Быт. Исх. Лев. Чис. Втор. Нав. Суд. Руф. 1Цар. 2Цар. 3Цар. 4Цар. 1Пар. 2Пар. 1Ездр. Неем. 2Ездр. Тов. Иудиф. Эсф. 1Мак. 2Мак. 3Мак. 3Ездр. Иов. Пс. Притч. Еккл. Песн. Прем. Сир. Ис. Иер. Плч. Посл.Иер. Вар. Иез. Дан. Ос. Иоил. Ам. Авд. Ион. Мих. Наум. Авв. Соф. Агг. Зах. Мал. Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.

Книга Премудрости Иисуса, Сына Сирахова

 
  • Госпо́дь созда́ от­ земли́ человѣ́ка, и па́ки воз­врати́ его́ въ ню́.
  • Дни́ числа́ и вре́мя даде́ и́мъ, и даде́ и́мъ вла́сть надъ су́щими на не́й.
  • Я́коже они́ са́ми, облече́ и́хъ крѣ́постiю, и по о́бразу сво­ему́ сотвори́ я́:
  • и положи́ стра́хъ его́ на вся́цѣй пло́ти, е́же вла́стел­ст­вовати звѣрьми́ [и скоты́] и пти́цами.
  • Помышле́нiе и язы́къ и о́чи, у́ши и се́рдце даде́ и́мъ размышля́ти:
  • худо́же­с­т­вомъ ра́зума испо́лни я́ и до́брая и зла́я показа́ и́мъ.
  • Положи́лъ е́сть о́ко свое́ на сердца́хъ и́хъ, показа́ти и́мъ вели́че­с­т­во дѣ́лъ сво­и́хъ,
  • да и́мя святы́ни его́ восхва́лятъ и да повѣ́даютъ вели́че­ст­ва дѣ́лъ его́.
  • Приложи́лъ и́мъ худо́же­с­т­во и зако́нъ живота́ даде́ въ наслѣ́дiе и́мъ.
  • Завѣ́тъ вѣ́чный поста́ви съ ни́ми и судьбы́ своя́ показа́ и́мъ.
  • Вели́че­с­т­во сла́вы ви́дѣша очеса́ и́хъ, и сла́ву гла́са и́хъ слы́ша у́хо и́хъ.
  • И рече́ и́мъ: внемли́те от­ вся́кiя непра́вды. и заповѣ́да и́мъ кому́ждо о и́скрен­немъ.
  • Путiе́ и́хъ предъ ни́мъ вы́ну, не укры́ют­ся от­ о́чiю его́.
  • Кому́ждо язы́ку устро́илъ вожда́,
  • и ча́сть Госпо́дня Изра́иль е́сть.
  • Вся́ дѣла́ и́хъ я́ко со́лнце предъ ни́мъ, и о́чи его́ вы́ну на путе́хъ и́хъ:
  • не укры́шася непра́вды и́хъ от­ него́, и вси́ грѣси́ и́хъ предъ Го́сподемъ.
  • Ми́лостыня му́жа я́ко печа́ть съ ни́мъ, и благода́ть человѣ́чу я́ко зѣ́ницу соблюде́тъ.
  • По си́хъ воста́нетъ и воз­да́стъ и́мъ, и воз­дая́нiе и́хъ на главу́ и́хъ воз­да́стъ:
  • оба́че ка́ющымся да́лъ е́сть воз­враще́нiе и утѣ́ши изнемога́ющихъ терпѣ́нiемъ.
  • Обрати́ся у́бо ко Го́споду и оста́ви грѣхи́:
  • помоли́ся предъ лице́мъ и ума́ли претыка́нiя:
  • восходи́ къ вы́шнему и от­врати́ся от­ непра́вды, и зѣло́ воз­ненави́ди ме́рзость.
  • Вы́шняго кто́ восхва́литъ во а́дѣ, вмѣ́сто живы́хъ и даю́щихъ исповѣ́данiе?
  • От мертвеца́ я́ко ничто́ су́щаго погиба́етъ исповѣ́данiе:
  • живы́й же и здра́вый восхва́литъ Го́спода.
  • Ко́ль вели́ка ми́лость Госпо́дня и очище́нiе обраща́ющымся къ нему́?
