Попразднство Благовещения Пресвятой Богородицы
Краткое наименование:03-26-п Отдание Благовещения Пресвятой Богородицы
Минея. Дата 2025-04-08 (26-п марта по ст. стилю)
Знак типикона: СлавословныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Глас 4:Дне́сь спасе́ния на́шего глави́зна/ и е́же от ве́ка та́инства явле́ние:/ Сын Бо́жий Сын Де́вы быва́ет,/ и Гаврии́л благода́ть благовеству́ет./ Те́мже и мы с ним Богоро́дице возопии́м:/ ра́дуйся, Благода́тная,/ Госпо́дь с Тобо́ю.
Кондаки
Стихиры на "Господи, возвах"
Глас 4:В шесты́й ме́сяц по́слан бы́сть Арха́нгел/ к Де́ве Чи́стей/ и, ра́доватися Ей прире́к,/ благовести́ из Нея́ Изба́вителю проити́./ Те́мже, прии́мши целова́ние,/ зача́т Тя, Преве́чнаго Бо́га,/ несказа́нно благоволи́вшаго вочелове́читися/ во спасе́ние душ на́ших.
Язы́ка, его́же не ве́дяше, услы́ша Богоро́дица,/ глаго́лаше бо к Ней Арха́нгел благове́щения глаго́лы,/ отону́дуже ве́рно, прии́мши целова́ние,/ зача́т Тя, Преве́чнаго Бо́га./ Те́мже и мы, ра́дующеся, вопие́м Ти:/ из Нея́ воплоти́выйся непрело́жно Бо́же,/ мир ми́рови да́руй/ и душа́м на́шим ве́лию ми́лость.
Се воззва́ние ны́не яви́ся нам,/ па́че Сло́ва Бог челове́ком соединя́ется,/ Арха́нгеловым гла́сом пре́лесть отгоня́ется,/ Де́ва бо прие́млет ра́дость,/ земна́я бы́ша Не́бо,/ мир разреши́ся пе́рвыя кля́твы./ Да ра́дуется тва́рь и гла́сы да воспое́т:/ Тво́рче и Изба́вителю наш,/ Го́споди, сла́ва Тебе́.
По́слан бы́сть с Небесе́ Гаврии́л Арха́нгел/ благовести́ти Де́ве зача́тие/ и, прише́д в Назаре́т,/ помышля́ше в себе́, чудеси́ удивля́яся:/ о, ка́ко в Вы́шних непостижи́м Сый от Де́вы ражда́ется!/ Име́яй престо́л Не́бо и подно́жие зе́млю/ во утро́бу вмеща́ется Деви́чу!/ На Него́же шестокрила́тии и многоочи́тии зре́ти не мо́гут,/ сло́вом еди́ным от Сея́ воплоти́тися благоизво́ли./ Бо́жие е́сть сло́во настоя́щее./ Что у́бо стою́ и не глаго́лю Де́ве:/ ра́дуйся, Благода́тная, Госпо́дь с Тобо́ю;/ ра́дуйся, чи́стая Де́во;/ ра́дуйся, Неве́сто неневе́стная;/ ра́дуйся, Ма́ти Живота́,/ благослове́н Плод чре́ва Твоего́!
Стихиры на стиховне
Глас 8:Да веселя́тся Небеса́, и ра́дуется земля́,/ и́бо Отцу́ Соприсносу́щный, Собезнача́льный и Сопресто́льный,/ щедро́тство прие́мь и человеколю́бную ми́лость,/ Себе́ поста́ви во истоща́ние/ благоволе́нием и сове́том О́тчим/ и во утро́бу всели́ся Деви́чу, предочище́нную Ду́хом./ О, чудесе́! Бог в челове́цех,/ Невмести́мый в ложесна́х, Безле́тный в ле́то,/ и е́же пресла́внее, я́ко и зача́тие безсе́менно,/ и истоща́ние несказа́нно, и та́инство ели́ко./ Бог бо истощава́ется, и воплоща́ется, и зи́ждется,/ А́нгелу к Чи́стей зача́тие глаго́лавшу:/ ра́дуйся, Обра́дованная, Госпо́дь с Тобо́ю,/ име́яй ве́лию ми́лость.
Стихиры на хвалитех
Глас 2:Благовеству́ет Гаврии́л Благода́тней дне́сь:/ ра́дуйся, неневе́стная Ма́ти и неискусобра́чная,/ не удивля́йся стра́нному моему́ зра́ку,/ ни ужаса́йся, Арха́нгел бо е́смь./ Змий прельсти́ Е́ву иногда́,/ ны́не же благовеству́ю Тебе́ ра́дость,/ и пребу́деши нетле́нна,/ и роди́ши Го́спода, Пречи́стая.
Седальны
Глас 4:Безпло́тных служи́телей ты пе́рвствуяй,/ пре́жде век определе́нное стра́шное та́инство,/ тебе́ еди́ному, Гаврии́ле сла́вне, вве́рися,/ рождество́ неизрече́нное Святы́я Де́вы,/ ра́дуйся, провозглаша́я Ей, Обра́дованная./ Те́мже тя до́лжно, ве́рнии, с весе́лием при́сно ублажа́ем.
Светильны
Каноны
Канон Богородицы, глас 6 (основной)