Есть между ними такие, которые оставили по себе имя для возвещения хвалы их, – ^*и есть такие, о которых не осталось памяти, которые исчезли, как будто не существовали, и сделались как бы небывшими, и дети их после них.

Но те были мужи милости, которых праведные дела не забываются;

в семени их пребывает доброе наследство; потомки их – в заветах;

семя их будет твердо, и дети их – ради них;

семя их пребудет до века, и слава их не истребится;

тела их погребены в мире, и имена их живут в роды;

народы будут рассказывать о их мудрости, а церковь будет возвещать их хвалу.

Енох угодил Господу и был взят на небо, – образ покаяния для всех родов.

Ной оказался совершенным, праведным; во время гнева он был умилостивлением;

посему сделался остатком на земле, когда был потоп;

с ним заключен был вечный завет, что никакая плоть не истребится более потопом.

Авраам – великий отец множества народов, и не было подобного ему в славе;

он сохранил закон Всевышнего и был в завете с Ним,

и на своей плоти утвердил завет и в испытании оказался верным;

поэтому Господь с клятвою обещал ему, что в семени его благословятся все народы;

обещал умножить его, как прах земли, и возвысить семя его, как звезды, и дать им наследство от моря до моря и от реки до края земли.

И Исааку ради Авраама, отца его, Он также подтвердил благословение всех людей и завет;

и оно же почило на голове Иакова:

Он ущедрил его Своими благословениями, и дал ему в наследие землю, и отделил участки ее, и разделил между двенадцатью коленами.

И произвел от него мужа милости, который приобрел любовь в глазах всякой плоти,

Церковнославянский (рус)

Восхва́лимъ у́бо му́жы сла́вны и отцы́ на́шя въ бытiи́.

Мно́гу сла́ву созда́ Госпо́дь въ ни́хъ вели́чiемъ свои́мъ от вѣ́ка.

Госпо́дствующе во ца́рствiихъ свои́хъ и му́жiе имени́ти си́лою, совѣ́тующе ра́зумомъ свои́мъ, провѣща́вшiи во проро́чествахъ,

старѣ́йшины люді́й въ совѣ́тѣхъ и въ ра́зумѣ писа́нiя люді́й:

прему́драя словеса́ въ наказа́нiи и́хъ, и́щуще гла́са мусикі́йска и повѣ́дающе по́вѣсти во писа́нiихъ:

му́жiе бога́тiи, обдарова́ни крѣ́постiю, ми́рно живу́ще въ жили́щихъ свои́хъ.

Вси́ сі́и въ ро́дѣхъ просла́влени бы́ша, и во дне́хъ и́хъ похвала́.

Су́ть от ни́хъ, и́же оста́виша и́мя, е́же повѣ́дати хвалы́: ^*и су́ть, и́хже нѣ́сть па́мяти, и погибо́ша я́ко не су́щiи, и бы́ша я́ко не бы́вше, и ча́да и́хъ по ни́хъ.

Но сі́и му́жiе ми́лостивiи, и́хже пра́вды не забве́ны бы́ша:

съ сѣ́менемъ и́хъ пребу́детъ до́брое наслѣ́дiе, изча́дiя и́хъ въ завѣ́тѣхъ:

оста́ся сѣ́мя и́хъ, и ча́да и́хъ по ни́хъ:

до вѣ́ка пребу́детъ сѣ́мя и́хъ, и сла́ва и́хъ не потреби́тся:

тѣлеса́ и́хъ въ ми́рѣ погребе́на бы́ша, а имена́ и́хъ живу́тъ въ ро́ды.

Прему́дрость и́хъ повѣ́дятъ лю́дiе, и похвалу́ и́хъ исповѣ́сть це́рковь.

Ено́хъ угоди́ Го́сподеви и преложи́ся, о́бразъ покая́нiя родо́мъ.

Но́е обрѣ́теся соверше́нъ, пра́веденъ, во вре́мя гнѣ́ва бы́сть примире́нiе:

сего́ ра́ди бы́сть оста́нокъ земли́, егда́ бя́ше пото́пъ.

Завѣ́ты вѣ́чнiи положе́ни бы́ша съ ни́мъ, да не потреби́тся пото́помъ вся́ка пло́ть.

Авраа́мъ вели́кiй оте́цъ мно́жеству язы́ковъ, и не обрѣ́теся подо́бный во сла́вѣ его́:

и́же соблюде́ зако́нъ вы́шняго и бы́сть въ завѣ́тѣ съ ни́мъ:

и на пло́ти его́ уста́ви завѣ́тъ и во искуше́нiи обрѣ́теся вѣ́ренъ:

сего́ ра́ди кля́твою поста́ви съ ни́мъ благослови́тися язы́комъ о сѣ́мени его́,

умно́жити его́ я́ко пе́рсть земли́, и я́ко звѣ́зды возвы́сити сѣ́мя его́, и наслѣ́дити и́мъ от мо́ря до мо́ря и от рѣки́ до кра́я земли́.

И о Исаа́цѣ утверди́ си́це Авраа́ма ра́ди отца́ его́ благослове́нiе всѣ́хъ человѣ́ковъ и завѣ́тъ:

и почи́ на главѣ́ Иа́ковли.

Позна́ его́ благослове́нiи свои́ми и даде́ его́ въ наслѣ́дiе, и раздѣли́ ча́сти его́ на колѣ́нъ двана́десять,

и изведе́ от него́ му́жа ми́лости, обрѣ́тшаго благода́ть предъ очесы́ вся́кiя пло́ти.