  • Не мо́гутъ бо вся́ бы́ти въ человѣ́цѣхъ:
  • я́ко не безсме́ртенъ сы́нъ человѣ́ческiй.
  • Что́ свѣтлѣ́е со́лнца? и то́ изчеза́етъ: и зло́ помы́слитъ пло́ть и кро́вь.
  • Си́лу высоты́ небе́сныя то́й са́мъ назира́етъ, человѣ́цы же вси́ земля́ и пе́пелъ.
  • Господь создал человека из земли и опять возвращает его в нее.
  • Определенное число дней и время дал Он им, и дал им власть над всем, что на ней.
  • По природе их, облек их силою и сотворил их по образу Своему,
  • и вложил страх к ним во всякую плоть, чтобы господствовать им над зверями и птицами.
  • Он дал им смысл, язык и глаза, и уши и сердце для рассуждения,
  • исполнил их проницательностью разума и показал им добро и зло.
  • Он положил око Свое на сердца их, чтобы показать им величие дел Своих,
  • да прославляют они святое имя Его и возвещают о величии дел Его.
  • Он приложил им знание и дал им в наследство закон жизни;
  • вечный завет поставил с ними и показал им суды Свои.
  • Величие славы видели глаза их, и славу голоса Его слышало ухо их.
  • И сказал Он им: «остерегайтесь всякой неправды»; и заповедал каждому из них обязанность к ближнему.
  • Пути их всегда пред Ним, не скроются от очей Его.
  • Каждому народу поставил Он вождя,
  • а Израиль есть удел Господа.
  • Все дела их – как солнце пред Ним, и очи Его всегда на путях их.
  • Не утаились от Него неправды их, и все грехи их – пред Господом.
  • Милостыня человека – как печать у Него, и благодеяние человека сохранит Он, как зеницу ока.
  • Потом Он восстанет и воздаст им, и даяние их на голову их возвратит.
  • Но кающимся Он давал обращение и ободрял ослабевавших в терпении.
  • Обратись к Господу и оставь грехи;
  • молись пред Ним и уменьши твои преткновения.
  • Возвратись ко Всевышнему, и отвратись от неправды, и сильно возненавидь мерзость.
  • Кто будет восхвалять Всевышнего в аде, вместо живущих и прославляющих Его?
  • От мертвого, как от несуществующего, нет прославления:
  • живый и здоровый восхвалит Господа.
  • Как велико милосердие Господа и примирение с обращающимися к Нему!
  • Не может быть всего в человеке,
  • потому что не бессмертен сын человеческий.
  • Что светлее солнца? но и оно затмевается. И о злом будет помышлять плоть и кровь.
  • За силами высоких небес Он Сам наблюдает, а люди все – земля и пепел.
  • Гдⷭ҇ь созда̀ ѿ землѝ человѣ́ка, и҆ па́ки возвратѝ є҆го̀ въ ню̀.
  • Дни̑ числа̀ и҆ вре́мѧ дадѐ и҆̀мъ, и҆ дадѐ и҆̀мъ вла́сть над̾ сꙋ́щими на не́й.
  • Ꙗ҆́коже ѻ҆нѝ са́ми, ѡ҆блечѐ и҆̀хъ крѣ́постїю, и҆ по ѡ҆́бразꙋ своемꙋ̀ сотворѝ ѧ҆̀:
  • и҆ положѝ стра́хъ є҆гѡ̀ на всѧ́цѣй пло́ти, є҆́же вла́стельствовати ѕвѣрьмѝ (и҆ скѡты̀) и҆ пти́цами.
  • Помышле́нїе и҆ ѧ҆зы́къ и҆ ѻ҆́чи, ᲂу҆́ши и҆ се́рдце дадѐ и҆̀мъ размышлѧ́ти:
  • хꙋдо́жествомъ ра́зꙋма и҆спо́лни ѧ҆̀ и҆ дѡ́браѧ и҆ ѕла̑ѧ показа̀ и҆̀мъ.
  • Положи́лъ є҆́сть ѻ҆́ко своѐ на сердца́хъ и҆́хъ, показа́ти и҆̀мъ вели́чество дѣ́лъ свои́хъ,
  • да и҆́мѧ ст҃ы́ни є҆гѡ̀ восхва́лѧтъ и҆ да повѣ́даютъ вели́чєства дѣ́лъ є҆гѡ̀.
