0-7 Неде́ля антипа́схи

Неде́ля антипа́схи

Краткое наименование:

0-7 Неде́ля антипа́схи

Триодь. Дата 2025-04-20, 7 дней после Пасхи

Знак типикона: Вседневный
Праздник: святого


Чтения

На Утрени:

Апостол:

Евангелие:


Прокимен

Прокимен, глас :
Стих:


Аллилуарий

Аллилуарий, глас :
Стих:


Причастен


Тропари

Глас 7:

Запеча́тану гро́бу, живо́т от гро́ба возсия́л еси́ Христе́ Бо́же, и две́рем заключе́нным, ученико́м предста́л еси́, все́х Воскресе́ние: Ду́х Пра́вый те́ми обновля́я на́м, по вели́цей Твое́й ми́лости.


Кондаки

Глас 8:

Любопы́тною десни́цею, жизнопода́тельная Твоя́ ре́бра Фома́ испыта́ Христе́ Бо́же: созаключе́нным бо две́рем я́ко вше́л еси́, с про́чими апо́столы вопия́ше Тебе́: Госпо́дь еси́ и Бо́г мо́й.

Икос: Кто́ сохрани́ учени́чу дла́нь тогда́ неопали́му, егда́ ко о́гненным ре́бром приступи́ Госпо́дним? Кто́ даде́ е́й де́рзость, и возмо́же осяза́ти пла́менную ко́сть, вся́ко неосяжи́мую? А́ще бо не бы́ ребро́ си́лу по́дало бре́нней десни́це, ка́ко можа́ше осяза́ти, страда́ньми поколеба́вшая я́же вы́ше, и я́же ни́зу? Cия́ благода́ть Фоме́ даде́ся, е́же сия́ осяза́ти, Христо́ви же вопи́ти: Госпо́дь еси́ и Бо́г мо́й.


Стихиры на "Господи, возвах"

Глас 1:

Две́рем заключе́нным, ученико́м собра́нным, вше́л еси́ внеза́пу всеси́льне Иису́се Бо́же на́ш, и ста́в посреде́ и́х ми́р да́в, испо́лнил еси́ Свята́го Ду́ха: жда́ти же повеле́л еси́, и ника́коже разлуча́тися от Иерусали́ма, до́ндеже облеку́тся е́же с высоты́ си́лою. Те́мже вопие́м Ти́: просвеще́ние и Воскресе́ние и ми́ре на́ш, сла́ва тебе́.

По дне́х осми́х воста́ния Твоего́ Го́споди, яви́лся еси́ ученико́м Твои́м на ме́сте, иде́же бя́ху со́брани, и возгласи́в и́м: ми́р ва́м, неве́рующему ученику́ ру́це показа́л еси́, и пречи́стое ребро́. Он же ве́ровав вопия́ше Тебе́: Госпо́дь мо́й и Бо́г мо́й, сла́ва Тебе́.

Фома́, глаго́лемый Близне́ц, не бе́ с ни́ми, егда́ вше́л еси́, Христе́, заключе́нным две́рем: те́мже и не ве́роваше рече́нным ему́, от неве́рия в ве́ру известву́я. Не несподо́бил же еси́ Бла́же, показа́ти ему́ пречи́стое ребро́ Твое́, и руку́ и ногу́ я́звы: о́н же осяза́в и ви́дев, испове́да Тебе́ бы́ти Бо́га не на́га, и Челове́ка не про́ста, и вопия́ше: Госпо́дь мо́й и Бо́г мо́й, сла́ва Тебе́.

Ученико́м сомня́щымся, во осмы́й де́нь предста́ Спа́с, иде́же бя́ху со́брани, и ми́р да́в, Фоме́ возопи́: прииди́ апо́столе, осяжи́ дла́ни, в ни́хже гво́здия вонзо́ша. О до́брое неве́рие Фомино́, ве́рных сердца́ в позна́ние приведе́, и со стра́хом возопи́: Госпо́дь мо́й и Бо́г мо́й, сла́ва Тебе́.