Цр҃ко́внослав

Языки

Восхва́лимъ ᲂу҆́бѡ мꙋ́жы сла̑вны и҆ ѻ҆тцы̀ на́шѧ въ бытїѝ.

Мно́гꙋ сла́вꙋ созда̀ гдⷭ҇ь въ ни́хъ вели́чїемъ свои́мъ ѿ вѣ́ка.

Госпо́дствꙋюще во ца́рствїихъ свои́хъ и҆ мꙋ́жїе и҆мени́ти си́лою, совѣ́тꙋюще ра́зꙋмомъ свои́мъ, провѣща́вшїи во прⷪ҇ро́чествахъ,

старѣ̑йшины люді́й въ совѣ́тѣхъ и҆ въ ра́зꙋмѣ писа̑нїѧ люді́й:

премꙋ̑драѧ словеса̀ въ наказа́нїи и҆́хъ, и҆́щꙋще гла́са мꙋсїкі́йска и҆ повѣ́дающе пѡ́вѣсти во писа́нїихъ:

мꙋ́жїе бога́тїи, ѡ҆бдарова́ни крѣ́постїю, ми́рнѡ живꙋ́ще въ жили́щихъ свои́хъ.

Всѝ сі́и въ ро́дѣхъ просла́влени бы́ша, и҆ во дне́хъ и҆́хъ похвала̀.

Сꙋ́ть ѿ ни́хъ, и҆́же ѡ҆ста́виша и҆́мѧ, є҆́же повѣ́дати хвалы̑: и҆ сꙋ́ть, и҆́хже нѣ́сть па́мѧти, и҆ погибо́ша ꙗ҆́кѡ не сꙋ́щїи, и҆ бы́ша ꙗ҆́кѡ не бы́вше, и҆ ча̑да и҆́хъ по ни́хъ.

Но сі́и мꙋ́жїе ми́лостивїи, и҆́хже пра̑вды не забвє́ны бы́ша:

съ сѣ́менемъ и҆́хъ пребꙋ́детъ до́брое наслѣ́дїе, и҆сча̑дїѧ и҆́хъ въ завѣ́тѣхъ:

ѡ҆ста́сѧ сѣ́мѧ и҆́хъ, и҆ ча̑да и҆́хъ по ни́хъ:

до вѣ́ка пребꙋ́детъ сѣ́мѧ и҆́хъ, и҆ сла́ва и҆́хъ не потреби́тсѧ:

тѣлеса̀ и҆́хъ въ ми́рѣ погребє́на бы́ша, а҆ и҆мена̀ и҆́хъ живꙋ́тъ въ ро́ды.

Премꙋ́дрость и҆́хъ повѣ́дѧтъ лю́дїе, и҆ похвалꙋ̀ и҆́хъ и҆сповѣ́сть цр҃ковь.

Є҆нѡ́хъ ᲂу҆годѝ гдⷭ҇еви и҆ преложи́сѧ, ѡ҆́бразъ покаѧ́нїѧ родѡ́мъ.

Нѡ́е ѡ҆брѣ́тесѧ соверше́нъ, пра́веденъ, во вре́мѧ гнѣ́ва бы́сть примире́нїе:

сегѡ̀ ра́ди бы́сть ѡ҆ста́нокъ землѝ, є҆гда̀ бѧ́ше пото́пъ.

Завѣ́ты вѣ́чнїи положе́ни бы́ша съ ни́мъ, да не потреби́тсѧ пото́помъ всѧ́ка пло́ть.

А҆враа́мъ вели́кїй ѻ҆те́цъ мно́жествꙋ ꙗ҆зы́кѡвъ, и҆ не ѡ҆брѣ́тесѧ подо́бный во сла́вѣ є҆гѡ̀:

и҆́же соблюдѐ зако́нъ вы́шнѧгѡ и҆ бы́сть въ завѣ́тѣ съ ни́мъ:

и҆ на пло́ти є҆гѡ̀ ᲂу҆ста́ви завѣ́тъ и҆ во и҆скꙋше́нїи ѡ҆брѣ́тесѧ вѣ́ренъ:

сегѡ̀ ра́ди клѧ́твою поста́ви съ ни́мъ благослови́тисѧ ꙗ҆зы́кѡмъ ѡ҆ сѣ́мени є҆гѡ̀,

ᲂу҆мно́жити є҆го̀ ꙗ҆́кѡ пе́рсть землѝ, и҆ ꙗ҆́кѡ ѕвѣ́зды возвы́сити сѣ́мѧ є҆гѡ̀, и҆ наслѣ́дити и҆̀мъ ѿ мо́рѧ до мо́рѧ и҆ ѿ рѣкѝ до кра́ѧ землѝ.

И҆ ѡ҆ і҆саа́цѣ ᲂу҆твердѝ си́це а҆враа́ма ра́ди ѻ҆тца̀ є҆гѡ̀ благослове́нїе всѣ́хъ человѣ́кѡвъ и҆ завѣ́тъ:

и҆ почѝ на главѣ̀ і҆а́кѡвли.

Позна̀ є҆го̀ блгⷭ҇вє́нїи свои́ми и҆ дадѐ є҆го̀ въ наслѣ́дїе, и҆ раздѣлѝ ча̑сти є҆гѡ̀ на колѣ́нъ двана́десѧть,

и҆ и҆зведѐ ѿ негѡ̀ мꙋ́жа ми́лости, ѡ҆брѣ́тшаго благода́ть пред̾ ѻ҆чесы̀ всѧ́кїѧ пло́ти.