Скрыть
34:2
34:3
34:5
34:7
34:9
34:10
34:11
34:12
34:17
34:23
34:24
Тще́тны наде́жды и лжи́вы [су́ть] неразу́миву му́жу, и со́нiя вперя́ютъ безу́мныхъ.
Я́коже е́мляйся за стѣ́нь и гоня́й вѣ́тры, та́кожде е́мляй вѣ́ру сно́мъ:
сiе́ по сему́ видѣ́нiе сно́въ, пря́мо лицу́ подо́бiе лица́.
От нечи́стаго что́ очи́стит­ся, и от­ лжи́ваго ка́я и́стина?
Волше́б­ст­ва и обая́нiя и со́нiя су́етна су́ть, и я́коже ражда́ющiя се́рдцу мечта́нiя быва́ютъ:
а́ще не от­ вы́шняго по́слана бу́дутъ на посѣще́нiе, не вда́ждь въ ня́ се́рдца тво­его́:
мно́гихъ бо прельсти́ша со́нiя, и от­падо́ша надѣ́ющеся на ня́.
Безъ лжи́ соверши́т­ся зако́нъ, и прему́дрость во устѣ́хъ вѣ́рныхъ соверше́нiе.
Му́жъ уче́ный увѣ́да мно́го, и много­иску́сный повѣ́сть ра́зумъ.
И́же не искуси́ся, ма́ло вѣ́сть: обходя́й же страны́ умно́житъ хи́трость.
Мно́го ви́дѣхъ во обхожде́нiи мо­е́мъ, и вя́щшая слове́съ мо­и́хъ ра́зумъ мо́й:
мно́гащи да́же до сме́рти бѣ́д­ст­вовахъ, и спасе́нъ бы́хъ си́хъ ра́ди.
Ду́хъ боя́щихся Го́спода поживе́тъ, *наде́жда бо и́хъ на спаса́ющаго я́.
Боя́йся Го́спода ни чего́ убо­и́т­ся и не устраши́т­ся, то́й бо наде́жда ему́.
Боя́щемуся Го́спода блаже́н­на душа́: *чи́мъ одержи́т­ся, и кто́ ему́ утвержде́нiе?
О́чи Госпо́дни на лю́бящыя его́: защище́нiе си́лы и утвержде́нiе крѣ́пости, покро́въ от­ ва́ра и покро́въ въ полу́дне, хране́нiе от­ претыка́нiя и по́мощь от­ паде́нiя:
воз­двиза́яй ду́шу и просвѣща́яй о́чи, изцѣле́нiе дая́й, живо́тъ и благослове́нiе.
И́же при­­но́ситъ же́ртву от­ непра́вды, при­­ноше́нiе поро́чно, и не су́ть во благоволе́нiе да́ры беззако́н­ныхъ.
Не благоволи́тъ вы́шнiй о при­­ноше́нiи нечести́выхъ, ни мно́же­с­т­вомъ же́ртвъ очи́ститъ грѣхи́.
Я́ко жря́й сы́на предъ отце́мъ его́, та́ко при­­нося́й же́ртвы от­ имѣ́нiя убо́гихъ.
Хлѣ́бъ убо́гимъ живо́тъ убо́гихъ, лиша́яй его́ человѣ́къ крове́й е́сть.
Убива́етъ и́скрен­няго отъ­е́мляй ему́ поживле́нiе, и пролива́етъ кро́вь лиша́яй мзды́ нае́мника.
Еди́нъ созида́яй, а другі́й разоря́яй, что́ успѣ́етъ бо́лѣе, то́кмо тру́дъ?
Еди́ному моля́щуся, а друго́му проклина́ющу, ко́­его гла́съ услы́шитъ Влады́ка?
Омыва́яйся от­ мертвеца́ и па́ки при­­каса́яйся ему́, ка́я по́льза ему́ от­ ба́ни?
Та́ко человѣ́къ постя́йся о грѣсѣ́хъ сво­и́хъ и па́ки ходя́й и та́яжде творя́й, мольбу́ его́ кто́ услы́шитъ, и что́ успѣ́ смире́нiемъ сво­и́мъ?
Толкования стиха Скопировать ссылку Скопировать текст Добавить в избранное
Библ. энциклопедия Библейский словарь Словарь библ. образов Практическая симфония
Цитата из Библии каждое утро
TG: t.me/azbible
Viber: vb.me/azbible