Предпра́зднство Рождества́ Пресвяты́я Богоро́дицы
Краткое наименование:09-07-п Предпра́зднство Рождества́ Пресвяты́я Богоро́дицы
Минея. Дата 2025-09-20 (07-п сентября по ст. стилю)
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Глас 4:От ко́рене Иессе́ева и от чресл Дави́довых/ Богоотрокови́ца Мариа́м ражда́ется днесь нам,/ ра́достию бо ра́дуются вся́ческая и обновля́ются./ Сра́дуйтеся ку́пно, Не́бо и земля́!/ Восхвали́те Ю, оте́чествия язы́ков!/ Иоаки́м веселя́тся, и Анна торжеству́ет, зову́щи:// непло́ды ражда́ет Богоро́дицу и Пита́тельницу Жи́зни на́шея.
Кондаки
Глас 3:Де́ва днесь и Богоро́дица Мари́я,/ черто́г безконе́чный Небе́снаго Жениха́, ражда́ется/ от непло́дове, Бо́жиим Сове́том,/ колесни́ца Сло́ва благоукраша́ется:/ на сие́ бо преднарече́ся Боже́ственная дверь// и Ма́ти су́щия Жи́зни.
Икос: И́же от непло́дове плод даде́ся, Богоотрокови́ца Мари́я,/ Ю́же прови́деша иногда́ боже́ственнии проро́цы Ду́хом;/ Сию́ мы днесь зря́ще в не́дрех А́нны игра́ющую,/ с ве́рным Иоаки́мом мы́сленне ко учрежде́нию стеце́мся/ и су́щия дале́че призове́м, глаго́люще:/ ми́ра сего́ ны́не воззва́ние,/ от непло́дна бо чре́ва прозябе́/ Боже́ственная дверь и Ма́ти су́щия Жи́зни.
Стихиры на "Господи, возвах"
Глас 1:Всеми́рныя ми́ру ра́дости возсия́ша мысленныя лучи́,/ предвозвеща́ющия всем Со́лнце Сла́вы, Христа́ Бо́га,/ в рождестве́ Твое́м, Пречи́стая,/ Ты бо Хода́таица показа́лася еси́// и́стиннаго весе́лия же и благода́ти.
Предпра́зднственная сия́ сла́ва Твоя́, Пречи́стая,/ предвозвеща́ет всем/ Твоя́ я́же па́че сло́ва лю́дем благодея́ния,/ Ты бо ны́не весе́лия Хода́таица/ и бу́дущия ра́дости нам вина́,// Богоро́дице Присноде́во.
Боговмести́мая Отрокови́ца/ и Богоро́дица Чи́стая,/ проро́ков сла́ва, Дави́дова Дщи/ днесь ражда́ется от Иоаки́ма и А́нны целому́дренныя,/ и Ада́мова кля́тва, я́же на нас,// потребля́ется рождество́м Ея́.
Всечестно́е Твое́ рождество́,/ Пресвята́я Де́во Чи́стая,/ Ангелов мно́жество на Небеси́/ и челове́ческий род на земли́, ублажа́ем,/ я́ко Ма́ти была́ еси́ Творца́ всех, Христа́ Бо́га./ Того́ моля́щи о нас не преста́й, мо́лимся,/ я́же на Тя по Бо́зе упова́ние поло́жших,// Богоро́дице Всепе́тая и Неискусобра́чная.
Стихиры на стиховне
Глас 8:О, пресла́внаго чудесе́!/ Я́ко от неражда́ющия ма́тере/ и непло́днаго заматере́ния/ жезл, Цвет нося́й, прозяба́ет днесь,/ Богома́ти и Неискусобра́чная,/ от пра́ведных Иоаки́ма и Анны;/ те́мже ра́дуется ны́не и проро́ческий собо́р,/ патриа́рхов все торжество́// в рождестве́ Ея́.
Стих: Слы́ши, Дщи, и виждь,/ и приклони́ у́хо Твое́.