  • Приложи́лъ и҆̀мъ хꙋдо́жество и҆ зако́нъ живота̀ дадѐ въ наслѣ́дїе и҆̀мъ.
  • Завѣ́тъ вѣ́чный поста́ви съ ни́ми и҆ сꙋдьбы̑ своѧ̑ показа̀ и҆̀мъ.
  • Вели́чество сла́вы ви́дѣша ѻ҆чеса̀ и҆́хъ, и҆ сла́вꙋ гла́са и҆́хъ слы́ша ᲂу҆́хо и҆́хъ.
  • И҆ речѐ и҆̀мъ: внемли́те ѿ всѧ́кїѧ непра́вды. и҆ заповѣ́да и҆̀мъ комꙋ́ждо ѡ҆ и҆́скреннемъ.
  • Пꙋтїѐ и҆́хъ пред̾ ни́мъ вы́нꙋ, не ᲂу҆кры́ютсѧ ѿ ѻ҆́чїю є҆гѡ̀.
  • Комꙋ́ждо ꙗ҆зы́кꙋ ᲂу҆стро́илъ вожда̀,
  • и҆ ча́сть гдⷭ҇нѧ і҆и҃ль є҆́сть.
  • Всѧ̑ дѣла̀ и҆́хъ ꙗ҆́кѡ со́лнце пред̾ ни́мъ, и҆ ѻ҆́чи є҆гѡ̀ вы́нꙋ на пꙋте́хъ и҆́хъ:
  • не ᲂу҆кры́шасѧ непра̑вды и҆́хъ ѿ негѡ̀, и҆ всѝ грѣсѝ и҆́хъ пред̾ гдⷭ҇емъ.
  • Ми́лостынѧ мꙋ́жа ꙗ҆́кѡ печа́ть съ ни́мъ, и҆ благода́ть человѣ́чꙋ ꙗ҆́кѡ зѣ́ницꙋ соблюде́тъ.
  • По си́хъ воста́нетъ и҆ возда́стъ и҆̀мъ, и҆ воздаѧ́нїе и҆́хъ на главꙋ̀ и҆́хъ возда́стъ:
  • ѻ҆ба́че ка́ющымсѧ да́лъ є҆́сть возвраще́нїе и҆ ᲂу҆тѣ́ши и҆знемога́ющихъ терпѣ́нїемъ.
  • Ѡ҆брати́сѧ ᲂу҆̀бо ко гдⷭ҇ꙋ и҆ ѡ҆ста́ви грѣхѝ:
  • помоли́сѧ пред̾ лице́мъ и҆ ᲂу҆ма́ли претыка̑нїѧ:
  • восходѝ къ вы́шнемꙋ и҆ ѿврати́сѧ ѿ непра́вды, и҆ ѕѣлѡ̀ возненави́ди ме́рзость.
  • Вы́шнѧго кто̀ восхва́литъ во а҆́дѣ, вмѣ́стѡ живы́хъ и҆ даю́щихъ и҆сповѣ́данїе;
  • Ѿ мертвеца̀ ꙗ҆́кѡ ничто̀ сꙋ́щагѡ погиба́етъ и҆сповѣ́данїе:
  • живы́й же и҆ здра́вый восхва́литъ гдⷭ҇а.
  • Ко́ль вели́ка млⷭ҇ть гдⷭ҇нѧ и҆ ѡ҆чище́нїе ѡ҆браща́ющымсѧ къ немꙋ̀;
  • Не мо́гꙋтъ бо всѧ̑ бы́ти въ человѣ́цѣхъ:
  • ꙗ҆́кѡ не безсме́ртенъ сы́нъ человѣ́ческїй.
  • Что̀ свѣтлѣ́е со́лнца; и҆ то̀ и҆счеза́етъ: и҆ ѕло̀ помы́слитъ пло́ть и҆ кро́вь.
  • Си́лꙋ высоты̀ небе́сныѧ то́й са́мъ назира́етъ, человѣ́цы же всѝ землѧ̀ и҆ пе́пелъ.