Пяток 5-й седмицы Великого поста
Краткое наименование:Вернуться назад
Триодь. Дата 2025-04-20, 16 дней до Пасхи
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Кондаки
Стихиры на "Господи, возвах"
Глас 8:Самовла́стно совлеко́хся, / пе́рвым мои́м преступле́нием, / доброде́телей благоле́пия, / облеко́хся же в сие́ а́бие ко мне́ снизхожде́нием Твои́м Сло́ве Бо́жий. / Не презре́л бо мя́ еси́ в лю́тых страсте́х впа́дша, / и разбо́йнически на пути́ попра́на: / но всекре́пкою Твое́ю си́лою снабде́в мя́, // заступле́ния сподо́бил еси́ Многоми́лостиве.
Му́ченицы Госпо́дни, / вся́ко ме́сто освяща́ете, и вся́к неду́г врачу́ете: // и ны́не моли́те, изба́витися се́тей вра́жиих душа́м на́шым, мо́лимся.
Пригвожде́н Го́споди на Кресте́, / Ада́мово рукописа́ние Боже́ственным копие́м растерза́л еси́: / те́мже расто́ргни у́зы моя́ Сло́ве, / я́ко да Тебе́ хвале́ния же́ртву пожру́ ве́рою, ра́дуяся, / вре́мя благоприя́тное поста́ ны́не обреты́й, // е́же все́х во спасе́ние показа́л еси́.
Поще́ния све́тлостию иногда́ Моисе́й сия́я, / сла́ву Бо́жию ви́де: / сему́ поревнова́вши смире́нная душе́ моя́, / на Кресте́ распросте́ршему дла́ни тебе́ ра́ди бла́гостию, / де́лы угоди́, воздержа́нием и моли́твою, // я́ко да улучи́ши Боже́ственное наслажде́ние.
Животворя́щему покланя́ющеся Твоему́ Кресту́, / неизрече́нныя к на́м безме́рныя Твоея́ бла́гости Христе́, / и те́м просвети́вше ду́шы, / воспева́ем Тя́ непреста́нно, / прося́ще благоду́шно, ра́достию сконча́ти по́прище поще́ния, / и дости́гнути стра́сти Твоя́ воспе́ти Го́споди, // и́миже спа́сл еси́ ны́.
Стихиры на стиховне
Глас 8:С разбо́йники на Кресте́ пригвозди́выйся Христе́ Бо́же, / и я́звою Твое́ю челове́ческое естество́ исцели́вый, / не пре́зри мене́, / в мы́сленныя путедержа́тели, и в разбо́йники безпло́тныя впа́дшаго, / и доброде́тели от ни́х совлече́ннаго, и лю́те уя́звеннаго, / ни от еди́наго же от преподо́бных исцели́тися возмо́гшаго: / и́сполу бо ме́ртв е́смь, кратча́йший име́я жи́зни оста́нок, / на Тя́ име́яй еди́ну наде́жду, ме́ртвым живо́т подаю́щаго: / но обвяжи́ ми стру́пы, // Твою́ иска́пав мне́ бла́гость, еди́не Человеколю́бче.
Стих: К Тебе́ возведо́х о́чи мои́, живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, / до́ндеже уще́дрит ны.
С разбо́йники на Кресте́ пригвозди́выйся Христе́ Бо́же, / и я́звою Твое́ю челове́ческое естество́ исцели́вый, / не пре́зри мене́, / в мы́сленныя путедержа́тели, и в разбо́йники безпло́тныя впа́дшаго, / и доброде́тели от ни́х совлече́ннаго, и лю́те уя́звеннаго, / ни от еди́наго же от преподо́бных исцели́тися возмо́гшаго: / и́сполу бо ме́ртв е́смь, кратча́йший име́я жи́зни оста́нок, / на Тя́ име́яй еди́ну наде́жду, ме́ртвым живо́т подаю́щаго: / но обвяжи́ ми стру́пы, // Твою́ иска́пав мне́ бла́гость, еди́не Человеколю́бче.
Стих: Поми́луй нас Го́споди, поми́луй нас, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, / и уничиже́ния го́рдых.
Что́ вы нарече́м святи́и? / Херуви́мы ли? я́ко на ва́с почи́л е́сть Христо́с. / Серафи́мы ли? я́ко непреста́нно просла́висте Его́. / А́нгелы ли? Те́ла бо отврати́стеся. / Си́лы ли? Де́йствуете бо чудесы́. / Мно́гая ва́ша имена́, и бо́льшая дарова́ния, // моли́те спасти́ся душа́м на́шым.
Крестобогородичен,О пресла́внаго чудесе́! / о та́инства но́ваго! / о ужа́снаго начина́ния! / Де́ва глаго́лаше, / на Кресте́ Тя́ я́ко ви́де, посреде́ двою́ разбо́йнику обе́шена, / Его́же неболе́зненно ужа́сно породи́, / пла́каше глаго́лющи: / увы́ Мне́ Ча́до любе́знейшее, // ка́ко Тя́ лю́тый наро́д и неблагода́рный ко Кресту́ пригвозди́?
Стихиры на хвалитех
Седальны
Глас 1:Просте́рл еси́ Христе́ дла́ни на Дре́ве, исцеля́я я́зву Ада́мову, я́звами Твои́ми. Те́мже молю́ Тя: я́звы моя́ исцели́, я́же наложи́ души́ мое́й льсте́ц, и сподо́би в моли́тве и посте́, Спа́се, угоди́ти Тебе́.
Глас 6:Кре́сте, ми́ру храни́телю, де́монов прогони́телю, тя́ стяжа́вших во все́м предста́тельство необори́мое сподо́би поще́ния прейти́ про́чее, со́вестию чи́стою, исправля́я ду́шы на́шя пред Христо́м, дре́во благослове́нное.
Светильны
Каноны
Трипеснец господина Иосифа, глас 1 (основной)
Иный трипеснец господина Феодора, глас 6 (основной)