05-19 Свята́го благове́рнаго вели́каго кня́зя Дими́трия Донска́го

Свята́го благове́рнаго вели́каго кня́зя Дими́трия Донска́го

Краткое наименование:

05-19 Свята́го благове́рнаго вели́каго кня́зя Дими́трия Донска́го

Минея. Дата 2024-06-01 (19 мая по ст. стилю)

Знак типикона: Полиелейный
Праздник: святого

---

Чтения

На Утрени: Мф. 11:27-30

Апостол: Гал.5:22-6:2

Евангелие: Лк.6:17-23

---

Прокимен

Прокимен, глас :
Стих:

---

Аллилуарий

Аллилуарий, глас :
Стих:

---

Причастен

---

Тропари

Глас 3:

Вели́ка обре́те в беда́х тя побо́рника земля́ Ру́сская,/ язы́ки побежда́юща./ Я́коже на Дону́ Мама́еву низложи́л еси́ горды́ню,/ на по́двиг сей прия́в благослове́ние преподо́бнаго Се́ргия,/ та́ко, кня́же Дими́трие,/ Христу́ Бо́гу моли́ся,/ дарова́ти нам ве́лию ми́лость.

---

Кондаки

Глас 2:

По́двиги твои́ми, свя́те Дими́трие,/ страну́ на́шу Бог сохрани́,/ да́вый тебе́ си́лу непобеди́мую./ И ны́не, предста́телю кре́пкий,/ соблюда́й моли́твами святы́ми/ град твой Москву́ невреди́м/ от всех наве́т вра́жиих.

Икос: Измла́да за́поведем Госпо́дним поуча́яся/ и любо́вь Христо́ву в се́рдце свое́м стяжава́я, свя́те Дими́трие, кня́же всече́стне,/ словесе́м Госпо́дним и наставле́нию святы́х оте́ц, Алекси́я и Се́ргия, внима́я,/ в му́жа соверше́нна дости́гл еси́,/ та́же побе́ду пресла́вну одержа́л еси́./ И ны́не, предста́телю кре́пкий, соблюда́й моли́твами святы́ми/ град твой Москву́ невреди́м от всех наве́т вра́жиих.

---

Стихиры на "Господи, возвах"

Глас 4:

Прииди́те, собо́ри люде́й Росси́йских,/ восхва́лим Бо́гом возлю́бленнаго,/ доблестнаго кня́зя Дими́трия,/ и́же побе́ду пресла́вну над враги́ одержа́/ и зе́млю Росси́йскую пле́на лю́таго свободи́.

Поклони́мся благода́рне, сы́нове Росси́йстии,/ пресла́вному кня́зю Дими́трию,/ вла́сти ага́рянския нас свободи́вшему,/ я́ко вознесе́ Госпо́дь десни́цу его́/ на побе́ду иноплеме́нник.

Припаде́м любо́вию и почуди́мся по́двигом/ преди́внаго Дими́трия,/ и́же собра́ полки́ ве́лия люде́й Росси́йских/ и, по́мощию Бо́жиею покрыва́ем,/ зе́млю на́шу от нече́стия изба́ви.

Спаси́ ны, Сы́не Бо́жий,/ моли́твами благове́рнаго кня́зя Росси́йскаго Дими́трия,/ враги́ на́ша побори́,/ оте́чество на́ше сохраня́я/ от ополче́ний сих неврежде́нно.

Благослове́н еси́, Христе́ Бо́же наш,/ пресла́внаго кня́зя Дими́трия,/ Донски́м имену́ема, нам яви́вый,/ и́же благода́тную по́мощь сро́дника своего́,/ вели́каго кня́зя Алекса́ндра Не́вскаго, име́я,/ ра́ти ага́рянския порази́в,/ побе́ду ве́лию и сла́ву оте́честву на́шему стяжа́.

---

Стихиры на стиховне

Глас 5:

А́ще и маловре́менно бы́сть житие́ твое́,/ благове́рне кня́же Дими́трие,/ оба́че селе́ний Госпо́дних дости́гл еси́,/ па́мять же ве́чную у Бо́га обре́л еси́.

Стих: Честна́ пред Го́сподем/ сме́рть преподо́бных Его́.

Кре́пок и му́жествен,/ взо́ром ди́вен зело́ и нра́вом боголюби́в был еси́,/ свя́те Дими́трие всече́стне,/ зе́млю Росси́йскую по́мощию Бо́жиею от враг изба́вил еси́,/ те́мже и любо́вь ве́лию люде́й твои́х стяжа́л еси́.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Моли́ся о лю́дех твои́х,/ уго́дниче изря́дне, свя́те Дими́трие,/ сый в селе́ниих све́тлых Го́спода твоего́,/ Его́же в житии́ твое́м те́пле возлюби́л еси́,/ сего́ ра́ди да́же до кро́ве за дру́ги твоя́ подвиза́лся еси́.

