Неделя ваий. Вход Господень в Иерусалим
Краткое наименование:Вернуться назад
Триодь. Дата 2025-04-20, 7 дней до Пасхи
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Глас 1:О́бщее воскресе́ние / пре́жде Твоея́ Стра́сти уверя́я, / из ме́ртвых воздви́гл еси́ Ла́заря, Христе́ Бо́же. / Те́мже и мы, я́ко о́троцы побе́ды зна́мения нося́ще, / Тебе́ победи́телю сме́рти вопие́м: / оса́нна в вы́шних, / благослове́н Гряды́й во и́мя Госпо́дне.
Глас 4:Спогре́бшеся Тебе́ креще́нием, Христе́ Бо́же наш, / безсме́ртныя жи́зни сподо́бихомся Воскресе́нием Твои́м, / и воспева́юще зове́м: / оса́нна в вы́шних, / благослове́н Гряды́й во и́мя Госпо́дне.
Кондаки
Глас 6:На престо́ле на Небеси́, / на жребя́ти на земли́ носи́мый, Христе́ Бо́же, / А́нгелов хвале́ние / и дете́й воспева́ние прия́л еси́, зову́щих Ти: / благослове́н еси́, Гряды́й Ада́ма воззва́ти.
Икос: Поне́же а́да связа́л еси́ Безсме́ртне, / и смерть умертви́л еси́, / и мир воскреси́л еси́, / с ва́иами младе́нцы восхваля́ху Тя, Христе́, я́ко победи́теля, / зову́ще Ти днесь: оса́нна Сы́ну Дави́дову. / Не ктому́ бо, рече́, закла́ни бу́дут младе́нцы, за Младе́нца Мари́ина, / но за вся младе́нцы и ста́рцы, Еди́н распина́ешися. / Не ктому́ на нас вмести́тся меч: / Твоя́ бо ре́бра прободу́тся копие́м. / Те́мже ра́дующеся глаго́лем: / благослове́н гряды́й Ада́ма воззва́ти.
Стихиры на "Господи, возвах"
Глас 6:Днесь благода́ть Свята́го Ду́ха нас собра́, / и вси взе́мше крест Твой глаго́лем, / благослове́н Гряды́й во и́мя Госпо́дне, / оса́нна в вы́шних. (Дважды)
Име́яй престо́л не́бо и подно́жие зе́млю, / Бо́га Отца́ Сло́во и Сын соприсносу́щный, / на жребя́ти безслове́снем смири́ся днесь, в Вифа́нию прише́д. / Те́мже де́ти евре́йския, / ве́тви рука́ми держа́ще, хва́ляху гла́сом: / оса́нна в вы́шних, / благослове́н Гряды́й Царь Изра́илев. (Дважды)
Прииди́те и мы днесь, весь но́вый Изра́иль, / я́же от язы́к Це́рковь, / со проро́ком Заха́риею возопии́м: / ра́дуйся зело́, дщи Сио́нова, / пропове́дуй, дщи Иерусали́мова, / я́ко се Царь твой гряде́т тебе́ кро́ток и спаса́яй, / и все́дый на жребя́ о́сле, сы́на подъяре́мнича, / пра́зднуй я́же дете́й, ве́тви рука́ми держа́щи похвали́: / оса́нна в вы́шних, / благослове́н Гряды́й Царь Изра́илев. (Дважды)
Честно́е воскресе́ние Твое́ прообразу́я нам, / воздви́гл еси́ уме́ршаго повеле́нием Твои́м, / бездыха́ннаго Ла́заря дру́га, Бла́же, / из гро́ба четверодне́вна смердя́ща. / Те́мже и на жребя́ возше́д обра́зно, / я́коже на колесни́це носи́мь, / язы́ки укротева́я, Спа́се. / Сего́ ра́ди и хвале́ние прино́сит возлю́бленный Изра́иль / из уст ссу́щих и младе́нец незло́бивых, / зря́щих Тя, Христе́, входя́ща во святы́й град, / пре́жде шести́дней Па́схи. (Дважды)
Пре́жде шести́ дней Па́схи прии́де Иису́с во Вифа́нию, / и приступи́ша к нему́ ученицы́ Его́, глаго́люще Ему́: / Го́споди, где хо́щеши, угото́ваем Ти я́сти Па́сху. / Он же посла́ их: / иди́те в пре́днюю весь, / и обря́щете челове́ка, скуде́ль воды́ нося́ща. / После́дуйте ему́, и до́му влады́це рцы́те: / Учи́тель глаго́лет, / у тебе́ сотворю́ Па́сху со ученики́ Мои́ми. (Дважды)
Днесь благода́ть Свята́го Ду́ха нас собра́, / и вси взе́мше крест Твой глаго́лем, / благослове́н Гряды́й во и́мя Госпо́дне, / оса́нна в вы́шних.
Богородичен,Днесь благода́ть Свята́го Ду́ха нас собра́, / и вси взе́мше крест Твой глаго́лем, / благослове́н Гряды́й во и́мя Госпо́дне, / оса́нна в вы́шних.
