Кто́ возложи́тъ на помышле́нiе мое́ ра́ны и на се́рдце мое́ наказа́нiе прему́дрости, да о неразу́мiихъ мои́хъ не пощадя́тъ, и да не пре́йдутъ грѣси́ и́хъ?

Я́ко да не умно́жатся невѣ́дѣнiя моя́ и грѣси́ мои́ премно́зи да не бу́дутъ, и паду́ся предъ супоста́ты, и пора́дуетмися вра́гъ мо́й.

Го́споди о́тче и Бо́же живота́ моего́, не да́ждь возноше́нiя очи́ма мои́ма и вожделѣ́нiе отврати́ от мене́.

Чре́ва по́хоть и блудодѣя́нiя да не объи́мутъ мя́, и безсту́днѣй души́ не преда́ждь мене́.

Послу́шайте, ча́да, наказа́нiя у́стъ: храня́й бо не я́тъ бу́детъ устна́ма свои́ма.

Устна́ма свои́ма я́тъ бу́детъ грѣ́шникъ, и клеветни́къ и го́рдый попо́лзнется въ ни́хъ.

Заклина́нiю не обуча́й у́стъ свои́хъ

и кля́тися и́менемъ святы́мъ не навыка́й.

Я́коже бо ра́бъ истязу́емь ча́сто от ра́нъ не ума́лится, та́кожде и клены́йся и́менемъ святы́мъ всегда́ от грѣха́ не очи́стится.

Му́жъ клены́йся мно́го испо́лнится беззако́нiя, и не отсту́питъ от до́му его́ я́зва:

а́ще согрѣши́тъ, грѣ́хъ его́ на не́мъ, и а́ще пре́зритъ, сугу́бо согрѣши́тъ:

и а́ще вотще́ кля́ся, не оправди́тся, испо́лнится бо до́мъ его́ нападе́нiя.

Е́сть бесѣ́да облече́на сме́ртiю: да не обря́щется во наслѣ́дiи Иа́ковли:

от благочести́выхъ бо вся́ сiя́ отсту́пятъ, и во грѣхи́ не впаду́тся.

Въ ненаказа́нiи неключи́мѣмъ не обуча́й у́стъ свои́хъ: е́сть бо въ не́мъ сло́во грѣха́.

Помяни́ отца́ твоего́ и ма́терь твою́, посредѣ́ бо вельмо́жъ сѣди́ши:

да не ка́ко забве́нъ бу́деши предъ ни́ми, и обы́чаемъ свои́мъ обуя́еши и похо́щеши, дабы́ ты́ не роди́лся, и де́нь рожде́нiя твоего́ проклене́ши.

Человѣ́къ обуча́яся словесе́мъ поноше́нiя во всѣ́хъ дне́хъ свои́хъ не научи́тся.

Два́ ви́да умножа́ютъ грѣхи́ и тре́тiй наво́дитъ гнѣ́въ:

душа́ тепла́, я́ко о́гнь горя́щь, не уга́снетъ, до́ндеже поглощена́ бу́детъ:

человѣ́къ блудни́къ въ тѣ́лѣ пло́ти своея́ не преста́нетъ, до́ндеже возжже́тъ о́гнь.

Человѣ́ку блу́дну вся́къ хлѣ́бъ сла́докъ, не преста́нетъ, до́ндеже у́мретъ.

Человѣ́къ преступа́яй ло́же свое́, глаго́ля въ души́ свое́й: кто́ мя́ ви́дитъ?

тма́ о́крестъ мене́, и стѣ́ны закрыва́ютъ мя́, и никто́же мя́ ви́дитъ, кого́ убою́ся? грѣхо́въ мои́хъ не воспомя́нетъ вы́шнiй.

И о́чи человѣ́честiи стра́хъ его́:

и не разумѣ́, я́ко о́чи Госпо́дни тма́ми те́мъ кра́тъ свѣтлѣ́йшiи со́лнца су́ть,

прозира́ющiи вся́ пути́ человѣ́ческiя и разсматря́ющiи въ та́йныхъ мѣ́стѣхъ:

пре́жде не́же создана́ бы́ша, вся́ увѣ́дѣна ему́, та́кожде и по сконча́нiи.

