09-11-п Попразднство Рождества Богородицы

Попразднство Рождества Богородицы

Краткое наименование:

09-11-п Попразднство Рождества Богородицы

Минея. Дата 2025-09-24 (11-п сентября по ст. стилю)

Знак типикона: Вседневный
Праздник: святого


Чтения

На Утрени:

Апостол:

Евангелие:


Прокимен

Прокимен, глас :
Стих:


Аллилуарий

Аллилуарий, глас :
Стих:


Причастен


Тропари

Глас 4:

Рождество́ Твое́, Богоро́дице Де́во,/ ра́дость возвести́ всей вселе́нней:/ из Тебе́ бо возсия́ Со́лнце Пра́вды, Христо́с Бог наш,/ и, разруши́в кля́тву, даде́ благослове́ние,// и, упраздни́в смерть, дарова́ нам живо́т ве́чный.


Кондаки

Глас 4:

Иоаки́м и А́нна поноше́ния безча́дства/ и Ада́м и Е́ва от тли сме́ртныя свободи́стася, Пречи́стая,/ во святе́м рождестве́ Твое́м./ То пра́зднуют и лю́дие Твои́,/ вины́ прегреше́ний изба́вльшеся,/ внегда́ зва́ти Ти:// непло́ды ражда́ет Богоро́дицу и Пита́тельницу Жи́зни на́шея.

Икос: Моли́тва ку́пно и воздыха́ние непло́дства и безча́дства Иоаки́ма же и А́нны благоприя́тное/ и во у́ши Госпо́дни вни́де, и прозябе́ плод живоно́сен ми́ру./ Ов бо моли́тву на горе́ творя́ше, о́ва же в саде́ поноше́ние ноша́ше,/ но с ра́достию непло́ды ражда́ет Богоро́дицу и Пита́тельницу Жи́зни на́шея.


Стихиры на "Господи, возвах"

Глас 1:

Иоаки́м и А́нна торжеству́ют,/ Нача́ток ро́ждше на́шего спасе́ния,/ еди́ну Богоро́дицу,/ с ни́миже и мы пра́зднуем днесь,/ от ко́рене о́наго Иессе́ева// блажа́ще Де́ву Чи́стую.

От А́нны днесь цвет,/ сад Богода́нный,/ Богоро́дица прозябе́, спасе́ние челове́ков,/ из Нея́же всех Зижди́тель ро́ждься па́че ума́,/ Ада́мову очища́ет, я́ко Благ,// всю скве́рну бла́гостию.

Кто дово́льно по досто́инству пе́ти возмо́жет/ от Анны неизрече́нно младе́нствующую Де́ву?/ Го́ры у́бо и хо́лми, сла́дость иска́пайте днесь:/ всех бо жизнь и очище́ние/ млеко́м пита́ется,// Богоро́дица Чи́стая.

А́нгеловым прорече́нием/ плод пречи́ст от Иоаки́ма и А́нны, пра́ведников,/ днесь произы́де, Де́во,/ не́бо и престо́л Бо́жий,/ и прия́телище Чистоты́,/ ра́дость провозвеща́ющи всему́ ми́ру,/ жи́зни на́шея Хода́таице,/ кля́твы отъя́тие, благослове́ния пода́ние./ Тем в рождестве́ Твое́м, Де́во Богозва́нная,/ ми́ру мир испроси́// и душа́м на́шим ве́лию ми́лость.


Стихиры на стиховне

Глас 2:

Пла́кала еси́ от души́,/ я́ко безча́дна рыда́ющи,/ отроча́те жела́ющи:/ но родила́ еси́ Отроча́,// ро́да всего́ похвалу́.

Стих: Слы́ши, Дщи, и виждь,// и приклони́ у́хо Твое́.

Рожде́ние че́стно/ Де́вы Всесвяты́я,/ Ея́же ра́ди/ обнови́ся мир,// пе́сненными гла́сы почти́м.

