Азбука веры » Библия » Книга Премудрости Иисуса, Сына Сирахова

Книга Премудрости Иисуса, Сына Сирахова, 2

Толкования

проф. А. П. Лопухин

2:1

см.: 1Пет.4:12; 2Тим.3:12; Мф.4:1;

2:2

см.: 2Тим.2:3;

2:3

2:4

2:5

см.: Притч.17:3; Прем.3:6;

2:6

2:7

2:8

2:9

2:10

см.: Пс.36:25;

2:11

2:12

см.: 3Цар.18:21;

2:13

2:14

2:15

см.: Ин.14:21;

2:16

2:17

2:18

см.: 2Цар.24:14;

Церковнославянский (рус)

Языки

Ча́до, а́ще приступа́еши рабо́тати Го́сподеви Бо́гу, угото́ви ду́шу твою́ во искуше́нiе:

упра́ви се́рдце твое́ и потерпи́, и не ско́ръ бу́ди во вре́мя наведе́нiя:

прилѣпи́ся ему́ и не отступи́, да возрасте́ши на послѣ́докъ тво́й.

Все́ ели́ко а́ще нанесе́но ти́ бу́детъ, прiими́ и во измѣне́нiи смире́нiя твоего́ долготерпи́:

я́ко во огни́ искуша́ется зла́то, и человѣ́цы прiя́тни въ пещи́ смире́нiя.

Вѣ́руй ему́, и засту́питъ тя́, и упра́ви пути́ твоя́ и упова́й на́нь.

Боя́щiися Го́спода, пожди́те ми́лости его́ и не уклони́теся, да не паде́те.

Боя́щiися Го́спода, вѣ́руйте ему́, и не и́мать отпа́сти мзда́ ва́ша.

Боя́щiися Го́спода, надѣ́йтеся на блага́я и на весе́лiе вѣ́ка и ми́лости.

Воззри́те на дре́внiя ро́ды и ви́дите, кто́ вѣ́рова Го́сподеви и постыдѣ́ся? или́ кто́ пребы́сть во стра́сѣ его́ и оста́вися? или́ кто́ призва́ его́, и презрѣ́ и́?

Зане́ ще́дръ и ми́лостивъ Госпо́дь, и оставля́етъ грѣхи́, и спаса́етъ во вре́мя ско́рби.

Го́ре сердца́мъ страшли́вымъ и рука́мъ осла́бленымъ, и грѣ́шнику ходя́щу на двѣ́ стези́.

Го́ре се́рдцу осла́блену, я́ко не вѣ́руетъ: сего́ ра́ди покрове́но не бу́детъ.

Го́ре ва́мъ погу́бльшымъ терпѣ́нiе: и что́ сотворите́, егда́ посѣти́тъ Госпо́дь?

Боя́щiися Го́спода не сумнѣва́ются о глаго́лѣхъ его́, и лю́бящiи его́ сохраня́тъ пути́ его́.

Боя́щiися Го́спода пои́щутъ благоволе́нiя его́, и лю́бящiи его́ испо́лнятся зако́на.

Боя́щiися Го́спода угото́вятъ сердца́ своя́ и предъ ни́мъ смиря́тъ ду́шы своя́, [глаго́люще:]

да впаде́мъ въ ру́цѣ Госпо́дни, а не въ ру́цѣ человѣ́чески, ^*я́ко бо вели́чество его́, та́ко и ми́лость его́.

Глава: