12-07 Преподо́бнаго отца́ на́шего Ни́ла, и́же на е́зере Селигере, на о́строве, зово́мом Столобно́е

Преподо́бнаго отца́ на́шего Ни́ла, и́же на е́зере Селигере, на о́строве, зово́мом Столобно́е

Краткое наименование:

12-07 Преподо́бнаго отца́ на́шего Ни́ла, и́же на е́зере Селигере, на о́строве, зово́мом Столобно́е

Минея. Дата 2024-12-20 (07 декабря по ст. стилю)

Знак типикона: Шестеричный
Праздник: святого

---

Чтения

На Утрени:

Апостол: 2Кор.4:6-15

Евангелие: Лк.6:17-23

---

Прокимен

Прокимен, глас :
Стих:

---

Аллилуарий

Аллилуарий, глас :
Стих:

---

Причастен

---

Тропари

Глас 4:

Я́ко свети́льник всесве́тел,/ яви́лся еси́ во о́строве Селиге́ра е́зера,/ преподо́бне о́тче Ни́ле,/ ты бо, крест Христо́в от ю́ности свое́й на ра́мо взем,/ усе́рдно тому́ после́довал еси́,/ чистото́ю Бо́гови прибли́жився,/ отону́дуже и чуде́с дарова́нием обогати́лся еси́./ Тем и мы, притека́юще к ра́це моще́й твои́х, уми́льно глаго́лем:/ о́тче преподо́бне,/ моли́ Христа́ Бо́га/ спасти́ся душа́м на́шим.

---

Кондаки

Глас 8:

Оте́чества, преподо́бне, удали́вся,/ в пусты́ню всели́лся еси́,/ и, на о́стров Селиге́ра е́зера возше́д,/ жесто́ко житие́ показа́л еси́,/ и, мно́гих доброде́тельми удиви́в,/ дарова́ния чуде́с от Христа́ прия́л еси́./ Помина́й нас, чту́щих па́мять твою́, да зове́м ти:/ ра́дуйся, Ни́ле, о́тче наш.

Икос: Возлюби́в, преподо́бне, Христо́вы Боже́ственныя за́поведи/ и возненави́дев ми́ра сего́ наслажде́ние,/ прите́кл еси́ усе́рдно к тому́/ и был еси́ свети́льник, просвеща́яй концы́ блиста́нием духо́вным./ Тем, припа́дая, молю́ тя:/ просвети́ ми о́чи серде́чныя воспе́ти твоя́ по́двиги,/ поще́ние, бде́ние, сле́зы, боле́зни, изнуре́ние те́ла/ блаже́нный ра́ди бу́дущия жи́зни,/ ея́же ны́не наслажда́лся, моли́ непреста́нно о всех нас.

---

Стихиры на "Господи, возвах"

Глас 4:

В пусты́ню дости́гл еси́,/ преблаги́м Бо́гом наставля́емь, преподо́бне о́тче Ни́ле,/ я́ко дре́во, при вода́х насажде́н,/ день и нощь поуча́яся в зако́не Госпо́дни,/ плоды́ воздержа́ния принеся́ еси́ Всесвяте́й Тро́ице,/ ю́же, преподо́бне, моли́/ ве́рою притека́ющим к ра́це моще́й твои́х/ благода́ть исцеле́ния дарова́ти,/ и спасти́, и просвети́ти ду́ши на́ша.

В пусты́ню всели́вся,/ преблаги́м Христо́м Бо́гом наставля́емь,/ преподо́бне о́тче Ни́ле,/ в не́йже, я́ко дре́во при вода́х, насади́вся/ и в зако́не Госпо́дни поучи́вся день и нощь,/ плоды́ духо́вныя принеся́ еси́ Христу́ Бо́гу./ его́же моли́ о притека́ющих с ве́рою к ра́це моще́й твои́х/ благода́ть исцеле́ний дарова́ти,/ и спасти́, и просвети́ти ду́ши́ на́ша.

