Быт. Исх. Лев. Чис. Втор. Нав. Суд. Руф. 1Цар. 2Цар. 3Цар. 4Цар. 1Пар. 2Пар. 1Ездр. Неем. 2Ездр. Тов. Иудиф. Эсф. 1Мак. 2Мак. 3Мак. 3Ездр. Иов. Пс. Притч. Еккл. Песн. Прем. Сир. Ис. Иер. Плч. Посл.Иер. Вар. Иез. Дан. Ос. Иоил. Ам. Авд. Ион. Мих. Наум. Авв. Соф. Агг. Зах. Мал. Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.

Книга Премудрости Иисуса, Сына Сирахова

 
  • Ча́до, согрѣши́лъ ли еси́, не при­­ложи́ ктому́, и о пре́жднихъ тво­и́хъ помоли́ся.
  • Я́коже от­ лица́ змiи́на, бѣжи́ от­ грѣха́: а́ще бо при­­сту́пиши къ нему́, угры́знетъ тя́:
  • зу́бы льво́вы зу́бы его́, убива́ющiи ду́шы человѣ́чи.
  • Я́ко ме́чь обою́ду о́стръ вся́ко беззако́нiе, ра́нѣ его́ нѣ́сть изцѣле́нiя.
  • Преще́нiе и досажде́нiе опустоша́тъ бога́т­ст­во: та́ко и до́мъ го́рдыхъ запустѣ́етъ.
  • Моле́нiе ни́щаго изъ у́стъ до у́шiю его́, и су́дъ его́ со тща́нiемъ гряде́тъ.
  • Ненави́дяй обличе́нiя послѣ́дуетъ грѣ́шнику, и боя́йся Го́спода обрати́т­ся се́рдцемъ.
  • Позна́нъ е́сть издале́ча си́льный язы́комъ, и разу́мивый вѣ́сть, егда́ пополза́ет­ся.
  • Созида́яй до́мъ сво́й имѣ́нiемъ чужди́мъ, я́коже собира́яй ка́менiе на гро́бъ себѣ́.
  • Изгре́бiя со́брана собо́рище беззако́н­никовъ, и кончи́на и́хъ пла́мень о́гненъ.
  • Пу́ть грѣ́шниковъ углажде́нъ от­ ка́менiя, а на послѣ́докъ его́ ро́въ а́довъ.
  • Сохраня́яй зако́нъ содержи́тъ помышле́нiе свое́,
  • и соверше́нiе стра́ха Госпо́дня прему́дрость.
  • Не нака́жет­ся, и́же не е́сть кова́ренъ:
  • е́сть бо кова́р­ст­во умножа́ющее го́ресть.
  • Ра́зумъ прему́драго я́ко пото́пъ умно́жит­ся, и совѣ́тъ его́ я́ко исто́чникъ живота́.
  • Утро́ба бу́яго я́ко сосу́дъ сокруше́нъ и вся́каго ра́зума не удержи́тъ.
  • Сло́во прему́дро а́ще услы́шитъ разу́мный, восхва́литъ е́ и къ нему́ при­­ложи́тъ: услы́ша е́ бу́й, и не уго́дно ему́ бы́сть, и обрати́ е́ за плещы́ своя́.
  • По́вѣсть бу́яго я́ко бре́мя на пути́: во устна́хъ же разу́мнаго обря́щет­ся благода́ть.
  • Уста́ прему́драго взы́щут­ся въ собра́нiи, и словеса́ его́ размышле́на бу́дутъ въ се́рдцы.
  • Я́коже до́мъ разоре́нъ, та́ко бу́яго прему́дрость, и ра́зумъ неразу́мнаго неиспы́тны глаго́лы.
  • Пу́та на нога́хъ неразумѣва́ющымъ наказа́нiя, и я́ко ручні́и око́вы на руцѣ́ деснѣ́й.
  • Бу́й во смѣ́хѣ воз­но́ситъ гла́съ сво́й, му́жъ же разу́мный едва́ ти́хо оскла́бит­ся.
  • Я́коже у́тварь злата́я му́дрому наказа́нiе, и я́коже о́бручь на деснѣ́й мы́шцѣ его́.
  • Нога́ бу́яго скора́ въ до́мъ, человѣ́къ же много­иску́сный усрами́т­ся от­ лица́.
  • Безу́мный две́рьми при­­ни́четъ во хра́мину, му́жъ же нака́занъ внѣ́ ста́нетъ.
  • Ненаказа́нiе человѣ́ку слу́шати при­­ две́рехъ, му́дрый же отяготи́т­ся безче́стiемъ.
  • Устнѣ́ многорѣ́чивыхъ не своя́ си́ повѣ́дятъ, словеса́ же му́дрыхъ въ мѣ́рилѣхъ ста́нутъ.
