Азбука веры » Би́блия » Сiра́хъ » гл.18

Сiра́хъ, Глава 18

Толкования

Толкования главы

Толковая Библия А.П. Лопухина

см.:Быт.1:31;

18:2

18:3

18:4

18:5

см.:Лк.17:10;

18:7

см.:Пс.89:10;

см.:2Пет.3:9;Прем.12:18;

18:10

см.:Иез.13:23;

см.:Мф.5:45;Мф.6:12;

см.:Пс.117:18;

18:14

см.:Сир.20:15;Сир.41:28;

18:16

см.:Притч.16:24;Притч.25:11;

18:18

18:19

см.:Лк.4:23;

см.:Лк.6:42;

см.:Пс.94:8;Рим.12:11;

18:23

см.:Сир.1:30;

см.:Мф.14:20;

см.:Евр.13:3;

см.:Притч.28:14;

см.:Притч.1:5;

18:29

см.:Рим.6:12;Рим.8:13;

18:31

см.:Лк.16:19;

18:33

Церковнослав. (рус. дореф.)

Языки

Живы́й во вѣ́ки созда́ вся́ о́бще. Госпо́дь еди́нъ оправди́тся:

никто́же дово́ленъ исповѣ́сти дѣ́лъ его́,

и кто́ изслѣ́дитъ вели́чiя его́?

Держа́ву вели́чества его́ кто́ изочте́тъ? и кто́ приложи́тъ исповѣ́дати ми́лости его́?

Не лѣ́ть ума́лити, ниже́ приложи́ти, и не лѣ́ть изслѣ́дити чуде́съ Госпо́днихъ.

Егда́ сконча́етъ человѣ́къ, тогда́ начина́етъ, и егда́ преста́нетъ, тогда́ усумни́тся.

Что́ е́сть человѣ́къ? и что́ потре́ба его́? что́ бла́го его́? и что́ зло́ его́?

Число́ дні́й человѣ́ку мно́го лѣ́тъ сто́: я́ко ка́пля морскі́я воды́ и зерно́ песка́, та́ко ма́ло лѣ́тъ въ де́нь вѣ́ка.

Сего́ ра́ди долготерпѣ́ Госпо́дь на ни́хъ и излiя́ на ня́ ми́лость свою́.

Ви́дѣ и позна́ низвраще́нiе и́хъ, я́ко зло́,

сего́ ра́ди умно́жи милосе́рдiе свое́.

Ми́лость человѣ́ча на и́скренняго своего́, ми́лость же Госпо́дня на вся́ку пло́ть.

Облича́яй и наказу́яй, и науча́яй и обраща́яй я́ко па́стырь ста́до свое́:

прiе́млющихъ наказа́нiе ми́луетъ и тща́щихся о судьба́хъ его́.

Ча́до, во благи́хъ не да́ждь поро́ка, и во вся́цѣмъ дая́нiи печа́ли слове́съ.

Не устуди́тъ ли зно́я роса́? та́ко лу́чше сло́во, не́жели дая́нiе.

Не се́ ли, сло́во па́че дая́нiя бла́га? обоя́ же у му́жа благода́тна.

Бу́й неблагода́рно поно́ситъ, и дая́нiе зави́дливаго истаева́етъ о́чи.

Пре́жде не́же возглаго́леши, увѣ́ждь, и пре́жде неду́га врачу́йся:

пре́жде суда́ испыта́й себе́ и въ ча́съ посѣще́нiя обря́щеши очище́нiе:

пре́жде да́же въ неду́гъ не впаде́ши, смири́ся, и во вре́мя грѣхо́въ покажи́ обраще́нiе.

Не воспяти́ся возда́ти обѣ́тъ благовре́менно и не ожида́й да́же до сме́рти оправда́тися:

пре́жде да́же не помо́лишися, угото́ви себе́, и не бу́ди я́ко человѣ́къ искуша́я Го́спода.

Помяни́ гнѣ́въ въ де́нь сконча́нiя и вре́мя ме́сти во отвраще́нiи лица́:

помяни́ вре́мя гла́да во вре́мя сы́тости, нищету́ и убо́жество въ де́нь бога́тства.

От у́тра до ве́чера измѣня́ется вре́мя, и вся́ ско́ра су́ть предъ Го́сподемъ.

Человѣ́къ прему́дръ во все́мъ опа́сенъ бу́детъ и во дне́хъ грѣхо́въ во́нметъ о согрѣше́нiи.

Вся́къ разуми́въ позна́ прему́дрость, и обрѣ́тшему ю́ да́стъ исповѣ́данiе.

Разу́мнiи въ словесѣ́хъ, и ті́и умудри́шася и умно́жиша при́тчи испы́тны. воздержа́нiе души́.

Вслѣ́дъ по́хотей твои́хъ не ходи́ и от похотѣ́нiй свои́хъ возбраня́йся:

а́ще да́си души́ твое́й благоволе́нiе жела́нiя, сотвори́тъ тя́ обра́дованiе враго́мъ твои́мъ.

Не весели́ся о мно́зѣй сла́дости и не связу́йся сообще́нiемъ ея́.

Не бу́ди ни́щь пи́ршествуяй от взаи́мства, и ничто́ ти бу́детъ въ мѣшцѣ́.