Быт. Исх. Лев. Чис. Втор. Нав. Суд. Руф. 1Цар. 2Цар. 3Цар. 4Цар. 1Пар. 2Пар. 1Ездр. Неем. 2Ездр. Тов. Иудиф. Эсф. 1Мак. 2Мак. 3Мак. 3Ездр. Иов. Пс. Притч. Еккл. Песн. Прем. Сир. Ис. Иер. Плч. Посл.Иер. Вар. Иез. Дан. Ос. Иоил. Ам. Авд. Ион. Мих. Наум. Авв. Соф. Агг. Зах. Мал. Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.

Книга Премудрости Иисуса, Сына Сирахова

 
  • Сла́ва высоты́, тве́рдь чистоты́, зра́къ небесе́ въ видѣ́нiи сла́вы.
  • Со́лнце во явле́нiи воз­вѣща́ющее во исхо́дѣ сосу́дъ ди́венъ, дѣ́ло вы́шняго.
  • Въ полу́дни сво­е́мъ изсуша́етъ страну́, и пря́мо ва́ру его́ кто́ посто­и́тъ?
  • [А́ки] пе́щь ды́шущее въ дѣ́лѣхъ ва́ра, трегу́бо со́лнце пожига́ющее го́ры: воскуре́нiя о́гнен­ная изды́шущее и простира́ющее лучи́ омрача́етъ о́чи.
  • Ве́лiй Госпо́дь сотвори́вый е́, и словесы́ сво­и́ми ускори́ ше́­ст­вiе.
  • И луна́ всѣ́мъ во свое́ вре́мя явля́етъ лѣ́та и зна́менiе вѣ́ка.
  • От луны́ зна́менiе пра́здника: свѣти́ло умаля́ющееся до конца́.
  • Ме́сяцъ по и́мени сво­ему́ е́сть, воз­раста́ющь ди́вно во измѣне́нiи.
  • Сосу́дъ ополче́нiй на высотѣ́, на тве́рди небе́снѣй сiя́ющь.
  • Добро́та небесе́, сла́ва звѣ́здъ, красота́ свѣтя́щися на высо́кихъ Госпо́днихъ:
  • словесы́ свята́го ста́нутъ по чи́ну и не и́мутъ ослабѣ́ти въ стражба́хъ сво­и́хъ.
  • Ви́ждь дугу́ и благослови́ сотво́ршаго ю́, зѣло́ прекра́сна сiя́нiемъ сво­и́мъ:
  • окружи́ не́бо окруже́нiемъ сла́вы, ру́цѣ вы́шняго простро́стѣ ю́.
  • Повелѣ́нiемъ его́ потща́ся снѣ́гъ, и ускоря́етъ мо́лнiю судьбо́ю сво­е́ю.
  • Сего́ ра́ди от­верзо́шася сокро́вища, и паря́тъ о́блацы я́ко пти́цы.
  • Вели́чiемъ сво­и́мъ укрѣпи́ о́блаки, и сокруши́шася ка́менiе гра́дно­е:
  • и воз­зрѣ́нiемъ его́ подви́жут­ся го́ры, и во́лею его́ воз­вѣ́етъ ю́гъ.
  • Гла́съ гро́ма его́ порази́ зе́млю, и бу́ря сѣ́верова и ви́хорь вѣ́тра.
  • Я́ко пти́цы паря́щыя сы́плетъ снѣ́гъ, и я́коже пру́зи садя́щiися спаде́нiя его́.
  • Добро́тѣ бѣ́лости его́ подиви́т­ся о́ко, и о дожди́ его́ ужа́снет­ся се́рдце.
  • И сла́ну я́ко со́ль на зе́млю сы́плетъ, и сме́рзшися быва́етъ на концы́ остра́.
  • Студе́нъ вѣ́тръ сѣ́верный воз­вѣ́етъ, и сме́рзнет­ся ле́дъ от­ воды́: на вся́цѣмъ собра́нiи воднѣ́мъ обита́ти и́мать, и а́ки во броню́ облече́т­ся вода́.
  • Поя́стъ го́ры и пусты́ни пожже́тъ, и угаси́тъ траву́ я́ко о́гнь.