Се́й на путе́хъ гра́да отмще́нъ бу́детъ, и идѣ́же не надѣ́яшеся, я́тъ бу́детъ.

Та́кожде и жена́ оста́вльшая му́жа своего́ и прiе́млющая наслѣ́дника от ино́го:

пе́рвое бо от зако́на вы́шняго отступи́, и второ́е му́жу своему́ согрѣши́, и тре́тiе блудо́мъ прелюбодѣ́йствова, от чужда́го му́жа ча́да сотвори́:

сiя́ предъ собо́ръ изведе́на бу́детъ, и на ча́дѣхъ ея́ посѣще́нiе бу́детъ:

не укореня́тся ча́да ея́ въ ко́рень, и вѣ́тви ея́ не сотворя́тъ плода́:

и оста́витъ на кля́тву па́мять свою́, и поноше́нiе ея́ не потреби́тся.

И уразумѣ́ютъ оста́вльшiися, я́ко ничто́же лу́чше стра́ха Госпо́дня, и ничто́же сладча́е, то́кмо внима́ти за́повѣдемъ Госпо́днимъ.

Сла́ва ве́лiя е́же послѣ́довати Бо́гу, долгота́ же дні́й е́же прiя́ту тебѣ́ бы́ти от него́.

Синодальный

Господь создал человека из земли и опять возвращает его в нее.

Определенное число дней и время дал Он им, и дал им власть над всем, что на ней.

По природе их, облек их силою и сотворил их по образу Своему,

и вложил страх к ним во всякую плоть, чтобы господствовать им над зверями и птицами.

Он дал им смысл, язык и глаза, и уши и сердце для рассуждения,

исполнил их проницательностью разума и показал им добро и зло.

Он положил око Свое на сердца их, чтобы показать им величие дел Своих,

да прославляют они святое имя Его и возвещают о величии дел Его.

Он приложил им знание и дал им в наследство закон жизни;

вечный завет поставил с ними и показал им суды Свои.

Величие славы видели глаза их, и славу голоса Его слышало ухо их.

И сказал Он им: «остерегайтесь всякой неправды»; и заповедал каждому из них обязанность к ближнему.

Пути их всегда пред Ним, не скроются от очей Его.

Каждому народу поставил Он вождя,

а Израиль есть удел Господа.

Все дела их – как солнце пред Ним, и очи Его всегда на путях их.

Не утаились от Него неправды их, и все грехи их – пред Господом.

Милостыня человека – как печать у Него, и благодеяние человека сохранит Он, как зеницу ока.

Потом Он восстанет и воздаст им, и даяние их на голову их возвратит.

Но кающимся Он давал обращение и ободрял ослабевавших в терпении.

Обратись к Господу и оставь грехи;

молись пред Ним и уменьши твои преткновения.

Возвратись ко Всевышнему, и отвратись от неправды, и сильно возненавидь мерзость.

Кто будет восхвалять Всевышнего в аде, вместо живущих и прославляющих Его?

От мертвого, как от несуществующего, нет прославления:

живый и здоровый восхвалит Господа.

Как велико милосердие Господа и примирение с обращающимися к Нему!

Не может быть всего в человеке,

потому что не бессмертен сын человеческий.

Что светлее солнца? но и оно затмевается. И о злом будет помышлять плоть и кровь.

За силами высоких небес Он Сам наблюдает, а люди все – земля и пепел.

Господи, Отче и Владыко жизни моей! Не оставь меня на волю их и не допусти меня пасть чрез них.

Кто приставит бич к помышлениям моим и к сердцу моему наставника в мудрости, чтобы они не щадили проступков моих и не потворствовали заблуждениям их;

чтобы не умножались проступки мои и не увеличивались заблуждения мои; чтобы не упасть мне пред противниками, и чтобы не порадовался надо мною враг мой?

Господи, Отче и Боже жизни моей! Не дай мне возношения очей и вожделение отврати от меня.

Пожелания чрева и сладострастие да не овладеют мною, и не предай меня бесстыдной душе.

Выслушайте, дети, наставление для уст: соблюдающий его не будет уловлен своими устами.

