Скрыть
35:6
35:10
35:11
35:13
35:14
35:16
35:20
35:22
35:23
Соблюда́яй зако́нъ умножа́етъ при­­ноше́нiя, при­­но́ситъ же́ртву спасе́нiя внима́яй за́повѣдемъ.
Воздая́й благода́ть а́ки при­­нося́й семида́лъ, и творя́й ми́лостыню а́ки жря́й же́ртву хвале́нiя.
Благоволе́нiе Госпо́дне е́же от­ступи́ти от­ лука́в­ст­ва, и очище́нiе е́сть е́же от­ступи́ти от­ непра́вды.
Не яви́ся предъ Го́сподемъ то́щь: вся́ бо сiя́ за́повѣди ра́ди.
Приноше́нiе пра́веднаго утучня́етъ олта́рь, и благо­уха́нiе его́ предъ вы́шнимъ:
же́ртва му́жа пра́веднаго прiя́тна, и па́мять ея́ не забве́на бу́детъ.
О́комъ благи́мъ просла́ви Го́спода и не ума́ли от­ нача́тка ру́къ тво­и́хъ:
во вся́цѣмъ дая́нiи ве́село имѣ́й лице́ твое́ и со весе́лiемъ освяти́ десяти́ну.
Да́ждь вы́шнему по дая́нiю его́, и о́комъ благи́мъ при­­обрѣ́тенiе руки́:
я́ко Госпо́дь воз­дая́й е́сть и седмери́цею воз­да́стъ ти́.
Да́ра не умаля́й, и́бо не прiи́метъ, и не внима́й же́ртвѣ непра́веднѣй:
я́ко Госпо́дь судiя́ е́сть, и нѣ́сть у него́ сла́вы лица́.
Не прiи́метъ лица́ на убо́га и моли́тву оби́димаго услы́шитъ:
не пре́зритъ моли́твы си́раго, ни вдови́цы, егда́ излiе́тъ проше́нiе.
Не сле́зы ли вдови́чи по лани́тома теку́тъ, и во́пль ея́ на наве́дшаго я́?
Служа́й [Бо́гу] во благоволе́нiи прiя́тъ бу́детъ, и моли́тва его́ до о́блакъ до́йдетъ:
моли́тва смире́н­наго про́йде о́блаки, и до́ндеже при­­бли́жит­ся, не утѣ́шит­ся,
и не от­сту́питъ, до́ндеже посѣти́тъ вы́шнiй, су́дитъ въ пра́вду и сотвори́тъ су́дъ:
и Госпо́дь не заме́длитъ, ниже́ и́мать долготерпѣ́ти о ни́хъ, до́ндеже сокруши́тъ чре́сла неми́лостивыхъ.
И язы́комъ воз­да́стъ ме́сть, до́ндеже потреби́тъ мно́же­с­т­во досади́телей и ски́птры непра́ведныхъ сокруши́тъ:
до́ндеже воз­да́стъ человѣ́ку по дѣя́ниемъ его́, по дѣло́мъ человѣ́ческимъ и помышле́ниемъ и́хъ:
до́ндеже разсу́дитъ судо́мъ лю́ди своя́ и воз­весели́тъ я́ ми́лостiю сво­е́ю.
Ко́ль красна́ ми́лость во вре́мя ско́рби его́, я́коже о́блацы дожде́внiи во вре́мя бездо́ждiя.
Копировать текст Копировать ссылку Толкования стиха
Библ. энциклопедия Библейский словарь Словарь библ. образов