12-22-п Предпра́зднство Рождества́ Христо́ва
Минея. Дата 2026-01-04 (22-п декабря по ст. стилю)
Знак типикона: без службыЧтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Глас 4:Гото́вися, Вифлее́ме,/ отве́рзися всем, Еде́ме,/ красу́йся, Евфра́фо,/ я́ко дре́во живота́ в верте́пе процвете́ от Де́вы:/ рай бо О́ноя чре́во яви́ся мы́сленный,/ в не́мже Боже́ственный сад,/ от него́же я́дше, жи́ви бу́дем,/ не я́коже Ада́м у́мрем./ Христо́с ражда́ется пре́жде па́дший возста́вити о́браз.
Кондаки
Глас 3:Де́ва днесь Преве́чное Сло́во/ в верте́пе гряде́т роди́ти неизрече́нно;/ лику́й, вселе́нная, услы́шавши,/ просла́ви со А́нгелы и па́стырьми хотя́щаго яви́тися/ Отроча́ мла́до, Преве́чнаго Бо́га.
Икос: О, ужа́снаго вои́стинну и па́че сло́ва чудесе́!/ Е́же бы́ти дая́й всем ра́ди бла́гости/ во чре́во Святы́я Де́вы вни́де,/ и в верте́пе роди́тися гряде́т, и в я́слех положи́тися./ Звезда́ же сего́ пропове́дует свы́ше волхво́м,/ иду́щим на поклоне́ние его́ с да́ры, издале́ча привлача́щи,/ со тща́нием после́дующия Валаа́ма прорече́нию, ре́кшаго:/ звезда́ хо́щет провозвести́ти Отроча́ мла́до, Преве́чнаго Бо́га.
Стихиры на "Господи, возвах"
Глас 1:Земля вся, зря́щи/ Бо́жие снизхожде́ние, весели́тся:/ волсви́ да́ры Мне прино́сят,/ Не́бо свы́ше веща́ет звездо́ю,/ А́нгели сла́вят,/ па́стырие, свиря́юще, дивя́тся,/ я́сли подъе́млют,/ я́коже престо́л Мя огнезра́чный./ Ра́дуйся, Ма́ти, сия́ ви́дящи.
Свет во открове́ние язы́ков/ прише́л еси́, обложи́мь Моего́ зра́ка подо́бием,/ Сы́не Мой Безнача́льне,/ Отца́ Пребезнача́льнаго/ несказа́нное рожде́ние,/ обогати́ти бо гряде́ши/ обнища́вшее челове́чество нището́ю,/ е́юже обложи́мь еси́,/ воспева́ю, Го́споди, Твое́ благоутро́бие.
Я́ко Младе́нца Мя зря́щи,/ на Твои́х почива́юща, Ма́ти, дла́нех, возвесели́ся:/ приидо́х бо боле́знь всю отъя́ти Ада́мову,/ ю́же пострада́ зле́йшим сове́том зми́я,/ дре́вле вкуси́в, и сла́дости вне быв ра́йския,/ и растли́вся.
Вифлее́ме, украша́йся,/ воспои́, гра́де Сио́не, ра́дуйся, пусты́не, предобруча́ющи ра́дость:/ звезда́ бо предъи́дет в Вифлее́м,/ возвеща́ющи хотя́щаго роди́тися Христа́,/ и верте́п прие́млет Невмести́маго все́ми,/ и я́сли гото́вятся восприя́ти Жи́знь ве́чную./ тому́ вси воспои́м и возопии́м:/ спаси́ ду́ши на́ша, Иису́се Бо́же,/ воплоти́выйся нас ра́ди.
Стихиры на стиховне
Глас 2:Гряде́т Христо́с/ лука́ваго сокруши́ти,/ су́щия во тьме просвети́ти/ и разреши́ти свя́занныя,/ предусря́щим того́.
Стих: Бог от ю́га прии́дет/ и Святы́й из горы́ приосене́нныя ча́щи.
Лику́й, Сио́не,/ верте́пе, благоукраси́ся,/ Вифлее́ме, гото́вися:/ се бо Де́ва/ роди́ти Христа́ грядет.
Стих: Го́споди, услы́шах слух Твой и убоя́хся;/ Го́споди, разуме́х дела́ Твоя́ и ужасо́хся.
Воспо́йте, оте́чествия язы́ков,/ хвалу́ и сла́ву,/ волсви́ с да́ры,/ па́стырие, свиря́юще,/ усе́рдно потщи́теся.
