Азбука веры » Би́блия » Псалти́рь » Псалом 84

Псалом 84

Толкования

Толкования главы

84:1

84:2

84:3

см.:Пс.31:1;Рим.4:7;

84:4

84:5

84:6

см.:Пс.12:2;Пс.76:8;Пс.78:5;

84:7

84:8

84:9

84:10

см.:Пс.96:6;Пс.144:18;

84:11

84:12

84:13

см.:Иоил.2:19:22;

84:14

Псалом 134

134:0

134:1

см.:Пс.112:1;

134:2

134:3

см.:Пс.135:1;

134:4

см.:Втор.7:6;1Пет.2:9;Тит.2:14;

134:5

134:6

см.:Пс.113:11;Дан.4:32;

134:7

см.:Иер.10:13;Иер.14:22;

134:8

см.:Исх.12:29;Пс.77:51;

134:9

134:10

см.:Чис.21:21.и.проч;

134:11

см.:Нав.12:7;

134:12

134:13

134:14

134:15

см.:Пс.113:12;

134:16

см.:Прем.15:15;

134:17

134:18

см.:Ис.42:17;

134:19

134:20

134:21

см.:Пс.49:2;Пс.109:2;Ис.2:3;

Церковнославянский (рус)

Языки

Въ коне́цъ, сыно́мъ Коре́овымъ, псало́мъ.

Благоволи́лъ еси́, Го́споди, зе́млю твою́, возврати́лъ еси́ плѣ́нъ Иа́ковль.

Оста́вилъ еси́ беззако́нiя люді́й Твои́хъ, покры́лъ еси́ вся́ грѣхи́ и́хъ.

Укроти́лъ еси́ ве́сь гнѣ́въ Тво́й, возврати́лся еси́ от гнѣ́ва я́рости Твоея́.

Возврати́ на́съ, Бо́же спасе́нiй на́шихъ, и отврати́ я́рость Твою́ от на́съ.

Еда́ во вѣ́ки прогнѣ́ваешися на ны́? Или́ простре́ши гнѣ́въ Тво́й от ро́да въ ро́дъ?

Бо́же, Ты́ обра́щься оживи́ши ны́, и лю́дiе Твои́ возвеселя́тся о Тебѣ́.

Яви́ на́мъ, Го́споди, ми́лость Твою́, и спасе́нiе Твое́ да́ждь на́мъ.

Услы́шу, что́ рече́тъ о мнѣ́ Госпо́дь Бо́гъ: я́ко рече́тъ ми́ръ на лю́ди Своя́, и на преподо́бныя Своя́, и на обраща́ющыя сердца́ къ Нему́.

Оба́че бли́зъ боя́щихся Его́ спасе́нiе Его́, всели́ти сла́ву въ зе́млю на́шу.

Ми́лость и и́стина срѣто́стѣся, пра́вда и ми́ръ облобыза́стася:

и́стина от земли́ возсiя́, и пра́вда съ небесе́ прини́че:

и́бо Госпо́дь да́стъ бла́гость, и земля́ на́ша да́стъ пло́дъ сво́й.

Пра́вда предъ Ни́мъ предъи́детъ, и положи́тъ въ пу́ть стопы́ своя́.

Аллилу́iа.

Хвали́те и́мя Госпо́дне, хвали́те, раби́ Го́спода,

стоя́щiи во хра́мѣ Госпо́дни, во дво́рѣхъ до́му Бо́га на́шего.

Хвали́те Го́спода, я́ко бла́гъ Госпо́дь: по́йте и́мени Его́, я́ко добро́:

я́ко Иа́кова избра́ Себѣ́ Госпо́дь, Изра́иля въ достоя́нiе Себѣ́:

я́ко а́зъ позна́хъ, я́ко ве́лiй Госпо́дь, и Госпо́дь на́шъ надъ всѣ́ми бо́ги:

вся́, ели́ка восхотѣ́ Госпо́дь, сотвори́ на небеси́ и на земли́, въ моря́хъ и во всѣ́хъ бе́зднахъ.

Возводя́ о́блаки от послѣ́днихъ земли́, мо́лнiи въ до́ждь сотвори́, изводя́й вѣ́тры от сокро́вищъ Свои́хъ.

И́же порази́ пе́рвенцы Еги́петскiя от человѣ́ка до скота́:

посла́ зна́менiя и чудеса́ посредѣ́ тебе́, Еги́пте, на фарао́на и на вся́ рабы́ его́.

И́же порази́ язы́ки мно́ги и изби́ цари́ крѣ́пки:

Сио́на царя́ Аморре́йска и О́га царя́ Васа́нска, и вся́ ца́рствiя Ханаа́нска:

и даде́ зе́млю и́хъ достоя́нiе, достоя́нiе Изра́илю лю́демъ Свои́мъ.

Го́споди, и́мя Твое́ въ вѣ́къ, и па́мять Твоя́ въ ро́дъ и ро́дъ:

я́ко суди́ти и́мать Госпо́дь лю́демъ Свои́мъ, и о рабѣ́хъ Свои́хъ умо́лится.

И́доли язы́къ сребро́ и зла́то, дѣла́ ру́къ человѣ́ческихъ:

уста́ и́мутъ, и не возглаго́лютъ: о́чи и́мутъ, и не у́зрятъ:

у́ши и́мутъ, и не услы́шатъ: ниже́ бо е́сть ду́хъ во устѣ́хъ и́хъ.

Подо́бни и́мъ да бу́дутъ творя́щiи я́ и вси́ надѣ́ющiися на ня́.

До́ме Изра́илевъ, благослови́те Го́спода: до́ме Ааро́нь, благослови́те Го́спода: до́ме Леві́инъ, благослови́те Го́спода:

боя́щiися Го́спода, благослови́те Го́спода.

Благослове́нъ Госпо́дь от Сiо́на, живы́й во Иерусали́мѣ.