01-03-п Предпразднство Просвещения
Минея. Дата 2025-01-16 (03-п января по ст. стилю)
Знак типикона: без службыЧтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Глас 4:Гото́вися, Завуло́не,/ и красу́йся, Неффали́ме,/ Иорда́не реко́, ста́ни,/ подыми́, взыгра́я, крести́тися гряду́ща Влады́ку,/ Весели́ся, Ада́ме с прама́терию,/ не кры́йта себе́, я́коже в раи́ пре́жде,/ и́бо, на́ги ви́дев вы, яви́ся,/ да облече́т в пе́рвую оде́жду:/ Христо́с яви́ся, всю тварь хотя́ обнови́ти.
Кондаки
Глас 4:Во струя́х днесь Иорда́нских быв, Госпо́дь/ Иоа́нну вопие́т:/ не убо́йся крести́ти Мя,/ спасти́ бо приидо́х/ Ада́ма первозда́ннаго.
Икос: Не истязу́ю тя, Крести́телю, преде́лы преходи́ти,/ не глаго́лю тебе:/ рцы Ми, я́же глаго́леши беззако́нным и учи́ши гре́шники./ То́чию крести́ Мя молча́ и ча́я, я́же от Креще́ния:/ прии́меши бо сего́ ра́ди досто́инство, е́же не бысть А́нгелом,/ и́бо всех проро́ков бо́льша тя сотворю́./ От о́ных у́бо ни еди́н я́ве Мя ви́де,/ но во о́бразех, и се́нех, и гада́ниих,/ ты же пред тобо́ю стоя́ща ви́дел еси́,/ спасти́ бо приидо́х Ада́ма первозда́нного.
Стихиры на "Господи, возвах"
Глас 6:Престо́л Не́бо име́я, Влады́ка/ прии́де на зе́млю, вопло́щся от Де́вы,/ и, на Иорда́не предста́в,/ очище́ния всех про́сит от Иоа́нна,/ Оте́чествия земли́ всея́, Тому́ пое́м:/ благослове́н явле́йся, Бо́же наш, сла́ва Тебе́.
Приспе́ Христо́с ко струя́м Иорда́нским,/ Креще́ния прося́, очища́яй грехи́./ Вся земля́ да игра́ет,/ Небеса́ да веселя́тся./ Ра́дуйся, язы́ческая Це́рковь, Царю́ уневе́стившися,/ ве́рно возопи́й:/ благослове́н явле́йся, Бо́же наш, сла́ва Тебе́.
Го́ры сла́дость весе́лия да ка́плют,/ рука́ми та́инственно ны́не восплещи́те, язы́цы,/ пусты́ня да процвете́т./ Иорда́не, подыми́, гряди́, Крести́телю, та́инству Изба́вителя послужи́, ра́дуяся./ Лю́дие, воспои́м:/ благослове́н явле́йся, Бо́же наш, сла́ва Тебе́.
О, преславнаго чудесе́!/ И́же Ду́хом Святы́м креща́яй и огне́м/ на Иорда́н гряде́т крести́тися от Иоа́нна:/ Бог не наг, ниже́ Челове́к прост,/ но во двою́ естеству́, Еди́н тойжде Сын Единоро́дный,/ ищай у́бо Креще́ния я́ко Челове́к от сме́ртнаго,/ взима́я же я́ко Бог грех ми́ра/ и подая́ всем ве́лию ми́лость.
Стихиры на стиховне
Глас 6:Се Просвеще́ние ве́рных,/ се Очище́ние на́ше/ вни́ти хо́щет во струи́ ре́чныя,/ я́ко да скве́рну отмы́ет зло́бы челове́ческия/ и обнови́т сокруше́нныя ны.
Стих: Сего́ ра́ди помяну́х Тя/ от земли́ Иорда́нски и Ермони́мски.
Я́ко ви́де Тя гряду́ща Предте́ча Твой, Го́споди,/ и прося́ща крести́тися от него́,/ со стра́хом вопия́ше:/ Бо́же мой, Соде́телю мой,/ ка́ко Тя крещу́, Нескве́рнаго?
Стих: Ви́деша Тя во́ды, Бо́же,/ ви́деша Тя во́ды и убоя́шася.