Иса́ие, лику́й, Сло́во Бо́жие восприе́м,/ прорцы́ Отрокови́це Мари́и:/ купине́ горе́ти и огне́м не сгара́ти заре́ю Божества́./ Вифлее́ме, благоукраси́ся,/ отве́рзи врата́, Еде́ме,/ и волсви́, иди́те ви́дети спасе́ние, в я́слех повива́емое:/ его́же звезда́ показа́ верху́ верте́па, Жизнода́вца Го́спода,/ спаса́ющаго род наш.
Стихиры на хвалитех
Глас 6:Ны́не дре́вняя разреша́ются явле́ния,/ прия́т бо во утро́бе Де́ва,/ и́бо ка́мень из горы́ отсече́ся,/ и жезл прозябе́ Иессе́ев,/ и роса́ ны́не Гедео́нова на земли́ пролия́ся./ Лю́дие, возопие́м:/ Царь Изра́илев, Христо́с прихо́дит.
Стра́ннаго Рождества́ стра́нны вещи ви́дятся:/ ка́ко в Вы́шних Отцу́ соседя́й/ в я́слех безслове́сных, восхоте́в, восклоня́ется?/ ка́ко Неосяза́емый в пелена́х?/ ка́ко везде́ Сый в верте́пе?/ Лю́дие, возопие́м:/ Царь Изра́илев, Христо́с прихо́дит.
И́же чудеса́ Творя́й,/ и Еги́пта уязвля́я,/ одождя́я лю́дем неразу́мным ма́нну,/ воплоща́ется и млеко́м пита́ется,/ и Отроча́ зри́мо бе́гает гони́теля И́рода,/ я́ко на о́блаце, Де́вою Ма́терию носи́мь,/ я́ко Иса́ия прозре́ Богови́днейший.
Отроча́, пре́жде Сый Царь веко́в,/ ражда́ется во́льно,/ и Сын нам даде́ся,/ услы́шите, язы́цы, Изра́илю, внуши́./ Разуме́йте и покаря́йтеся:/ с на́ми бо, И́же истни́т и разори́т от земли́/ вся́кое и ца́рство, и нача́льство, и́же его́ не послуша́ша.
Жезло́м желе́зным упасе́н бу́деши, иуде́е,/ я́ко не покори́выйся и проро́ком не ве́руяй:/ Сы́ну бо ро́ждшуся Оте́ц насле́дие дае́т язы́ки/ и одержа́ние земли́ всея́,/ тебе́ же отри́нет скверноуби́й ственне,/ вопи́ти бо не повину́ешися:/ Царь Изра́илев, Христо́с прихо́дит.
Взыгра́й, Дави́де,/ из чресл бо твои́х Христо́с;/ ра́дуйся, Иессе́е,/ процвете́ бо ко́рень твой;/ от бедра́ твоего́, Иу́до, прихо́дит Госпо́дь,/ по прорече́нию Валаа́мову./ Ви́дите, язы́цы, по вели́кому Иса́ии:/ се роди́т Отроча́ Емману́ила/ Де́ва Всечи́стая.
Седальны
Глас 1:Просвети́ся тварь,/ Зижди́тель бо предгряде́т роди́тися в верте́пе за неизрече́нную ми́лость./ Па́стырие, сря́щите со тща́нием, зря́ще чу́до стра́шно./ Прииди́те, волсви́, да́ры рука́ми держа́ще и глаго́люще:/ сла́ва рожде́нному Царю́,/ сла́ва путево́дствовавшему ны./ Сему́, я́ко Царю́ всех, поклони́мся пло́тию.
Глас 6:Из Перси́ды ца́рие зла́то, сми́рну и лива́н рожде́нному Царю́ и Бо́гу принесо́ша дре́вле,/ мы же ны́не, предпра́зднующе Рождество́ его́,/ благочестному́дренне от души́ наде́жду, ве́ру и любо́вь принесе́м ему́,/ Де́ву пою́ще.
Глас 8:Рождества́ Христо́ва предпра́зднственная соверша́юще,/ ве́рнии, торжеству́им и досто́йне вси предусря́щим,/ я́ко волсви́, даронося́ще доброде́тели, воспе́ти а́нгельскую песнь но́вую/ от Де́вы Богоотрокови́цы в Вифлее́ме без се́мене ро́ждшемуся Бо́гу на́шему,/ Его́же славосло́вят вся́ческая.
Светильны
Да ра́дуется Не́бо, и земля́ да весели́тся./ Верте́пе, просвети́ся,/ я́сли же, подъими́те Созда́вшаго челове́ка руко́ю я́ко Младе́нца, ражда́ющася от Де́вы./ А́нгелов мно́жество, возопи́йте ясно:/ сла́ва Бо́гу в Вы́шних.
Каноны
Кано́н предпра́зднства, глас 6 (основной)