Скрыть
30:2
30:3
30:4
30:5
30:6
30:7
30:8
30:9
30:10
30:11
30:13
30:14
30:15
30:16
30:17
30:18
30:20
30:24
30:27
Любя́й сы́на сво­его́ участи́тъ ему́ ра́ны, да воз­весели́т­ся въ послѣ́дняя своя́.
Наказу́яй сы́на сво­его́ наслади́т­ся о не́мъ и посредѣ́ зна́емыхъ о не́мъ похва́лит­ся.
Уча́й сы́на сво­его́ раздражи́тъ врага́ и предъ дру́ги о не́мъ воз­ра́дует­ся.
У́мре оте́цъ его́, и а́ки не у́мре: подо́бна бо себѣ́ оста́ви по себѣ́.
Во житiи́ сво­е́мъ ви́дѣ и воз­весели́ся о не́мъ и при­­ кончи́нѣ сво­е́й не оскорби́ся:
проти́ву враго́мъ оста́ви ме́ст­ника и друго́мъ воз­даю́ща благода́ть.
Угожда́яй сы́ну обя́жетъ стру́пы его́, и о вся́цѣмъ во́пли воз­мяте́т­ся утро́ба его́.
Ко́нь неукроще́нъ свирѣ́пъ быва́етъ, и сы́нъ самово́льный проде́рзъ бу́детъ.
Ласка́й ча́до, и устраши́тъ тя́, игра́й съ ни́мъ, и опеча́литъ тя́.
Не смѣ́йся съ ни́мъ, да не поболи́ши о не́мъ и на послѣ́докъ сти́снеши зу́бы твоя́.
Не да́ждь ему́ вла́сти въ ю́ности и не пре́зри невѣ́дѣнiя его́:
сляцы́ вы́ю его́ въ ю́ности и сокруши́ ре́бра его́, до́ндеже мла́дъ е́сть, да не когда́ ожестѣ́въ не покори́ттися.
Накажи́ сы́на тво­его́ и дѣ́лай и́мъ, да не въ безсту́дiи его́ поткне́шися.
Лу́чше ни́щь здра́въ и крѣ́покъ въ си́лѣ сво­е́й, не́жели бога́тъ ура́ненъ тѣ́ломъ сво­и́мъ.
Здра́вiе и крѣ́пость лу́чше е́сть вся́каго зла́та, и тѣ́ло здра́вое, не́жели бога́т­ст­во безчи́слен­ное.
Нѣ́сть бога́т­ст­во лу́чше здра́вiя тѣле́снаго, и нѣ́сть весе́лiе па́че ра́дости серде́чныя.
Лу́чше е́сть сме́рть па́че живота́ го́рька или́ неду́га до́лгаго.
Блага́я излiя́н­ная предъ усты́ затворе́н­ными предложе́нiя бра́­шенъ предлежа́щая у гро́ба.
Ка́я по́льза и́долу от­ же́ртвы? не и́мать бо я́сти, ни обоня́ти:
та́ко гони́мый от­ Го́спода,
зря́й очи́ма и стеня́й, я́коже евну́хъ осяза́яй дѣви́цу и воз­дыха́яй.
Не вда́ждь въ печа́ль ду́шу твою́ и не оскорби́ себе́ совѣ́томъ тво­и́мъ.
Весе́лiе се́рдца живо́тъ человѣ́ка, и ра́дованiе му́жа долгоде́н­ствiе.
Люби́ ду́шу твою́ и утѣша́й се́рдце твое́, и печа́ль от­ себе́ от­ри́ни дале́че:
мно́ги бо печа́ль уби́, и нѣ́сть по́льзы въ не́й.
Рве́нiе и я́рость умаля́ютъ дни́, и печа́ль пре́жде вре́мене ста́рость наво́дитъ.
Свѣ́тло се́рдце и бла́го о бра́шнѣ и о я́ди сво­е́й попече́т­ся.
Толкования стиха Скопировать ссылку Скопировать текст Добавить в избранное
Библ. энциклопедия Библейский словарь Словарь библ. образов Практическая симфония
Цитата из Библии каждое утро
TG: t.me/azbible
Viber: vb.me/azbible