Уловлен будет ими грешник, и злоречивый и надменный преткнутся чрез них.

Не приучай уст твоих к клятве

и не обращай в привычку употреблять в клятве имя Святаго.

Ибо, как раб, постоянно подвергающийся наказанию, не избавляется от ран, так и клянущийся непрестанно именем Святаго не очистится от греха.

Человек, часто клянущийся, исполнится беззакония, и не отступит от дома его бич.

Если он согрешит, грех его на нем; и если он вознерадел, то сугубо согрешит;

и если он клялся напрасно, то не оправдается, и дом его наполнится несчастьями.

Есть речь, облеченная смертью: да не найдется она в наследии Иакова!

Ибо от благочестивых все это будет удалено, и они не запутаются во грехах.

Не приучай твоих уст к грубой невежливости, ибо при ней бывают греховные слова.

Помни об отце и о матери твоей, когда сидишь среди вельмож,

чтобы тебе не забыться пред ними и по привычке не сделать глупости, и не пожелать, что лучше бы ты не родился, и не проклясть дня рождения твоего.

Человек, привыкающий к бранным словам, во все дни свои не научится.

Два качества умножают грехи, а третье навлекает гнев:

душа горячая, как пылающий огонь, не угаснет, пока не истощится;

человек, блудодействующий в теле плоти своей, не перестанет, пока не прогорит огонь.

Блуднику сладок всякий хлеб: он не перестанет, доколе не умрет.

Человек, который согрешает против своего ложа, говорит в душе своей: «кто видит меня?

Вокруг меня тьма, и стены закрывают меня, и никто не видит меня: чего мне бояться? Всевышний не воспомянет грехов моих».

Страх его – только глаза человеческие,

и не знает он того, что очи Господа в десять тысяч крат светлее солнца

и взирают на все пути человеческие, и проникают в места сокровенные.

Ему известно было все прежде, нежели сотворено было, равно как и по совершении.

Такой человек будет наказан на улицах города и будет застигнут там, где не думал.

Так и жена, оставившая мужа и произведшая наследника от чужого:

ибо, во-первых, она не покорилась закону Всевышнего, во-вторых, согрешила против своего мужа и, в-третьих, в блуде прелюбодействовала и произвела детей от чужого мужа.

Она будет выведена пред собрание, и о детях ее будет исследование.

Дети ее не укоренятся, и ветви ее не дадут плода.

Она оставит память о себе на проклятие, и позор ее не изгладится.

Оставшиеся познают, что нет ничего лучше страха Господня и нет ничего сладостнее, как внимать заповедям Господним.

Великая слава – следовать Господу, а быть тебе принятым от Него – долгоденствие.

Цр҃ко́внослав

Языки

Гдⷭ҇ь созда̀ ѿ землѝ человѣ́ка, и҆ па́ки возвратѝ є҆го̀ въ ню̀.

Дни̑ числа̀ и҆ вре́мѧ дадѐ и҆̀мъ, и҆ дадѐ и҆̀мъ вла́сть над̾ сꙋ́щими на не́й.

Ꙗ҆́коже ѻ҆нѝ са́ми, ѡ҆блечѐ и҆̀хъ крѣ́постїю, и҆ по ѡ҆́бразꙋ своемꙋ̀ сотворѝ ѧ҆̀:

и҆ положѝ стра́хъ є҆гѡ̀ на всѧ́цѣй пло́ти, є҆́же вла́стельствовати ѕвѣрьмѝ (и҆ скѡты̀) и҆ пти́цами.

Помышле́нїе и҆ ѧ҆зы́къ и҆ ѻ҆́чи, ᲂу҆́ши и҆ се́рдце дадѐ и҆̀мъ размышлѧ́ти:

хꙋдо́жествомъ ра́зꙋма и҆спо́лни ѧ҆̀ и҆ дѡ́браѧ и҆ ѕла̑ѧ показа̀ и҆̀мъ.

