0--24 Четверг 4-й седмицы Великого поста

Четверг 4-й седмицы Великого поста

Краткое наименование:

Вернуться назад

Триодь. Дата 2024-05-05, 24 дней до Пасхи

Знак типикона: Вседневный
Праздник: святого

Чтения

На Утрени:

Апостол:

Евангелие:

Прокимен

Прокимен, глас :
Стих:

Аллилуарий

Аллилуарий, глас :
Стих:

Причастен

Тропари

Кондаки

Стихиры на "Господи, возвах"

Глас 4:

По́ст благи́х хода́тай, / свое́ преполове́ние ны́не введе́, / преше́дшими де́ньми благоугоди́в, и про́чими по́льзование предложи́в: / и́бо благи́х напряже́ние, мно́жайшее благодея́ние твори́т. / Те́мже все́х благи́х да́телю Христу́ благоугожда́юще, вопие́м: / пости́выйся на́с ра́ди, и распя́тие претерпе́вый, / неосужде́ны на́с сподо́би, / причасти́тися и Боже́ственныя Па́схи Твоея́, // в ми́ре пожи́вшыя, и досто́йно со Отце́м Тебе́ и Ду́хом сла́вящыя.

В та́йне доброде́тели де́лающии, / духо́вная воздая́ния ча́ющии, / не посреде́ то́ржищ и распу́тий явля́ют сия́, / но вну́трь се́рдца но́сят па́че: / и все́х ви́дяй быва́емая в та́йне, / мзду́ воздержа́ния подае́т на́м. / По́ст соверша́им, не се́тующе ли́цы, / но в кле́тех ду́ш на́ших моля́щеся, непреста́нно возопии́м: / О́тче на́ш, И́же еси́ на Небесе́х, / не введи́ на́с во искуше́ние, мо́лимся, // но изба́ви на́с от лука́ваго.

Несы́тною любо́вию души́, / Христа́ не отверго́стеся святи́и му́ченицы, / и́же разли́чныя ра́ны страсте́й претерпе́вше, / мучи́телей де́рзость низложи́сте, / непрекло́нну и невреди́му ве́ру сохра́нше, / на небеса́ преста́вистеся. / Те́мже и дерзнове́ние получи́вше к Нему́, / проси́те дарова́ти ми́р ми́рови, // и душа́м на́шым ве́лию ми́лость.

Поста́ водо́ю, ду́шы вси́ омы́им, / и приступи́вше к честно́му и животворя́щему Кресту́ Госпо́дню, / ве́рою поклони́мся, / Боже́ственное просвеще́ние почерпа́юще, / и ве́чное спасе́ние ны́не приобрета́юще, // ми́р и ве́лию ми́лость.

Апо́столов похвало́ кре́сте, / его́же окружа́ют нача́ла, си́лы, арха́нгели, / покланя́ющыяся тебе́ от вся́каго вре́да спаса́й, / и боже́ственное по́прище воздержа́ния на́с сподо́би до́бре соверша́ющыя, // де́нь спаси́тельный дости́гнути, и́мже и спаса́емся.

Дне́сь Кресту́ Госпо́дню покланя́ющеся возопии́м: / ра́дуйся Дре́во жи́зни, а́да разори́телю. / Ра́дуйся ра́досте ми́ра, и тле́ния потреби́телю. / Ра́дуйся, бе́сы прогоня́яй си́лою твое́ю, / ве́рных утвержде́ние, ору́жие неруши́мое, // облобыза́ющыя тя́ соблюди́, освяти́, мо́лимся.

Богородичен,

Дне́сь неприкоснове́нный существо́м, прикоснове́н мне́ быва́ет, / и стра́ждет стра́сти, свобожда́яй мя́ от страсте́й, / све́т подава́яй слепы́м, от беззако́нных усте́н оплева́ется, / и дае́т плещы́ за плене́нныя на ра́ны. / Сего́ Чи́стая Де́ва и Ма́ти на Кресте́ зря́щи, / боле́зненно веща́ше: / увы́ Мне́ Ча́до Мое́, что́ сие́ сотвори́л еси́? / Кра́сный добро́тою па́че все́х челове́к, бездыха́нный, беззра́чный явля́ешися, / не име́я ви́да, ниже́ добро́ты: / увы́ Мне́ Мо́й све́те, / не могу́ спя́ща зре́ти Тя́, / утро́бою уязвля́юся, и лю́тое ору́жие се́рдце Мое́ прохо́дит. / Воспева́ю Твоя́ стра́сти, / покланя́юся благоутро́бию Твоему́: // долготерпели́ве, сла́ва Тебе́.

Стихиры на стиховне

Глас 7:

Поревну́им ве́рнии мытаре́ву покая́нию, / а не фарисе́йски похва́лимся: / но из глубины́ се́рдца, стена́ние принесе́м Благоде́телю все́х Бо́гу. / То́й бо запове́да глаго́ля: / я́ко вся́к вознося́й себе́ смири́тся, / смиря́яй же себе́ вознесе́тся. / Те́мже единому́дренно возопии́м ему́: // Бо́же очи́сти на́с гре́шных, и спаси́ на́с.

Стих: К Тебе́ воздвиго́х о́чи мои́, живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́; та́ко о́чи на́ши ко Го́споду Бо́гу на́шему, / до́ндеже уще́дрит ны.

Стих: Поми́луй нас, Го́споди, поми́луй нас, яко по мно́гу испо́лнихомся уничиже́ния; наипа́че напо́лнися душа́ на́ша поноше́ния гобзу́ющих / и уничиже́ния го́рдых.

Еди́но ды́шуще, / на еди́но взира́юще, / страстоте́рпцы му́ченицы, / еди́н пу́ть живота́ обре́тше, за Христа́ сме́рть, / ре́вностию вообража́юще кончи́ну дру́г дру́гу. / О чудесе́! / я́коже сокро́вища му́ки предвосхища́юще, / дру́г ко дру́гу глаго́лаху: / я́ко а́ще и не ны́не у́мрем, у́мрем же вся́ко, / и бытию́ до́лжная послу́жим. / Сотвори́м ну́жду любоче́стия, о́бщее свое́ мня́ще, / сме́ртию живо́т ку́пим. // Моли́твами и́х Бо́же поми́луй на́с.

Богородичен,

Умири́ моли́твами Богоро́дицы, / живо́т на́с вопию́щих Ти́ Ми́лостиве: // Го́споди, сла́ва Тебе́.

Стихиры на хвалитех

Седальны

Глас 1:

Си́лою Креста́ утвержда́еми, всю́ ле́сть вра́жию вои́стинну разори́сте апо́столи сла́внии, моли́твенницы ду́ш на́ших. Те́мже дне́сь в поклоне́ние его́ ра́дуетеся, о на́с моля́ще еди́наго Человеколю́бца.

Глас 7:

Го́споди, Тво́й Кре́ст зря́ще предлежа́щий дне́сь, приступа́ем ве́рно, в пе́ниих и пе́снех, облобыза́юще его́ в стра́се и ра́дости: освяти́ рабы́ Твоя́, умири́ ми́р Тво́й, сего́ явле́нием, еди́не Многоми́лостиве.

Светильны

Каноны

Трипеснец господина Иосифа, глас 1 (основной)

Иный трипеснец, глас 7 (основной)