Ра́дуйся и весели́ся, сла́внейший гра́де Москво́,/ такова́го засту́пника себе́ стяжа́вый,/ сла́вна и му́жественна и ду́хом кре́пка кня́зя Дими́трия,/ еще́ же и предста́теля ско́раго о лю́дех пред Го́сподем.

---

Стихиры на хвалитех

Глас 8:

О, ве́лия ми́лости Бо́жия!/ А́ще и пострада́ град Москва́ по́слежде/ от набе́гов вра́жиих,/ оба́че ти́и не возмого́ша поколеба́ти ми́ра,/ во оте́честве твое́м, свя́те Дими́трие,/ тобо́ю утвержде́ннаго.

О, досто́йное благодаре́ние!/ Мно́ги хра́мы и оби́тели прекра́сны воздви́гл еси́,/ блаже́нне Дими́трие,/ по одоле́нии наше́ствия ага́рянскаго,/ оби́тель же Се́ргия преподо́бнаго/ да́ры мно́гими украси́л еси́.

О, неистощи́мая си́ла любве́!/ Послуша́ние преподо́бнаго Се́ргия исполня́я,/ свя́те Дими́трие,/ моле́ние по во́ином убие́нным соверша́л еси́,/ та́кожде и мы да́же до ны́не твори́м,/ Дими́триеву суббо́ту соблюда́юще.

Да помя́нуты бу́дут ку́пно со святы́м Дими́трием князе́м/ вси лю́дие Росси́йстии,/ ду́ши своя́ о спасе́нии бли́жних положи́вшии./ Та́ко воспомя́нем досто́йно преподо́бнаго первобо́рца би́твы Кулико́вския/ схимона́ха Алекса́ндра Пересве́та/ и пострада́вшия во бра́ни кня́зя Михаи́ла Бренка́/ и схимона́ха Андре́я Осля́бю./ Да почту́тся любо́вию ку́пно сподви́жницы Дими́триевы,/ кня́зь Влади́мир Хра́брый и воево́да наро́чит Дими́трий Волы́нский,/ еще́ же и Андре́й кня́зь,/ с ни́миже и про́чий во́и,/ за зе́млю Ру́сскую не пощади́вшии живота́ своего́.

---

Седальны

Глас 5:

Воспое́м, лю́дие, побе́ду пресла́вную,/ ю́же благове́рный кня́зь Дими́трий за ве́ру правосла́вную и оте́чество одержа́,/ той бо и́мя Святы́я Тро́ицы и по́мощь Пресвяты́я Богоро́дицы призва́.

Глас 4:

Я́ко свети́льник све́тел в житии́ свое́м лю́дем твои́м яви́лся еси́,/ богому́дре Дими́трие, кня́же приснопа́мятне и боголюбе́зне./ Не оста́ви нас, ме́ньших бра́тии свои́х,/ о оте́честве на́шем моли́тв твои́х те́плых прося́щих.

Глас 3:

От во́зраста о́троческаго кня́зь люде́й твои́х яви́лся еси́,/ богому́дре Дими́трие,/ та́же в сове́тех святы́х возраста́я,/ держа́ву твою́ до́бре упра́вил еси́.

Глас 4:

Я́ко во дни ми́ра, та́кожде и во дни бра́ни милосе́рдием богате́я,/ за лю́ди твоя́ и оте́чество подвиза́лся еси́ Го́спода ра́ди,/ возлю́бленне кня́же, богому́дре Дими́трие,/ те́мже и о чту́щих тя моли́ся.

---

Светильны

Побе́ду ве́лию во и́мя в Тро́ице сла́вимаго Бо́га,/ по сло́ву пресла́внаго Се́ргия,/ с во́и твои́ми одержа́л еси́, богому́дре кня́же Дими́трие./ Тем тя, я́ко предста́теля пред Бо́гом, вси почита́ем.

Богородичен: Еди́наго от Тро́ицы Бо́га в ложесна́х Твои́х носи́ла еси́, Богома́ти Пречи́стая./ Сего́ Бо́га Сло́ва и Сы́на Твоего́ о лю́дех умоля́ющи,/ покры́й нас предста́тельством Твои́м, Всепе́тая.

---

Каноны

Кано́н свята́го, глас 4 (основной)

---

Житие