Днесь Дави́д ра́дуется,/ и Иессе́й ны́не игра́ет,/ и Леви́й велича́ется,/ и ра́дуется ду́хом Иоаки́м пра́ведный,/ и безча́дство А́ннино разреша́ется/ Твои́м рождество́м, Мари́е Пречи́стая, Богора́дованная,/ и а́нгельский собо́р с челове́ки,/ вси блажи́м// боже́ственную утро́бу Твою́.
Стих: Лицу́ Твоему́ помо́лятся// бога́тии лю́дстии.
Ра́дуйся, челове́ческий собо́ре, ра́дуйся, Госпо́день хра́ме,/ ра́дуйся, горо́ свята́я, ра́дуйся, Боже́ственная трапе́зо,/ ра́дуйся, свети́льниче Све́та,/ ра́дуйся, сла́во правосла́вных честна́я,/ ра́дуйся, Мари́е, Ма́ти Христа́ Бо́га,/ ра́дуйся, Всенепоро́чная,/ ра́дуйся, предложе́ние Боже́ственнаго Хле́ба,/ ра́дуйся, ски́ние, ра́дуйся, купино́ неопали́мая,// ра́дуйся, всех наде́жде.
Всеми́рная, ра́дость от пра́ведных возсия́ нам,/ от Иоаки́ма и Анны, Всепе́тая Де́ва,/ я́же премно́гия ра́ди чистоты́/ храм Бо́жий одушевле́нный быва́ет/и еди́на вои́стину Богоро́дица познава́ется./ Тоя моли́твами, Христе́ Бо́же,/ мир ми́ру низпосли́// и душа́м на́шим ве́лию ми́лость.
Стихиры на хвалитех
Глас 2:Пронарече́нная всех Цари́ца,/ Бо́жие оби́телище,/ от непло́дныя днесь утро́бы про́йде А́нны сла́вныя,/ Присносу́щнаго Существа́ Боже́ственное пребыва́лище,/ Е́юже безсту́дный ад попра́ся/ и всеро́дная Е́ва в тве́рдую жизнь вво́дится./ Той досто́йно возопии́м:// блаже́нна Ты в жена́х, и Плод чре́ва Твоего́ благослове́н.
Седальны
Глас 1:Ро́ждшися пресла́вно от непло́дных ложе́сн,/ от де́вственных чресл родила́ еси́ па́че естества́:/ красе́н бо я́вльшися стебль, израсти́ла еси́ ми́ру Жизнь./ Сего́ ра́ди Си́лы Небе́сныя вопию́т Тебе́, Богоро́дице:/ сла́ва прише́ствию Твоему́, Чи́стая,/ сла́ва рождеству́ Твоему́,/ сла́ва де́вству Твоему́, Ма́ти Безневе́стная.
Глас 5:Небе́сная вся ны́не ра́дуются,/ челове́ческий род ны́не пра́зднует с ни́ми,/ и проро́цы та́йно вку́пе веселя́тся,/ Юже бо предви́деша обра́зне в дре́вних ро́дех/ купину́, и ста́мну, и жезл, о́блак, дверь, и престо́л, и ве́лию го́ру,/ ражда́ется днесь.
Глас 8:Да ра́дуется Не́бо, и земля́ да весели́тся:/ Бо́жие бо не́бо на земли́ роди́ся, Богоневе́стная Сия́, от обетова́ния./ Непло́ды Младе́нца пита́ет Мари́ю, и ра́дуется о рождестве́ Иоаки́м:/ жезл, глаго́ля, роди́ся мне,/ из него́же Цвет Христо́с прозябе́,/ из ко́рене Дави́дова./ Вои́стину чу́до пресла́вно!
Светильны
Ада́ме, обнови́ся, и Е́ва, возвели́чися,/ проро́цы, со апо́столы лику́йте и пра́ведными,/ о́бщая бо ра́дость возсия́ А́нгелов же и челове́ков/ от пра́ведных днесь Иоаки́ма и А́нны, Богоро́дица Мари́я.
Каноны
Кано́н предпра́зднства, глас 4 (основной)