0--17 Четверг 5-й седмицы Великого поста

Четверг 5-й седмицы Великого поста

Краткое наименование:

Вернуться назад

Триодь. Дата 2024-05-05, 17 дней до Пасхи

Знак типикона: Вседневный
Праздник: святого

---

Чтения

На Утрени:

Апостол:

Евангелие:

---

Прокимен

Прокимен, глас :
Стих:

---

Аллилуарий

Аллилуарий, глас :
Стих:

---

Причастен

---

Тропари

---

Кондаки

Глас :

Душе́ моя́, душе́ моя́, воста́ни, что́ спи́ши? коне́ц приближа́ется, и и́маши смути́тися: воспряни́ у́бо, да пощади́т тя́ Христо́с Бо́г, везде́ сы́й, и вся́ исполня́яй.

Икос: Христо́во врачевство́ ви́дя отве́рсто, и от Сего́ Ада́му истека́ющее здра́вие, пострада́, уязви́ся диа́вол, и я́ко бе́дствуя рыда́ше, и свои́м друго́м возопи́: что́ сотворю́ Сы́ну Мари́ину, убива́ет мя́ Вифлее́млянин, И́же везде́ сы́й, и вся́ исполня́яй.

---

Стихиры на "Господи, возвах"

Глас 8:

Мои́ми помышле́нии в разбо́йники впа́д, плене́н бы́х окая́нный умо́м, и лю́те уязви́хся, всю́ мою́ ду́шу ура́них, и отню́д лежу́ на́г доброде́телей на жите́йстем пути́. Свяще́нник же ви́дев мя́ ра́нами боля́ща безъисце́льна, презре́в не воззре́ на мя́: леви́тянин же па́ки не терпя́ душетле́нныя боле́зни, и то́й ви́дев мя́ ми́мо и́де. Ты́ же благоволи́вый, не от Самари́и, но от Мари́и воплоти́тися Христе́ Бо́же, человеколю́бием Твои́м пода́ждь ми́ исцеле́ние, излива́я на мя́ вели́кую Твою́ ми́лость.

А́ще ка́я доброде́тель, и а́ще ка́я похвала́ подоба́ет святы́м? Мече́м бо преклони́ша вы́и, Тебе́ ра́ди прекло́ншаго небеса́ и соше́дшаго: излия́ша кро́вь свою́ Тебе́ ра́ди истощи́вшаго Себе́, и зра́к ра́бий прии́мша: смири́шася до сме́рти, нищету́ Твою́ подража́юще. И́хже моли́твами по мно́жеству щедро́т Твои́х, Бо́же поми́луй на́с.

Го́споди, Ты́ свяще́нныя ученики́ Твоя́, слове́сная небеса́ показа́л еси́. Си́х свяще́нными хода́тайствы, земны́х мя́ зо́л изба́ви, воздержа́нием вознося́ ра́зума всегда́, к страсте́м помышле́ние мое́, я́ко Ще́др и Человеколю́бец.

Иму́ще вси́ вре́мя поще́ния, я́ко соде́йственника Боже́ственным дея́нием, пла́чим от всего́ се́рдца, и Спа́су возопии́м: Твои́ми ученики́ Го́споди Многоми́лостиве, спаси́ любо́вию Тя́ пою́щыя, я́ко Ще́др и Человеколю́бец.

Апо́столи прехва́льнии, ми́ра моли́твенницы, немощны́х вра́чеве, здра́вия храни́телие, во обое́м на́с соблюди́те, поще́ния вре́мя проходя́щыя: во обои́х боже́ственно ми́рствующыя, у́м несмуще́н страсте́й храня́ще, да пое́м вси́ пе́снь Христу́ воскре́сшему, я́ко Победи́телю.

Все́ житие́ мое́ со блудни́цами и мытаря́ми изжи́ся: у́бо возмогу́ ли поне́ в ста́рости пока́ятися, о ни́хже согреши́х, Соде́телю все́х и врачу́ неду́гующих? Го́споди, пре́жде да́же до конца́ не поги́бну, спаси́ мя.

Тя́жестию небреже́ния содержи́мь е́смь, в ти́не валя́юся, стрело́ю устреле́н велиа́ра, и оскверня́ю мое́ е́же по о́бразу: обрати́телю небрегу́щих, и Изба́вителю прегреши́вших: Го́споди пре́жде да́же до конца́ не поги́бну, спаси́ мя.

Бы́х преткнове́ние челове́ком, возде́лав я́ко земны́й земна́я, бра́ку сопряго́хся Твои́м повеле́нием, и преступи́х оскверни́в ло́же мое́: от земли́ созда́вый не пре́зри созда́ния Твоего́: Го́споди, пре́жде да́же до конца́ не поги́бну, спаси́ мя.

Ря́дник бы́х души́ мое́й, о пло́ти мое́й промышле́ние творя́, де́монов поруга́ние поста́влен бы́х, сласте́м рабо́тая и безме́стием: благоутро́бием Твои́м пощади́, прогони́телю де́монов: Го́споди, пре́жде да́же до конца́ не поги́бну, спаси́ мя.

