нему́ ру́цѣ тво­и́ о душа́хъ младе́нецъ тво­и́хъ, разсла́бленыхъ гла́домъ въ нача́лѣ всѣ́хъ исхо́довъ.
  • ר Ви́ждь, Го́споди, и при́зри, кого́ еси́ отреби́лъ си́це? еда́ снѣдя́тъ жены́ пло́дъ утро́бы сво­ея́? отребле́нiе сотвори́ по́варъ, избiю́тъ ли младе́нцевъ ссу́щихъ сосцы́? убiе́ши ли во святы́ни Госпо́дни жерца́ и проро́ка?
  • ש Успо́ша на исхо́дищихъ о́трокъ и ста́рецъ: дѣви́цы моя́ и ю́ноты мо­и́ от­идо́ша въ плѣ́нъ, мече́мъ и гла́домъ изби́лъ еси́, въ де́нь гнѣ́ва тво­его́ свари́лъ еси́, не пощадѣ́лъ.
  • ת Призва́лъ еси́ я́ко де́нь пра́здника при­­ше́л­ст­вiя моя́ о́крестъ, и не бы́сть въ де́нь гнѣ́ва Госпо́дня уцѣлѣ́вый и оста́выйся, я́ко сотвори́хъ воз­мощи́ и умно́жихъ враги́ моя́ вся́.
  • א А́зъ му́жъ ви́дя нищету́ [мою́] въ жезлѣ́ я́рости его́ на мя́:
  • поя́тъ мя́ и от­веде́ мя во тму́, а не во свѣ́тъ.
  • Оба́че на мя́ обрати́ ру́ку свою́ ве́сь де́нь,
  • ב обетши́ пло́ть мою́ и ко́жу мою́, ко́сти моя́ сокруши́:
  • согради́ на мя́ и объя́ главу́ мою́ и утруди́,
  • въ те́мныхъ посади́ мя, я́коже ме́ртвыя вѣ́ка:
  • ג согради́ на мя́, и не изы́ду, отяготи́ око́вы моя́,
  • и егда́ воскричу́ и возопiю́, загради́ моли́тву мою́:
  • воз­гради́ пути́ моя́, загради́ стези́ моя́, воз­мяте́.
  • ד Бы́сть я́ко медвѣ́дь ловя́й, [присѣдя́й ми́] я́ко ле́въ въ сокрове́н­ныхъ,
  • гна́ от­ступи́в­шаго, и упоко́и мя́, положи́ мя поги́бша:
  • напряже́ лу́къ сво­и́, и поста́ви мя́ я́ко зна́менiе на стрѣля́нiе,
  • ה пусти́ въ ля́двiя моя́ стрѣ́лы ту́ла сво­его́.
  • Бы́хъ въ смѣ́хъ всѣ́мъ лю́демъ мо­и́мъ, пѣ́снь и́хъ ве́сь де́нь.
  • Насы́ти мя́ го́рести, напо­и́ мя же́лчи
  • ו и изъя́ ка́менемъ зу́бы моя́, напита́ мя пе́пеломъ
  • и от­ри́ну от­ ми́ра ду́шу мою́. Забы́хъ благоты́
  • и рѣ́хъ: поги́бе побѣ́да моя́ и наде́жда моя́ от­ Го́спода.
  • ז Помяни́ нищету́ мою́ и гоне́нiе мое́.
  • Го́ресть и же́лчь мою́ помяну́, и стужи́тъ во мнѣ́ душа́ моя́.
  • Сiя́ положу́ въ се́рдцы мо­е́мъ, сего́ ра́ди потерплю́.
  • ח Ми́лость Госпо́дня, я́ко не оста́ви мене́, не сконча́шася бо щедро́ты его́: пребыва́яй во у́трiихъ, поми́луй, Го́споди, я́ко не погибо́хомъ, не сконча́шася бо щедро́ты твоя́.
  • Но́вая во у́трiихъ, мно́га е́сть вѣ́ра твоя́.
  • Ча́сть моя́ Госпо́дь, рече́ душа́ моя́: сего́ ра́ди пожду́ его́.
  • ט Бла́гъ Госпо́дь надѣ́ющымся на́нь:
  • души́ и́щущей его́ бла́го [е́сть], и надѣ́ющейся съ молча́нiемъ спасе́нiя Бо́жiя.