В пусты́ню водвори́лся еси́/ благода́тию Христа́ Бо́га,/ преблаже́нне о́тче Ни́ле,/ в не́йже, я́ко лоза́ бла́гопло́дная,/ при вода́х насажде́н еси́,/ плоды́ Христу́ Бо́гу принося́/ и к жи́зни ве́чней/ наставля́я ве́рою пра́зднующих честну́ю па́мять твою́,/ моли́ Христа́ Бо́га/ от тли и бед изба́витися нам,/ и спасти́, и просвети́ти ду́ши́ на́ша.

Преподо́бне о́тче Ни́ле,/ ты в зако́не Госпо́дни день и нощь поучи́вся,/ досто́ин быв дре́ва живо́тнаго ветвь бы́ти,/ и плод твой страда́ньми и венцы́ процвете́,/ дерзнове́ние име́я к Подвигополо́жнику Христу́ Бо́гу,/ проси́ и нам очище́ния грехо́в и ве́лия ми́лости.

---

Стихиры на стиховне

Глас 8:

Преподо́бне и Богоно́се о́тче наш Ни́ле,/ ты от ю́ности отве́рглся еси́ ми́ра и сро́дник свои́х/ и прия́л еси́ о́браз А́нгельский и́ноческаго жития́/ во оби́тели свята́го апо́стола и Евангели́ста Иоа́нна Богосло́ва/ и преподо́бнаго отца́ на́шего Са́ввы, и́же в Кри́пцах,/ и в ней подвиза́вся смире́нием и послуша́нием,/ я́ко до́брый во́ин Христо́в./ того́ о нас моли́, преподо́бне, со святы́ми си́ми/ пода́ти грехо́в оставле́ние/ и душа́м на́шим ве́лию ми́лость.

Стих: Честна́ пред Го́сподем/ смерть преподо́бных Его́.

Преподо́бне и равноа́нгельне о́тче наш Ни́ле,/ ты, от ю́ности Христа́ возлюби́в,/ и ле́гкое и́го его́ на ся восприя́л еси́,/ и невозвра́тным по́мыслом после́довал еси́ стопа́м Влады́ки своего́,/ и прия́л еси́ от него́ трудо́м свои́м воздая́ния,/ е́же с Ним пребыва́ние, и со а́нгелы ликова́ние,/ и со все́ми святы́ми ра́дование;/ того́ моли́ о нас, преподо́бне,/ пода́ти грехо́в проще́ние/ и душа́м на́шим ве́лию ми́лость.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Преподо́бне и Богому́дре о́тче наш Ни́ле,/ ты Христа́ ра́ди от ю́ности в пусты́ню всели́лся еси́,/ и в ней, я́ко безпло́тен, на стра́сти плотски́я подвиза́лся еси́/ посто́м, и моли́твою, и святы́м смире́нием,/ и нача́льника зло́бы, врага́,/ с кова́рствы его́ до конца́ низложи́л еси́,/ и ны́не, преподо́бне, предстоя́ у Престо́ла всех Царя́,/ моли́ся о почита́ющих свяще́нную и многора́достную па́мять твою́/ пода́ти грехо́в оставле́ние/ и душа́м на́шим ве́лию ми́лость.

Мона́хов мно́жества,/ наста́вника тя почита́ем, о́тче наш Ни́ле:/ твое́ю бо стезе́ю вои́стинну пра́во ходи́ти позна́хом./ Блаже́н еси́, Христу́ рабо́тав,/ и вра́жию обличи́л еси́ си́лу,/ а́нгелов собесе́дниче, преподо́бных соприча́стниче и пра́ведных;/ с ни́миже моли́ся Го́споду/ поми́ловатися душа́м на́шим.

---

Стихиры на хвалитех

Глас 4:

Светле́йши со́лнца просия́/ всепра́зднственная па́мять твоя́, преподо́бне,/ луча́ми блиста́ющи твои́х доброде́тельных дея́ний/ и озаря́ющи ве́рных чу́вства/ све́том чуде́с твои́х;/ сию́ у́бо пра́зднующе,/ ра́достно тя восхваля́ем и ве́рно ублажа́ем.

