Азбука веры » Би́блия » Сiра́хъ » гл.14

Сiра́хъ, Глава 14

Толкования

Толкования главы

Толковая Библия А.П. Лопухина

см.:Сир.19:17;Иак.3:2;

см.:1Ин.3:21;

см.:Сир.31:28;

см.:Еккл.5:9;

14:5

см.:Притч.11:17;

14:7

14:8

см.:Притч.27:20;Кол.3:5;

см.:Сир.31:14;

см.:Чис.18:29;Притч.3:9;

см.:Евр.9:27;

см.:Тов.4:7;Сир.4:1;Лк.14:13;

см.:Лк.16:19;

см.:Лк.12:20;

см.:Лк.6:38;

14:17

см.:Ис.40:6;Иак.1:11;1Пет.1:24;Быт.2:17;

см.:Еккл.1:4;

14:20

см.:Втор.6:7;Пс.1:2;

14:22

14:23

см.:Притч.8:34;

14:25

см.:Еф.6:4;

14:27

Церковнослав. (рус. дореф.)

Языки

Блаже́нъ му́жъ, и́же не поползну́ся устна́ма свои́ма и не уязви́ся печа́лiю грѣха́.

Блаже́нъ, ему́же не зазрѣ́ душа́ его́, и и́же не спаде́ от наде́жды своея́.

Му́жеви скупо́му не лѣ́по е́сть бога́тство, и человѣ́ку зави́дливу на что́ имѣ́нiе?

Собира́яй от души́ своея́ инѣ́мъ собира́етъ, и во благи́хъ его́ ині́и насладя́тся.

И́же себѣ́ зо́лъ, кому́ до́бръ бу́детъ? и не возвесели́тся во имѣ́нiи свое́мъ.

Зави́дящаго себѣ́ самому́ нѣ́сть злѣ́йша: и сiе́ воздая́нiе зло́бы его́.

А́ще и добро́ твори́тъ, въ забы́тiи твори́тъ и на послѣ́докъ изъяви́тъ зло́бу свою́.

Лука́въ [е́сть] зави́дяй о́комъ, отвраща́яй лице́ и презира́яй ду́шы.

О́ко лихои́мца не насыща́ется ча́сти, и оби́да лука́ваго изсуша́етъ ду́шу.

О́ко лука́во зави́дливо и о хлѣ́бѣ, и на трапе́зѣ свое́й ску́дно.

Ча́до, я́коже и́маши, добро́ твори́ себѣ́, и приноше́нiя Го́сподеви досто́йно приноси́:

помяни́, я́ко сме́рть не заме́длитъ, и завѣ́тъ а́довъ не пока́занъ ти́ бы́сть.

Пре́жде не́же у́мреши ты́, добро́ твори́ дру́гу и по си́лѣ твое́й простри́ и да́ждь ему́.

Не лиши́ся от дне́ добра́, и ча́сть жела́нiя бла́га да не пре́йдетъ тебе́.

Не инѣ́мъ ли оста́виши притяжа́нiя твоя́ и труды́ твоя́, въ раздѣле́нiе жре́бiя?

Да́ждь и возми́, и освяти́ ду́шу твою́:

я́ко нѣ́сть во а́дѣ взыска́ти сла́дости.

Вся́ка пло́ть я́ко ри́за обетша́етъ, завѣ́тъ бо от вѣ́ка: сме́ртiю у́мреши.

Я́ко ли́стъ расплоща́яся на дре́вѣ ча́стѣ, о́въ у́бо спа́даетъ, другі́й же прозяба́етъ: та́кожде и ро́дъ пло́ти и кро́ви, о́въ у́бо умира́етъ, о́въ же роди́тся.

Вся́кое дѣ́ло гнiю́щее изчеза́етъ, и дѣ́лаяй е́ съ ни́мъ отъи́детъ.

Блаже́нъ му́жъ, и́же во прему́дрости у́мретъ и и́же въ ра́зумѣ свое́мъ поуча́ется святы́ни:

размышля́яй пути́ ея́ въ се́рдцы свое́мъ, и въ сокрове́нныхъ ея́ уразуми́тся.

Изы́ди вслѣ́дъ ея́ я́ко изслѣ́дникъ и на путе́хъ ея́ присѣди́.

Приница́яй сквозѣ́ око́нца ея́ и при две́рехъ ея́ послу́шаетъ.

Обита́яй бли́зъ до́му ея́ и вбiе́тъ ко́лъ въ стѣ́ны ея́, поста́витъ ски́нiю свою́ вскра́й ея́ и обита́ти бу́детъ во оби́тели благи́хъ,

положи́тъ ча́да своя́ въ покро́вѣ ея́ и подъ вѣ́твьми ея́ водвори́тся,

покры́ется е́ю от зно́я и во сла́вѣ ея́ обита́ти бу́детъ.