  • Бла́го е́сть му́жу, егда́ во́зметъ яре́мъ въ ю́ности сво­е́й:
  • י ся́детъ на еди́нѣ и умо́лкнетъ, я́ко воз­дви́гну на ся́:
  • положи́тъ во пра́хѣ уста́ своя́, не́гли ка́ко бу́детъ наде́жда:
  • пода́стъ лани́ту свою́ бiю́щему, насы́тит­ся укори́знъ.
  • כ Я́ко не во вѣ́къ от­ри́нетъ Госпо́дь,
  • я́ко смири́вый поми́луетъ по мно́же­ст­ву ми́лости сво­ея́,
  • не от­ри́ну от­ се́рдца сво­его́ и смири́ сы́ны му́жескiя.
  • ל Е́же смири́ти подъ но́зѣ его́ вся́ у́зники земны́я,
  • е́же уклони́ти су́дъ му́жа предъ лице́мъ вы́шняго,
  • осуди́ти человѣ́ка, внегда́ суди́тися ему́, Госпо́дь не рече́.
  • מ Кто́ есть то́й, и́же рече́, и бы́ти, Го́споду не повелѣ́в­шу?
  • Изъ у́стъ вы́шняго не изы́детъ зло́ и добро́.
  • Что́ воз­ро́пщетъ человѣ́къ живу́щь, му́жъ о грѣсѣ́ сво­е́мъ?
  • נ Изыска́ся пу́ть на́шъ и испыта́ся, и обрати́мся ко Го́споду.
  • Воздви́гнемъ сердца́ на́ша съ рука́ми къ Бо́гу высо́кому на небеси́.
  • Мы́ согрѣши́хомъ и нече́­ст­вовахомъ, сего́ ра́ди не поми́ловалъ еси́:
  • ס покры́лъ еси́ я́ростiю и от­гна́лъ еси́ на́съ, уби́лъ и не пощадѣ́лъ еси́:
  • покры́л­ся еси́ о́блакомъ, да не до́йдетъ къ тебѣ́ моли́тва,
  • сомжи́ти о́чи мо­и́ и от­ри́нути, положи́лъ еси́ на́съ посредѣ́ люді́й.
  • פ Отверзо́ша на ны́ уста́ своя́ вси́ врази́ на́ши.
  • Стра́хъ и у́жасъ бы́сть на́мъ, надме́нiе и сокруше́нiе:
  • исхо́дища водна́я излiе́тъ о́ко мое́ о сокруше́нiи дще́ре люді́й мо­и́хъ.
  • ע О́ко мое́ погря́зну: и не умо́лкну, е́же не бы́ти ослабле́нiю,
  • до́ндеже при­­клони́т­ся и уви́дитъ Госпо́дь съ небесе́.
  • О́ко мое́ закрыва́ет­ся о души́ мо­е́й, па́че всѣ́хъ дще́рей гра́да.
  • צ Ловя́ще улови́ша мя́ я́ко вра́бiя врази́ мо­и́ ту́не:
  • умори́ша въ ро́вѣ жи́знь мою́ и воз­ложи́ша на мя́ ка́мень.
  • Возлiя́ся вода́ вы́ше главы́ мо­ея́: рѣ́хъ: от­ринове́нъ е́смь.
  • ק Призва́хъ и́мя твое́, Го́споди, изъ ро́ва преиспо́дняго:
  • гла́съ мо́й услы́шалъ еси́: не покры́й уше́съ тво­и́хъ на мольбу́ мою́:
  • на по́мощь мою́ при­­бли́жил­ся еси́, въ де́нь, въ о́ньже при­­зва́хъ тя́, ре́клъ ми́ еси́: не бо́йся.
  • ר Суди́лъ еси́, Го́споди, прю́ души́ мо­ея́, изба́вилъ еси́ жи́знь мою́:
  • ви́дѣлъ еси́, Го́споди, смяте́нiя моя́, разсуди́лъ еси́ су́дъ мо́й:
  • вѣ́си все́ от­мще́нiе и́хъ и вся́ помышле́нiя и́хъ на мя́.
  • ש Слы́шалъ еси́ укори́зны и́хъ, вся́ совѣ́ты и́хъ на мя́,
  • устнѣ́ востаю́щихъ на мя́ и по­уче́нiе и́хъ на мя́ ве́сь де́нь,
  • сѣдѣ́нiе и́хъ и воста́нiе и́хъ: при́зри на о́чи и́хъ.
