0--01 Великая Суббота

Великая Суббота

Краткое наименование:

Вернуться назад

Триодь. Дата 2025-04-20, 1 дней до Пасхи

Знак типикона: Вседневный
Праздник: святого


Чтения

На Утрени:

Апостол:

Евангелие:


Прокимен

Прокимен, глас :
Стих:


Аллилуарий

Аллилуарий, глас :
Стих:


Причастен


Тропари

Глас 2:

Благообра́зный Ио́сиф, с дре́ва снем Пречи́стое Те́ло Твое́, плащани́цею чи́стою обви́в, и вони́ми во гро́бе но́ве покры́в положи́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Мироносицам жена́м при гро́бе предста́в Ангел вопия́ше: ми́ра ме́ртвым суть прили́чна, Христо́с же истле́ния яви́ся чу́ждь.

Глас 2:

Благообра́зный Ио́сиф, с дре́ва снем пречи́стое те́ло Твое́, плащани́цею чи́стою обви́в, и воня́ми во гро́бе но́ве покры́в положи́.

Сла́ва Отцу́ и Сы́ну и Свято́му Ду́ху.

Егда́ снизше́л еси́ к сме́рти, Животе́ Безсме́ртный, тогда́ ад умертви́л еси́ блиста́нием Божества́. Егда́ же и уме́ршии от преиспо́дних воскреси́л еси́, вся си́лы небе́сныя взыва́ху: Жизнода́вче Христе́ Бо́же наш, сла́ва Тебе́.

И ны́не и при́сно и во ве́ки веко́в. Ами́нь.

Мироно́сицам жена́м, при гро́бе предста́в А́нгел вопия́ше: ми́ра ме́ртвым суть прили́чна, Христо́с же истле́ния яви́ся чуждь.


Кондаки

Глас 6:

Бе́здну заключи́вый, мертв зри́тся, и сми́рною и плащани́цею обви́вся, во гро́бе полага́ется я́ко сме́ртный Безсме́ртный: же́ны же приидо́ша пома́зати Его́ ми́ром, пла́чущыя го́рько и вопию́щыя: сий суббо́та есть преблагослове́нная, в не́йже Христо́с усну́в воскре́снет тридне́вен.

Икос: Содержа́й вся на Кресте́ вознесе́ся, и рыда́ет вся тварь, Того ви́дящи на́га ви́сяща на дре́ве, со́лнце лучы́ сокры́, и зве́зды отложи́ша свет, земля́ же со мно́гим стра́хом поколеба́ся, и мо́ре побеже́, и каме́ние распаде́ся, гро́бы же мно́зи отверзо́шася, и телеса́ воста́ша святы́х муже́й. Ад ни́зу стене́т, и иуде́е сове́туют оклевета́ти Христо́во Воскресе́ние, жены же взыва́ют: Сия́ суббо́та есть преблагослове́нная, в не́йже Христо́с усну́в воскре́снет тридне́вен.


Стихиры на "Господи, возвах"

Глас 1:

Вся тварь изменя́шеся стра́хом, зря́щи Тя на Кресте́ ви́сима, Христе́. Со́лнце омрача́шеся, и земли́ основа́ния сотряса́хуся: вся состра́даху Созда́вшему вся. Во́лею нас ра́ди претерпе́вый, Го́споди, сла́ва Тебе́. (Дважды)

Лю́дие злочести́вии и беззако́ннии, вску́ю поучаю́тся тще́тным? Вску́ю Живота́ всех на смерть осуди́ша? Ве́лие чудо, я́ко Созда́тель ми́ра в ру́ки беззако́нных предае́тся, и на дре́во возвыша́ется Человеколю́бец: да я́же во а́де ю́зники свободи́т, зову́щыя: долготерпели́ве Го́споди, сла́ва Тебе́.

Днесь зря́щи Тя Непоро́чная Де́ва на Кресте́, Сло́ве, возвыша́ема, рыда́ющи Ма́тернею утро́бою, уязвля́шеся се́рдцем го́рце, и стеня́щи боле́зненно из глубины́ души́, лице́ со власы́ терза́ющи. Те́мже и пе́рси биющи взыва́ше жа́лостно: увы́ Мне, Боже́ственное Ча́до! Увы Мне, Све́те ми́ра! Что́ заше́л еси́ от о́чию Мое́ю А́гнче Бо́жий? Те́мже во́инства безпло́тных тре́петом содержи́ми бя́ху, глаго́люще: непостижи́ме Го́споди, сла́ва Тебе́.