  • Изцѣле́нiе всѣ́хъ со тща́нiемъ мгла́: роса́ срѣта́ющая от­ ва́ра утиши́тъ.
  • Мы́слiю его́ преста́ бе́здна, и насади́ въ не́й [Госпо́дь] о́стровы.
  • Пла́ва­ю­щiи по мо́рю повѣ́даютъ бѣ́д­ст­во его́, и слу́хомъ уше́съ на́шихъ чуди́мся,
  • и та́мо [су́ть] пресла́вна и чу́дна дѣла́ его́, разли́чiе вся́каго живо́тнаго, созда́нiе ки́товъ.
  • И́мъ благополу́чный коне́цъ сво́й получа́ютъ и сло́вомъ его́ составля́ют­ся вся́ческая.
  • Мно́го и́мамы рещи́, и не и́мамы пости́гнути, и сконча́нiе слове́съ: все́ е́сть то́й.
  • Сла́вяще его́ гдѣ́ укрѣпи́мся? то́й бо вели́къ па́че всѣ́хъ дѣ́лъ сво­и́хъ:
  • стра́­шенъ Госпо́дь и вели́къ зѣло́, и чу́дно могу́т­ст­во его́.
  • Сла́вяще Го́спода воз­неси́те, ели́ко а́ще мо́жете, превзы́детъ бо и еще́:
  • воз­нося́ще его́ умно́житеся крѣ́постiю: не труди́теся, не и́мате бо пости́гнути.
  • Кто́ ви́дѣ его́ и исповѣ́сть? и кто́ воз­вели́читъ его́, я́коже е́сть?
  • Мно́га сокрове́на су́ть вя́щшая си́хъ: ма́лая бо ви́дѣхомъ дѣ́лъ его́.
  • Вся́ бо сотвори́ Госпо́дь и благо­чести́вымъ даде́ прему́дрость.
  • Величие высоты, твердь чистоты, вид неба в славном явлении!
  • Солнце, когда оно является, возвещает о них при восходе: чудное создание, дело Всевышнего!
  • В полдень свой оно иссушает землю, и пред жаром его кто устоит?
  • Распаляют горн для работ плавильных, но втрое сильнее солнце палит горы: дыша пламенем огня и блистая лучами, оно ослепляет глаза.
  • Велик Господь, Который сотворил его, и по слову Его оно поспешно пробегает путь свой.
  • И луна всем в свое время служит указанием времен и знамением века:
  • от луны – указание праздника; свет ее умаляется по достижении ею полноты;
  • месяц называется по имени ее; она дивно возрастает в своем изменении;
  • это – глава вышних строев; она сияет на тверди небесной;
  • красота неба, слава звезд, блестящее украшение, владыка на высотах!
  • По слову Святаго звезды стоят по чину и не устают на страже своей.
  • Взгляни на радугу, и прославь Сотворившего ее: прекрасна она в сиянии своем!
  • Величественным кругом своим она обнимает небо; руки Всевышнего распростерли ее.
  • Повелением Его скоро сыплется снег, и быстро сверкают молнии суда Его.
  • Отверзаются сокровищницы и вылетают из них облака, как птицы.
  • Могуществом Своим Он укрепляет облака, и разбиваются камни града;
  • от взора Его потрясаются горы, и по изволению Его веет южный ветер.
  • Голос грома Его приводит в трепет землю, и северная буря и вихрь.
  • Он сыплет снег подобно летящим вниз крылатым, и ниспадение его – как опускающаяся саранча;
  • красоте белизны его удивляется глаз, и ниспадению его изумляется сердце.
  • И как соль, рассыпает Он по земле иней, который, замерзая, делается остроконечным.
  • Подует северный холодный ветер, – и из воды делается лед: он расстилается на всяком вместилище вод, и вода облекается как бы в латы;
  • поядает горы, и пожигает пустыню, и, как огонь, опаляет траву.
  • Но скорым исцелением всему служит туман; появляющаяся роса прохлаждает от зноя.
  • Повелением Своим Господь укрощает бездну и насаждает на ней острова.
