Попразднство Рождества Богородицы
Краткое наименование:09-10-п Попразднство Рождества Богородицы
Минея. Дата 2025-09-23 (10-п сентября по ст. стилю)
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Глас 4:Рождество́ Твое́, Богоро́дице Де́во,/ ра́дость возвести́ всей вселе́нней:/ из Тебе́ бо возсия́ Со́лнце Пра́вды, Христо́с Бог наш,/ и, разруши́в кля́тву, даде́ благослове́ние,// и, упраздни́в смерть, дарова́ нам живо́т ве́чный.
Кондаки
Глас 4:Иоаки́м и А́нна поноше́ния безча́дства/ и Ада́м и Е́ва от тли сме́ртныя свободи́стася, Пречи́стая,/ во святе́м рождестве́ Твое́м./ То пра́зднуют и лю́дие Твои́,/ вины́ прегреше́ний изба́вльшеся,/ внегда́ зва́ти Ти:// непло́ды ражда́ет Богоро́дицу и Пита́тельницу Жи́зни на́шея.
Икос: Моли́тва ку́пно и воздыха́ние непло́дства и безча́дства Иоаки́ма же и А́нны благоприя́тное/ и во у́ши Госпо́дни вни́де, и прозябе́ плод живоно́сен ми́ру./ Ов бо моли́тву на горе́ творя́ше, о́ва же в саде́ поноше́ние ноша́ше,/ но с ра́достию непло́ды ражда́ет Богоро́дицу и Пита́тельницу Жи́зни на́шея.
Стихиры на "Господи, возвах"
Глас 8:О, пресла́внаго чудесе́!/ Я́ко от безча́дна ложесна́/ и непло́дна чре́ва,/ жезл, Цвет нося́щий, прозяба́ет днесь,/ Богома́ти и Неискусобра́чная,/ от пра́ведных Иоаки́ма и Анны;/ те́мже ра́дуются проро́честии собе́ри/ и патриа́рхов весь сонм// в рождестве́ Ея́.
Днесь Дави́д ра́дуется,/ и Иессе́й лику́ет,/ и Леви́й велича́ется,/ и игра́ет ду́хом Иоаки́м пра́ведный,/ и безча́дие реши́тся А́ннино я́ве/ Твои́м рождество́м, Мари́е Чи́стая,/ о Неискусобра́чная,/ и Ангелов совокупле́ние с земны́ми все́ми// блажа́т боже́ственное чре́во Твое́.
Ра́дуйся, земны́х совокупле́ние;/ ра́дуйся, хра́ме Госпо́день;/ ра́дуйся, Ма́ти безневе́стная,/ я́же А́ннино разре́шшая пресла́вно непло́дство/ и земны́м источи́вшая оставле́ние грехо́в рождество́м Твои́м;/ ра́дуйся, Всенепоро́чная;/ ра́дуйся, Боже́ственный хра́ме;/ ра́дуйся, ски́ние,// в Ню́же всели́ся Творе́ц и Госпо́дь.
Что шум пра́зднующих быва́ет?/ Иоаки́м и А́нна торжеству́ют та́йно:/ ра́дуйтеся с на́ми, глаго́люще, Ада́ме и Е́во, днесь,/ я́ко и́мже дре́вле преступле́нием затвори́ша рай,/ плод благосла́вен нам даде́ся,/ Богоотрокови́ца Мари́я,// отверза́ющи его́ всем вход.
Стихиры на стиховне
Глас 1:Да отве́рзется дверь богоприе́мнаго хра́ма,/ храм бо всех Царя́ и престо́л,/ днесь со сла́вою внутрь прие́м,/ Иоаки́м возлага́ет, освяти́в Го́споду,/ Юже из него́ избра́нную// бы́ти Ма́терь Бо́жию.
Стих: Слы́ши, Дщи, и виждь,// и приклони́ у́хо Твое́.
