09-18 Преподобныя и благове́рныя ма́тере на́шея, княжны́ Евфроси́нии Су́ждальския

Преподобныя и благове́рныя ма́тере на́шея, княжны́ Евфроси́нии Су́ждальския

Краткое наименование:

09-18 Преподобныя и благове́рныя ма́тере на́шея, княжны́ Евфроси́нии Су́ждальския

Минея. Дата 2024-10-01 (18 сентября по ст. стилю)

Знак типикона: Полиелейный
Праздник: святого

---

Чтения

На Утрени:

Апостол:

Евангелие:

---

Прокимен

Прокимен, глас :
Стих:

---

Аллилуарий

Аллилуарий, глас :
Стих:

---

Причастен

---

Тропари

Глас 8:

В тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́/ и, де́ющи, учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней./ Те́мже и со А́нгелы сра́дуется, преподо́бная Евфроси́ние, дух твой.

Глас 4:

Свята́я твоя́ па́мять/ Су́ждальскую страну́ весели́т,/ ве́рныя же вся созыва́ет во всечестны́й храм твой,/ иде́же ны́не соверша́ется всесла́вная па́мять твоя́,/ Евфроси́ние преподо́бная,/ моли́ Христа́ Бо́га,// спасти́ся душа́м на́шим.

---

Кондаки

Глас 2:

Де́вства чи́стый сосу́д/ еле́ем моли́твы и любве́ испо́лнивши,/ неугаси́мый свети́льник в се́рдце свое́м возжгла́ еси́, преподо́бная,/ с ни́мже бо́дренно в сре́тение Небе́снаго Жениха́ изше́дши,/ в черто́г Того́ пресве́тлый прия́та была́ еси́,/ иде́же ны́не водворя́ющися с ли́ки А́нгелов и святы́х,/ моли́ся, мо́лимся, Христу́ Бо́гу,// ча́сти дев юро́дивых изба́витися нам.

Икос: Де́вство возлюби́вши, сохране́ния того́ испроси́ла еси́ у Присноде́вы/ и, к земно́му ше́ствующи жениху́, Небе́снаго сре́тила еси́,/ Ему́же уневе́стившися, вся жите́йская оста́вила еси́/ и, притру́дное соверша́вши по́стническое житие́,/ в небе́сный черто́г прия́та бы́ти сподо́билася еси́,/ иде́же ны́не с ли́ки А́нгелов и святы́х водворя́ющися, моли́ Христа́ Бо́га/ сотвори́ти и нас прича́стники блаженныя ча́сти твоея́.

Глас 6:

Женише́ мой Сладча́йший,/ Христу́ взыва́ше прекра́сная Евфроси́ния,/ и́бо сла́дость любве́ Твоея́ ду́шу ми наде́ждею впери́/ и красота́ ми́лости Твоея́ се́рдце ми услади́,/ сопотруди́тися страда́нии по Тебе́,/ иму́щи на Тя наде́жду,/ да досто́йну мя сотвори́ши черто́га с му́дрыми де́вами/ и ликовствова́ти у тебе́ причти́мся./ Те́мже, преподо́бная,/ почита́юще по́двиг трудо́в твои́х, мо́лим тя:// моли́ не зазри́тися15 и нам черто́гу две́ри.

Икос:

Глас 8:

Де́вства чистото́ю возжегла́ еси́ свещу́ своего́ ра́зума/ и просвети́ла еси́ душе́вную чистоту́,/ поще́нием же и бде́нием плоть порабо́тила еси́ ду́ху,/ те́мже, преподо́бная Евфроси́ние,/ почита́юще по́двиги трудо́в твои́х, мо́лимся:// моли́ Христа́ Бо́га спасти́ся душа́м на́шим.

