Азбука веры » Би́блия » Малахі́и » гл.4

Малахі́и, Глава 4

Толкования

Толкования главы

4:1

см.:Ис.1:31;

4:2

см.:Лк.1:78;

4:3

см.:Ис.25:10;Рим.16:20;

4:4

см.:Исх.20:1;

4:5

см.:Мф.17:10;Мк.9:11;Лк.1:17;

4:6

см.:Лк.1:17;

Церковнослав. (рус. дореф.)

Языки

Я́ко се́, де́нь гряде́тъ горя́щь я́ко пе́щь и попали́тъ я́, и бу́дутъ вси́ иноплеме́нницы и вси́ творя́щiи беззако́нная я́ко сте́блiе: и возжже́тъ я́ де́нь Госпо́день гряды́й, глаго́летъ Госпо́дь Вседержи́тель, и не оста́нется от ни́хъ ко́рень ниже́ вѣ́твь.

И возсiя́етъ ва́мъ боя́щымся и́мене моего́ со́лнце пра́вды и изцѣле́нiе въ крилѣ́хъ его́: и изы́дете и взыгра́ете, я́коже телцы́ от у́зъ разрѣше́ни:

и поперете́ беззако́нники, и бу́дутъ пе́пелъ подъ нога́ми ва́шими въ де́нь, въ о́ньже а́зъ сотворю́, глаго́летъ Госпо́дь Вседержи́тель.

Помяни́те зако́нъ Моисе́а раба́ моего́, я́коже повелѣ́хъ ему́ въ Хори́вѣ ко всему́ Изра́илю повелѣ́нiя и оправда́нiя.

И се́, а́зъ послю́ ва́мъ илiю́ Ѳесви́тянина, пре́жде прише́ствiя дне́ Госпо́дня вели́каго и просвѣще́ннаго,

и́же устро́итъ се́рдце отца́ къ сы́ну и се́рдце человѣ́ка ко и́скреннему его́, да не прише́дъ поражу́ зе́млю въ коне́цъ.