Во́лею согреши́х па́че все́х, сего́ ра́ди оста́влен е́смь, и́мам проти́вника души́ мое́й, пло́ти мудрова́ние, и помрача́ет мя́. Просвеще́ние су́щих во тьме́, и наста́вниче заблужда́емых: Го́споди, пре́жде да́же до конца́ не поги́бну, спаси́ мя.

Живе́т, глаго́ла проро́к, душа́ моя́ Го́споди, и восхва́лит Тя́, взыщи́ овча́ заблу́ждшее мя́, и сопричти́ мя ста́ду Твоему́: да́ждь ми́ вре́мя покая́ния, да стеня́ вопию́ Ти: Го́споди, пре́жде да́же до конца́ не поги́бну, спаси́ мя.

Согреши́х, согреши́х, преступи́в повеле́ния Твоя́ Христе́ Бо́же, ми́лостив бу́ди ми́ Благоде́телю, да прозрю́ вну́треннима очи́ма, и убе́гну тьмы́, и со стра́хом возопию́: Го́споди, пре́жде да́же до конца́ не поги́бну, спаси́ мя.

Зве́рие мя́ ди́вии обдержа́ша, но от ни́х мя́ исхити́ Влады́ко: хо́щеши бо е́же спасти́ся, и в позна́ние и́стины приити́ все́м челове́ком, я́ко Созда́тель, и со все́ми и мене́ спаси́: Го́споди, пре́жде да́же до конца́ не поги́бну, спаси́ мя.

Цельба́ бу́ди ми́ Благоде́телю, Изба́вителю Спа́се мо́й, и не отри́ни мене́, ви́ждь мя́ лежа́ща беззако́ньми, и возста́ви мя́ я́ко Всеси́льный, да и а́з возвещу́ дея́ния моя́, и вопию́ Ти: Го́споди, пре́жде да́же до конца́ не поги́бну, спаси́ мя.

Сокры́в тала́нт да́нный ми́, я́ко несмы́сленный ра́б в зе́млю закопа́х: и́бо я́коже непотре́бный осуди́хся, и не дерза́ю про́чее проси́ти Тя́, я́ко незло́бивый уще́дри мя́, да и а́з воззову́: Го́споди, пре́жде да́же до конца́ не поги́бну, спаси́ мя.

Е́зеро изсуши́вый страсте́й, кровоточи́выя прикоснове́нием оме́т Твои́х, да́ждь ми́ оставле́ние согреше́ний, несумне́нною ве́рою Тебе́ притека́ющему, и приими́ мя я́коже о́ную, и исцели́ мою́ боле́знь: Го́споди, пре́жде да́же до конца́ не поги́бну, спаси́ мя.

И́маши седе́ти на престо́ле, сотвори́вый сло́вом не́бо и зе́млю: и́мамы вси́ предста́ти. пове́дающе Тебе́ грехи́ на́шя: пре́жде дне́ о́наго, в покая́нии мя́ приими́: Го́споди, пре́жде да́же до конца́ не поги́бну, спаси́ мя.

При́зри о́ком благоутро́бным, и бу́ди ми́ ми́лостив еди́не Спа́се, то́ки да́руй исцеле́ний бе́дной мое́й и окая́нной души́, измы́й от ка́ла де́л мои́х, да воспою́: Го́споди, пре́жде да́же до конца́ не поги́бну, спаси́ мя.

Мечи́ угото́ва велиа́р, улови́ти потща́вся смире́нную мою́ ду́шу, стра́нна сотвори́ мя Ще́дре просвеще́ния, ра́зума лица́ Твоего́: держа́вный в кре́пости, сосу́дов сего́ исхити́ мя: Го́споди, пре́жде да́же до конца́ не поги́бну, спаси́ мя.

Все́м страсте́м порабо́тихся, оста́вив зако́н и Боже́ственная писа́ния, всего́ мя исцели́ Благоде́телю, мене́ ра́ди по мне́ бы́в Бла́же, обрати́ мя Ще́дрый, страсте́й потреби́телю: Го́споди, пре́жде да́же до конца́ не поги́бну, спаси́ мя.

Блудни́ца слеза́ми омоча́ет пречи́стеи же и честне́и но́зе Твои́, вся́ увещава́ющи е́же притека́ти, и приима́ти разреше́ние согреше́ний свои́х. Тоя́ ве́ру пода́ждь и мне́ Спа́се, е́же вопи́ти Ти́: Го́споди, пре́жде да́же до конца́ не поги́бну, спаси́ мя.

Скве́рну очи́сти души́ моея́, мене́ ра́ди обнища́вый, и младе́нствовавый пло́тию, ка́плю ми́лости Твоея́ низпосла́в, немощно́му и окая́нному Христе́: омы́й от скве́рны, уврачу́й неду́гующа: Го́споди, пре́жде да́же до конца́ не поги́бну, спаси́ мя.