Икос:

---

Стихиры на "Господи, возвах"

Глас 2:

Прииди́те, ве́рнии,/ пе́сньми почти́м пречу́дную Евфроси́нию,/ при́сную о нас к Бо́гу моли́твенницу,/ усе́рдно взыва́юще:/ ра́дуйся, страны́ Росси́йския ве́рное охране́ние,/ гра́да на́шего ве́рный покро́ве/ и всем Христиа́ном ско́рое вспоможе́ние и заступле́ние.

Пресла́вная Евфроси́ние,/ Престо́лу предстоя́щи Вседержи́теля,/ при́зри на нас, с любо́вию па́мять твою́ соверша́ющих,/ и ми́лостивно приими́ хвале́бная на́ша тебе́ песнопе́ния,/ ми́лостивным о́ком всегда́ взира́ти на нас сотвори́/ Влады́ку на́шего и Го́спода.

Весь град и вся страна́,/ ны́не сте́кшеся в храм твой,/ те́плая к тебе́ обраща́ют сердца́,/ ча́юще твои́ми моли́твами получи́ти грехо́в оставле́ние,/ в доброде́телех преспе́яние,/ вре́менное благоде́нствие и ве́чное спасе́ние./ Ты же, я́ко ми́лостивая ма́ти,/ собо́р сей пра́зднственный ра́достно прие́млющи,/ ра́дости испо́лни сердца́ на́ша,/ я́ко ра́дости тезоимени́тая.

Терпя́щи ны́нешняя му́жественне, веселя́щися бу́дущим,/ ко всем глаго́лаше, преподо́бная Евфроси́ние:/ еда́ у́бо ту́не подвиза́емся, но ве́чнаго живота́ ча́юще получи́ти,/ лю́ты ско́рби, но сла́док рай,/ боле́зненни труди́, но присносу́щно восприя́тие ве́чнаго живота́;/ не облени́мся у́бо, о по́стницы, ма́ло претерпи́м,/ да венцы́ нетле́нными увязе́мся от Христа́ Бо́га/ и Спа́са душа́м на́шим.

Зря́щи я́ко наслажде́ние ско́рби,/ ше́ствующи те́сным путе́м,/ к учени́цам си́це глаго́лаше, преблаже́нная Евфроси́ние:/ не устраши́мся по́двига по́стнаго,/ да стра́шнаго гее́нскаго огня́ избе́гнем,/ согбе́ны бу́дут ру́це, да возде́ютжеся к Не́бу,/ но́зе же утверже́не на моли́тве предстоя́ти,/ не пощади́м естества́ тле́ннаго, изво́лим по́двиг,/ да венцы́ побе́дными увязе́мся от Христа́/ и Спа́са душа́м на́шим.

Отве́ргши тле́нныя ри́зы,/ хожда́ше в зи́му без те́плы оде́жды, я́коже в ле́то,/ глаго́лаше, терпели́вая Евфроси́ние:/ за рай, и́же погуби́хом,/ ри́зы мя́гкия ны́не отлага́ем,/ грехо́м иногда́ преступле́ния оде́яхомся,/ совлеце́мся ны́не ра́ди нетле́нных риз,/ небреже́м, о по́стницы, о зиме́ преходя́щей, плоть изнури́м,/ да венцы́ побе́дными увязе́мся от Христа́ Бо́га// и Спа́са душа́м на́шим.

Всечестна́я ра́ка моще́й твои́х,/ преподо́бная ма́ти Евфроси́ние,/ яви́ся я́ко второ́е со́лнце, е́же во гра́де Су́здале,/ сия́ющи чудесы́ оби́льно,/ но всех нас помина́й, почита́ющих па́мять твою́,/ и моли́ся Христу́ Бо́гу/ пода́ти одоле́ние правосла́вным лю́дем на́шим на пога́ныя// и спаси́ ду́ши на́ша.