Всеми́рныя ми́ру ра́дости/ возсия́ша мы́сленный лучи́,/ предвозвеща́ющия всем Со́лнце Сла́вы, Христа́ Бо́га,/ в рождестве́ Твое́м, Пречи́стая./ Ты бо Хода́таица яви́лася еси́// и́стиннаго весе́лия же и благода́ти.
Стих: Лицу́ Твоему́ помо́лятся// бога́тии лю́дстии.
Всечестна́я сия́ сла́ва Твоя́, Чи́стая,/ провозвеща́ет всем лю́дем/ Твоего́ благосе́рдаго благоде́тельства:/ Ты бо ны́нешняго весе́лия Хода́таица еси́/ и бу́дущия ра́дости вина́, Чи́стая,// моли́твою Твое́ю яви́ся нам.
Пронарече́нная всех Цари́ца,/ Бо́жие оби́телище,/ от непло́дныя днесь утро́бы про́йде А́нны сла́вныя,/ Присносу́щнаго Существа́ Боже́ственное пребыва́лище,/ Е́юже безсту́дный ад попра́ся/ и всеро́дная Е́ва в тве́рдую жизнь вво́дится./ Той досто́йно возопии́м:// блаже́нна Ты в жена́х, и Плод чре́ва Твоего́ благослове́н.
Стихиры на хвалитех
Глас 6:Сей день Госпо́день,/ ра́дуйтеся, лю́дие:/ се бо Све́та черто́г/ и кни́га Сло́ва Живо́тнаго/ из утро́бы произы́де,/ и Яже к восто́ком дверь, ро́ждшися,/ ожида́ет вхо́да Святи́теля вели́каго,/ еди́на и Еди́наго вводя́щи Христа́ во вселе́нную,/ во спасе́ние душ на́ших.
Седальны
Глас 4:От ко́рене Иессе́ева и от чресл Дави́довых/ Богоотрокови́ца Мариа́м ражда́ется днесь нам;/ ра́достию бо ра́дуются вся́ческая и обновля́ются./ Сра́дуйтеся ку́пно, Не́бо и земля́./Восхвали́те Ю, оте́чествия язы́к./ Иоаки́м веселя́тся, и А́нна торжеству́ет, зову́щи:/ непло́ды ражда́ет Богоро́дицу и Пита́тельницу Жи́зни на́шея.
Глас 4:Иу́до, велича́йся, и да веселйи́тся Дави́д,/ Ада́ме, обнови́ся, и да крепи́тся Леви́й,/ от ни́хже мне роди́ся Христо́с./ Дви́гни цевни́цу, песнопи́сче, и глаго́ли:/ кто есть роди́вшаяся, ю́же нарица́еши Дщерь?/ Пита́тельница есть Жи́зни на́шея, Ма́ти Христа́ Бо́га.
Глас 8:Обнови́ся, Ада́ме, ра́дуйся, Е́во, весели́ся, Дави́де, благоду́шствуй, А́нно,/ и́бо Ма́ти Зижди́теля твоего́ ражда́ется пресла́вно;/ лику́ет, обно́вльшися, вся земля́ и ра́дуется, оде́яна во оде́жду;/ всяк язы́к, лику́я, да вопие́т ны́не Мари́и:/ блаже́н дом Дави́дов, я́ко пита́ет Пита́тельницу Жи́зни на́шея.
Светильны
Со́лнце отню́дуже произы́де мы́сленное по пло́ти/ днесь озари́ мир от непло́дных ложе́сн./ Те́мже, игра́юще, вопие́м:/ ра́дуйся, Мари́е, пра́отцев избавле́ние.
Богородичен: Со́лнце отню́дуже произы́де мы́сленное по пло́ти/ днесь озари́ мир от непло́дных ложе́сн./ Те́мже, игра́юще, вопие́м:/ ра́дуйся, Мари́е, пра́отцев избавле́ние.
Каноны
Ин кано́н, кир Андре́я, глас 8 (основной)