Быт. Исх. Лев. Чис. Втор. Нав. Суд. Руф. 1Цар. 2Цар. 3Цар. 4Цар. 1Пар. 2Пар. 1Ездр. Неем. 2Ездр. Тов. Иудиф. Эсф. 1Мак. 2Мак. 3Мак. 3Ездр. Иов. Пс. Притч. Еккл. Песн. Прем. Сир. Ис. Иер. Плч. Посл.Иер. Вар. Иез. Дан. Ос. Иоил. Ам. Авд. Ион. Мих. Наум. Авв. Соф. Агг. Зах. Мал. Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.

Книга Премудрости Иисуса, Сына Сирахова

 
  • Прему́дрость смире́н­наго воз­несе́тъ главу́ его́ и посредѣ́ вельмо́жъ посади́тъ его́.
  • Не похвали́ человѣ́ка во красотѣ́ его́, и не бу́ди ти́ ме́рзокъ человѣ́къ видѣ́нiемъ сво­и́мъ.
  • Мала́ е́сть въ перна́тыхъ пчела́, и нача́токъ сла́достей пло́дъ ея́.
  • Во одѣ́янiи ри́зъ не похвали́ся и въ де́нь сла́вы не превоз­носи́ся: я́ко ди́вна дѣла́ Госпо́дня и та́йна дѣла́ его́ предъ человѣ́ки.
  • Мно́зи мучи́телiе сѣдо́ша на земли́, неча́емый же увязе́ся вѣнце́мъ.
  • Мно́зи си́льнiи укоре́ни бы́ша зѣло́, и сла́внiи пре́дани бы́ша въ ру́ки инѣ́хъ.
  • Пе́рвѣе не́же испыта́еши, не порица́й, уразумѣ́й пре́жде и тогда́ запреща́й.
  • Пре́жде не́же услы́шиши, не от­вѣщава́й, и не влага́йся въ среду́ бесѣ́ды.
  • О ве́щи, я́же ти́ нѣ́сть на потре́бу, не тяжи́ся, и на судѣ́ грѣ́шниковъ не сѣда́й.
  • Ча́до, дѣя́нiя твоя́ да не бу́дутъ о мно́зѣ: а́ще умно́жиши, не бу́деши непови́ненъ, и а́ще се́ го́ниши, не пости́гнеши, и не утече́ши бѣжа́щь.
  • Е́сть тружда́яйся и потя́ся и тща́ся, и толи́ко па́че лиша́ет­ся.
  • Е́сть сла́бъ и тре́буяй заступле́нiя, лиша́яйся си́лы, и нището́ю изоби́луетъ:
  • и о́чи Госпо́дни при­­зрѣ́ста ему́ во блага́я, и воз­дви́же и́ от­ смире́нiя его́, *и воз­несе́ главу́ его́, и диви́шася о не́мъ мно́зи.
  • Блага́я и зла́я, живо́тъ и сме́рть, нищета́ и бога́т­ст­во от­ Го́спода су́ть.
  • Дая́нiе Госпо́дне пребыва́етъ благо­чести́вымъ, и благоволе́нiе его́ благопоспѣши́т­ся во вѣ́къ.
  • Е́сть богатя́йся удержа́нiемъ и ску́постiю сво­е́ю, и сiя́ ча́сть мзды́ его́,
  • внегда́ рещи́ ему́: обрѣто́хъ поко́й и ны́нѣ я́мъ от­ бла́гъ мо­и́хъ.
  • И не вѣ́сть, ко́е вре́мя прiи́детъ, и оста́витъ я́ инѣ́мъ, и у́мретъ.
  • Сто́й въ завѣ́тѣ тво­е́мъ и пребыва́й въ не́мъ, и въ дѣ́лѣ тво­е́мъ обетша́й.
  • Не диви́ся дѣло́мъ грѣ́шника, вѣ́руй же Го́сподеви и пребыва́й въ трудѣ́ тво­е́мъ:
  • я́ко удо́бно е́сть предъ очи́ма Госпо́днима внеза́пу обогати́ти ни́щаго.
  • Благослове́нiе Госпо́дне на мздѣ́ благо­чести́ваго, и въ ча́съ ско́ръ процвѣте́тъ благослове́нiе его́.