Преподо́бная и всехва́льная ма́ти,/ я́ко со́лнце возсия́ла еси́ в стране́ на́шей,/ оби́льно источа́ющи исцеле́ния/ и всех привлека́ющи к че́ствованию и́мене твоего́./ Те́мже и ны́не, собра́вшеся в храм сей,/ ублажа́ем тя, преподо́бная, и мо́лимся:// моли́ спасти́ся душа́м на́шим.

---

Стихиры на стиховне

Глас 8:

В боле́знех по́стнических терпя́щи,/ прия́ла еси́ благода́ть/ душе́вныя боле́зни очища́ти ми́лостивно, чи́стая,/ ду́хом прогони́ти ду́хи/ и всем предста́тельствовати,/ те́мже твои́ми моли́твами проси́ всем исцеле́ния,/ преподо́бная Евфроси́ние,/ и ве́лию ми́лость.

Стих: Восхва́лятся преподо́бнии во сла́ве// и возра́дуются на ло́жах свои́х.

Ты, всеблаже́нная Евфроси́ние,/ источа́вши слепы́м прозре́ние/ и всем боля́щим исцеле́ние,/ приходя́щим ве́рою,/ прося́щим посеще́ния твоего́,/ преподо́бная и досточу́дная,/ те́мже твои́ми моли́твами/ испроси́ нам ве́лию ми́лость.

Стих: Ди́вен Бог во святы́х Свои́х,/ Бог Изра́илев.

Богоблаже́нная Евфроси́ние,/ ми́лование стяжа́ла еси́,/ ве́ру же Правосла́вную и любо́вь, я́же к Бо́гу, всечу́дная,/ о́браз же бысть всем доброде́телем духо́вным,/ те́мже Бо́жия благода́ть духо́вная в тебе́ препочи́ла есть, всеблаже́нная,// сохраня́й ве́рою тя блажа́щих.

Одесну́ю Спа́са,/ я́коже пое́т Дави́д,/ предста́ цари́ца, твоя́ душа́,/ боле́зньми по́двиг испещре́на, я́ко ря́сны златы́ми/ и же́ртву себе́ предста́вила еси́ Го́сподеви своему́,/ Евфроси́ние преподо́бная,/ сле́зными же пото́ки вся боле́зни бесо́вския потопи́ла еси́,/ иму́щи о всем себе́ Помо́щницу Цари́цу и Богоро́дицу./ Тем и Христо́с да́ром чуде́с обогати́ тя,/ но, иму́щи дерзнове́ние, всечу́дная, ко Ще́дрому Бо́гу,/ испроси́ богохрани́мей стране́ на́шей на неве́рныя одоле́ние/ и утвержде́ние Правосла́вныя ве́ры,// и душа́м на́шим ве́лию ми́лость.

---

Стихиры на хвалитех

Глас 1:

Прииди́те, ве́рнии, с ве́рою к преподо́бней,/ хвале́бныя ей пе́сни вознесе́м, веселя́щеся,/ да моли́твами ея́ от страсте́й и бед// избавле́ние прии́мем.

Поще́ния труд восприи́мши/ и непреста́нныя моли́твы свети́льник возже́гши в се́рдце свое́м,/ в све́тлыя оби́тели ра́йския всели́лася еси́, блаже́нная,/ в ни́хже и нам доспе́ти/ сподо́би хода́тайством твои́м.

Те́сным путе́м ше́ствовавши,/ широты́ ра́йския дости́гла еси́,/ Евфроси́ние досточу́дная,/ иде́же ны́не дре́ва живо́тнаго причаща́ющися,/ моли́ Человеколю́бца Бо́га/ десна́го сподо́битися стоя́ния и нам/ в день Стра́шнаго Суди́ща Христо́ва.

Измла́да себе́ Христу́ Бо́гу преда́вши,/ преподо́бием и пра́вдою украси́лася еси́, преподо́бная,/ и, в ме́ру во́зраста исполне́ния его́ дости́гши,/ вене́ц сла́вы от руки́ Вседержи́теля прия́ла еси́,// Ему́же моли́ся спасти́ся душа́м на́шим.