  • Плавающие по морю рассказывают об опасностях на нем, и мы дивимся тому, что слышим ушами нашими:
  • ибо там необычайные и чудные дела, разнообразие всяких животных, роды чудовищ.
  • Чрез Него все успешно достигает своего назначения, и все держится словом Его.
  • Многое можем мы сказать, и, однако же, не постигнем Его, и конец слов: Он есть всё.
  • Где возьмем силу, чтобы прославить Его? ибо Он превыше всех дел Своих.
  • Страшен Господь и весьма велик, и дивно могущество Его!
  • Прославляя Господа, превозносите Его, сколько можете, но и затем Он будет превосходнее;
  • и, величая Его, прибавьте силы: но не труди́тесь, ибо не постигнете.
  • Кто видел Его, и объяснит? и кто прославит Его, как Он есть?
  • Много сокрыто, что гораздо больше сего; ибо мы видим малую часть дел Его.
  • Всё сотворил Господь, и благочестивым даровал мудрость.
  • Сла́ва высоты̀, тве́рдь чистоты̀, зра́къ небесѐ въ видѣ́нїи сла́вы.
  • Со́лнце во ꙗ҆вле́нїи возвѣща́ющее во и҆схо́дѣ сосꙋ́дъ ди́венъ, дѣ́ло вы́шнѧгѡ.
  • Въ полꙋ́дни свое́мъ и҆зсꙋша́етъ странꙋ̀, и҆ прѧ́мѡ ва́рꙋ є҆гѡ̀ кто̀ постои́тъ;
  • (А҆́ки) пе́щь ды́шꙋщее въ дѣ́лѣхъ ва́ра, трегꙋ́бѡ со́лнце пожига́ющее го́ры: воскꙋрє́нїѧ ѻ҆́гнєннаѧ и҆зды́шꙋщее и҆ простира́ющее лꙋчи̑ ѡ҆мрача́етъ ѻ҆́чи.
  • Ве́лїй гдⷭ҇ь сотвори́вый є҆̀, и҆ словесы̀ свои́ми ᲂу҆скорѝ ше́ствїе.
  • И҆ лꙋна̀ всѣ̑мъ во своѐ вре́мѧ ꙗ҆влѧ́етъ лѣ̑та и҆ зна́менїе вѣ́ка.
  • Ѿ лꙋны̀ зна́менїе пра́здника: свѣти́ло ᲂу҆малѧ́ющеесѧ до конца̀.
  • Мцⷭ҇ъ по и҆́мени своемꙋ̀ є҆́сть, возраста́ющь ди́внѡ во и҆змѣне́нїи.
  • Сосꙋ́дъ ѡ҆полче́нїй на высотѣ̀, на тве́рди небе́снѣй сїѧ́ющь.
  • Добро́та небесѐ, сла́ва ѕвѣ́здъ, красота̀ свѣтѧ́щисѧ на высо́кихъ гдⷭ҇нихъ:
  • словесы̀ ст҃а́гѡ ста́нꙋтъ по чи́нꙋ и҆ не и҆́мꙋтъ ѡ҆слабѣ́ти въ стражба́хъ свои́хъ.
  • Ви́ждь дꙋгꙋ̀ и҆ благословѝ сотво́ршаго ю҆̀, ѕѣлѡ̀ прекра́сна сїѧ́нїемъ свои́мъ:
  • ѡ҆крꙋжѝ не́бо ѡ҆крꙋже́нїемъ сла́вы, рꙋ́цѣ вы́шнѧгѡ простро́стѣ ю҆̀.
  • Повелѣ́нїемъ є҆гѡ̀ потща́сѧ снѣ́гъ, и҆ ᲂу҆скорѧ́етъ мо́лнїю сꙋдьбо́ю свое́ю.
  • Сегѡ̀ ра́ди ѿверзо́шасѧ сокрѡ́вища, и҆ парѧ́тъ ѡ҆́блацы ꙗ҆́кѡ пти̑цы.
  • Вели́чїемъ свои́мъ ᲂу҆крѣпѝ ѡ҆́блаки, и҆ сокрꙋши́шасѧ ка́менїе гра́дное:
  • и҆ воззрѣ́нїемъ є҆гѡ̀ подви́жꙋтсѧ го́ры, и҆ во́лею є҆гѡ̀ возвѣ́етъ ю҆́гъ.
