Понедельник 6-й седмицы по Пасхе
Краткое наименование:0-36 Понедельник 6-й седмицы по Пасхе
Триодь. Дата 2025-04-20, 36 дней после Пасхи
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Кондаки
Стихиры на "Господи, возвах"
Глас 5:Све́т всему́ естеству́ челове́ческому, и О́ко те́лу ми́ра сего́, сы́й Бо́же и Сло́ве, и очесе́м о́бще, Соде́тель и Зижди́тель познава́емь: и ны́не от смеше́ния бре́ния и плюнове́ния, слепа́го неизрече́нно вооча́еши пе́рсты Твои́ми созида́ющими и бре́ние, и виде́ние: е́же и улучи́в, пре́жде в рожде́нных зна́емый, со́лнца отню́д не ви́дя, Тебе́ Сла́дкое ви́дит Со́лнце, зря́ о́браз, на́с за благоутро́бие неизрече́нное Созда́вшаго.
Удо́в лише́нием, и отложе́нием челове́ческия плотски́я ору́дийныя ча́сти богате́я, пре́жде слепы́й от утро́бы ма́терни произше́дый, я́ко не бы́ти созда́ние помышля́ше, оче́с лише́ние, из него́же нога́ма, и множа́йшая телесе́ преткнове́ния, е́же о ка́мение быва́ху: и́же Тобо́ю и сие́ бога́тство стяжа́в, ви́дит све́т ми́ра, и Тебе́ све́тов Строи́теля Бо́га и Влады́ку тва́рем возвеща́ет, и Соде́теля всеми́рнаго.
Усты́ и душе́ю и умо́м, от пе́рсти Зижди́тельски и плюнове́ния оче́с зе́ницы Да́вшаго, и о́бщее просвеще́ние, и́же пре́жде слепы́й испове́даше, тва́рем всеми́рнаго Смотри́теля и Строи́теля, за милосе́рдие то́кмо созда́ния вочелове́чившагося, и пропове́даше я́ко Бо́га Всеси́льнаго: его́же кни́жницы ре́вностию, и е́же к ни́м бесе́дование отню́д не могу́ще зре́ти, слепотству́юще мно́жае, изгна́на от собо́рища су́дят, иногда́ зе́ницы Да́вшаго слепо́му, душе́вныя и теле́сныя.
Богородичен,Слепы́й роди́выйся в свое́м по́мысле глаго́лаше: еда́ а́з гре́х ра́ди роди́тельных роди́хся без о́чию? еда́ а́з за неве́рие язы́ков роди́хся во обличе́ние? домышля́юся вопроша́ти: когда́ но́щь, когда́ де́нь? не терпи́та ми́ но́зе ка́меннаго претыка́ния: не ви́дех бо со́лнца сия́юща, ниже́ во о́бразе мене́ Созда́вшаго: но молю́ ти ся Христе́ Бо́же, при́зри на мя́ и поми́луй мя́.
Стихиры на стиховне
Глас 5:Честны́м Твои́м Кресто́м Христе́, диа́вола посрами́л еси́, и Воскре́сением Твои́м жа́ло грехо́вное притупи́л еси́, и спа́сл еси́ ны́ от вра́т сме́ртных: Сла́вим Тя́ Единоро́дне.
Стих: К Тебе́ возведо́х о́чи мои́ живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.
Го́споди, согреша́я не престаю́, человеколю́бия сподобля́емь не разуме́ю: победи́ мое́ омраче́ние, еди́не Бла́же, и поми́луй мя́.
Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, и уничиже́ния го́рдых.
О земны́х все́х небре́гше, и на му́ки му́жески дерзну́вше, блаже́нных наде́жд не погреши́сте, но небе́снаго Ца́рствия насле́дницы бы́сте, прехва́льнии му́ченицы: иму́ще дерзнове́ние к Человеколю́бцу Бо́гу, ми́ру ми́р проси́те, и душа́м на́шым ве́лию ми́лость.
