21 Глас 2, понедельник

Глас 2, понедельник

Краткое наименование:

Вернуться назад

Октоих. Глас 2, Понедельник

Знак типикона: Вседневный
Праздник: святого


Чтения

На Утрени:

Апостол:

Евангелие:


Прокимен

Прокимен, глас :
Стих:


Аллилуарий

Аллилуарий, глас :
Стих:


Причастен


Тропари


Кондаки


Стихиры на "Господи, возвах"

Глас 2:

Име́яй благоутро́бия исто́чник, источа́яй же бе́здны ми́лостей, и пото́ки щедро́т, О́тче преблаги́й, и Сы́не, Сло́во О́тчее: и Ду́ше Святы́й, несозда́нное естество́, приими́ моле́ние и моли́тву на́шу, все́м в прегреше́ниих су́щым подая́ проще́ние, я́ко Бо́г Ще́др и Человеколю́бец.

И́маши по естеству́ я́ко Бо́г, утро́бу щедро́т, и ми́лости и благосты́ни: те́мже мо́лим Тя́, Христе́ Спа́се на́ш, и припа́дающе зове́м, при́сно ти́ вопию́ще: да́руй рабо́м Твои́м прегреше́ний мно́гих разреше́ние и проще́ние все́х, и́хже согреши́хом вси́, я́ко Бо́г Ще́др и Человеколю́бец.

Спасти́ хотя́ Спа́се все́х, я́ко Бо́г, и́хже ра́ди вочелове́чився, и яви́лся еси́ челове́к, спаси́ на́с покланя́ющихся твои́м за́поведем. Не прише́л бо еси́, Человеколю́бче, пра́ведники спасти́: но и́же в прегреше́ниих окова́нных на́с мно́гими грехи́, разреши́ти благода́тию креще́ния Боже́ственнаго, я́ко Бо́г Ще́др и Человеколю́бец.

Престо́ли, Херуви́ми и Серафи́ми: госпо́дьствия же и си́лы, и вла́сти честны́я: А́нгели, Арха́нгели и Нача́ла с ни́ми: те́х нетле́нное естество́ соста́вльшему: пе́снь непреста́нную согла́сно пою́т, еди́но в Тро́ице существо́ вся́ науча́юще чести́, сра́слено, единоче́стно и сопресто́льно.

Пе́рвии невеще́ственных ли́цы, богонача́льствия зари́, нехода́тайственными сия́ньми подъе́млюще, по чи́ну и́х про́чым преподава́ют Боже́ственныя све́тлости: и прино́сят на́м сия́ любо́вным зако́ном, по достоя́нию та́кожде, к серде́чней кому́ждо чистоте́ с прилежа́нием.

Горе́ к высоте́, души́ горе́ серде́чное о́ко, и у́мная стремле́ния, любо́вию Боже́ственною иму́ще, в душа́х свои́х простира́ем всегда́: я́ко да и́же отту́ду луча́ми облиста́еми, убе́гнем тьмы́ страсте́й, ча́юще со а́нгелы предста́ти стра́шному престо́лу Зижди́теля, и преобрази́тися от све́та во све́т.

Богородичен,

Мно́жество А́нгел Сы́на Твоего́, Пречи́стая, воспева́ют трисвяты́ми гла́сы, я́ко престо́л Тя́ того́ су́щую огнезра́чен, и пала́ту одушевле́нную, мо́ст Боже́ственный, и́же от земли́ преводя́щи всегда́ к нему́: ра́дуйся обра́дованная, вопию́ще Ти́ согла́сно со Арха́нгелом Гаврии́лом, я́ко ро́ждшей исто́чника ра́дости.


Стихиры на стиховне

Глас 2:

Согреши́х Ти́, Христе́ Спа́се, я́ко блу́дный сы́н: приими́ мя, Отче, ка́ющася и поми́луй мя́, Бо́же.

Стих: К Тебе́ возведо́х о́чи мои́ живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дрит ны́.

Вопию́ Ти, Христе́ Спа́се, мытаре́вым гла́сом: очи́сти мя́ я́коже о́наго, и поми́луй мя́, Бо́же.

Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих и уничиже́ния го́рдых.

И́же земны́я сла́дости не возлю́бльше страстоте́рпцы, небе́сным благи́м сподо́бишася, и а́нгелом согра́ждане бы́ша: Го́споди, моли́твами и́х поми́луй, и спаси́ на́с.

Богородичен,

Ра́дуйся, Мари́е Богоро́дице, хра́ме неразруши́мый, па́че же святы́й, я́коже вопие́т проро́к: свя́т хра́м Тво́й, ди́вен в пра́вде.


Стихиры на хвалитех


Седальны

Глас 2:

Я́ко во́лны морски́я воста́ша на мя́ беззако́ния моя́, и я́ко кора́бль в пучи́не, а́з еди́н погружа́юся согреше́ньми мно́гими: но в ти́хое приста́нище покая́ния наста́ви мя́, Го́споди, и спаси́ мя.

Глас 2:

Поми́луй мя́, рече́ Дави́д: и а́з Тебе́ зову́: согреши́х, Спа́се, моя́ грехи́ покая́нием очи́сти, и поми́луй мя́.

Глас 2:

В неве́дении и ра́зуме согреша́я, в нощи́ и во дни́, Тебе́, Христе́, прогне́ваю, еди́н на земли́ беззако́нии мои́ми: еди́не благи́й безгре́шне, обрати́ и спаси́ мя мольба́ми А́нгел Твои́х, прише́дый милосе́рдием гре́шныя призва́ти на покая́ние.


Светильны


Каноны

Канон, творение кир Иосифа, глас 2 (основной)

Други́й кано́н святы́м небе́сным безпло́тным а́нгелом. Творе́ние Феофа́на, глас 2 (основной)


Житие