Сни́демся, ве́рнии, у́мне ко Иорда́нским струя́м,/ я́ко да чу́до ве́лие ви́дим я́ве:/ Зижди́тель бо всех яви́ся зрим/ и крести́тися прише́л есть.
На Иорда́нскую реку́/ Христо́с Бог наш прихо́дит ко Креще́нию,/ очи́стити хотя́ ны от беззако́ний на́ших Свои́м явле́нием,/ я́ко Еди́н Благ и Человеколю́бец.
Стихиры на хвалитех
Глас 6:Престо́л Не́бо име́я, Влады́ка/ прии́де на зе́млю, вопло́щся от Де́вы,/ и, на Иорда́не предста́в,/ очище́ния всех про́сит от Иоа́нна,/ Оте́чествия земли́ всея́, Тому́ пое́м:/ благослове́н явле́йся, Бо́же наш, сла́ва Тебе́.
Приспе́ Христо́с ко струя́м Иорда́нским,/ Креще́ния прося́, очища́яй грехи́./ Вся земля́ да игра́ет,/ Небеса́ да веселя́тся./ Ра́дуйся, язы́ческая Це́рковь, Царю́ уневе́стившися,/ ве́рно возопи́й:/ благослове́н явле́йся, Бо́же наш, сла́ва Тебе́.
Го́ры сла́дость весе́лия да ка́плют,/ рука́ми та́инственно ны́не восплещи́те, язы́цы,/ пусты́ня да процвете́т./ Иорда́не, подыми́, гряди́, Крести́телю, та́инству Изба́вителя послужи́, ра́дуяся./ Лю́дие, воспои́м:/ благослове́н явле́йся, Бо́же наш, сла́ва Тебе́.
Свет из Све́та пре́жде лет возсия́вый,/ в нощи́ седя́щим яви́ся/ и тьму греха́ очи́сти и просвети́./ Лику́й, Ада́ме, и весели́ся, Е́во,/ избавле́ние, Христо́с, прии́де./ Дави́де, возопи́й:/ благослове́н, явле́йся, Бо́же наш, сла́ва Тебе́.
Звезда́ из Иа́кова возсия́ ми́ру/ и, пла́менный челове́ков грех восприи́м,/ погреба́ет во Иорда́нских вода́х,/сия́я Божества́ сия́нием/ и просвеще́ние Богоразу́мия подава́я язы́ком:/ благослове́н явле́йся, Бо́же наш, сла́ва Тебе́.
Зако́на Испо́лнитель по пло́ти быв,/ прии́де Христо́с,/ нача́ток спасе́ния на Иорда́н соверши́ти, я́ко Благосе́рд,/ и Крести́телю подклоня́ет верх, ве́рно вопию́щу:/ лю́дие, зове́м:/ благослове́н явле́йся, Бо́же наш, сла́ва Тебе́.
Седальны
Глас 3:Неопи́сан Сый Божество́м, опи́сан ве́щию теле́сною,/ хо́щет приити́ вода́ми Иорда́нскими крести́тися,/ Сего́ чистото́ю мы́сленною прии́мем:/ всем бо соде́лати обновле́ние хо́щет./ К Нему́же возопии́м со стра́хом:/ сла́ва, Христе́, явле́нию Твоему́.
Глас 5:Единоче́стное Сло́во Отцу́ и Ду́ху,/ воплоще́нно за милосе́рдие и креща́емо,/ А́нгельстии ли́цы ви́дяще, трепета́ху,/ и Иорда́нская река́, устыде́вшися и убоя́вшися, возврати́ся вспять,/ нас возводя́ к высоте́ спасе́ния, страстьми́ истле́вшия.
Глас 8:Лик проро́ческий, пропове́дуя, ра́дуется, Креще́ние Христо́во, живо́т источа́ющее./ Зове́т Иса́ия:/ почерпи́те во́ду чисти́тельную./ Пи́шет Богооте́ц:/ ка́ко от лица́ бежи́т мо́ре/ благоволе́нием спаса́ющаго Бо́га род челове́ческий?
Светильны
Вифлее́м оста́вивше, пресла́вное чу́до, ко Иорда́ну теце́м душе́ю те́плою/ и та́мо у́зрим стра́шное та́инство:/ боголе́пно бо предста́, обнажи́вся, Христо́с мой,/ одева́я мя во о́дежду Небе́снаго Ца́рствия.
Каноны
Кано́н предпра́зднства, глас 4 (основной)