Богородичен,Мимоходя́ Иису́с от святи́лища, обре́те челове́ка сле́па от рожде́ния, и умилосе́рдився положи́ бре́ние на о́чию его́, и рече́ к нему́: иди́, умы́йся в Силоа́ме: и умы́вся прозре́, сла́ву возсыла́я Бо́гу. Сосе́ди же его́ глаго́лаху ему́: кто́ твои́ зе́ницы отве́рзе, и́хже никто́же от зря́щих исцели́ти возмо́же? Он же возопи́в рече́: Челове́к Иису́с глаго́лемый, Он ми́ рече́: умы́йся в Силоа́ме, и прозре́х. То́й е́сть вои́стинну, Его́же рече́ Моисе́й в зако́не Христа́, Месси́ю, То́й е́сть Спа́с ду́ш на́ших.
Стихиры на хвалитех
Глас 5:Го́споди, запеча́тану гро́бу от беззако́нников, проше́л еси́ из гро́ба, я́коже роди́лся еси́ от Богоро́дицы: не уразуме́ша, ка́ко воплоти́лся еси́, безпло́тнии Твои́ а́нгели: не чу́вствоваша, когда́ воскре́сл еси́, стрегу́щии Тя́ во́ини. Обоя́ бо запечатле́стася испыту́ющым, яви́шася же чудеса́ кла́няющымся ве́рою та́инству: е́же воспева́ющым, возда́ждь на́м ра́дость и ве́лию ми́лость.
Увы́ мне́, кому́ уподо́бихся а́з? непло́дней смоко́внице, и бою́ся прокля́тия с посече́нием. Но Небе́сный Де́лателю Христе́ Бо́же, олядене́вшую мою́ ду́шу плодоно́сну покажи́, и я́ко блу́днаго сы́на приими́ мя́, и поми́луй мя́.
Благослове́но во́инство Царя́ Небе́снаго: а́ще бо и земноро́дни бы́ша страстоте́рпцы, но а́нгельское досто́инство потща́шася дости́гнути: телеса́ презре́вше, и страда́ньми безпло́тных сподо́бльшеся че́сти. Моли́твами те́х Го́споди, низпосли́ на́м ве́лию ми́лость.
Все́ житие́ слепы́й но́щь помышля́я, возопи́ к Тебе́: Го́споди отве́рзи ми́ зе́ницы, Сы́не Дави́дов, Спа́се на́ш, да со все́ми и а́з воспою́ Твою́ си́лу.
Седальны
Глас 5:Пре́жде Креста́ Твоего́ Ще́дре, и Воста́ния, иду́щу Ти́, слепы́й от рожде́ния взыва́ше те́пле: Сы́не Дави́дов поми́луй, да́ждь ми́ све́т очесе́м, да узрю́ Тя и а́з: его́же зе́ницы пома́зав бре́нием от плюнове́ния Сло́ве, тому́ све́т све́тло да́л еси́.
Глас 5:Кре́ст Госпо́день похва́лим, погребе́ние свято́е пе́сньми почти́м, и Воскре́сение Его́ препросла́вим: я́ко совозста́ви ме́ртвыя от гро́б, я́ко Бо́г, плени́в сме́рти держа́ву, и кре́пость диа́волю, и су́щым во а́де Све́т возсия́.
Светильны
Умныя мои́ о́чи, ослепле́нныя Го́споди, от мра́чнаго греха́, Ты́ просвети́, вложи́в Ще́дре смире́ние, и покая́ния омы́й слеза́ми.
Богородичен: Умныя мои́ о́чи, ослепле́нныя Го́споди, от мра́чнаго греха́, Ты́ просвети́, вложи́в Ще́дре смире́ние, и покая́ния омы́й слеза́ми.
Мимоиды́й Спа́с на́ш, обре́те сле́па без о́чию, плю́нув на зе́млю и сотвори́в бре́ние, пома́за его́, к Силоа́му посла́ ити́ и умы́тися. Он же умы́вся, прии́де ви́дя све́т Тво́й Христе́ мо́й.
Каноны
Канон слепаго, глас 5 (основной)