Стих: Лицу́ Твоему́ помо́лятся// бога́тии лю́дстии.

Ра́дуйтеся, му́дрии,/ проро́цы богоглаго́ливии:/ ражда́ется бо Де́ва,/ из Нея́же Спасе́ние ми́ра// хо́щет роди́тися.

Непло́ды безча́дная А́нна/ днесь рука́ми да воспле́щет све́тло,/ да светлоно́сят земна́я, ца́рие да игра́ют,/ святи́телие во благослове́нии да веселя́тся,/ да пра́зднует весь мир:/ се бо Цари́ца и непоро́чная Неве́ста о́тча/ от ко́рене Иессе́ева прозябе́./ Ктому́ жены́ в печа́лех не родя́т чад:/ Ра́дость бо процвете́, и Живо́т всем челове́ком в ми́ре жи́тельствует./ И ктому́ да́ры Иоаки́мовы не возвраща́ются,/ рыда́ние бо А́нны в ра́дость преложи́ся:/ сра́дуйтеся мне, глаго́лющи, весь избра́нный Изра́иль,/ се бо даде́ ми Госпо́дь одушевле́нную пала́ту/ Боже́ственныя сла́вы Его́,/ во о́бщее весе́лие и ра́дость// и спасе́ние душ на́ших.


Стихиры на хвалитех

Глас 8:

В благознамени́тый день пра́здника на́шего/ востру́бим духо́вною цевни́цею:/ я́же бо от Се́мене Дави́дова, днесь ражда́ется Ма́ти Живота́,/ тьму разреша́ющи,/ Ада́мово обновле́ние, и Е́вино воззва́ние,/ и нетле́ния исто́чник, тли премене́ние,/ Ея́же ра́ди мы обожи́хомся/ и от сме́рти изба́влени бы́хом,/ и возопии́м Той с Гаврии́лом, ве́рнии:/ ра́дуйся, Благода́тная, Госпо́дь с Тобо́ю,// Тебе́ ра́ди да́руя нам ве́лию ми́лость.


Седальны

Глас 1:

Ро́ждшися пресла́вно от непло́дных ложе́сн,/ от де́вственных чресл родила́ еси́ па́че естества́:/ красе́н бо я́вльшися стебль, израсти́ла еси́ ми́ру Жизнь./ Сего́ ра́ди Си́лы Небе́сныя вопию́т Тебе́, Богоро́дице:/ сла́ва происхожде́нию Твоему́, Чи́стая,/ сла́ва рождеству́ Твоему́,/ сла́ва де́вству Твоему́, Ма́ти Безневе́стная.

Глас 4:

Лучи́ возсия́ша всеми́рныя ра́дости/ рождества́ Твоего́, Де́во Ма́ти Мари́е, на земли́/ и озари́ша мы́сли любо́вию пою́щих Тя.

Глас 5:

Иоаки́м и А́нна торжеству́ют,/ по Бо́зе бо досто́йно благода́ть обрето́ша/ и роди́ша плод, богоприя́тен храм,/ Де́ву и Чи́стую Ма́терь Бо́жию,/ еди́ну Благослове́нную, моля́щуюся непреста́нно/ спасти́ся душа́м на́шим.


Светильны

От непло́дныя и ста́рицы, престаре́лыя А́нны/ жизнь и свет возсия́, Веенепоро́чная Отрокови́ца,/ дверь восто́ка, свет возсия́вшая конце́м неизреченно;/ лик соста́вльше, ублажи́м Ю, я́ко земны́х превы́шшую.

Богородичен: От непло́дныя и ста́рицы, престаре́лыя А́нны/ жизнь и свет возсия́, Веенепоро́чная Отрокови́ца,/ дверь восто́ка, свет возсия́вшая конце́м неизреченно;/ лик соста́вльше, ублажи́м Ю, я́ко земны́х превы́шшую.


Каноны

Кано́н пе́рвый, глас 2 (основной)


Житие