На дре́ве ви́дящи ви́сима, Христе́, Тебе́ всех Зижди́теля и Бо́га, безсе́менно ро́ждшая Тя вопия́ше го́рько: Сы́не Мой, где добро́та за́йде зра́ка Твоего́? Не терплю́ зре́ти Тя непра́ведно распина́ема: потщи́ся у́бо воста́ни, я́ко да ви́жу и аз Твое́ из ме́ртвых тридне́вное воскресе́ние.

Днесь Влады́ка твари предстои́т Пила́ту, и Кресту́ предае́тся Зижди́тель всех: я́ко А́гнец приводи́мь Свое́ю во́лею, гвоздьми́ пригвождае́тся, и в ре́бра пробода́ется, и губо́ю напоя́ется, ма́нну одожди́вый, по лани́те зауша́ется Изба́витель ми́ра, и от Свои́х раб поруга́ется Созда́тель всех. О Влады́чняго Человеколю́бия! О распина́ющих моля́ше Своего́ Отца́, глаго́ля: О́тче, оста́ви им грех сей: не ве́дят бо беззако́ннии, что непра́ведное содева́ют.

О ка́ко беззако́нное со́нмище, Царя́ тва́ри осуди́ на смерть! Не устыде́вся благодея́ния, я́же воспомина́я, предутвержда́ше глаго́ля к ним: лю́дие Мои́, что́ сотвори́х вам? Не чуде́с ли испо́лних Иуде́ю; не мертвецы́ ли воскреси́х еди́нем сло́вом? Не вся́кую ли боле́знь исцели́х и недуг? Что у́бо Ми воздаете́? Вску́ю не по́мните Мя? За исцеле́ния ра́ны Мне наложи́вше, за живо́т умерщвля́юще, ве́шающе на дре́ве я́ко злоде́я, Благоде́теля! я́ко беззако́нна, Законода́вца: я́ко осужде́нна, всех Царя. Долготерпели́ве Го́споди, сла́ва Тебе́.

Богородичен,

Стра́шное и пресла́вное та́инство днесь де́йствуемо зри́тся: Неосяза́емый удержа́вается; вя́жется, Разреша́яй Ада́ма от кля́твы: Испыту́яй сердца́ и утро́бы, непра́ведно испыту́ется; в темни́це затворя́ется, и́же бе́здну затвори́вый; Пила́ту предстои́т, Ему́же тре́петом предстоя́т Небе́сныя си́лы; зауша́ется руко́ю созда́ния Созда́тель; на дре́во осужда́ется, судя́й живы́м и ме́ртвым: во гро́бе заключа́ется, разори́тель ада. И́же вся терпя́й милосе́рдно, и всех спасы́й от кля́твы, незло́биве Го́споди, сла́ва Тебе́.


Стихиры на стиховне

Глас 2:

Егда́ от дре́ва Тя ме́ртва, Аримафе́й снят всех Живота́, сми́рною и плащани́цею Тя, Христе́, обви́в, и любо́вию подвиза́шеся, се́рдцем и устна́ми, Те́ло нетле́нное Твое́ облобыза́ти. Оба́че одержи́мь стра́хом, ра́дуяся вопия́ше Ти: сла́ва снизхожде́нию Твоему́, Человеколю́бче.

Стих: Госпо́дь воцари́ся, в ле́поту облече́ся.

Егда́ во гро́бе но́ве за всех положи́лся еси́, Изба́вителю всех, ад всесмехли́вый ви́дев Тя ужасе́ся, вереи́ сокруши́шася, сломи́шася врата́, гро́би отверзо́шася, ме́ртвии воста́ша. Тогда́ Адам благода́рственно ра́дуяся вопия́ше Тебе́: сла́ва снизхожде́нию Твоему́, Человеколю́бию.

Стих: И́бо утверди́ вселе́нную, я́же не подви́жится.

Егда́ во гро́бе пло́тски хотя заключи́лся еси́, и́же естество́м Бо́жества пребыва́яй неопи́санный и неопределе́нный, сме́рти заключи́л еси́ сокро́вища, и а́дова вся истощи́л еси́, Христе́, Ца́рствия: тогда́ и суббо́ту сию́ Боже́ственнаго благослове́ния и сла́вы, и Твоея́ све́тлости сподо́бил еси́.

Стих: До́му Твоему́ подоба́ет святыня, Го́споди, в долготу́ дний.