  • Не рцы́: ка́я ми́ потре́ба е́сть, и ка́я от­ны́нѣ бу́дутъ ми́ блага́я?
  • Не рцы́: дово́лна ми́ су́ть, и чи́мъ от­се́лѣ озло́бленъ бу́ду?
  • Въ де́нь благи́хъ забве́нiе злы́хъ, въ де́нь же злы́хъ не воспомяну́т­ся блага́я:
  • я́ко удо́бно е́сть предъ Бо́гомъ, въ де́нь сме́рти воз­да́ти человѣ́ку по дѣло́мъ его́.
  • Озлобле́нiе вре́мене забы́тiе твори́тъ сла́дости, и въ сконча́нiи человѣ́ка от­кры́тiе дѣ́лъ его́.
  • Пре́жде сме́рти не блажи́ ни кого́же, и въ ча́дѣхъ сво­и́хъ позна́нъ бу́детъ му́жъ.
  • Не вся́каго человѣ́ка вводи́ въ до́мъ тво́й: мно́ги бо су́ть ко́зни льсти́ваго.
  • Я́коже ря́бка уловле́ная въ клѣ́тцѣ [обгля́даетъ], та́ко се́рдце го́рдаго, и я́коже согля́дникъ назира́етъ паде́нiя:
  • до́брое бо на зло́ обраща́я, подса́ду твори́тъ и на до́брыя дѣ́тели воз­ложи́тъ поро́къ.
  • От и́скры о́гнен­ныя умножа́ет­ся у́глiе, и человѣ́къ грѣ́шникъ на кро́вь при­­сѣди́тъ.
  • Блюди́ся от­ злодѣ́я, зло́ бо содѣва́етъ, да не когда́ поро́къ да́стъ ти́ во вѣ́къ.
  • Всели́ чужда́го въ до́мъ тво́й, и разврати́тъ тя́ мяте́жемъ и чу́жда тя́ сотвори́тъ от­ тво­и́хъ ти́.
  • Мудрость смиренного вознесет голову его и посадит его среди вельмож.
  • Не хвали человека за красоту его, и не имей отвращения к человеку за наружность его.
  • Мала пчела между летающими, но плод ее – лучший из сластей.
  • Не хвались пышностью одежд и не превозносись в день славы: ибо дивны дела Господа, и сокровенны дела Его между людьми.
  • Многие из властелинов сидели на земле, тот же, о ком не думали, носил венец.
  • Многие из сильных подверглись крайнему бесчестию, и славные преданы были в руки других.
  • Прежде, нежели исследуешь, не порицай; узнай прежде, и тогда упрекай.
  • Прежде, нежели выслушаешь, не отвечай, и среди речи не перебивай.
  • Не спорь о деле, для тебя ненужном, и не сиди на суде грешников.
  • Сын мой! не берись за множество дел: при множестве дел не останешься без вины. И если будешь гнаться за ними, не достигнешь, и, убегая, не уйдешь.
  • Иной трудится, напрягает силы, поспешает, и тем более отстает.
  • Иной вял, нуждается в помощи, слабосилен и изобилует нищетою;
  • но очи Господа призрели на него во благо ему, *и Он восставил его из унижения его и вознес голову его, и многие изумлялись, смотря на него.
  • Доброе и худое, жизнь и смерть, бедность и богатство – от Господа.
  • Даяние Господа предоставлено благочестивым, и благоволение Его будет благопоспешно для них вовек.
  • Иной делается богатым от осмотрительности и бережливости своей, и это часть награды его,
  • когда он скажет: «я нашел покой и теперь наслаждаюсь моими благами».
  • И не знает он, сколько пройдет времени до того, когда он оставит их другим и умрет.
  • Твердо стой в завете твоем и пребывай в нем и состарься в деле твоем.
  • Не удивляйся делам грешника, веруй Господу, и пребывай в труде твоем:
  • ибо легко в очах Господа – скоро и внезапно обогатить бедного.
  • Благословение Господа – награда благочестивого, и в скором времени процветает он благословением Его.
  • Не говори: «что мне еще нужно? и какие отныне могу иметь еще блага?»
  • Не говори: «довольно у меня, и какое отныне могу я потерпеть зло?»
