Глас 3, среда
Краткое наименование:Вернуться назад
Октоих. Глас 3, Среда
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Кондаки
Стихиры на "Господи, возвах"
Глас 3:Тва́рь измени́ся, Сло́ве, распя́тием Твои́м, со́лнце лучи́ спря́та стра́хом, и хра́ма заве́са раздра́ся, и вся́к ве́рный спасе́ся. Те́мже сла́вим Твое́ безме́рное бога́тство.
И́же пло́ть на́шу за милосе́рдие восприи́м, Бо́г же и Влады́ка, на дре́ве пригвозди́ся, и вознесе́ ны низве́рженыя, возне́сся, те́лом, я́коже благоволи́, за благоутро́бие ми́лости.
Ка́плями богото́чныя кро́ве и воды́ возсозда́ся ми́р, пролия́нныя от ре́бр Твои́х, водо́ю у́бо омы́еши я́ко ще́др, все́х грехи́, Го́споди, кро́вию же проще́ние пи́шеши.
На одре́ слежя́ небреже́ния моего́, живота́ моего́ вре́мя ле́ностно сконча́х, и бою́ся исхо́да моего́ часа́: но Твое́ю моли́твою воздви́гнувши к покая́нию, спаси́ мя отрокови́це.
Боле́зни се́рдца моего́ Чи́стая исцели́, и уста́ви ума́ моего́ пре́лесть, и сподо́би чи́стым Тя́ воспева́ти се́рдцем, и испроси́ти благода́ть, и обрести́ ми́лость в де́нь су́дный.
Отложи́ смире́нная душе́ моя́, неудобоноси́мая бремена́ зло́бы, и приступи́ слезя́щи и вопию́щи: и́го, Чи́стая Де́во, сподо́би мя́ ле́гкое носи́ти Сы́на и Бо́га Твоего́.
Крестобогородичен,Ору́жие се́рдце Твое́ про́йде, Пречи́стая, егда́ Сы́на Твоего́ на Кресте́ ви́дела еси́, и вопия́ла еси́: не безча́дну Мя́ покажи́ Сы́не Мо́й и Бо́же Мо́й, соблюды́й Мя́ по рождестве́ Де́ву.
Стихиры на стиховне
Глас 3:Кресту́ Твоему́ покланя́юся, Христе́, честно́му, храни́телю ми́ра, спасе́нию на́с гре́шных, вели́кому очище́нию, похвале́ всея́ вселе́нныя.
Стих: К Тебе́ возведо́х о́чи мои́ живу́щему на небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дрит ны́.
Дре́во преслуша́ния ми́ру сме́рть прозябе́: дре́во же Креста́ живо́т и нетле́ние. Те́мже Ти́ покланя́емся распе́ншемуся Го́споду: да зна́менается на на́с све́т лица́ Твоего́.
Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, и уничиже́ния го́рдых.
Проро́цы, и апо́столи Христо́вы, и му́ченицы, научи́ша пе́ти Тро́ицу Единосу́щную, и просвети́ша язы́ки заблу́ждшыя, и о́бщники А́нгелом сотвори́ша сы́ны челове́ческия.
Крестобогородичен,На кресте́ Тя воздви́жена, Христе́ Мо́й, я́ко ви́де А́гница ро́ждшая Тя́ и Непоро́чная, и Ма́ти Твоя́, рыда́ше с пла́чем и вопия́ше: не покажи́ Мя безча́дну, Ю́же сохрани́л еси́ чи́сту и по рождестве́.
Стихиры на хвалитех
Седальны
Глас 3:Кре́ст водрузи́ся на земли́, и косну́ся небесе́: не я́ко дре́ву дося́гшу высоту́, но Тебе́ на не́м исполня́ющему вся́ческая: Го́споди, сла́ва Тебе́.
Глас 3:Зауши́выйся за ро́д челове́ческий, и не прогне́вавыйся, свободи́ из истле́ния живо́т на́ш, Го́споди, и спаси́ на́с.
Глас 3:Распя́тие и сме́рть прие́м, живо́т безсме́ртный источи́л еси́ на́м, Христе́ Спа́се, и от тли́ ми́р свободи́л еси́. Те́мже Твоя́ сла́вим, Жизнода́вче Человеколю́бче, стра́сти спаси́тельныя, и́миже вси́ спаса́емся, Честна́го Креста́ Твоего́ ми́р и непобеди́мое ору́жие иму́ще.
Светильны
Каноны
Кано́н Честно́му и Животворя́щему Кресту́, творе́ние Ио́сифово, глас 3 (основной)
И́н кано́н Пресвяте́й Богоро́дице, глас 3 (основной)