Положи́лъ є҆́сть ѻ҆́ко своѐ на сердца́хъ и҆́хъ, показа́ти и҆̀мъ вели́чество дѣ́лъ свои́хъ,

да и҆́мѧ ст҃ы́ни є҆гѡ̀ восхва́лѧтъ и҆ да повѣ́даютъ вели́чєства дѣ́лъ є҆гѡ̀.

Приложи́лъ и҆̀мъ хꙋдо́жество и҆ зако́нъ живота̀ дадѐ въ наслѣ́дїе и҆̀мъ.

Завѣ́тъ вѣ́чный поста́ви съ ни́ми и҆ сꙋдьбы̑ своѧ̑ показа̀ и҆̀мъ.

Вели́чество сла́вы ви́дѣша ѻ҆чеса̀ и҆́хъ, и҆ сла́вꙋ гла́са и҆́хъ слы́ша ᲂу҆́хо и҆́хъ.

И҆ речѐ и҆̀мъ: внемли́те ѿ всѧ́кїѧ непра́вды. и҆ заповѣ́да и҆̀мъ комꙋ́ждо ѡ҆ и҆́скреннемъ.

Пꙋтїѐ и҆́хъ пред̾ ни́мъ вы́нꙋ, не ᲂу҆кры́ютсѧ ѿ ѻ҆́чїю є҆гѡ̀.

Комꙋ́ждо ꙗ҆зы́кꙋ ᲂу҆стро́илъ вожда̀,

и҆ ча́сть гдⷭ҇нѧ і҆и҃ль є҆́сть.

Всѧ̑ дѣла̀ и҆́хъ ꙗ҆́кѡ со́лнце пред̾ ни́мъ, и҆ ѻ҆́чи є҆гѡ̀ вы́нꙋ на пꙋте́хъ и҆́хъ:

не ᲂу҆кры́шасѧ непра̑вды и҆́хъ ѿ негѡ̀, и҆ всѝ грѣсѝ и҆́хъ пред̾ гдⷭ҇емъ.

Ми́лостынѧ мꙋ́жа ꙗ҆́кѡ печа́ть съ ни́мъ, и҆ благода́ть человѣ́чꙋ ꙗ҆́кѡ зѣ́ницꙋ соблюде́тъ.

По си́хъ воста́нетъ и҆ возда́стъ и҆̀мъ, и҆ воздаѧ́нїе и҆́хъ на главꙋ̀ и҆́хъ возда́стъ:

ѻ҆ба́че ка́ющымсѧ да́лъ є҆́сть возвраще́нїе и҆ ᲂу҆тѣ́ши и҆знемога́ющихъ терпѣ́нїемъ.

Ѡ҆брати́сѧ ᲂу҆̀бо ко гдⷭ҇ꙋ и҆ ѡ҆ста́ви грѣхѝ:

помоли́сѧ пред̾ лице́мъ и҆ ᲂу҆ма́ли претыка̑нїѧ:

восходѝ къ вы́шнемꙋ и҆ ѿврати́сѧ ѿ непра́вды, и҆ ѕѣлѡ̀ возненави́ди ме́рзость.

Вы́шнѧго кто̀ восхва́литъ во а҆́дѣ, вмѣ́стѡ живы́хъ и҆ даю́щихъ и҆сповѣ́данїе;

Ѿ мертвеца̀ ꙗ҆́кѡ ничто̀ сꙋ́щагѡ погиба́етъ и҆сповѣ́данїе:

живы́й же и҆ здра́вый восхва́литъ гдⷭ҇а.

Ко́ль вели́ка млⷭ҇ть гдⷭ҇нѧ и҆ ѡ҆чище́нїе ѡ҆браща́ющымсѧ къ немꙋ̀;

Не мо́гꙋтъ бо всѧ̑ бы́ти въ человѣ́цѣхъ:

ꙗ҆́кѡ не безсме́ртенъ сы́нъ человѣ́ческїй.

Что̀ свѣтлѣ́е со́лнца; и҆ то̀ и҆счеза́етъ: и҆ ѕло̀ помы́слитъ пло́ть и҆ кро́вь.

Си́лꙋ высоты̀ небе́сныѧ то́й са́мъ назира́етъ, человѣ́цы же всѝ землѧ̀ и҆ пе́пелъ.

