09-05 Святаго проро́ка Заха́рии, отца́ честна́го Иоа́нна Предте́чи

Святаго проро́ка Заха́рии, отца́ честна́го Иоа́нна Предте́чи

Краткое наименование:

09-05 Святаго проро́ка Заха́рии, отца́ честна́го Иоа́нна Предте́чи

Минея. Дата 2025-09-18 (05 сентября по ст. стилю)

Знак типикона: Вседневный
Праздник: святого

---

Чтения

На Утрени:

Апостол: Евр.6:13-20

Евангелие: Мф.23:29-39

---

Прокимен

Прокимен, глас :
Стих:

---

Аллилуарий

Аллилуарий, глас :
Стих:

---

Причастен

---

Тропари

Глас 4:

Свяще́нства оде́ждею обложе́н, прему́дре,/ по зако́ну Бо́жию всесожже́ния прия́тна священноле́пно приноси́л еси́, Заха́рие,/ и был еси́ свети́льник и зри́тель та́йных,/ зна́мения в тебе́ благода́ти нося́ я́вственно, всему́дре,/ и, мече́м убие́н быв в хра́ме Бо́жии,/ Христо́в проро́че, с Предте́чею моли́// спасти́ся душа́м на́шим.

---

Кондаки

Глас 3:

Проро́к днесь и свяще́нник Вы́шняго,/ Заха́рия предложи́, Предте́чев роди́тель,/ трапе́зу своей па́мяти,/ ве́рный пита́я, питие́ бо пра́вды всем раствори́в,/ сего́ ра́ди скончава́ется,// я́ко боже́ственный таи́нник Бо́жия благода́ти.

Икос: Зако́на молча́нием иера́рх связа́ся Ангела гла́сом,/ А́нгела прие́м Христо́ва прише́ствия, проро́ка и таи́нника,/ с Елисаве́тию непло́дною и целому́дренною,/ и Того́ Рождество́м обнови́ся благода́ть и избавле́ние/ и примире́ние на́ше всеми́рное./ Сего́ пропове́да А́гнца, и Соде́теля,/ и естеству́ Обнови́теля, от неплодныя утро́бы плод подаю́ща,/ Сы́на же, я́вльшася из Де́вы,/ я́ко боже́ственный таи́нник Бо́жия благода́ти.

---

Стихиры на "Господи, возвах"

Глас 4:

Масть име́я на себе́,/ ри́зу же святу́ю,/ приснопа́мятне Заха́рие,/ я́ко А́нгел, Бо́гу послужи́л еси́,/ хода́тайствуя Соде́телю, и зда́нию, блаже́нне,/ и сказа́ния Я́ве Боже́ственнаго Ду́ха прие́мля./ Тем тя ублажа́ем/ и свято́е твое́ днесь соверша́ем торжество́,// Спа́са сла́вяще.

Отроча́ ви́дел еси́, ро́ждшееся от Отрокови́цы,/ Заха́рие богодохнове́нне,/ Отцу́ Собезнача́льно,/ и своему́ предъявле́нно проро́чествуеши отроча́ти:/ проро́к бу́деши и́стинно,/ Сего́ стези́ уготовля́я./ С ни́мже тя ублажа́ем/ и честно́е твое́ торжество́ свяще́нно пра́зднуем,// богоно́се пребога́те.

Храм жив и одушевле́н/ Боже́ственнаго Ду́ха был еси́/ и посреде́ хра́ма, сла́вне,/ Бо́гу служа́ чи́стым се́рдцем,/ непра́ведно закла́н был еси́,/ му́ченически соверша́я боже́ственное тече́ние твое́, достосла́вне./ Тем в Небе́сный храм вшел еси́/ кро́вию свое́ю,// прося́ очище́ния душа́м на́шим.

Свяще́нства законнаго оде́ян и́стинно оде́ждею,/ по чи́ну Ааро́нову служи́л еси́/ и, предстоя́ в хра́ме,/ а́нгельский зрак я́ве ви́дел еси́, преблаже́нне./ Тем твое́ преставле́ние вси пою́ще до́лжно, Заха́рие,/ пе́сньми восхваля́ем тя,/ по ста́рости израсти́вша Иоа́нна сла́внаго:/ моли́ за ны ми́лостиваго Бо́га,// спасти́ся нам.

Крестобогородичен,

Что зри́мое виде́ние,/ е́же мои́ма очи́ма ви́дится, о Влады́ко,/ Содержа́й всю тварь,/ на Дре́во воздви́жен быв,/ и умира́еши, всем дая́й жизнь?/ Богоро́дица пла́чущи глаго́лаше,/ егда́ узре́ на Кресте́ возноси́ма/ из Ней неизрече́нно возсия́вшаго/ Бо́га и Челове́ка.

---

Стихиры на стиховне

Глас 2:

Я́ко чист иере́й во Свята́я Святы́х вшел еси́/ и, оде́ждею свяще́нною оде́ян,/ непоро́чно Бо́гу служи́л еси́,/ я́коже Ааро́н законополага́я/ и я́ко Моисе́й водя́ коле́на Изра́илева, звонце́в в чи́стом зна́мении./ Те́мже и убие́н был еси́,/ но кровь твоя́ пра́ведная спаса́тельное нам исцеле́ние бысть/ и, я́ко ми́ро благово́нное,/ слу́хи отверза́ет к ше́ствию ве́чныя жи́зни./ Заха́рие треблаже́нне,/ Крести́теля Иоа́нна роди́телю и Елисаве́ти сопру́жниче,/ приле́жно моли́ о душа́х на́ших.

Крестобогородичен,

Егда́ нескве́рная Агница ви́де Своего́ Агнца,/ на заколе́ние, я́ко Челове́ка, во́лею влеко́ма,/ пла́чущи глаго́лаше:/ безча́дствовати Мя ны́не тщи́шися, Христе́, Ро́ждшую Тя./ Что сие́ сотвори́л еси́, Изба́вителю вся́ческих?/ Оба́че воспева́ю и сла́влю Твою́ ю́же па́че ума́ и слова/ кра́йнюю бла́гость, Человеколю́бче.

---

Стихиры на хвалитех

---

Седальны

Глас 8:

Свяще́нствовав Бо́гу по зако́ну/ и проро́чествовав Христа́ из Де́вы, Заха́рие, воплоще́нна от Ду́ха Свя́та,/ яви́лся еси́ вселе́нней столп све́тел,/ с высоты́ Пра́вды Восто́ка, весь мир осия́юща и в путь ми́рен направля́юща но́ги на́ша,/ ре́кл еси́, спаса́юща род наш.

---

Светильны

Пе́рвее гла́сом Ангела умолча́л еси́ в невхо́дных/ за хотя́щее бы́ти прозябе́ние из тебе́ гла́са вопию́щаго/ и ны́не молчи́ши о́наго ра́ди,/ пред невхо́дными заколе́н быв, Заха́рие.

Богородичен: Свет из Све́та возсия́в, Сло́ве, пре́жде денни́цы безле́тно,/ Свет из Ма́тере под ле́том непреме́нно проше́л еси́,/ сия́нии светолу́чными концы́ ми́ра просвеща́я, я́ко Свет ми́ра.

---

Каноны

Канон святаго, глас 8 (основной)

---

Житие