По воста́нии Твое́м Го́споди, собра́нным ученико́м Твои́м, и две́рем заключе́нным, посреде́ ста́л еси́, ми́р подая́ и́м. Ве́ровав же и Фома́ зре́нием руку́ и ре́бр Твои́х, Го́спода и Бо́га Тя́ испове́да, спаса́ющаго упова́ющыя на Тя́ Человеколю́бче.

Две́рем заключе́нным, предста́в Иису́с ученико́м, безстра́шие и ми́р дая́ше, та́же глаго́лет Фоме́: почто́ Мне́ не ве́руеши, я́ко воскресо́х из ме́ртвых? принеси́ се́мо ру́ку твою́, и вложи́ в ре́бра Моя́, и ви́ждь. Тебе́ бо неве́рующу, вси́ навыко́ша стра́сти и Воскресе́ние Мое́ зва́ти с тобо́ю: Госпо́дь мо́й и Бо́г мо́й, сла́ва Тебе́.

Богородичен,

Две́рем заключе́нным, прише́л еси́ Христе́ ко ученико́м, тогда́ Фома́ смотри́тельно не обре́теся с ни́ми. Глаго́лаше бо: не иму́ ве́ры, а́ще не уви́жду и а́з влады́ки. Уви́жду ребро́, отону́дуже изы́де кро́вь, вода́, креще́ние. уви́жду я́зву, от нея́же исцеле́ вели́кий стру́п челове́ческий. Уви́жду, ка́ко не бе́, я́коже ду́х, но пло́ть и ко́сти. Сме́рть попра́вый, и Фому́ уве́ривый, Го́споди сла́ва Тебе́.


Стихиры на стиховне

Глас 4:

О пресла́внаго чудесе́! неве́рие ве́ру изве́стную роди́. Ре́к бо Фома́: а́ще не ви́жду, не иму́ ве́ры. Осяза́в же ре́бра, богосло́вит воплоти́вшагося, Того́жде Сы́на Бо́жия позна́, я́ко пострада́вша пло́тию, пропове́да воскре́сшаго Бо́га, и возопи́ све́тлым гла́сом: Госпо́дь мо́й и Бо́г мо́й, сла́ва Тебе́.

Стих: Похвали́ Иерусали́ме Го́спода хвали́ Бо́га твоего́ Сио́не.

О пресла́внаго чудесе́! огню́ се́но косну́вшееся спасе́ся вложи́в бо Фома́ во о́гненная ре́бра ру́ку Иису́са Христа́ Бо́га, не опали́ся осяза́нием. Души́ бо злове́рство преложи́ на благове́рие, те́пле возопи́ от глубины́ душе́вныя: Влады́ка Ты́ еси́ и Бо́г мо́й, из ме́ртвых воскресы́й, сла́ва Тебе́.

Стих: Я́ко укрепи́ вереи́ вра́т твои́х, и благослови́ сы́ны твоя́ в тебе́.

О пресла́внаго чудесе́! Иоа́нн на пе́рси Сло́ва возлеже́, Фома́ же ре́бра осяза́ти сподо́бися: но о́в у́бо отону́ду стра́шно богосло́вия глубо́кое извлече́ смотре́ние: о́в же сподо́бися тайнонаучи́ти на́с. Представля́ет бо показа́ния я́сно воста́ния Его́, вопия́: Госпо́дь мо́й и Бо́г мо́й, сла́ва Тебе́.

Богородичен,

Человеколю́бче, ве́лие и безприкла́дное мно́жество щедро́т Твои́х: я́ко долготерпе́л еси́, от иуде́й зауша́емь, от апо́стола осяза́емь, и от отмета́ющихся Тебе́ многоиспыту́емь, ка́ко воплоти́лся еси́? ка́ко распя́лся еси́ безгре́шне? но вразуми́ ны я́ко Фому́ вопи́ти Тебе́: Госпо́дь мо́й и Бо́г мо́й, сла́ва Тебе́.