Стихиры на стиховне
Глас 8:Ра́дуйся и весели́ся, гра́де Сио́не, / красу́йся и ра́дуйся, Це́ркве Бо́жия, / се бо Царь твой прии́де в пра́вде, / на жребя́ти седя́, от дете́й воспева́емый: / оса́нна в вы́шних, благослове́н еси́, / Име́яй мно́жество щедро́т, поми́луй нас.
Стих: Из уст младе́нец и ссу́щих соверши́л еси́ хвалу́.
Прии́де Спас днесь во град Иерусали́м, / испо́лнити Писа́ние, / и вси прия́ша в ру́ки ва́иа, / ри́зы же подстила́ху Ему́, / ве́дуще, я́ко Той есть Бог наш, / Ему́же херуви́ми вопию́т непреста́нно: / оса́нна в вы́шних, благослове́н еси́, / Име́яй мно́жество щедро́т поми́луй нас.
Стих: Го́споди Госпо́дь наш, я́ко чудно и́мя Твое́ по всей земли́.
На херуви́мех носи́мый и пева́емый от серафи́м, / возсе́л еси́ на жребя́ дави́дски, Бла́же, / и де́ти Тя воспева́ху Боголе́пно, / иуде́е же ху́ляху беззако́нно. / Стро́потное язы́ков, седа́лище жребца́ прообразова́ше, / из неве́рия в ве́ру претворя́емое. / Сла́ва Тебе́, Христе́, / еди́не Ми́лостиве и Человеколю́бче.
Днесь благода́ть Свята́го Ду́ха нас собра́, / и вси взе́мше крест Твой глаго́лем, / благослове́н Гряды́й во и́мя Госпо́дне, / оса́нна в вы́шних.
Богородичен,Днесь благода́ть Свята́го Ду́ха нас собра́, / и вси взе́мше крест Твой глаго́лем, / благослове́н Гряды́й во и́мя Госпо́дне, / оса́нна в вы́шних.
Стихиры на хвалитех
Глас 4:Мно́жество наро́да, Го́споди, / постила́ху по пути́ ри́зы своя́: / друзи́и же ре́заху ве́тви от древе́с и ноша́ху. / Предыду́щии же и после́дующии, зовя́ху глаго́люще: / оса́нна Сы́ну Дави́дову, / благослове́н еси́ прише́дый, / и па́ки гряды́й во и́мя Госпо́дне. (Дважды)
Хотя́щу Тебе́ вни́ти во святы́й град, Го́споди, / ве́тви садо́в лю́дие ноша́ху, / Тебе́ пою́ще, всех Влады́ку, / и зря́ще Тя на жребя́ти седя́ща, / я́коже на херуви́мех зря́ху. / Сего́ ра́ди си́це вопия́ху: / оса́нна в вы́шних, / благослове́н еси́прише́дый, / и па́ки гряды́й во и́мя Госпо́дне. (Дважды)
Изыди́те язы́цы, изыди́те и лю́дие, / и ви́дите днесь Царя́ Небе́снаго, / я́ко на престо́ле высо́це, / на жребя́ти ху́де во Иерусали́м входя́ща. / Ро́де иуде́йский неве́рный и прелюбоде́йный, прииди́ и виждь, / Его́же ви́де Иса́иа во пло́ти нас ра́ди приити́ иму́ща, / ка́ко уневеща́ет Себе́, я́ко целому́дренный но́вый Сио́н, / и отлага́ет осужде́нную со́нмицу: / я́ко в нетле́нном же бра́це и нескве́рном, / нескве́рнии стеко́шася благохва́ляще, неискусозло́бнии де́ти. / С ни́миже и мы пою́ще возопие́м песнь а́нгельскую: / оса́нна в вы́шних, / Иму́щему ве́лию ми́лость.
О́бщее воскресе́ние, / пре́жде во́льныя стра́сти Твоея́, / во увере́ние всех предпоказа́вый, Христе́ Бо́же, / Ла́заря у́бо в Вифа́нии, держа́вною си́лою Твое́ю, / четверодне́вна ме́ртва воскреси́л еси́: / слепце́м же е́же ви́дети я́ко Светода́вец дарова́л еси́, Спа́се, / и во святы́й град со ученики́ Твои́ми вшел еси́, / седя́ на жребя́ти о́сли, / проро́ческая исполня́яй пропове́дания, / я́коже на херуви́мех носи́мый, / и де́ти евре́йстии с ве́твьми и ва́иами предсрета́ху Тя. / Те́мже и мы, ве́тви ма́сличныя нося́ще и ва́иа, / благода́рственно Тебе́ вопие́м: / оса́нна в вы́шних, / благослове́н гряды́й во И́мя Госпо́дне.
Богородичен,Пре́жде шести́ дней Па́схи, прии́де Иису́с в Вифа́нию, / и приступи́ша к Нему́ ученицы́ Его́, глаго́люще Ему́: / Го́споди, где хо́щеши угото́ваем Ти я́сти Па́сху? / Он же посла́ их, / иди́те в пре́днюю весь, / и обря́щете челове́ка скуде́ль воды́ нося́ща, / после́дуйте ему́ и до́му влады́це рцы́те: / Учи́тель глаго́лет, / у тебе́ сотворю́ Па́сху со ученики́ Мои́ми.
