Глас 2, суббота
Краткое наименование:Вернуться назад
Октоих. Глас 2, Суббота
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Кондаки
Стихиры на "Господи, возвах"
Глас 2:Пло́ть предаю́ще ра́нам и горча́йшыя му́ки терпя́ще, и ну́жную сме́рть му́ченицы всехва́льнии, и мучи́телей посрами́сте, и че́сти и́дольския вои́стинну потреби́ли есте́, Христа́ пропове́дающе Еди́наго Бо́га и Влады́ку: Ему́же со а́нгельскими ли́ки, венцено́сцы сла́внии, предстоите́.
Сло́ва я́вльшагося на земли́, пропове́дницы яви́стеся Боже́ственнии, и благоче́стию все́х научи́сте, и правосла́вное Боже́ственных слове́с изло́жше, и́миже е́ресь дале́че отгна́сте от Це́ркве Христо́вы. Те́мже во оби́тели при́сно живу́щыя, я́ко священноде́йственницы Тро́ицы, все́х введи́те, блаже́ннии.
И́же земны́я сла́сти не возлюби́вше страстоте́рпцы, Небе́сным благи́м сподо́бишася, и А́нгелом согра́ждане бы́ша: Го́споди, моли́твами и́х поми́луй, и спаси́ на́с.
Святы́м му́чеником моля́щымся о на́с, и Христа́ пою́щым, вся́ка пре́лесть преста́, и челове́ческий ро́д ве́рою спаса́ется.
Ли́цы му́ченичестии проти́вишася мучи́телем, глаго́люще: мы́ во́инствуем Царю́ Си́лам: а́ще и огню́ и му́кам предадите́ на́с, не отмета́емся Тро́ическия си́лы.
Богородичен,Пре́йде се́нь зако́нная, благода́ти прише́дши: я́коже бо купина́ не сгара́ше опаля́ема, та́ко Де́ва родила́ еси́, и Де́ва пребыла́ еси́. Вме́сто столпа́ о́гненнаго, пра́ведное возсия́ Со́лнце: вме́сто Моисе́а, Христо́с, спасе́ние ду́ш на́ших.
Стихиры на стиховне
Глас 2:Ве́лия сла́ва, ю́же стяжа́сте святи́и ве́рою: не то́кмо бо в страда́ниих врага́ победи́ли есте́, но и по сме́рти ду́хи прого́ните, неду́жныя исцеля́ете, ду́ш и теле́с вра́чеве: моли́теся ко Го́споду, поми́ловатися душа́м на́шым.
Стих: Блаже́ни, я́же избра́л и прия́л еси́, Го́споди.
Я́ко цве́т увяда́ет, и я́ко се́нь ми́мо гряде́т, и разруша́ется вся́к челове́к: па́ки же глася́щей трубе́, ме́ртвии я́ко в тру́се вси́ воста́нут ко Твоему́ сре́тению, Христе́ Бо́же. Тогда́ Влады́ко, и́хже преста́вил еси́ от на́с, во святы́х твои́х учини́ кро́вех ду́хи ра́б Твои́х.
Стих: Ду́шы и́х во благи́х водворя́тся.
Увы́ мне́, коли́к по́двиг и́мать душа́ разлуча́ющися от телесе́! Увы́ мне́, тогда́ коли́ко слези́т, и не́сть и́же поми́лует ю́! Ко А́нгелом о́чи возводя́щи, безде́льно мо́лится: к челове́ком ру́це простира́ющи, и не и́мать помога́ющаго. Те́мже, возлю́бленная моя́ бра́тие, разуме́вше кра́ткую на́шу жи́знь, преста́вленным поко́я от Христа́ про́сим, и душа́м на́шым ве́лию ми́лость.
Богородичен,Спаси́ от бе́д рабы́ Твоя́, Богоро́дице Де́во, я́ко вси́ по Бо́зе к Тебе́ прибега́ем, я́ко к неруши́мей стене́ и предста́тельству.
Стихиры на хвалитех
Глас 2:По Христе́ пострада́вше да́же до сме́рти, о страстоте́рпцы му́ченицы, ду́шы у́бо и́мате на небесе́х в руце́ Бо́жией, и по ми́ру всему́ почита́еми су́ть мо́щи ва́шя. Святи́телие покланя́ются, и лю́дие вси́, ра́дующеся, согла́сно вопие́м: со́н че́стен пред Го́сподем сме́рть преподо́бных Его́.
Вся́к гра́д и страна́ чту́т мо́щи ва́шя, о страстоно́сцы му́ченицы: вы́ бо зако́нно пострада́вше, венцы́ небе́сныя прия́сте, и сего́ ра́ди святи́телем есте́ похвала́ и Це́рквам благоле́пие.
Кре́ст Христо́в взе́мше святи́и му́ченицы, ору́жие непобеди́мое, всю́ диа́волю си́лу упраздни́ша, и прия́ша венцы́ Небе́сныя, стена́ на́м бы́ша, о на́с при́сно моля́щеся.
Увы́ мне́, коли́к по́двиг и́мать душа́ разлуча́ющися от телесе́! увы́ мне́, тогда́ коли́ко слези́т, и не́сть и́же поми́лует ю́! Ко А́нгелом о́чи возводя́щи, безде́льно мо́лится: к челове́ком ру́це простира́ющи, и не и́мать помога́ющаго. Те́мже возлю́бленная моя́ бра́тие, разуме́вше кра́ткую на́шу жи́знь, преста́вленым поко́я от Христа́ про́сим, и душа́м на́шым ве́лия ми́лости.
Богородичен,Прииди́те, Ма́терь Све́та пе́сньми немо́лчными вси́ просла́вим, та́ бо роди́ спасе́ние на́ше: и ра́дуйся принесе́м, я́ко еди́ной ро́ждшей все́х нача́льнейшаго, и́же пре́жде ве́к Бо́га. Ра́дуйся, я́же Е́ву ро́ждшую па́ки назда́вшая, ра́дуйся Пречи́стая Де́во Неискусобра́чная.
Седальны
Глас 2:Тебе́ одева́ющаго не́бо о́блаки иму́ще святи́и одея́ние в ми́ре, му́ки от беззако́нник претерпе́ша, и пре́лесть и́дольскую упраздни́ша. Те́х моли́твами и на́с свободи́, Спа́се, от неви́димаго врага́, и спаси́ на́с.
Глас 2:И́же просвети́вый святы́я Твоя́ па́че зла́та, и просла́вивый преподо́бныя Твоя́ я́ко бла́г, от ни́хже умоле́н быва́я, христе́ Бо́же, жи́знь на́шу умири́, я́ко Человеколю́бец, и моли́тву испра́ви я́ко кади́ло, еди́не во святы́х почива́яй.
Светильны
Каноны
Други́й кано́н усо́пшым, глас 2 (основной)