Утверди́ Влады́ко ду́шу мою́, к Тебе́ притека́ти, и Тебе́ рабо́тати при́сно: покро́в бо мо́й еси́ и храни́тель, и заступле́ние и по́мощь, сподо́би Бо́жий Сло́ве, вопи́ти мне́ в дерзнове́нии: Го́споди, пре́жде да́же до конца́ не поги́бну, спаси́ мя.

Стена́ неруши́мая бу́ди на́м Иису́се Спа́се, и ми́лостивый Бо́же, нра́вы бо и де́лы прельще́ни спадо́хом: но возста́ви я́ко Благоде́тель созда́ние, и примири́ся я́ко Ще́др. Го́споди, пре́жде да́же до конца́ не поги́бну, спаси́ мя.

Сы́н блу́дный бы́х, расточи́вый бога́тство, гла́дом ны́не истаява́ю. Под кро́в Тво́й прибега́ю, я́коже о́наго приими́ мя О́тче благи́й, и прича́стника трапе́зы сподо́би, е́же вопи́ти Тебе́: Го́споди, пре́жде да́же до конца́ не поги́бну, спаси́ мя.

За́вистию низложи́ рая́, первозда́ннаго злонача́льник: реки́й, е́же помяни́, на дре́ве разбо́йник, прия́т ра́й. Аз же ве́рою и стра́хом, е́же помяни́ мя, вопию́ Ти: Го́споди, пре́жде да́же до конца́ не поги́бну, спаси́ мя.

Ру́ку ми́ простри́ я́ко Петро́ви, и возведи́ из глубины́ Бо́же, благода́ть и ми́лость ми́ пода́ждь, моли́твами Всенепоро́чныя Ма́тере, Тебе́ ро́ждшия безсе́менно, и святы́х Твои́х все́х: Го́споди, пре́жде да́же до конца́ не поги́бну, спаси́ мя.

Пою́ща приими́ мя, на вся́к де́нь А́гнче взе́мляй гре́х мо́й, ду́шу и те́ло всеце́льно в ру́це Твои́ предлага́ю, и в нощи́ и во дни́ до́лжно вопию́ Ти: Го́споди, пре́жде да́же до конца́ не поги́бну, спаси́ мя.

О неизрече́ннаго Твоего́ благоутро́бия, преблаги́й, не зло́бивый Го́споди! о безгре́шный и ще́дрый! не отри́ни мене́ от лица́ Твоего́, я́ко да и а́з благода́рственно, ра́дуяся и поя́ вопию́ Ти: Го́споди, пре́жде да́же до конца́ не поги́бну, спаси́ мя.

Богородичен,

О неизрече́ннаго снисхожде́ния! о стра́ннаго рождества́ пречу́днаго! о ка́ко де́ва младе́нца тя́ но́сит во объя́тиих свои́х творца́ и Бо́га! из нея́ воплоти́тися изво́ливый, благоде́телю Го́споди, пре́жде да́же до конца́ не поги́бну, спаси́ мя.

---

Стихиры на стиховне

Глас 8:

В разбо́йническия пути́ впа́дши душе́ моя́, / лю́те уя́звлена еси́ от свои́х согреше́ний, преда́вшися неразу́мным враго́м. / Но я́ко иму́щая вре́мя, / во умиле́нии возопи́й: / упова́ние ненаде́жных, животе́ отча́явшихся, Спа́се, // возста́ви и спаси́ мя.

Стих: К Тебе́ возведо́х о́чи мои́, живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, / до́ндеже уще́дрит ны.

В разбо́йническия пути́ впа́дши душе́ моя́, / лю́те уя́звлена еси́ от свои́х согреше́ний, преда́вшися неразу́мным враго́м. / Но я́ко иму́щая вре́мя, / во умиле́нии возопи́й: / упова́ние ненаде́жных, животе́ отча́явшихся, Спа́се, // возста́ви и спаси́ мя.

Стих: Поми́луй нас Го́споди, поми́луй нас, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, / и уничиже́ния го́рдых.

Во броня́ ве́ры обо́лкшеся до́бре, / и о́бразом Кре́стным вооружи́вше себе́, / во́ини благомо́щнии показа́стеся, / мучи́телем му́жески проти́вистеся, / и диа́волю пре́лесть потреби́сте, / победи́теле бы́вше, венце́в сподо́бистеся: / моли́теся Христу́ о на́с, // во е́же спасти́ся душа́м на́шым.

Богородичен,

Приими́ гла́сы ра́б Твои́х, Всечи́стая Богоро́дице Де́во, / и моли́ непреста́нно, // грехо́в разреше́ние, и ми́р дарова́ти на́м.

---

Стихиры на хвалитех

---

Седальны

Глас 8:

Свети́ла богозра́чная, Спа́совы апо́столи, просвети́те на́с во тьме́ жития́, я́ко да во дни́ ны́не благообра́зно хо́дим, све́том воздержа́ния нощны́х страсте́й отбега́юще, и све́тлыя стра́сти Христо́вы у́зрим, ра́дующеся.

---

Светильны

---

Каноны

Трипеснец, глас 8 (основной)

Ин трипеснец, глас 8 (основной)

---

Житие