Егда́ си́лы зря́ху Тя, Христе́, я́ко преле́стника от беззако́нных оклевета́ема, ужасахуся неизглаго́ланному долготерпе́нию Твоему́, и ка́мень гро́ба рука́ми запеча́танный, и́миже Твоя́ нетле́нная ре́бра прободо́ша, оба́че на́шему спасе́нию ра́дующеся вопия́ху Ти: сла́ва снизхожде́нию Твоему́, Человеколю́бче.

Богородичен,

Тебе́ оде́ющагося све́том я́ко ри́зою, снем Ио́сиф с дре́ва с Никоди́мом, и ви́дев ме́ртва, на́га, непогребе́на, благосе́рдный плач восприи́м, рыда́я глаго́лаше: увы мне, сладча́йший Иису́се, Его́же вма́ле со́лнце на Кресте́ ви́сима узре́вшее, мра́ком облага́шеся, и зе́мля стра́хом колеба́шася, и раздира́шеся церко́вная заве́са: но се ны́не ви́жу Тя, мене́ ра́ди во́лею подъе́мша смерть. Ка́ко погребу Тя, Бо́же мой? Или́ како́ю плащани́цею обвию́? Ко́има ли рука́ма прикосну́ся нетле́нному Твоему́ Те́лу? Или́ ки́я пе́сни воспою́ Твоему́ исхо́ду, Ще́дре? Велича́ю стра́сти Твоя́, песносло́влю и погребе́ние Твое́ со воскресе́нием, зовый: Го́споди, сла́ва Тебе́.


Стихиры на хвалитех

Глас 2:

Днесь соде́ржит гроб Содержа́щаго дла́нию тварь, покрыва́ет ка́мень Покры́вшаго доброде́телию Небеса́, спит Живо́т, и ад трепе́щет, и Ада́м от уз разреша́ется. Сла́ва Твоему́ смотре́нию, и́мже соверши́в все упокое́ние ве́чное, дарова́л еси́ нам, Бо́же, всесвято́е из ме́ртвых Твое воскресе́ние.

Что́ зри́мое виде́ние? Ко́е настоящее упокое́ние? Царь веко́в, И́же стра́стию соверши́в смотре́ние, во гро́бе суббо́тствует, но́вое нам пода́й суббо́тство, Тому возопии́м: воскресни́, Бо́же, судяй земли́, я́ко Ты Ца́рствуеши во ве́ки, неизме́рную име́яй ве́лию ми́лость.

Прииди́те ви́дим Живо́т наш во гро́бе лежа́щ, да во гробе́х лежа́щыя оживи́т. Прииди́те днесь и́же из Иу́ды спя́ща зря́ще, проро́чески Ему́ возопии́м: возле́г уснул еси́ я́ко лев, кто воздви́гнет Тя, Царю́? Но воста́ни самовла́стно, да́вый Себе́ о нас во́лею, Го́споди, сла́ва Тебе́.

Проси́ Ио́сиф те́ло Иису́сово, и положи́ Е́ в но́вем свое́м гро́бе: подоба́ше бо Ему́ из гро́ба, я́ко из черто́га пройти́. Сокруши́вый держа́ву сме́рти, и отве́рзый врата райская челове́ком, Го́споди, сла́ва Тебе́.

Дне́шний день та́йно вели́кий Моисе́й прообразова́ше, глаго́ля: и благослови́ Бог день седмы́й: сия́ бо есть благослове́нная суббо́та, сей есть упокое́ния день, в о́ньже почи́ от всех дел Свои́х Единоро́дный Сын Бо́жий, смотре́нием еже на смерть, пло́тию суббо́тствовав: и во е́же бе, па́ки возвра́щся воскресе́нием, дарова́ нам живо́т ве́чный, я́ко Еди́н Благ и Человеколю́бец.

Богородичен,

Преблагослове́нна еси́, Богоро́дице Де́во, вопло́щшим бо ся из Тебе́ ад плени́ся, Ада́м воззва́ся, кля́тва потреби́ся, Е́ва свободи́ся, смерть умертви́ся и мы ожи́хом. Тем воспева́юще вопие́м: благослове́н Христо́с Бог благоволи́вый та́ко, сла́ва Тебе́.


Седальны

Глас 1:

Плащани́цею чи́стою и арома́ты боже́ственными те́ло честно́е, испроси́в у Пила́та миропомазу́ет, и полага́ет Ио́сиф в но́вом гро́бе. Те́мже ура́нше мироно́сицы жены́, возопи́ша: покажи́ нам, я́коже предре́кл еси́ Христе́, воскресе́ние.

Сла́ва Отцу́ и Сы́ну и Свято́му Ду́ху.