Гдⷭ҇и ѻ҆́ч҃е и҆ влⷣко живота̀ моегѡ̀, не ѡ҆ста́ви менѐ въ совѣ́тѣ и҆́хъ и҆ не да́ждь мѝ впа́сти въ нѧ̀.

Кто̀ возложи́тъ на помышле́нїе моѐ ра̑ны и҆ на се́рдце моѐ наказа́нїе премꙋ́дрости, да ѡ҆ неразꙋ́мїихъ мои́хъ не пощадѧ́тъ, и҆ да не пре́йдꙋтъ грѣсѝ и҆́хъ;

Ꙗ҆́кѡ да не ᲂу҆мно́жатсѧ невѣ̑дѣнїѧ моѧ̑ и҆ грѣсѝ моѝ премно́зи да не бꙋ́дꙋтъ, и҆ падꙋ́сѧ пред̾ сꙋпоста̑ты, и҆ пора́дꙋетмисѧ вра́гъ мо́й.

Гдⷭ҇и ѻ҆́ч҃е и҆ бж҃е живота̀ моегѡ̀, не да́ждь возноше́нїѧ ѻ҆чи́ма мои́ма и҆ вожделѣ́нїе ѿвратѝ ѿ менє̀.

Чре́ва по́хоть и҆ блꙋдодѣѧ̑нїѧ да не ѡ҆б̾и́мꙋтъ мѧ̀, и҆ безстꙋ́днѣй дꙋшѝ не преда́ждь менѐ.

Послꙋ́шайте, ча̑да, наказа́нїѧ ᲂу҆́стъ: хранѧ́й бо не ꙗ҆́тъ бꙋ́детъ ᲂу҆стна́ма свои́ма.

Оу҆стна́ма свои́ма ꙗ҆́тъ бꙋ́детъ грѣ́шникъ, и҆ клеветни́къ и҆ го́рдый попо́лзнетсѧ въ ни́хъ.

Заклина́нїю не ѡ҆бꙋча́й ᲂу҆́стъ свои́хъ

и҆ клѧ́тисѧ и҆́менемъ ст҃ы́мъ не навыка́й.

Ꙗ҆́коже бо ра́бъ и҆стѧзꙋ́емь ча́стѡ ѿ ра̑нъ не ᲂу҆ма́литсѧ, та́кожде и҆ клены́йсѧ и҆́менемъ ст҃ы́мъ всегда̀ ѿ грѣха̀ не ѡ҆чи́ститсѧ.

Мꙋ́жъ клены́йсѧ мно́гѡ и҆спо́лнитсѧ беззако́нїѧ, и҆ не ѿстꙋ́питъ ѿ до́мꙋ є҆гѡ̀ ꙗ҆́зва:

а҆́ще согрѣши́тъ, грѣ́хъ є҆гѡ̀ на не́мъ, и҆ а҆́ще пре́зритъ, сꙋгꙋ́бѡ согрѣши́тъ:

и҆ а҆́ще вотщѐ клѧ́сѧ, не ѡ҆правди́тсѧ, и҆спо́лнитсѧ бо до́мъ є҆гѡ̀ нападе́нїѧ.

Є҆́сть бесѣ́да ѡ҆блече́на сме́ртїю: да не ѡ҆брѧ́щетсѧ во наслѣ́дїи і҆а́кѡвли:

ѿ благочести́выхъ бо всѧ̑ сїѧ̑ ѿстꙋ́пѧтъ, и҆ во грѣхѝ не впадꙋ́тсѧ.

Въ ненаказа́нїи неключи́мѣмъ не ѡ҆бꙋча́й ᲂу҆́стъ свои́хъ: є҆́сть бо въ не́мъ сло́во грѣха̀.

Помѧнѝ ѻ҆тца̀ твоего̀ и҆ ма́терь твою̀, посредѣ́ бо вельмо́жъ сѣди́ши:

да не ка́кѡ забве́нъ бꙋ́деши пред̾ ни́ми, и҆ ѡ҆бы́чаемъ свои́мъ ѡ҆бꙋѧ́еши и҆ похо́щеши, дабы̀ ты̀ не роди́лсѧ, и҆ де́нь рожде́нїѧ твоегѡ̀ проклене́ши.