  • ת Возда́си и́мъ, Го́споди, воз­дая́нiе по дѣло́мъ руку́ и́хъ:
  • воз­да́си и́мъ заступле́нiе, сердца́ мо­его́ тру́дъ.
  • Ты́ и́хъ прожене́ши во гнѣ́вѣ и потреби́ши и́хъ подъ небесе́мъ, Го́споди.
  • Как помрачил Господь во гневе Своем дщерь Сиона! с небес поверг на землю красу Израиля и не вспомнил о подножии ног Своих в день гнева Своего.
  • Погубил Господь все жилища Иакова, не пощадил, разрушил в ярости Своей укрепления дщери Иудиной, поверг на землю, отверг царство и князей его, как нечистых:
  • в пылу гнева сломил все роги Израилевы, отвел десницу Свою от неприятеля и воспылал в Иакове, как палящий огонь, пожиравший все вокруг;
  • натянул лук Свой, как неприятель, направил десницу Свою, как враг, и убил все, вожделенное для глаз; на скинию дщери Сиона излил ярость Свою, как огонь.
  • Господь стал как неприятель, истребил Израиля, разорил все чертоги его, разрушил укрепления его и распространил у дщери Иудиной сетование и плач.
  • И отнял ограду Свою, как у сада; разорил Свое место собраний, заставил Господь забыть на Сионе празднества и субботы; и в негодовании гнева Своего отверг царя и священника.
  • Отверг Господь жертвенник Свой, отвратил сердце Свое от святилища Своего, предал в руки врагов стены чертогов его; в доме Господнем они шумели, как в праздничный день.
  • Господь определил разрушить стену дщери Сиона, протянул вервь, не отклонил руки Своей от разорения; истребил внешние укрепления, и стены вместе разрушены.
  • Ворота ее вдались в землю; Он разрушил и сокрушил запоры их; царь ее и князья ее – среди язычников; не стало закона, и пророки ее не сподобляются видений от Господа.
  • Сидят на земле безмолвно старцы дщери Сионовой, посыпали пеплом свои головы, препоясались вретищем; опустили к земле головы свои девы Иерусалимские.
  • Истощились от слез глаза мои, волнуется во мне внутренность моя, изливается на землю печень моя от гибели дщери народа моего, когда дети и грудные младенцы умирают от голода среди городских улиц.
  • Матерям своим говорят они: «где хлеб и вино?», умирая, подобно раненым, на улицах городских, изливая души свои в лоно матерей своих.
  • Что мне сказать тебе, с чем сравнить тебя, дщерь Иерусалима? чему уподобить тебя, чтобы утешить тебя, дева, дщерь Сиона? ибо рана твоя велика, как море; кто может исцелить тебя?
  • Пророки твои провещали тебе пустое и ложное и не раскрывали твоего беззакония, чтобы отвратить твое пленение, и изрекали тебе откровения ложные и приведшие тебя к изгнанию.
  • Руками всплескивают о тебе все проходящие путем, свищут и качают головою своею о дщери Иерусалима, говоря: «это ли город, который называли совершенством красоты, радостью всей земли?»
  • Разинули на тебя пасть свою все враги твои, свищут и скрежещут зубами, говорят: «поглотили мы его, только этого дня и ждали мы, дождались, увидели!»
  • Совершил Господь, что определил, исполнил слово Свое, изреченное в древние дни, разорил без пощады и дал врагу порадоваться над тобою, вознес рог неприятелей твоих.
  • Сердце их вопиет к Господу: стена дщери Сиона! лей ручьем слезы день и ночь, не давай себе покоя, не спускай зениц очей твоих.
  • Вставай, взывай ночью, при начале каждой стражи; изливай, как воду, сердце твое пред лицем Господа; простирай к Нему руки твои о душе детей твоих, издыхающих от голода на углах всех улиц.
  • «Воззри, Господи, и посмотри: кому Ты сделал так, чтобы женщины ели плод свой, младенцев, вскормленных ими? чтобы убиваемы были в святилище Господнем священник и пророк?
  • Дети и старцы лежат на земле по улицам; девы мои и юноши мои пали от меча; Ты убивал их в день гнева Твоего, заколал без пощады.
  • Ты созвал отовсюду, как на праздник, ужасы мои, и в день гнева Господня никто не спасся, никто не уцелел; тех, которые были мною вскормлены и выращены, враг мой истребил».
  • Я человек, испытавший горе от жезла гнева Его.
  • Он повел меня и ввел во тьму, а не во свет.