  • Во устѣ́хъ бу́ихъ се́рдце и́хъ, въ се́рдцы же прему́дрыхъ уста́ и́хъ.
  • Клену́щу нечести́вому сатану́, са́мъ клене́тъ свою́ ду́шу.
  • Скверни́тъ свою́ ду́шу шепотли́вый, и гдѣ́ либо жи́ти и́мать, воз­ненави́дѣнъ бу́детъ.
  • Сын мой! если ты согрешил, не прилагай более грехов и о прежних молись.
  • Беги от греха, как от лица змея; ибо, если подойдешь к нему, он ужалит тебя.
  • Зубы его – зубы львиные, которые умерщвляют души людей.
  • Всякое беззаконие как обоюдоострый меч: ране от него нет исцеления.
  • Устрашения и насилия опустошат богатство: так опустеет и дом высокомерного.
  • Моление из уст нищего – только до ушей его; но суд над ним поспешно приближается.
  • Ненавидящий обличение идет по следам грешника, а боящийся Господа обратится сердцем.
  • Издалека узнается сильный языком; но разумный видит, где тот спотыкается.
  • Строящий дом свой на чужие деньги – то же, что собирающий камни для своей могилы.
  • Сборище беззаконных – куча пакли, и конец их – пламень огненный.
  • Путь грешников вымощен камнями, но на конце его – пропасть ада.
  • Соблюдающий закон обладает своими мыслями,
  • и совершение страха Господня – мудрость.
  • Не научится тот, кто неспособен;
  • но есть способность, умножающая горечь.
  • Знание мудрого увеличивается подобно наводнению, и совет его, – как источник жизни.
  • Сердце глупого подобно разбитому сосуду и не удержит в себе никакого знания.
  • Если мудрое слово услышит разумный, то он похвалит его и приложит к себе. Услышал его легкомысленный, и оно не понравилось ему, и он бросил его за себя.
  • Речь глупого – как бремя в пути, в устах же разумного находят приятность.
  • Речей разумного будут искать в собрании, и о словах его будут размышлять в сердце.
  • Как разрушенный дом, так мудрость глупому, и знание неразумного – бессмысленные слова.
  • Наставление для безумных – оковы на ногах и как цепи на правой руке.
  • Глупый в смехе возвышает голос свой, а муж благоразумный едва тихо улыбнется.
  • Как золотой наряд – наставление для разумного, и как драгоценное украшение на правой руке.
  • Нога глупого спешит в чужой дом, но человек многоопытный постыдится людей;
  • неразумный сквозь дверь заглядывает в дом, а человек благовоспитанный остановится вне;
  • невежество человека – подслушивать у дверей, благоразумный же огорчится таким бесстыдством.
  • Уста многоречивых рассказывают чужое, а слова благоразумных взвешиваются на весах.
  • В устах глупых – сердце их, уста же мудрых – в сердце их.
  • Когда нечестивый проклинает сатану, то проклинает свою душу.
  • Наушник оскверняет свою душу и будет ненавидим везде, где только жить будет.
  • Ча́до, согрѣши́лъ ли є҆сѝ, не приложѝ ктомꙋ̀, и҆ ѡ҆ пре́жднихъ твои́хъ помоли́сѧ.
  • Ꙗ҆́коже ѿ лица̀ ѕмїи́на, бѣжѝ ѿ грѣха̀: а҆́ще бо пристꙋ́пиши къ немꙋ̀, ᲂу҆гры́знетъ тѧ̀:
  • зꙋ́бы львѡ́вы зꙋ́бы є҆гѡ̀, ᲂу҆бива́ющїи дꙋ́шы человѣ̑чи.
  • Ꙗ҆́кѡ ме́чь ѻ҆бою́дꙋ ѻ҆́стръ всѧ́ко беззако́нїе, ра́нѣ є҆гѡ̀ нѣ́сть и҆сцѣле́нїѧ.
  • Преще́нїе и҆ досажде́нїе ѡ҆пꙋстоша́тъ бога́тство: та́кѡ и҆ до́мъ го́рдыхъ запꙋстѣ́етъ.
  • Моле́нїе ни́щагѡ и҆з̾ ᲂу҆́стъ до ᲂу҆́шїю є҆гѡ̀, и҆ сꙋ́дъ є҆гѡ̀ со тща́нїемъ грѧде́тъ.
  • Ненави́дѧй ѡ҆бличе́нїѧ послѣ́дꙋетъ грѣ́шникꙋ, и҆ боѧ́йсѧ гдⷭ҇а ѡ҆брати́тсѧ се́рдцемъ.
  • Позна́нъ є҆́сть и҆здале́ча си́льный ѧ҆зы́комъ, и҆ разꙋ́мивый вѣ́сть, є҆гда̀ пополза́етсѧ.