---

Седальны

Глас 1:

Бде́нии всено́щными, моли́твами непреста́нными и до́лгими поще́нии/ плоть свою́ распе́нши со страстьми́ и похотьми́,/ и́стинно Христо́ва раба́ яви́лася еси́ и нам путь показа́ла еси́,/ и́мже ше́ствующе во след Христа́,/ Ца́рствия Небе́снаго сподобля́емся.

Глас 1:

Бде́нием всено́щным и моли́твами кре́пкими, преблаже́нная Евфроси́ние,/ и безме́рным посто́м плоть смири́ла еси́,/ те́мже прия́ла еси́ исцеле́ний благода́ть,/ уврачу́ющи стра́сти притека́ющим ти си́лою духо́вною.

Глас 2:

Мир презре́вши и себе́ отве́ргшися,/ Христу́ му́жественно после́довала еси́, преподо́бная Евфроси́ние,/ ны́не же по труде́х в Небе́сных оби́телех упокоева́ешися сла́достно,/ иде́же и нам всели́тиея моли́твами твои́ми сотвори́.

Глас 2:

Испо́лнися вся страна́ Су́ждальская благоуха́ния в преставле́нии твое́м, преблаже́нная Евфроси́ние,/ но и са́мая чудеса́ свиде́тельствуют, егда́ пра́зднуется всесвята́я па́мять твоя́:/ хромы́м и разсла́бленным исправле́ние, слепы́м прозре́ние./ Те́мже и нам проси́ грехо́в оставле́ние.

Глас 4:

Неве́сто Христо́ва, Евфроси́ние всеблаже́нная,/ по́стническими по́двиги свои́ми все плотско́е мудрова́ние умертви́вши,/ вся́кими доброде́тельми украси́ла еси́ житие́ твое́/ и к Бо́гу дерзнове́ние стяжа́ла еси́,/ Ему́же приле́жно моли́ся поми́ловатися душа́м на́шим.

Глас 4:

Неве́сто Христо́ва, Евфроси́ние блаже́нная,/ яви́ся по́стническими по́двиги свои́ми светови́дно сия́ющи,/ те́мже с ли́ки, преподо́бная, му́дрых дев сочета́ся,/ с ни́миже ра́дующися, живе́ши в неве́стницех Христо́вех.

Глас 3:

Пасо́ма от Го́спода, я́ко овча́ кро́ткое,/ сопроти́вных полки́ победи́ла еси́ благода́тию Свята́го Ду́ха/ и, сконча́вши му́жественно по́двиг,/ венцы́ побе́дныя прия́ла еси́ в Небе́сных селе́ниих, иде́же упокоева́ющися,/ Бо́га приле́жно моли́ спасти́ся душа́м на́шим.

Глас 3:

Пасо́ма от Го́спода, Сего́ овча́ яви́лася еси́ кро́тко,/ сопроти́вныя полки́ побежда́ющи,/ и, сконча́вши по́двиг боже́ственный свой,/ в Небе́сную огра́ду всели́ся, Евфроси́ние преподо́бная,/ Бо́га приле́жно моля́щи дарова́ти нам ве́лию ми́лость.

---

Светильны

Свети́льник нога́м на́шим бысть житие́ твое́, преподо́бная,/ ему́же после́дующе,/ невече́рняго Све́та безбе́дно дости́гнем.

Богородичен: Све́та Твоего́ заря́ми просвети́, Де́во,/ мрак неве́дения отгоня́ющи,/ благове́рно Богоро́дицу Тя испове́дающих.

Ту́чами слез твои́х о́гненное опале́ние стра́сти попали́ла еси́/ и река́ яви́лася еси́ дарова́ний, наполня́ема Ду́хом.

---

Каноны

Кано́н святы́я, глас 8 (основной)

Ин кано́н святы́я, глас 8 (основной)

---

Житие