  • Так, Он обратился на меня и весь день обращает руку Свою;
  • измождил плоть мою и кожу мою, сокрушил кости мои;
  • огородил меня и обложил горечью и тяготою;
  • посадил меня в темное место, как давно умерших;
  • окружил меня стеною, чтобы я не вышел, отяготил оковы мои,
  • и когда я взывал и вопиял, задерживал молитву мою;
  • каменьями преградил дороги мои, извратил стези мои.
  • Он стал для меня как бы медведь в засаде, как бы лев в скрытном месте;
  • извратил пути мои и растерзал меня, привел меня в ничто;
  • натянул лук Свой и поставил меня как бы целью для стрел;
  • послал в почки мои стрелы из колчана Своего.
  • Я стал посмешищем для всего народа моего, вседневною песнью их.
  • Он пресытил меня горечью, напоил меня полынью.
  • Сокрушил камнями зубы мои, покрыл меня пеплом.
  • И удалился мир от души моей; я забыл о благоденствии,
  • и сказал я: погибла сила моя и надежда моя на Господа.
  • Помысли о моем страдании и бедствии моем, о полыни и желчи.
  • Твердо помнит это душа моя и падает во мне.
  • Вот что я отвечаю сердцу моему и потому уповаю:
  • по милости Господа мы не исчезли, ибо милосердие Его не истощилось.
  • Оно обновляется каждое утро; велика верность Твоя!
  • Господь часть моя, говорит душа моя, итак буду надеяться на Него.
  • Благ Господь к надеющимся на Него, к душе, ищущей Его.
  • Благо тому, кто терпеливо ожидает спасения от Господа.
  • Благо человеку, когда он несет иго в юности своей;
  • сидит уединенно и молчит, ибо Он наложил его на него;
  • полагает уста свои в прах, помышляя: «может быть, еще есть надежда»;
  • подставляет ланиту свою биющему его, пресыщается поношением,
  • ибо не навек оставляет Господь.
  • Но послал горе, и помилует по великой благости Своей.
  • Ибо Он не по изволению сердца Своего наказывает и огорчает сынов человеческих.
  • Но, когда попирают ногами своими всех узников земли,
  • когда неправедно судят человека пред лицем Всевышнего,
  • когда притесняют человека в деле его: разве не видит Господь?
  • Кто это говорит: «и то бывает, чему Господь не повелел быть»?
  • Не от уст ли Всевышнего происходит бедствие и благополучие?
  • Зачем сетует человек живущий? всякий сетуй на грехи свои.
  • Испытаем и исследуем пути свои, и обратимся к Господу.
  • Вознесем сердце наше и руки к Богу, сущему на небесах:
  • мы отпали и упорствовали; Ты не пощадил.
  • Ты покрыл Себя гневом и преследовал нас, умерщвлял, не щадил;
  • Ты закрыл Себя облаком, чтобы не доходила молитва наша;
  • сором и мерзостью Ты сделал нас среди народов.
  • Разинули на нас пасть свою все враги наши.
  • Ужас и яма, опустошение и разорение – доля наша.
  • Потоки вод изливает око мое о гибели дщери народа моего.
  • Око мое изливается и не перестает, ибо нет облегчения,
  • доколе не призрит и не увидит Господь с небес.
  • Око мое опечаливает душу мою ради всех дщерей моего города.
  • Всячески усиливались уловить меня, как птичку, враги мои, без всякой причины;
  • повергли жизнь мою в яму и закидали меня камнями.
  • Воды поднялись до головы моей; я сказал: «погиб я».
  • Я призывал имя Твое, Господи, из ямы глубокой.
  • Ты слышал голос мой; не закрой уха Твоего от воздыхания моего, от вопля моего.
  • Ты приближался, когда я взывал к Тебе, и говорил: «не бойся».
  • Ты защищал, Господи, дело души моей; искуплял жизнь мою.
  • Ты видишь, Господи, обиду мою; рассуди дело мое.
  • Ты видишь всю мстительность их, все замыслы их против меня.
  • Ты слышишь, Господи, ругательство их, все замыслы их против меня,
  • речи восстающих на меня и их ухищрения против меня всякий день.
  • Воззри, сидят ли они, встают ли, я для них – песнь.
  • Воздай им, Господи, по делам рук их;
  • пошли им помрачение сердца и проклятие Твое на них;
  • преследуй их, Господи, гневом, и истреби их из поднебесной.