  • Созида́ѧй до́мъ сво́й и҆мѣ́нїемъ чꙋжди́мъ, ꙗ҆́коже собира́ѧй ка́менїе на гро́бъ себѣ̀.
  • И҆згрє́бїѧ сѡ́брана собо́рище беззако́нникѡвъ, и҆ кончи́на и҆́хъ пла́мень ѻ҆́гненъ.
  • Пꙋ́ть грѣ́шникѡвъ ᲂу҆глажде́нъ ѿ ка́менїѧ, а҆ на послѣ́докъ є҆гѡ̀ ро́въ а҆́довъ.
  • Сохранѧ́ѧй зако́нъ содержи́тъ помышле́нїе своѐ,
  • и҆ соверше́нїе стра́ха гдⷭ҇нѧ премꙋ́дрость.
  • Не нака́жетсѧ, и҆́же не є҆́сть кова́ренъ:
  • є҆́сть бо кова́рство ᲂу҆множа́ющее го́ресть.
  • Ра́зꙋмъ премꙋ́драгѡ ꙗ҆́кѡ пото́пъ ᲂу҆мно́житсѧ, и҆ совѣ́тъ є҆гѡ̀ ꙗ҆́кѡ и҆сто́чникъ живота̀.
  • Оу҆тро́ба бꙋ́ѧгѡ ꙗ҆́кѡ сосꙋ́дъ сокрꙋше́нъ и҆ всѧ́кагѡ ра́зꙋма не ᲂу҆держи́тъ.
  • Сло́во премꙋ́дро а҆́ще ᲂу҆слы́шитъ разꙋ́мный, восхва́литъ є҆̀ и҆ къ немꙋ̀ приложи́тъ: ᲂу҆слы́ша є҆̀ бꙋ́й, и҆ не ᲂу҆го́дно є҆мꙋ̀ бы́сть, и҆ ѡ҆братѝ є҆̀ за плещы̀ своѧ̑.
  • По́вѣсть бꙋ́ѧгѡ ꙗ҆́кѡ бре́мѧ на пꙋтѝ: во ᲂу҆стна́хъ же разꙋ́мнагѡ ѡ҆брѧ́щетсѧ благода́ть.
  • Оу҆ста̀ премꙋ́драгѡ взы́щꙋтсѧ въ собра́нїи, и҆ словеса̀ є҆гѡ̀ размышлє́на бꙋ́дꙋтъ въ се́рдцы.
  • Ꙗ҆́коже до́мъ разоре́нъ, та́кѡ бꙋ́ѧгѡ премꙋ́дрость, и҆ ра́зꙋмъ неразꙋ́мнагѡ неиспы̑тны глаго́лы.
  • Пꙋ̑та на нога́хъ неразꙋмѣва́ющымъ наказа́нїѧ, и҆ ꙗ҆́кѡ рꙋчні́и ѡ҆кѡ́вы на рꙋцѣ̀ деснѣ́й.
  • Бꙋ́й во смѣ́хѣ возно́ситъ гла́съ сво́й, мꙋ́жъ же разꙋ́мный є҆два̀ ти́хѡ ѡ҆скла́битсѧ.
  • Ꙗ҆́коже ᲂу҆́тварь злата́ѧ мꙋ́дромꙋ наказа́нїе, и҆ ꙗ҆́коже ѡ҆́брꙋчь на деснѣ́й мы́шцѣ є҆гѡ̀.
  • Нога̀ бꙋ́ѧгѡ скора̀ въ до́мъ, человѣ́къ же многоискꙋ́сный ᲂу҆срами́тсѧ ѿ лица̀.
  • Безꙋ́мный две́рьми прини́четъ во хра́минꙋ, мꙋ́жъ же нака́занъ внѣ̀ ста́нетъ.
  • Ненаказа́нїе человѣ́кꙋ слꙋ́шати при две́рехъ, мꙋ́дрый же ѡ҆тѧготи́тсѧ безче́стїемъ.
  • Оу҆стнѣ̀ многорѣ́чивыхъ не своѧ̑ сѝ повѣ́дѧтъ, словеса́ же мꙋ́дрыхъ въ мѣ́рилѣхъ ста́нꙋтъ.
  • Во ᲂу҆стѣ́хъ бꙋ́ихъ се́рдце и҆́хъ, въ се́рдцы же премꙋ́дрыхъ ᲂу҆ста̀ и҆́хъ.
  • Кленꙋ́щꙋ нечести́вомꙋ сатанꙋ̀, са́мъ клене́тъ свою̀ дꙋ́шꙋ.
  • Скверни́тъ свою̀ дꙋ́шꙋ шепотли́вый, и҆ гдѣ́-либо жи́ти и҆́мать, возненави́дѣнъ бꙋ́детъ.