09-16 Святы́я великому́ченицы Евфи́мии Всехва́льныя

Святы́я великому́ченицы Евфи́мии Всехва́льныя

Краткое наименование:

09-16 Святы́я великому́ченицы Евфи́мии Всехва́льныя

Минея. Дата 2025-09-29 (16 сентября по ст. стилю)

Знак типикона: Вседневный
Праздник: святого

---

Чтения

На Утрени:

Апостол: 2Кор.6:1-10

Евангелие: Лк.7:36-50

---

Прокимен

Прокимен, глас 4: Ди́вен Бог во святы́х Свои́х, Бог Изра́илев.
Стих: В це́рквах благослови́те Бо́га, Го́спода от исто́чник Изра́илевых.

---

Аллилуарий

Аллилуарий, глас 1: Терпя́ потерпе́х Го́спода, и внят ми, и услы́ша моли́тву мою́.
Стих:

---

Причастен

В па́мять ве́чную бу́дет пра́ведник, от слу́ха зла не убои́тся.

---

Тропари

Глас 4:

А́гница Твоя́, Иису́се, Евфи́мия/ зове́т ве́лиим гла́сом:/ Тебе́, Женише́ мой, люблю́,/ и Тебе́ и́щущи страда́льчествую,/ и сраспина́юся, и спогреба́юся Креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́,/ и умира́ю за Тя, да и живу́ с Тобо́ю;/ но я́ко же́ртву непоро́чную приими́ мя,/ с любо́вию поже́ршуюся Тебе́./ Тоя́ моли́твами, я́ко Ми́лостив, спаси́ ду́ши на́ша.

---

Кондаки

Глас 4:

Во страда́льчестве твое́м до́бре подвиза́лася еси́/ и по сме́рти ны освяща́вши чуде́с точе́ньми, всехва́льная./ Те́мже твое́ успе́ние свято́е пое́м,/ ве́рою притека́юще/ в боже́ственный храм твой,/ да изба́вимся неду́гов душе́вных/ и чуде́с благода́ть почерпе́м.

Икос: Всехва́льныя храм рай показа́ся,/ посреде́ иму́щь сад безсме́ртия, те́ло ея́ честно́е;/ того́ собира́ющий плоды́ благоцве́тныя ско́ро освяща́ются:/ зря́ще бо, чудя́тся, ка́ко ме́ртвое те́ло, я́ко жи́во, источа́ет кро́ви, благово́нствующи вся./ Тем со тща́нием прииди́те со мно́ю вси, смире́нным,/ и очи́стимся скве́рны вся́кия, целу́юще сие́,/ и чуде́с благода́ть почерпе́м.

---

Стихиры на "Господи, возвах"

Глас 4:

Де́вства добро́тами/ и муче́ний кровьми́/ ду́шу твою́ украси́вши, му́ченице сла́вная,/ вручи́лася еси́ Созда́вшему,/ сохраня́ющу тя нетле́нну во век и́стинно,/ о сем ликовству́ющи/ с во́инствы Арха́нгел и А́нгел,/ апо́стол, проро́к и му́ченик ликостоя́нии,/ всехва́льная.

И к колесе́м привяза́ема,/ и зверьми́ растерза́ема,/ и огне́м и водо́ю обостри́вши твой по́мысл/ Боже́ственным Ду́хом,/ тьмы нача́льника тече́нии кро́вными/ му́жески удави́ла еси́/ и востекла́ еси́ к разу́мным черто́гом,/ ве́но11 Жениху́ твоему́, де́во,// прине́сши страда́ние.

И уме́рши жива́ при́сно,/ крове́й проли́тия/ в Госпо́дню хвалу́, му́ченице, источи́ла еси́,/ ве́рныя у́бо напая́ющи/ и зна́нием просвеща́ющи,/ неве́рныя же враги́ в тех потопля́ющи./ Те́мже сви́ток тебе́ вверя́ется Боже́ственный,/ его́же храни́ши и держи́ши во ве́ки,/ церко́вных догма́тов.

Процве́тшая доброде́тельми/ и просвеще́нная по́мыслом,/ ми́ро пролива́ющи в сердца́ ве́рных,/ я́же от восто́к возсия́вши, я́ко звезда́ све́тлая,/ и собра́ние сотво́рши, Свята́го Ду́ха наше́ствием, боже́ственных оте́ц,/ не престай о нас моля́щися ко Го́споду,/ Евфи́мие всесла́вная,/ спасти́ся душа́м на́шим.

