Азбука веры » Би́блия » При́тчей Соломо́нихъ » гл.22

При́тчей Соломо́нихъ, Глава 22

Толкования

Толкования главы

22:1

см.:Еккл.7:1-2;

22:2

см.:Притч.29:13;

22:3

см.:Притч.27:12;

22:4

22:5

см.:Нав.23:13;

22:7

см.:Иак.2:6;

22:8a

22:8

см.:Иов.4:8;Ос.10:12;

22:9a

22:9

см.:2Кор.9:7;

22:10

22:11

22:12

22:13

см.:Притч.26:13;

22:14

22:14a

22:15

22:16

22:17

22:18

22:19

22:20

см.:Притч.3:5-6;

22:21

22:22

см.:Втор.24:17;Иов.31:13;

22:23

см.:Притч.23:11;

22:24

см.:Притч.15:18;Притч.29:22;

см.:Притч.12:13;

см.:Притч.6:1;

см.:Притч.20:16;

см.:Втор.19:14;Притч.23:10;

22:29

Церковнослав. (рус. дореф.)

Языки

Лу́чше и́мя до́брое, не́же бога́тство мно́го, па́че же сребра́ и зла́та благода́ть блага́я.

Бога́тъ и ни́щь срѣто́ста дру́гъ дру́га, обои́хъ же Госпо́дь сотвори́.

Худо́гъ, ви́дѣвъ лука́ваго му́чима крѣ́пко, са́мъ наказу́ется: безу́мнiи же мимоше́дше отщети́шася.

Ро́дъ прему́дрости стра́хъ Госпо́день, и бога́тство и сла́ва и живо́тъ.

Волчцы́ и сѣ́ти на путе́хъ стро́потныхъ, храня́й же свою́ ду́шу избѣжи́тъ и́хъ.

⁶Бога́тiи убо́гими и́мутъ облада́ти, ⁷и раби́ свои́мъ господе́мъ взаи́мъ даду́тъ.

⁹Му́жа ти́ха и дая́теля лю́битъ Госпо́дь, суету́ же дѣ́лъ его́ сконча́етъ.

Сѣ́явый зла́я по́жнетъ зла́я, я́зву же дѣ́лъ свои́хъ соверши́тъ.

^–Побѣ́ду и че́сть устроя́етъ дая́й да́ры, оба́че ду́шу погубля́етъ стяжа́вшихъ.

¹⁰Ми́луяй ни́щаго са́мъ препита́ется: от свои́хъ бо хлѣ́бовъ даде́ убо́гому.^–

¹¹Изжени́ от со́нмища губи́теля, и изы́детъ съ ни́мъ прѣ́нiе: егда́ бо ся́детъ въ со́нмищи, всѣ́хъ безче́ститъ.

¹²Лю́битъ Госпо́дь преподо́бная сердца́, прiя́тни же ему́ вси́ непоро́чнiи въ путе́хъ свои́хъ: устна́ма пасе́тъ ца́рь [лю́ди своя́].

¹³О́чи Госпо́дни соблюда́ютъ чу́вство: презира́етъ словеса́ законопресту́пный.

¹⁴Вины́ и́щетъ и глаго́летъ лѣни́вый: ле́въ на стезя́хъ, на путе́хъ же разбо́йницы.

¹⁵Я́ма глубока́ уста́ законопресту́пныхъ: возненави́дѣный же от Го́спода впаде́тся въ ню́.^–

^–Су́ть путiе́ злі́и предъ му́жемъ, и не лю́битъ возврати́тися от ни́хъ: возврати́тися же подоба́етъ от пути́ стро́потна и зла́го.

¹⁶Безу́мiе ви́ситъ на се́рдцы ю́наго: же́злъ же и наказа́нiе дале́че [отго́нитъ] от него́.

¹⁷Оби́дяй убо́гаго мно́гая себѣ́ зла́ твори́тъ, дае́тъ же бога́тому во оскудѣ́нiе [себѣ́].

¹⁸Ко словесе́мъ му́дрыхъ прилага́й твое́ у́хо, и услы́ши моя́ словеса́: свое́ же се́рдце утверди́ [къ ни́мъ], да разумѣ́еши, я́ко добра́ су́ть.

¹⁹И а́ще вложи́ши я́ въ се́рдце твое́, возвеселя́тъ тебе́ ку́пно во твои́хъ устнѣ́хъ.

²⁰Да бу́детъ ти́ на Го́спода наде́жда, и пока́жетъ ти́ пу́ть сво́й.

²¹Ты́ же напиши́ я́ себѣ́ три́жды, на совѣ́тъ и смы́слъ и ра́зумъ, на широтѣ́ се́рдца твоего́:^–

^–учу́ бо тя́ и́стинному словеси́, и ра́зума блага́го слу́шати на отвѣ́ты словесе́мъ и́стиннымъ предлага́емымъ тебѣ́.

Не наси́лствуй ни́щаго, зане́ убо́гъ е́сть, и не досажда́й немощно́му во вратѣ́хъ:

Госпо́дь бо и́мать суди́ти его́ су́дъ, и изба́виши твою́ безбѣ́дную ду́шу.

Не быва́й дру́гъ му́жу гнѣвли́ву и со дру́гомъ жестокосе́рдымъ не соводворя́йся:

да не когда́ научи́шися путе́мъ его́ и прiи́меши тене́та души́ твое́й.

Не вдава́йся въ поруче́нiе, стыдя́ся лица́:

егда́ бо не бу́деши имѣ́ти чи́мъ искупи́тися, во́змутъ посте́лю, я́же подъ ре́бры твои́ми.

Не прелага́й предѣ́лъ вѣ́чныхъ, я́же положи́ша отцы́ твои́.

Прозри́телну человѣ́ку и о́строму въ дѣ́лѣхъ свои́хъ предъ царьми́ подоба́етъ стоя́ти, и не стоя́ти предъ мужми́ просты́ми.