Я́коже А́нгел, на земли́ пожи́л еси́,/ воздержа́нием те́ло твое́ увяди́в, сла́вне,/ бде́нием же и па́мятию сме́ртною/ к верхо́вному Богомы́слию возше́л еси́./ Тем и прибли́жился еси́ к Само́му́ Краеуго́льному Ка́меню–Христу́, Бо́гу на́шему.

Стра́сти теле́сныя/ приле́жным моле́нием к Бо́гу/ и воздержа́нием укроти́л еси́,/ зми́я льсти́ваго сле́зными пото́ки умертви́л еси́,/ о́тче преподо́бне,/ и угоди́л еси́ Бо́гу па́че ине́х, досточу́дне;/ тем тя украси́ небе́сными дарова́ньми/ Иису́с Человеколю́бец и Спас душ на́ших.

Преподо́бне о́тче Ни́ле,/ глас Ева́нгельский Госпо́день услы́шав,/ ми́ра оста́вил еси́ красоту́,/ бога́тство и сла́ву нивочто́же вмени́л еси́,/ всем вопия́, глаго́ля:/ возлюби́те Бо́га и обря́щете благода́ть ве́чную, и ничто́же предпочти́те, па́че любве́ его́,/ да егда́ прии́дет во сла́ве Свое́й,/ обря́щете покой со все́ми святы́ми,/ и́хже моли́твами, Христе́,/ сохрани́ и спаси́ ду́ши на́ша.

Богородичен,

Блажи́м Тя, Богоро́дице Де́во,/ и сла́вим Тя, ве́рнии, по до́лгу град непоколеби́мый, сте́ну необори́му,/ тве́рду Предста́тельницу/ и прибе́жище душа́м на́шим.

---

Седальны

Глас 4:

Зва́нию Го́спода своего́ после́довал еси́,/ ми́р оста́вив, и вся, я́же в ми́ре, красова́ния, преблаже́нне Ни́ле,/ претерпе́л еси́ усе́рдно пусты́нное озлобле́ние,/ полки́ же бесо́вския победи́л еси́ му́жески;/ те́мже па́мять твою́ при́сно восхваля́ем пе́сньми ве́рно.

Глас 5:

По́стника Госпо́дня пе́сньми почти́м,/ я́ко умертви́вша вся прило́ги страсте́й/ воздержа́нием тве́рдым и кре́пким терпе́нием вои́стинну,/ и посрами́вша зело́ сопроти́внаго всю горды́ню,/ и ны́не моля́щася Го́сподеви поми́ловатися душа́м на́шим.

Глас 1:

Погре́бл еси́ страсте́й все воста́ние умерщвле́нием пло́ти, свяще́нный о́тче,/ жи́знь безконе́чную по сме́рти прия́л еси́;/ те́мже днесь Христо́ва Це́рковь/ пра́зднует твою́ досточу́днуто па́мять, преподо́бным укра́шение.

Глас 4:

Стра́стное покори́л еси́ плотско́е мудрова́ние/ и ху́ждшее порабо́тил еси́ лу́чшему, о́тче Ни́ле пресла́вне,/ сокруши́л еси́ бесо́вския ко́зни посто́м/ и возсия́л еси́ в ми́ре, я́ко луча́ со́лнечная,/ сия́нии твои́х доброде́телей:/ сего́ ра́ди тя воспева́ем.

---

Светильны

Посто́м тече́ние твое́ соверши́в,/ на Небеса ́возше́л еси́ и Христу́ Бо́гу предстои́ши./ Ни́ле, о́тче преподо́бне,/ за ны моли́ся, те́пле пою́щих тя.

Богородичен: Ра́дость неизрече́нную ро́ждши, Го́спода,/ ра́дости Небе́сныя прича́стников всех нас сотвори́,/ Тебе́ почита́ющих, Пречи́стая, и от души́ вопию́щих Ти:/ не забу́ди Твоя́ рабы́, Благослове́нная Мари́е.

---

Каноны

Свята́го кано́н, глас 4 (основной)

---

Житие