  • Гла́съ гро́ма є҆гѡ̀ поразѝ зе́млю, и҆ бꙋ́рѧ сѣ́верова и҆ ви́хорь вѣ́тра.
  • Ꙗ҆́кѡ пти̑цы парѧ́щыѧ сы́плетъ снѣ́гъ, и҆ ꙗ҆́коже прꙋ́зи садѧ́щїисѧ спадє́нїѧ є҆гѡ̀.
  • Добро́тѣ бѣ́лости є҆гѡ̀ подиви́тсѧ ѻ҆́ко, и҆ ѡ҆ дождѝ є҆гѡ̀ ᲂу҆жа́снетсѧ се́рдце.
  • И҆ сла́нꙋ ꙗ҆́кѡ со́ль на зе́млю сы́плетъ, и҆ сме́рзшисѧ быва́етъ на концы̀ ѻ҆стра̀.
  • Стꙋде́нъ вѣ́тръ сѣ́верный возвѣ́етъ, и҆ сме́рзнетсѧ ле́дъ ѿ воды̀: на всѧ́цѣмъ собра́нїи воднѣ́мъ ѡ҆бита́ти и҆́мать, и҆ а҆́ки во броню̀ ѡ҆блече́тсѧ вода̀.
  • Поѧ́стъ го́ры и҆ пꙋсты̑ни пожже́тъ, и҆ ᲂу҆гаси́тъ травꙋ̀ ꙗ҆́кѡ ѻ҆́гнь.
  • И҆сцѣле́нїе всѣ́хъ со тща́нїемъ мгла̀: роса̀ срѣта́ющаѧ ѿ ва́ра ᲂу҆тиши́тъ.
  • Мы́слїю є҆гѡ̀ преста̀ бе́здна, и҆ насадѝ въ не́й (гдⷭ҇ь) ѻ҆́стровы.
  • Пла́вающїи по мо́рю повѣ́даютъ бѣ́дство є҆гѡ̀, и҆ слꙋ́хомъ ᲂу҆ше́съ на́шихъ чꙋди́мсѧ,
  • и҆ та́мѡ (сꙋ́ть) пресла̑вна и҆ чꙋ̑дна дѣла̀ є҆гѡ̀, разли́чїе всѧ́кагѡ живо́тнагѡ, созда́нїе ки́тѡвъ.
  • И҆́мъ благополꙋ́чный коне́цъ сво́й полꙋча́ютъ и҆ сло́вомъ є҆гѡ̀ составлѧ́ютсѧ всѧ́чєскаѧ.
  • Мно́гѡ и҆́мамы рещѝ, и҆ не и҆́мамы пости́гнꙋти, и҆ сконча́нїе слове́съ: всѐ є҆́сть то́й.
  • Сла́вѧще є҆го̀ гдѣ̀ ᲂу҆крѣпи́мсѧ; то́й бо вели́къ па́че всѣ́хъ дѣ́лъ свои́хъ:
  • стра́шенъ гдⷭ҇ь и҆ вели́къ ѕѣлѡ̀, и҆ чꙋ́дно могꙋ́тство є҆гѡ̀.
  • Сла́вѧще гдⷭ҇а вознеси́те, є҆ли́кѡ а҆́ще мо́жете, превзы́детъ бо и҆ є҆щѐ:
  • возносѧ́ще є҆го̀ ᲂу҆мно́житесѧ крѣ́постїю: не трꙋди́тесѧ, не и҆́мате бо пости́гнꙋти.
  • Кто̀ ви́дѣ є҆го̀ и҆ и҆сповѣ́сть; и҆ кто̀ возвели́читъ є҆го̀, ꙗ҆́коже є҆́сть;
  • Мнѡ́га сокровє́на сꙋ́ть вѧ̑щшаѧ си́хъ: ма̑лаѧ бо ви́дѣхомъ дѣ́лъ є҆гѡ̀.
  • Всѧ̑ бо сотворѝ гдⷭ҇ь и҆ бл҃гочести́вымъ дадѐ премꙋ́дрость.