Покажи́ нам, я́коже предре́кл еси́ Христе́, воскресе́ние.

Глас 1:

Гро́б Твой, Спа́се, во́ини стрегу́щии, ме́ртви от облиста́ния я́вльшагося Ангела бы́ша, пропове́дающа жена́м воскресе́ние. Тебе́ сла́вим тли потреби́теля, Тебе́ припа́даем воскре́сшему из гро́ба, и еди́ному Бо́гу на́шему.


Светильны


Каноны

Канон Триоди, глас 6 (основной)


Житие

Синаксарь во Святую Великую Субботу:

Стихи:
Тщетно ты гроб стережешь спечатанный, стража,
Ибо в нем нет уж Того, Кто Сам всем дарует жизнь

В святую и Великую субботу празднуем погребение Божественного тела и сошествие в ад Господа, Бога и Спасителя нашего Иисуса Христа, благодаря чему род наш, призванный от тления, перешел к вечной жизни.

Святая Четыредесятница превосходит все остальные дни в году; но больше ее Великая седмица, а из дней Великой седмицы наибольший — великая сия и Святая суббота. Седмица эта зовется Великой не потому, что дни или часы ее длиннее обычных, но потому, что в течение ее, и особенно сегодня, совершены были великие, естество превосходящие чудеса и небывалые деяния Спасителя нашего. Ибо как при первом миротворении Бог, всякое дело исполнив и напоследок, в день шестой, после того, как создал наиважнейшее, то есть человека, в седьмой день почил от всех дел Своих и освятил его, назвав «субботой» (что в переводе означает «упокоение»), так и при созидании духовного мира, превосходно все исполнив и в шестой день заново воссоздав падшего человека и обновив его Живоносным Крестом и Своею смертью, в нынешний, седьмой день упокоился Он полным упокоением от дел, уснув естественным для всего живого и спасительным сном.

Итак, Слово Божие сошло с плотью во гроб, сходит Оно и в ад с непорочной и Божественной Его душой, отделенной смертью от тела. И душу эту предает Он в руки Отца, Которому, хотя Тот не требовал, и Кровь Свою принес, ставшую нашим искуплением. Ибо душа Господа не была удержана в аду, как души других святых. Каким же образом? Или не навлекла она на себя ничего от прародительского проклятия, подобно другим? Но враг наш диавол, хоть и обладал нами, даже Кровью Его, коей мы искуплены, не завладел. И как возможно было грабителю-диаволу не только тем, что от Бога, но и Самим Богом завладеть? Так или иначе, но Господь наш Иисус Христос вселился во гроб плотским образом и с Божеством, всецело соединенным с плотью. Был он и с разбойником в раю, был, как сказано, и в аду, с обоженной Своей душой, сверх всякого естества восседая при этом, как беспредельный Бог, на Престоле с Отцом и Духом. Повсюду находился Он, и ничто от Божества Его не пострадало во гробе, как и на Кресте. Тело Господа подверглось повреждению, каковое есть разлучение души и тела, но отнюдь не было в нем разрушения, то есть расторжения плоти и полного уничтожения членов.

Иосиф же, сняв святое тело Господа с Креста, полагает в новом гробе и поблизости от иудеев в саду, поместив при входе весьма большой камень. По прошествии же пятницы иудеи, придя к Пилату, говорят: «Господин! Мы вспомнили, что обманщик тот, еще будучи жив, сказал: после трех дней воскресну (Мф.27:63). Думается нам, хорошо будет, если ты своею властью повелишь воинскому отряду стеречь гроб». Итак, если Он обманщик, что заботитесь о речах той поры, когда жив был? Ведь Иисус, по общему признанию, умер! Да и когда сказал Он: «Воскресну»? Быть может, они вывели это из Его ссылки на пророка Иону. Неразумие их очевидно: ведь если гроб охраняться будет, то и тело не украдут.

Сколь же безрассудны иудеи! Ибо не постигали, что, трудясь в свою пользу, действуют на деле против себя. И вот, как только повелел Пилат, обезопасили гроб с помощью воинского подразделения и надежной печати. Произошло же все это с тем, чтобы ввиду чужеземной стражи и печати невозможно было оклеветать Воскресение Господне. Но ад, ощущая превосходящую силу, приходит с той поры в смятение, и потому чрез малое время после неправедного поглощения Христа, твердейшего и краеугольного Камня (ср.: Ис.28:16), извергнет и тех, кого от начала века предназначил утробе своей, обратив в снедь.

По несказанному снисхождению Твоему, Христе Боже наш, помилуй нас. Аминь.