---

Стихиры на стиховне

Глас 8:

Всяк язы́к да подви́жится к благохвале́нию/ всехва́льныя Евфи́мии,/ всяк род и во́зраст всяк,/ ю́ноши и де́вы,/ Христо́ву девому́ченицу похвала́ми да увенча́им:/ зако́нно бо вмужи́вшися и не́мощь же́нску отве́ргши,/ страда́льческими боле́зньми мучи́теля врага́ низложи́;/ Небе́сным же и Боже́ственным венце́м украси́вшися,/ мо́лится Жениху́ и Бо́гу,/ дарова́ти нам ве́лию ми́лость.

---

Стихиры на хвалитех

Глас 3:

Страда́льческое торжество́, ве́рнии,/ богому́дренне соверша́емо, ви́дяще,/ чу́дному в сове́тех Бо́гу на́шему/ благода́рственное песнопе́ние воспои́м:/ неви́димую бо держа́ву проти́вныя си́лы/ в же́нстем естестве́ победи́,/ и Боже́ственную Свою́ си́лу в не́мощи соверши́в добро му́ченицы.// Тоя́ моли́твами спаса́ет ду́ши на́ша.

И́стины ча́шу/ от свои́х крове́й страда́льческих/ всехва́льная му́ченица Христо́ва раствори́вши/ и сию́ всегда́ предлага́ющи Це́ркви,/ в не́йже церко́вныя пито́мцы/ му́дрости гла́сом созыва́ет, глаго́лющи:/ почерпи́те пи́во Воскресе́ния свиде́тельное,/ неве́рных прогони́тельное и страсте́й чисти́тельное,/ благочести́вым же душа́м храни́тельно,/ Спа́су зову́ще:/ напои́вый нас пото́ком сла́дости Ду́ха,// спаси́ ду́ши на́ша.

И́же Кро́вию Христо́вою ду́ши запеча́тавше в день избавле́ния,/ кровь святу́ю, от му́ченическаго исто́чника востека́ющую нам,/ с весе́лием духо́вным проро́чески почерпе́м,/ живото́чных страсте́й Спа́совых/ и присносу́щныя сла́вы образова́тельну./ Те́мже Ему́ возопии́м:/ прославля́яйся во святы́х Твои́х, Го́споди,/ всехва́льныя Твоей страстоте́рпицы моли́твами/ спаси́ ду́ши на́ша.

Одесну́ю Спа́са предста́/ де́ва и страстоте́рпица и му́ченица Евфи́мия,/ оде́яна доброде́тельми, непобежде́на/ и преукра́шена еле́ем чистоты́ и кро́вию страда́ния,/ и вопию́щи к Нему́,/ ра́достно свещу́ держа́щи:/ в воню́ ми́ра Твоего́ теко́х, Христе́ Бо́же,/ я́ко уязви́хся Твое́ю любо́вию аз,/ не отлучи́ мене́, Женише́ Небе́сный./ Тоя моли́твами/ низпосли́ нам, Всеси́льне Спа́се, ми́лости Твой.

---

Седальны

Глас 8:

Крове́й твои́х струя́ми, му́ченице Христо́ва,/ пото́п нечести́вым при́сно де́йствуеши, всехва́льная,/ ту́чами же благода́ти слове́сныя ни́вы напая́ющи всегда́,/ в ни́хже возраща́еши клас ве́ры./ Тем пресла́вно и по сме́рти/ яви́лася еси́ о́блак, источа́ющий жи́зни свиде́тельство,/ страстоте́рпице всехва́льная,/ моли́ся Христу́ Бо́гу согреше́ний оставле́ние дарова́ти/ чту́щим любо́вию святу́ю па́мять твою́.

---

Светильны

И смерть претерпе́вши о Бо́зе Жи́вем,/ жива́ пребыва́еши, всехва́льная Евфи́мие,/ и Того́ сви́ток во объя́тиих твои́х содержа́щи,/ была́ еси́ предсто́лпие правосла́вных,/ ве́рно твою́ соверша́ющих/ честну́ю и боже́ственную и всесвяще́нную па́мять.

---

Каноны

Кано́н святы́я, глас 8 (основной)

---

Житие