  • Во дни счастья бывает забвение о несчастье, и во дни несчастья не вспомнится о счастье.
  • Легко для Господа – в день смерти воздать человеку по делам его.
  • Минутное страдание производит забвение утех, и при кончине человека открываются дела его.
  • Прежде смерти не называй никого блаженным; человек познается в детях своих.
  • Не всякого человека вводи в дом твой, ибо много козней у коварного.
  • Как охотничья птица в западне, таково сердце надменного: он, как лазутчик, подсматривает падение;
  • превращая добро во зло, он строит козни и на людей избранных кладет пятно.
  • От искры огня умножаются угли, и человек грешный строит козни на кровь.
  • Остерегайся злодея, – ибо он строит зло, – чтобы он когда-нибудь не положил на тебе пятна навек.
  • Посели в доме твоем чужого, и он расстроит тебя смутами и сделает тебя чужим для твоих.
  • Премꙋ́дрость смире́ннагѡ вознесе́тъ главꙋ̀ є҆гѡ̀ и҆ посредѣ̀ вельмо́жъ посади́тъ є҆го̀.
  • Не похвалѝ человѣ́ка во красотѣ̀ є҆гѡ̀, и҆ не бꙋ́ди тѝ ме́рзокъ человѣ́къ видѣ́нїемъ свои́мъ.
  • Мала̀ є҆́сть въ перна́тыхъ пчела̀, и҆ нача́токъ сла́достей пло́дъ є҆ѧ̀.
  • Во ѡ҆дѣ́ѧнїи ри́зъ не похвали́сѧ и҆ въ де́нь сла́вы не превозноси́сѧ: ꙗ҆́кѡ ди̑вна дѣла̀ гдⷭ҇нѧ и҆ та̑йна дѣла̀ є҆гѡ̀ пред̾ челѡвѣ́ки.
  • Мно́зи мꙋчи́телїе сѣдо́ша на землѝ, неча́емый же ᲂу҆вѧзе́сѧ вѣнце́мъ.
  • Мно́зи си́льнїи ᲂу҆коре́ни бы́ша ѕѣлѡ̀, и҆ сла́внїи пре́дани бы́ша въ рꙋ́ки и҆нѣ́хъ.
  • Пе́рвѣе не́же и҆спыта́еши, не порица́й, ᲂу҆разꙋмѣ́й пре́жде и҆ тогда̀ запреща́й.
  • Пре́жде не́же ᲂу҆слы́шиши, не ѿвѣщава́й, и҆ не влага́йсѧ въ средꙋ̀ бесѣ́ды.
  • Ѡ҆ ве́щи, ꙗ҆́же тѝ нѣ́сть на потре́бꙋ, не тѧжи́сѧ, и҆ на сꙋдѣ̀ грѣ́шникѡвъ не сѣда́й.
  • Ча́до, дѣѧ̑нїѧ твоѧ̑ да не бꙋ́дꙋтъ ѡ҆ мно́зѣ: а҆́ще ᲂу҆мно́жиши, не бꙋ́деши непови́ненъ, и҆ а҆́ще сѐ го́ниши, не пости́гнеши, и҆ не ᲂу҆тече́ши бѣжа́щь.
  • Є҆́сть трꙋжда́ѧйсѧ и҆ потѧ́сѧ и҆ тща́сѧ, и҆ толи́кѡ па́че лиша́етсѧ.
  • Є҆́сть сла́бъ и҆ тре́бꙋѧй застꙋпле́нїѧ, лиша́ѧйсѧ си́лы, и҆ нището́ю и҆з̾ѡби́лꙋетъ:
  • и҆ ѻ҆́чи гдⷭ҇ни призрѣ́ста є҆мꙋ̀ во блага̑ѧ, и҆ воздви́же и҆̀ ѿ смире́нїѧ є҆гѡ̀, и҆ вознесѐ главꙋ̀ є҆гѡ̀, и҆ диви́шасѧ ѡ҆ не́мъ мно́зи.
  • Блага̑ѧ и҆ ѕла̑ѧ, живо́тъ и҆ сме́рть, нищета̀ и҆ бога́тство ѿ гдⷭ҇а сꙋ́ть.