Человѣ́къ ѡ҆бꙋча́ѧсѧ словесє́мъ поноше́нїѧ во всѣ́хъ дне́хъ свои́хъ не наꙋчи́тсѧ.

Два̀ ви̑да ᲂу҆множа́ютъ грѣхѝ и҆ тре́тїй наво́дитъ гнѣ́въ:

дꙋша̀ тепла̀, ꙗ҆́кѡ ѻ҆́гнь горѧ́щь, не ᲂу҆га́снетъ, до́ндеже поглощена̀ бꙋ́детъ:

человѣ́къ блꙋдни́къ въ тѣ́лѣ пло́ти своеѧ̀ не преста́нетъ, до́ндеже возжже́тъ ѻ҆́гнь.

Человѣ́кꙋ блꙋ́днꙋ всѧ́къ хлѣ́бъ сла́докъ, не преста́нетъ, до́ндеже ᲂу҆́мретъ.

Человѣ́къ престꙋпа́ѧй ло́же своѐ, глаго́лѧ въ дꙋшѝ свое́й: кто̀ мѧ̀ ви́дитъ;

тьма̀ ѡ҆́крестъ менє̀, и҆ стѣ́ны закрыва́ютъ мѧ̀, и҆ никто́же мѧ̀ ви́дитъ, когѡ̀ ᲂу҆бою́сѧ; грѣхѡ́въ мои́хъ не воспомѧ́нетъ вы́шнїй.

И҆ ѻ҆́чи человѣ́честїи стра́хъ є҆гѡ̀:

и҆ не разꙋмѣ̀, ꙗ҆́кѡ ѻ҆́чи гдⷭ҇ни тьма́ми те́мъ кра́тъ свѣтлѣ́йшїи со́лнца сꙋ́ть,

прозира́ющїи всѧ̑ пꙋти̑ человѣ́чєскїѧ и҆ разсматрѧ́ющїи въ та́йныхъ мѣ́стѣхъ:

пре́жде не́же создана̑ бы́ша, всѧ̑ ᲂу҆вѣ̑дѣна є҆мꙋ̀, та́кожде и҆ по сконча́нїи.

Се́й на пꙋте́хъ гра́да ѿмще́нъ бꙋ́детъ, и҆ и҆дѣ́же не надѣ́ѧшесѧ, ꙗ҆́тъ бꙋ́детъ.

Та́кожде и҆ жена̀ ѡ҆ста́вльшаѧ мꙋ́жа своего̀ и҆ прїе́млющаѧ наслѣ́дника ѿ и҆но́гѡ:

пе́рвое бо ѿ зако́на вы́шнѧгѡ ѿстꙋпѝ, и҆ второ́е мꙋ́жꙋ своемꙋ̀ согрѣшѝ, и҆ тре́тїе блꙋдо́мъ прелюбодѣ́йствова, ѿ чꙋжда́гѡ мꙋ́жа ча̑да сотворѝ:

сїѧ̀ пред̾ собо́ръ и҆зведе́на бꙋ́детъ, и҆ на ча́дѣхъ є҆ѧ̀ посѣще́нїе бꙋ́детъ:

не ᲂу҆коренѧ́тсѧ ча̑да є҆ѧ̀ въ ко́рень, и҆ вѣ̑тви є҆ѧ̀ не сотворѧ́тъ плода̀:

и҆ ѡ҆ста́витъ на клѧ́твꙋ па́мѧть свою̀, и҆ поноше́нїе є҆ѧ̀ не потреби́тсѧ.

И҆ ᲂу҆разꙋмѣ́ютъ ѡ҆ста́вльшїисѧ, ꙗ҆́кѡ ничто́же лꙋ́чше стра́ха гдⷭ҇нѧ, и҆ ничто́же сладча́е, то́кмѡ внима́ти за́повѣдемъ гдⷭ҇нимъ.

Сла́ва ве́лїѧ є҆́же послѣ́довати бг҃ꙋ, долгота́ же дні́й є҆́же прїѧ́тꙋ тебѣ̀ бы́ти ѿ негѡ̀.