Стихиры на хвалитех

Глас 1:

По е́же из гро́ба Твое́м стра́шном, жизнода́вче, воста́нии, я́коже печа́тей не разруши́л еси́ Христе́ гро́бных, та́ко заключе́нным две́рем вше́л еси́ к пресла́вным апо́столом Твои́м, радостотворя́ и́х, и Пра́вый Тво́й Ду́х подая́ и́м, за безме́рную Твою́ ми́лость.

Фома́ и́же и Близне́ц не бе́ прише́л, егда́ Ты́ ученико́м яви́лся еси́ Го́споди. Те́мже не ве́рова твоему́ воскресе́нию, и ви́девшым Тя́ вопия́ше: а́ще не вложу́ пе́рста в ре́бра Его́ и гвозде́й я́звы, не ве́рую, я́ко воста́л е́сть.

Я́коже хо́щеши осяжи́, Христо́с Фоме́ вопия́ше: вложи́ ру́ку, и позна́й Мя́ ко́сти иму́ща и земно́е те́ло, и не бу́ди неве́рен, ра́вно же со ине́ми уве́рися. Он же возопи́: Бо́г мо́й и Госпо́дь Ты́ еси́, сла́ва воста́нию Твоему́.

По дне́х осми́х воста́ния Твоего́ Иису́се Царю́, единоро́дный Сло́ве О́тчий яви́лся еси́ ученико́м Твои́м, заключе́нным две́рем, ми́р Тво́й подая́, и неве́рующему ученику́ зна́мения показа́л еси́: прииди́ и осяжи́ ру́це и но́зе, и нетле́нная Моя́ ре́бра. Он же ве́ровав, вопия́ше Тебе́: Госпо́дь мо́й и Бо́г мо́й, сла́ва Тебе́.


Седальны

Глас 1:

Стра́ха ра́ди иуде́йска, сокрове́нным ученико́м, и в Cио́не собра́нным, вше́л еси́ к ни́м Бла́же, и ста́л еси́ посреде́ и́х, две́рем заключе́нным радостотворя́й и показа́л еси́ и́м ру́це, и пречи́стых Твои́х ре́бр я́звы, глаго́ля неве́рующему ученику́: принеси́ ру́ку твою́ и испыта́й, я́ко Са́м Аз е́смь, тебе́ ра́ди пострада́вый.

Глас 1:

Предста́л еси́ животе́, две́рем заключе́нным, Христе́, ученико́м, и ре́бра показа́в и ру́це Твои́ и но́зе Твои́, е́же от гро́ба Твое́ воста́ние предъуверя́я: но Фома́ не обре́теся, те́мже глаго́лаше: а́ще не узрю́ Его́, не ве́рую словесе́м ва́шым.

Глас 1:

Ви́дя Моя́ ре́бра, и я́звы гвозде́й, Фомо́, что́ не ве́руеши Моему́ Воскресе́нию? Госпо́дь глаго́лаше, воскре́с от гро́ба, явля́яся апо́столом неизрече́нно. Близне́ц же ве́ровав, вопия́ше Созда́телю: Бо́г мо́й еси́ и Госпо́дь.


Светильны

Мои́х удо́в руко́ю Твое́ю испыта́вый я́звы, не не ве́руй Ми́ Фомо́, уя́звленному тебе́ ра́ди: со ученики́ единому́дрствуй, и живу́щаго пропове́дуй Бо́га.

Богородичен: Дне́сь весна́ благоуха́ет, и но́вая тва́рь лику́ет. Дне́сь взима́ются ключи́ двере́й, и неве́рия Фомы́ дру́га вопию́ща: Госпо́дь и Бо́г мо́й.


Каноны

Канон антипасхи, глас 1 (основной)


Житие

Синаксарь в неделю Фомину.

Стихи:
Если ни ада ключи, ни гроб, запечатанный стражей,
Не был преградой Тебе, – как воспрепятствует дверь?