  • Даѧ́нїе гдⷭ҇не пребыва́етъ бл҃гочести̑вымъ, и҆ бл҃говоле́нїе є҆гѡ̀ бл҃гопоспѣши́тсѧ во вѣ́къ.
  • Є҆́сть богатѧ́йсѧ ᲂу҆держа́нїемъ и҆ скꙋ́постїю свое́ю, и҆ сїѧ̀ ча́сть мзды̀ є҆гѡ̀,
  • внегда̀ рещѝ є҆мꙋ̀: ѡ҆брѣто́хъ поко́й и҆ нн҃ѣ ꙗ҆́мъ ѿ бла̑гъ мои́хъ.
  • И҆ не вѣ́сть, ко́е вре́мѧ прїи́детъ, и҆ ѡ҆ста́витъ ѧ҆̀ и҆нѣ̑мъ, и҆ ᲂу҆́мретъ.
  • Сто́й въ завѣ́тѣ твое́мъ и҆ пребыва́й въ не́мъ, и҆ въ дѣ́лѣ твое́мъ ѡ҆бетша́й.
  • Не диви́сѧ дѣлѡ́мъ грѣ́шника, вѣ́рꙋй же гдⷭ҇еви и҆ пребыва́й въ трꙋдѣ̀ твое́мъ:
  • ꙗ҆́кѡ ᲂу҆до́бно є҆́сть пред̾ ѻ҆чи́ма гдⷭ҇нима внеза́пꙋ ѡ҆богати́ти ни́щаго.
  • Блгⷭ҇ве́нїе гдⷭ҇не на мздѣ̀ благочести́вагѡ, и҆ въ ча́съ ско́ръ процвѣте́тъ блгⷭ҇ве́нїе є҆гѡ̀.
  • Не рцы̀: ка́ѧ мѝ потре́ба є҆́сть, и҆ ка̑ѧ ѿнн҃ѣ бꙋ́дꙋтъ мѝ блага̑ѧ;
  • Не рцы̀: довѡ́льна мѝ сꙋ́ть, и҆ чи́мъ ѿсе́лѣ ѡ҆ѕло́бленъ бꙋ́дꙋ;
  • Въ де́нь благи́хъ забве́нїе ѕлы́хъ, въ де́нь же ѕлы́хъ не воспомѧнꙋ́тсѧ блага̑ѧ:
  • ꙗ҆́кѡ ᲂу҆до́бно є҆́сть пред̾ бг҃омъ, въ де́нь сме́рти возда́ти человѣ́кꙋ по дѣлѡ́мъ є҆гѡ̀.
  • Ѡ҆ѕлобле́нїе вре́мене забы́тїе твори́тъ сла́дости, и҆ въ сконча́нїи человѣ́ка ѿкры́тїе дѣ́лъ є҆гѡ̀.
  • Пре́жде сме́рти не блажѝ никого́же, и҆ въ ча́дѣхъ свои́хъ позна́нъ бꙋ́детъ мꙋ́жъ.
  • Не всѧ́каго человѣ́ка вводѝ въ до́мъ тво́й: мнѡ́ги бо сꙋ́ть кѡ́зни льсти́вагѡ.
  • Ꙗ҆́коже рѧ́бка ᲂу҆ловле́наѧ въ клѣ́тцѣ (ѡ҆бглѧ́даетъ), та́кѡ се́рдце го́рдагѡ, и҆ ꙗ҆́коже соглѧ́дникъ назира́етъ паде́нїѧ:
  • до́брое бо на ѕло̀ ѡ҆браща́ѧ, подса́дꙋ твори́тъ и҆ на дѡ́брыѧ дѣ́тєли возложи́тъ поро́къ.
  • Ѿ и҆́скры ѻ҆́гненныѧ ᲂу҆множа́етсѧ ᲂу҆́глїе, и҆ человѣ́къ грѣ́шникъ на кро́вь присѣди́тъ.
  • Блюди́сѧ ѿ ѕлодѣ́ѧ, ѕло́ бо содѣва́етъ, да не когда̀ поро́къ да́стъ тѝ во вѣ́къ.
  • Вселѝ чꙋжда́го въ до́мъ тво́й, и҆ разврати́тъ тѧ̀ мѧте́жемъ и҆ чꙋ́жда тѧ̀ сотвори́тъ ѿ твои́хъ тѝ.