Седальны
Глас 4:С ве́твьми у́мно очище́ни душа́ми, / я́коже де́ти Христа́ восхва́лим ве́рно, / велегла́сно зову́ще Влады́це: / благослове́н еси́ Спа́се в мир прише́дый, / спасти́ Ада́ма от дре́вния кля́твы, / духо́вно быв, Человеколю́бче, Но́вый Ада́м, я́коже благоволи́л еси́, / вся, Сло́ве, к поле́зному устро́ивый, сла́ва Тебе́.
Глас 4:Над дру́гом Твои́м, Христе́, сле́зы то́чиши та́йно, / и воздвиза́еши из ме́ртвых Ла́заря лежа́ща ме́ртва, / в не́мже сострада́ние показа́л еси́ человеколю́бно: / уве́девше же Твое́ прише́ствие, Иису́се, / мно́жество младе́нец изыдо́ша днесь, в рука́х ва́иа держа́ще, / оса́нна Тебе́ взыва́юще: / благослове́н еси́, во е́же мир спасти́ Прише́дый.
Глас 8:Подобен: Повеле́нное:
На престо́ле херуви́мсте, / и на жребя́ти возсе́д нас ра́ди, / и к стра́сти во́льней дости́г, днесь слы́шит дете́й возглаша́ющих, / оса́нна, наро́дов вопию́щих: / Сы́не Дави́дов, ускори́ спасти́, / и́хже созда́л еси́, благослове́нне Иису́се,: / на сие́ бо прише́л еси́, / да разуме́ем сла́ву Твою́.
Слава и ныне:
На престо́ле херуви́мсте, / и на жребя́ти возсе́д нас ра́ди, / и к стра́сти во́льней дости́г, днесь слы́шит дете́й возглаша́ющих, / оса́нна, наро́дов вопию́щих: / Сы́не Дави́дов, ускори́ спасти́, / и́хже созда́л еси́, благослове́нне Иису́се,: / на сие́ бо прише́л еси́, / да разуме́ем сла́ву Твою́.
Светильны
Каноны
Канон господина Космы, глас 4 (основной)
Житие
Синаксарь в Неделю ваий Вход Господень в Иерусалим
Стихи:
На бессловесное животное воссел
Создавший словом небо,
людей освобождая от уподобления животным.
В этот день мы празднуем славный и пресветлый праздник Ваий вот почему. После воскрешения Лазаря из мертвых многие, видя происшедшее, уверовали во Христа; поэтому иудейское собрание утвердило приговор: убить Христа и самого Лазаря. Иисус скрылся1, избегая их злобы, а они решили непременно убить Его в праздник Пасхи, но долгое время дано Ему было избежать этого. За шесть дней до Пасхи, говорит (евангелист Иоанн), пришел Иисус в Вифанию, где был Лазарь умерший. Там приготовили Ему вечерю, и Лазарь был одним из возлежавших с Ним, а сестра его Мария помазала миром ноги Христа (ср.: Ин.12:1-3).
На другой день Господь послал учеников Своих, чтобы они привели ослицу и молодого осла. И Тот, Кому престолом служит небо, сев на осленка, вошел в Иерусалим. И одни постилали Ему свои одежды (по дороге), а другие срезали ветви с финиковых деревьев (и постилали по дороге). Дети же еврейские, и предшествовавшие и сопровождавшие, держа ветви в руках, восклицали: осанна Сыну Давидову! благословен Грядущий во имя Господне, Царь Израилев! (ср. Мк.11:8-9; Мф.21:9; Ин.12:13). Так было потому, что Дух Святой двигал их языками к прославлению и восхвалению Христа. Ваиями, то есть ветвями, они знаменовали победу Христа над смертью, так как «ваиа» у евреев называется распускающаяся (оживающая) ветвь. Был же обычай – оказывать почести победителям в борьбе или в каких-нибудь войнах, сопровождая их в торжественной процессии с ветвями вечнозеленых деревьев. А молодой (необъезженный) осел, на которого воссел Христос, таинственно означал нас, языческие народы, ибо покорив их (Своей власти), Он стал именоваться Победоносцем и Победителем, Царем всего мира.
Об этом празднике возвещал пророк Захария: ликуй от радости, дщерь Сиона, се Царь твой грядет к тебе, сидящий на ослице и на молодом осле – сыне подъяремной (Зах.9:9); а также Давид о детях: из уст младенцев и грудных детей Ты устроил хвалу (Пс.8:3).
И когда вошел Христос в Иерусалим, говорит (Евангелие), весь город пришел в движение (Мф.21:10), люди же, подстрекаемые первосвященниками из зависти, искали убить Его. Но Он таился, скрываясь, а появляясь, говорил к ним притчами.
Христе Боже наш, по неизреченному милосердию Твоему сделай нас победителями безрассудных страстей, сподоби увидеть Твою славную победу над смертью, светлое и дающее жизнь Воскресение и помилуй нас, ныне и присно и во веки веков. Аминь.