Сегодня, в неделю вторую по Пасхе, мы светло празднуем обновление Воскресения Христова и осязание святого апостола Фомы. Обновлением назывался древний обычай праздновать среди года событие на некотором отстоянии от памятного дня, когда оно произошло, воспоминая тем самым среди года великие дела того дня, дабы не пришли они в забвение.

Поэтому и совершили евреи первую Пасху в Галгале1 (Нав.5:10), как бы возобновляя переход чрез Красное море. Поэтому возобновляется у них – и притом со всяческой пышностью – Скиния свидетельства, и царствование Давида, и многое иное, чтобы не перечислять по отдельности. Но так как дело Воскресения Господа несравненно больше всех жизненных событий и превыше всякого помышления, то мы празднуем и возобновляем его не только ежегодно, но и каждый восьмой день. И первое его возобновление – нынешний День Господень, который можно назвать поистине и восьмым, и первым. Восьмым тот день будет от Пасхи, а первым – как начало других. И потому еще он восьмой, что установлен по образу нескончаемого дня в будущем веке, который окажется первым и всецело единым, как не разделяемый ночью.

Это о возобновлении, что же до Фомы, то было так. В день, когда Христос воскрес и явился вечером ученикам, Фома отсутствовал, ибо из боязни иудеев не присоединился еще к остальным. Когда же немного погодя пришел и узнал о посещении Христа, то не поверил не только ученикам, но и тому, что Христос вообще воскрес, отчего и оказался единственным из двенадцати, кто усомнился. Но искусный во всяком благе Бог, столь пекущийся и об одном ученике, а вместе с тем по некоему высшему замыслу об умножении веры в Воскресение и у последующих поколений, выждав восемь дней, чтобы пробудить в нем совершенную любовь и чтобы более других не веровавший выказал пред всеми испытаннейшую веру в Воскресение, является опять. И входит, как прежде, сквозь запертые двери, но уже в присутствии Фомы, и по обычаю преподав мир, обращается затем к Фоме и говорит: «Подай перст твой сюда и посмотри руки Мои; подай руку твою и вложи в ребра Мои; и не будь неверующим, но верующим (Ин.20:27). Так как ты, опасаясь призрака, не мог зрением одним уверовать, но, будучи косен90, и об осязании вспомнил (этим Иисус показал, что когда Фома говорил такое ученикам, Он присутствовал и слышал), то вложи руку твою в ребра Мои». Ясно, что рана в боку столь широка была, что и руку вмещала. Фома же, тщательно все исследовав и обретя веру чрез осязание (ибо ему ради уверения попущено было и то видеть, и это совершать даже в отношении нетленного и всецело обоженного тела), воскликнул: Господь мой и Бог мой! (Ин.20:28), первое о плоти, второе о Божестве. И Христос говорит ему: Ты поверил, потому что увидел Меня; блаженны не видевшие и веровавшие (Ин.20:29).

Фома именовался Близнец или потому, что родился вместе с другим, или из-за сомнения в Воскресении, или потому, что у него от рождения срослись два пальца правой руки (очевидно, средний и который пред ним, называемый указательным); справедливо было бы и мнение, что ему предстояло усомниться и пальцами этими осязать. А другие говорят, и это самое достоверное, что «Фома» переводится с еврейского как «близнец».

То было второе явление Христа. Третье произошло на море Тивериадском во время рыбной ловли, когда Он, представляя воскресение еще более несомненным, вкусил пищи, которая Ему Одному известным образом потреблена была огнем Божества. Затем явился в Эммаусе, а пятый раз – в Галилее и, как говорят, неоднократно являлся по воскресении одиннадцати, доколе не вознесся, творя пред учениками (ибо не многим это показывал) многочисленные и естество превосходящие знамения. Но евангелисты воздержались все это записывать, ибо невозможно многим и к тому же среди мира живущим людям слышать о том, что превыше всякого естества.

По молитвами Твоего апостола Фомы, Христе Боже Наш, помилуй нас. Аминь.