11-10 Святы́х апо́стол Ера́ста, Оли́мпа, Родио́на, Сосипа́тра, Куа́рта (Ква́рта) и Те́ртия

Святы́х апо́стол Ера́ста, Оли́мпа, Родио́на, Сосипа́тра, Куа́рта (Ква́рта) и Те́ртия

Краткое наименование:

11-10 Святы́х апо́стол Ера́ста, Оли́мпа, Родио́на, Сосипа́тра, Куа́рта (Ква́рта) и Те́ртия

Минея. Дата 2024-11-23 (10 ноября по ст. стилю)

Знак типикона: Вседневный
Праздник: святого

---

Чтения

На Утрени:

Апостол:

Евангелие:

---

Прокимен

Прокимен, глас :
Стих:

---

Аллилуарий

Аллилуарий, глас :
Стих:

---

Причастен

---

Тропари

Глас 3:

Апо́столи святи́и,/ моли́те ми́лостиваго Бо́га,/ да прегреше́ний оставле́ние/ пода́ст душа́м на́шим.

---

Кондаки

Глас 4:

Яви́ся днесь апо́стол честно́е торжество́,/ подаю́щее я́ве103 всем прегреше́ний оставле́ние,/ соверша́ющим их па́мять.

Икос:

Глас 2:

Боже́ственным све́том ум озари́вше,/ вити́йская плете́ния му́дре разори́сте,/ и язы́ки вся улови́вше, апо́столи сла́внии,/ Влады́це приведо́сте,/ Тро́ицу Боже́ственную сла́вити науча́юще.

Икос: Я́ко ученицы́ всех Влады́ки,/ мре́жею, Богови́дцы, ва́ших моли́тв/ из глубины́ прегреше́ний извлецы́те смире́нную ду́шу мою́,/ сетьми́ уловле́ную де́монских ко́зней,/ да до́бре преше́д про́чее вре́мя живота́ моего́,/ пою́ вас любо́вию/ и просла́влю житие́ ва́ше непоро́чное,/ е́же на земли́ соверши́сте,/ лю́те омраче́нныя просвети́вше,/ Тро́ицу Боже́ственную сла́вити науча́юще.

---

Стихиры на "Господи, возвах"

Глас 1:

Ми́ра исполне́ния, я́ко орли́ крила́тии,/ пресве́тло преходя́ще, священнопропове́дницы,/ уловле́ныя от злоде́я привлеко́сте к ве́ре непоро́чней./ Тем моли́теся дарова́ти душа́м на́шим/ мир и ве́лию ми́лость.

Те́ртия и Сосипа́тра гла́сы свяще́нными почти́м,/ и Оли́мпа, и Родио́на,/ и с си́ми Ера́ста священнотаи́нника,/ и Боже́ственнаго Куа́рта,/ сла́вящия Христа́ Бо́га на́шего/ и моля́щия Его́ дарова́ти душа́м на́шим/ мир и ве́лию милость.

Язы́ки приведо́сте Христу́ Бо́гу, блаже́ннии,/ изба́влены Кро́вию Благоволи́вшаго на земли́ роди́тися/ и Крест и смерть претерпе́вшаго во́лею, всему́дрии./ Его́же ны́не моли́те/ дарова́ти душа́м на́шим/ мир и ве́лию ми́лость.

Богородичен,

Всепе́тая Влады́чице,/ наде́жде ве́рных и утвержде́ние,/ прибе́жище и по́мощь,/ Тя мо́лим: от вся́кия беды́ рабы́ Твоя́ сохрани́,/ ве́рою покланя́ющияся Рождеству́ Твоему́./ Его́же моли́ дарова́ти душа́м на́шим/ мир и ве́лию ми́лость.

Крестобогородичен,

Своего́ А́гнца А́гница и непоро́чная Влады́чица/ на Кресте́ я́ко ви́девши,/ ви́да не иму́ща, ниже́ добро́ты,/ увы́ Мне, рыда́ющи, глаго́лаше:/ где добро́та Твоя́ за́йде, Сладча́йший?/ Где благоле́пие?/ Где благода́ть блиста́ющая о́браза Твоего́,/ Сы́не Мой любе́знейший?

---

Стихиры на стиховне

---

Стихиры на хвалитех

---

Седальны

Глас 1:

Ера́ста и Оли́мпа, Сосипа́тра и Те́ртия,/ Родио́на купно и Куа́рта память согла́сно почти́м, к ним воспева́юще:/ Боже́ственнии пропове́дателие и слуги́ Сло́ва,/ ду́ши на́ша ве́чнующия му́ки моли́твами ва́шими изба́вите.

---

Светильны

Све́тлая прия́телища Ду́ха Свята́го,/ пресве́тлыя зари́ невече́рняго дне,/ светода́тельная мо́лния, апо́столы, в пе́снех ве́рно просла́вим вси.

Богородичен: Тя Засту́пницу вси и́мамы, гре́шнии, о Пресвята́я Де́во!/ Ты благоуве́тлива нам соде́лай Сы́на Твоего́/ ма́терними Твои́ми мольба́ми.

---

Каноны

Канон святых, глас 1 (основной)

---

Житие