34 Глас 3, четверг

Глас 3, четверг

Краткое наименование:

Вернуться назад

Октоих. Глас 3, Четверг

Знак типикона: Вседневный
Праздник: святого


Чтения

На Утрени:

Апостол:

Евангелие:


Прокимен

Прокимен, глас :
Стих:


Аллилуарий

Аллилуарий, глас :
Стих:


Причастен


Тропари


Кондаки


Стихиры на "Господи, возвах"

Глас 3:

Моли́твами честны́х и Боже́ственных апо́стол Твои́х, Человеколю́бче Ще́дрый, Еди́не Ми́лостиве, смире́ние Твое́ пода́ждь рабо́м Твои́м, и спаси́ от бе́д воспева́ющих Тя́, и ве́рою покланя́ющихся.

Егда́ на престо́лех обоюна́десятих ся́дете со все́х Судие́ю, суди́ти вся́кой тва́ри: не осужде́на мя́ покажи́те, и тьмы́ и вся́каго томле́ния изба́вите благода́тели мои́, Боже́ственнии апо́столи.

От стре́л нечести́ваго изба́вите мя́, я́ко Бо́жии самови́дцы, угаша́юще его́ кова́рства: и ороси́те мя́ духо́вною росо́ю, ва́с молю́ му́дрии благода́тели мои́, Боже́ственнии апо́столи.

Уя́звен бы́х окая́нный змии́ным угрызе́нием, и лежу́ пове́ржен ме́ртв без дыха́ния: бо́дренною Твое́ю мольбо́ю возста́ви мя́ вско́ре, всеблаже́нне святи́телю, да сла́влю Твою́ скоропослушли́вую благода́ть.

Ума́ моего́ помрачи́вшася злы́ми помышле́ньми, и лежа́ща предви́дя, ника́коже престае́т ловле́ньми на мя́ льстивому́дрый: но я́ко Бо́г уще́дри и спаси́ мя, Никола́а моли́твами.

Вели́кое спасе́ние все́м на́м яви́лся еси́, Нико́лае преблаже́нне: избавля́еши бо вся́ческих бе́д и напа́стей рабы́ Твоя́, и искуше́ний и неду́гов и обстоя́ния, и враго́в неви́димых.

Богородичен,

Ве́лия чуде́с Твои́х, Чи́стая, си́ла: избавля́еши бо от бе́д, и спаса́еши от сме́рти, и восхища́еши от напа́стей ненача́емых, и ско́рби разреша́еши, и согреше́ния челове́ков оте́млеши.


Стихиры на стиховне

Глас 3:

Во всю́ зе́млю изы́де веща́ние ва́ше, святи́и апо́столи, и́дольскую пре́лесть разруши́сте, Богоразу́мие пропове́давше: се́ до́брый по́двиг ва́ш е́сть блаже́ннии. Сего́ ра́ди пое́м, и славосло́вим па́мяти ва́шя.

Стих: К Тебе́ возведо́х о́чи мои́, живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.

Живоно́снаго виногра́да су́ще ло́зие, сла́внии апо́столи, пло́д благоче́стия са́ми ся Бо́гу принесо́сте. Те́мже дерзнове́ние иму́ще к Нему́, проси́те дарова́ти ми́р, и ве́лию ми́лость душа́м на́шым.

Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих и уничиже́ния го́рдых.

Му́ченицы Твои́, Го́споди, ве́рою утве́рждшеся, и наде́ждею укре́пльшеся, любо́вию Креста́ Твоего́ душе́вно соедини́вшеся, вра́жие мучи́тельство разруши́ша: и улучи́вше венцы́, со Безпло́тными мо́лятся о душа́х на́ших.

Богородичен,

Вельми́ согреша́юща мя́, Отрокови́це, исхити́ вели́кою Твое́ю моли́твою пла́мене ну́жднаго: и испра́ви, Чи́стая, Твои́ми мольба́ми, ко спаси́тельным стезя́м наставля́ющи мя́, Ма́терними Твои́ми моли́твами.


Стихиры на хвалитех


Седальны

Глас 3:

Прииди́те вси́, апо́столы, восхва́лим я́ко ко́рмчыя: и́дольскую бо пре́лесть упраздни́ша, и к све́ту жи́зни возведо́ша, и в Тро́ицу ве́ровати научи́ша. Те́мже дне́сь па́мять и́х честну́ю соверша́юще, ве́рнии, сла́вим Христа́ Бо́га на́шего.

Глас 3:

Всю́ напои́ша зе́млю струя́ми апо́столи, Бо́жия сло́ва, и возрасте́ кла́с ве́ры, и концы́ вселе́нныя напо́лни: пле́велы бо вся́ посеко́ша. те́мже все́х Христу́ Бо́гу приведо́ша, креща́юще те́х в Тро́ицу несозда́нную.

Глас 3:

Апо́столы Твоя́, Христе́, в концы́ земны́я посла́л еси́, я́ко милосе́рд, я́ко изъощре́ныя си́льне стре́лы, закала́ющя вся́кое нече́стие и злосу́етствие, и насажда́ющя спаси́тельная уче́ния: те́х мольба́ми, Ще́дре, ми́р пода́ждь душа́м на́шым.


Светильны


Каноны

Кано́н святы́м апо́столом, творе́ние Феофа́ново, глас 3 (основной)

Други́й кано́н, Никола́ю Чудотво́рцу, творение Иосифово, глас 3 (основной)


Житие